اخبار الانتخابات في دمياط
انتخابات مجلس الشعب 2010 : الاعادة محتملة بنسبة 90% بين مرشحي دمياط وصراع الجبابرة بكفر سعد
مصريات
دمياط ــ لمعي ماضي:
بدت متغيرات كثيرة تظهر في انتخابات مجلس الشعب 2010 بمحافظة دمياط بصعود مرشحين وانخفاض شعبية آخرين وثبات البعض في جميع دوائر دمياط الأربعة رغم أن المحللين يؤكدون أن الاعادة في دوائر دمياط الأربعة بنسبة 90% ففي الدائرة الأولي بندر ومركز دمياط حيث تزايدت فرص ياسر الديب المرشح الوطني على مقعد “الفئات” وأصبح الأقوي من زميله مرشح الوطني سمير موسي وإن كان هناك منافسين من أبناء الوطني مستقلين تزايدت شعبيتهما ليكون أحدهما طرف في الإعادة وهما الدكتور أشرف العزب ورغم أنه طبيب بشري إلا أنه من رجال الأعمال وله خبرة في الاقتصاد والسياسة قد تؤهله نائباً في الدائرة ومعه أحمد الشعراوي رجل الأعمال ومن أبناء الوطني وأعلن خوضه انتخابات مجلس الشعب 2010 على مباديء الحزب الوطني.. على مقعد العمال المنافسة قوية بين أبناء الوطني محمود صيام المرشح الوحيد للوطني وسامي سليمان ابن الوطني وأحد القيادات بالحزب والذي يعتبر المرشح الثاني وهي منافسة قوية بين الطرفين قد تصل الى الاعادة بـ انتخابات مجلس الشعب 2010 في دمياط لوجود عدد كبير من مرشحين مجلس الشعب المستقلين وأحزاب المعارضة.
و اخبار الانتخابات في دمياط بالدائرة الثانية مركز كفر سعد صراع الجبابرة على المقعدين وإن كان هذا الصراع بين مرشحي الحزب الوطني حيث بدأ اللواء طيار محمد رفعت الجميل مرشح الوطني على مقعد الفئات ينطلق نحو القمة وسط تأييد كبير من أبناء كفر سعد لما يقدمه من خدمات في مشروعات عامة تهم الكبير والصغير لذا يري المراقبون أن هذا المقعد قد يحسم دون اعادة.. رغم وجود غريمه حمدى شلبي الذي قد يحدث مفاجأة بالوصول للاعادة في ظل التواجد والانتشار والتزايد في الشعبية لأيمن الهندي مرشح الحزب الناصري وهناك من يؤكد أن الهندي قد يصل للاعادة أمام الجميل.. على مقعد العمال صراع ثلاثي بين مرشحي الحزب الوطني فتح الله رخا وسمير التلباني وجلال الألفي والجميع أبناء الحزب ولهم تاريخ وخبرات فتح الله رخا يتقدم في الكثير من أنحاء الدائرة وأصبح دخوله الاعادة أكيد رغم إعلان مؤيديه أن فوزه أكيد من المرة الأولي وعلى الجانب الآخر جاء سمير التلباني أيوب انتخابات مجلس الشعب 2010 الذي حصل على الفرصة من قبل الوطني لذا يؤكد التلباني أنه الأقدر بالفوز لاثبات أنه الأحق منذ مدة وهو منافس قوي وثالثهما جلال الألفي النائب الحالى في محاولة للحفاظ على المقعد بالوصول للاعادة وهناك مستقلين من أبناء الوطني وهم محمود الحفني ابن قرية العباسية.
يا جماعه التركيز كلو على التلبانى لان كل الناس عوزاه وهو انسان خدوم وربنا ينجحه ونفرح بيه لانه ابن كفر الغاب قبل الوسطانى كمان[ومبروك يا عم سمير]..ناااااجح ناااجح يا تلبانى
الجميل وشلبى ربنا يولى من يصلح اما التلبانى رفيق العمر ان شاء الله ناجح والف مبروك لمركز كفر سعد بالتلبانى لانه فعلا واحد من الناس وقريب لقلوب الناس وحبيب البسطاء .
اللهم ولى من يصلح اى كان الاسم اوالشخص قال رسول الله صلى الله عليه وسلم خيركم خيركم لأهله صدق رسول الله صلى الله عليه وسلم
نؤيدك ومعك بكل الحب والاحترام نسال الله لك النجاح والتوفيق(فتح الله رخا)
مفيش غير الجميل الى ينفع السنانيه
الف الف مبروك يا جميل بس يا ريت توفى بوعودك وبعد خمس سنين هنتقابل فى المنازله هتفضل الجميل ولا هتبقى زى حمدى شلبى ابن المنازله
أنا في السعودية ومن الدورة اللي فاتت كان أبو كف بيقول هيعمل قناة للفلاحين ماشاء الله على العقلية الفذة يا جماعة مش نفاق والله بس أنا أعرف الكابتن رفعت راجل محترم وده الأهم وان شاء الله بالتوفيق
شكر خاص جدا الى مامور ونائب مامور كفر سعد جاسر بك الديب لانهم بصراحة ناس محترمة جداااااااا وبصراحة اللى عملوة امبارح ميتعملش وربنا يا رب يوفهم
العمدة هيفضل عمدة مهما دارت الايام والتلباني ان شاء الله كسبان والقمر يا قمرررررررررررر
ربنا يوفقك يا فتح الله وتكسب فى الاعادة
واحنا معاك على طول
اللي ينجح ينجح المهم تعالوا شوفوا ضرب النار اللي في كفر البطيخ تعالوا الحقوا الناس هتموت بعضها بسبب الانتخابات* الهم *والله كله زي بعضوا بس المهم الحقونا
مفيش حد يستاهل ينجح في الانتخابات لانه كله غش وتذوير واللي بجد يستاهل انه ينجح هو اللواء الطيار رفعت الجميل و بس
والله يا د نجاوى كل كفر سليمان بتحبك انا اول مره اشوف فى كفر سليمان الاقبال على مرشح كده كل الى اقدر اقولهولك هارد لك واعلم ان كفر سليمان كلها بتحبك
لا لا لا لحمدى شلبى
الف الف مبروك للواء رفعت الجميل واهلا بالناس المحترمين اهلا برجل الانجازات كفر سعد البلد كلها فرحانة بنجاحك ياجميل
مبروك الفوز الساحق لابن الروصة ( هشام عمارة ) عن دائرة فارسكور
والله معك يانجيب في الاعادة ان شاء الله
مبروك لواء طيار رفعت الجميل محمد عماره كفر سعد البلد
اعقلوا بقا وفكروا لو الجميل نجح هيعمل ايه هوا عايز ينجح مش علشان محتاج فلوس علشان الحصانه اللى تخليه يعرف يعدى حاجه من الميناء من غير سلام ولا كلام فكروا شويه وشغلوا عقلكوا ربنا معااااااااك ياحمدى نااااحج ان شاء الله
احنا معاك ياحمدى ياشلبى لاننا بنحبك ياميتو
بالتوفيق يا جميل وانا بقول كويس ان الجربان حمدى منجحش لانه كان هيتمر علينا اكتر ومش هيعمل حاجة لكن الجميل بيعمل من قبل ما يدخل الانتخابات اصلا وده اللى هيفيدنا لكن واحد بيتنك علينا يبقى هيعمل ايه
التلبانى رمز لطيبه القلب فمركز كفر سعد وانتصار الطبقه الفقيره فمواجهه الراسماليه المتفشيه فمحافظه دمياط
كلمه ماثوره عن ابن دمياط كانووو: لاحيله ف الرزق ولا شفاعه ف الموت . شكرا
شركه عصفور تهنىء اللواء الطيار رفعت الجميل على عضويه مجلس الشعب
وعنهم الحاج / حسن عصفور والمهندس / محمد عصفور
ربنا معاك ياتلباني
انا نزرت لل عزومه ازا نجحت وانا بقا لي يومين منمتش عاوز النتيجة
يارب تنجح ياتلباني ربنا معاك واحنا بندعي لك في السعوديه وقلبنا معاك سواء فزت او لم يحالفك الحظ ياتلباني يابو الرجال
أنها منهى الديمقراطية و شكراً لأصحاب الفكر الجديد من قيادات الحزب الوطنى الديمقراطى تحت قيادة الأب و الزعيم و القائد محمد حسنى مبارك و فتح الدوائر الإنتخابية لأبناء الحزب ذوى الشعبية الجارفة و أي منهم أبن الحزب الوطنى الديمقراطى و الناجح هو ممثلنا بالبرلمان عن الحزب الوطنى الحزب الحاكم
بالتوفيق إن شاء الله لجميع مرشحي الحزب الوطني
و أم الرضا لم يكن بها أي مشاكل و كان هناك حريه رأي
نبارك بكل الحب للأستاذ سمير التلبانى عمال رمز الحصان واللواء رفعت الجميل رمز القمر فئات بالعضويه وننتظر الانجازات لكى نخرص اعداء النجاح
والله انتم تعبين نفسكم علي الفاضي لان مافيه ولا واحد فيهم يصلح نهائي اولا سمير التلبانى دخل قبل كده وابتز المرشحيين السابقين واخد فلوس ودخل هذه المرة علشان مليون جنية ولكن ما لاقي فايدة الالفي بقى عنده 400 فدان ياحسرة فلوس اقاربة وقضايهم المزورة والتجارة بالفلوس المزورة حمدى شلبي من تجار المخدارات والكل عارف ده وتجارة النخل للخارج وتهريب الاثار الواء رفعت باشا انشا الله قانون من اين لك هذا غير تكبره علي البشرية النجاوى هبغرق كفر سليمان بالبرشام والحبوب المخدرة رغم كفر سليمان ايام الكفراوى كان بيخرج منها محفظى القران الكريم وعلماء الدين الان بتخرج حرامية المتوسكلات والحبوب المخدرة كونوا واقعين وما تضحكوش علي انفسكم ولا واحد يصلح فتح الله منع دخول الغاز كفرسعد لانه متعهد انابيب والله دى الحقيقة يا ناس ولا واحد يصلح منهم
الف الف مبروك ياكابتن رفعت لاانك فعلا تستحقه لانك الرجل السليم فى المكان السليم
كفاية ياناس شر الخمس سنين اللي فاتت كانت عجاف بس الجميل رجع ومعاه الخير
الحمد لله نصر اللواء رفعت الجميل وازاح عنا شر البلاء
يارب التلبانى والجيل ينجحوا بحبك جدا يا رفعت يا جميل
يارب ينجح رفعت الجميل سمير التلبانى
نعم نعم نعم لتطبيق شرع الله علي يد اي مسلم
ورفعت الجميل مكسر الدنيا بلخدمات والمشريع الى بيعملها وعربيات الاسعاف والمصانع الجديده ومسعده المرضى والمحتاجين وهو يستاهل النجاح اما حمدى شلبى عاوز يدخل عشان يدارى على الحجات الجانبيه الى بيعملها زى تجاره السلاح والهروين وحجات كتير
كل بقا البورى والبلطى ياحمدى انت ورجالتك وماتنساش تحبس بالشاى والله البلد دى ماجابت راجل (الركابيه والوسطانى) ارجع لاصلك يامعفن
والله يجمعا فتح الله رخا مكسر الدنيا فى كفر سعد البلد والتوفقيه وكفر البطيخ والسوالم ومناطق كتيره واكيد هينجح من الدرجه الاولى
شلبى قعد تحت القبه خمس سنين ناسى ان بيته مقفول فى وش الناس مفتكرش يفتحه غير قبل الانتخابات ؟!!! انا مش عاوزه اظلم الراجل جايز كان نيته يفتح بيته للناس اللى عاوزه خدمات بس مفتاح البيت كان ضايع خمس سنين وملقهوش غير فى بق سمكه البورى
شوفو ياناس ظلمتو الراجل طلع مفتاحه كان ضايع !!!!!!!! وعجبى
الى ايمن موافى :
حمدى شلبى فاتح بيته لمين ؟ هو معنى انه عزم انصاره على اكله بورى فى بيته فى الايام اللى قبل الانتخابات تطبيق لمبدأ اطعم الفم تستحى العين ده كده فاتح بيته للجميع؟!!!!!!!!!!!!
ألف مليون مبروك لك ياتلبانى ولدائرة كفرسعد و المهمة أصبحت ثقيلة أعانك الله
ياجماعه صوتنا ده مش فرصه من السما عشان نسترزق بيه ونبيعه للى يدفع صوتنا ده امانه ربنا هيحاسبك عليه اعطيته للى يخدم الناس ولا لا؟ صوتك ده مش ملكك لوحده ده بيحدد مصير مواطنى دايره كامله لو بعته لشخص وانت متاكده انه مش الافضل ومش هيخدم الناس هتتحاسب على كل شاب اتخرج من الجامعه وملقاش حد يوظفه هتتحاسب على كل محتاج او صاحب شكوى راح للنائب اللى نجحته وطلب منه خدمه وتخاذل عنه وكل مريض ملقاش حد يقدمله خدمه صحيه ده كله فى ميزانك
للامانه انا ليا اللى المس خدماته مش اللى اخد منه وعود ومشفوش غير كل 5 سنين ساعه الدعايه للدوره الجديده
انا ليا اللى يوظف شباب بلدى انا ليا اللى يبنى مدارس لولادى وولاد بلدى انا ليا اللى يقدم خدمات صحيه ليا ولاهلى
كل التحيه والتقدير لرفعت الجميل الشخص الخدوم ولن اقول النائب الخدوم لانه بيخدم الناس فعلا من غير ما يكون نائب
كل الشكر والتقدير للجميل ولسمير التلبانى الانسان المحترم واحترامى لكل الاراء المعارضه شكرا لكم
وانا هقول حاجه والله على ما اقول شهيد
رفعت الجميل بعد ما خسر الدوره اللى فاتت موقفش الخدمات اللى كان بيعملها واللى احتاجه فى حاجه متاخرش عليه مقلش مش انا سقطت خلو النائب اللى انتو انتخبتوه يخدمكو
واللى بيقول ان محدش بيعرف يوصل للجميل ده كلام مش مضبوط اللى عاوز يوصله هيوصله وبعدين مش زى حمدى شلبى اللى قفل تليفونه واتكبر على الناس بعد ما نجح الدوره اللى فاتت
عموما ان كان الاتنين لهم مصالح من ورا الانتخابات ولو حتى الاتنين وحشين فرفعت الجميل احسن الوحشين
بالمقارنه بالجميل هقول بكل امانه
رفعت الجميل موظف كتير من شباب دمياط
رفعت الجميل بنى كبارى ومدارس واسعاف وطول اللى 5 سنوات اللى نجح فيهم فى دوره 2000 كان بيوزع وجبات على الفقرا وفى رمضان اكل بيروح لحد البيوت دا غير النقل والمشروعات اللى بيعملها واللى بيحتاجه مش بيتاخر عنه
باختصار ياجماعه بدون تعصب بالورقه والقلم وبالعقل والمنطق انا لا حد دفعلى ولا ليا مصلحه شخصيه وخلاص الانتخابات خلصت والنتيجه ظهرت يعنى رأى مجرد كلمه حق
حمدى شلبى لما نجح فى الانتخابات الدوره اللى فاتت عمل ايه للدائره ؟ حد عرف يوصله بعد ما نجح؟
واللى طلعت روحه عشان يوصله معملوش حاجه وعود فى الفاضى لا عمل مدرسه ولا عمل مستشفى ولا عمل حاجه للبلد عموما
لكن ان كان عمل لناس معينين يبقى بيخدم مصالح شخصيه وليست عامه
حمدى شلبى مظهرش غير وقت الانتخابات وان كان له انجازات تذكر ماهى الا دعايه انتخابيه فى اخر شهور قبل الانتخابات
لكن السؤال كات فين سياده النائب السابق طول 5 سنوات قضاها تحت القبه باسم الشعب عمل ايه للشعب ياشعب؟ حد من الشعب يرد عليا
ههههههههههههه يعيش وياخد غيرها
مبروك مبروك يا شباب البدويهي بكفر الغاب فوز اللواء رفعت الجميل
يعني التنافس مش بس بيكون بين المرشحين التنافس الاكبر بين انصار المرشحين واكبر دليل في كفر الغاب
اللهم بلغنا السلام
الف الف مبروك للواء رفعت الجميل الفوز باكتساح
والف مبروك لعائلات البدويهي بكفر الغاب واقول لاخوانا موتوا بغيظكم( اللهم اجعل كيدهم في نحورهم ) وسلم لي على ابو داوود
ربنا معاك يا رخا
شكرا اهالى دائرة كفر سعد كها على المجهود العظيم للمرشحين جميعا و بصفة خاصة المكتسح فتح الله رخا ابن كفر سعد و كفر البطيخ
مبروك عليك يا كابتن رفعت و ان شاء الله التلباني ناجح لولا الارهاب اللي حصل من انصار فتح الله رخا