اخبار الرئيس مبارك
الرئيس مبارك : لن اهرب ابداً وساموت على ارض مصر
مصريات
بعد خطاب الرئيس مبارك لم تعلن اخبار الرئيس مبارك وخاصة بعد احداث ميدان التحرير و مظاهرات مصر الاخيرة وقراره بتعديل الدستور ونيته عدم الترشح مرة ثانية … واليوم نقلت جميع وسائل الاعلام اخبار الرئيس مبارك بعد الحوار مراسلة شبكة اي بي سي الامريكية كريستيان أمانبور وبعد احداث ميدان التحرير وتقصت من خلاله اخبار الرئيس مبارك ورد فعله على المظاهرات والاحتجاجات التي طالبت برحيله
وكان تعقيبها بعد حوارها معه هو قولها :
- عند مغادرتى للقصر الرئاسى بالقاهرة بعد لقاء دام ثلاثين دقيقة مع الرئيس مبارك، ذكر لى أنه قلق مما يجرى من أحداث العنف التى يشهدها ميدان التحرير خلال الأيام القليلة الماضية، ولكن حكومته لم تكن المسئولة عن هذا العنف، بل ألقى اللوم على جماعة الاخوان المسلمين، أحد الأحزاب المحظورة هنا فى مصر ، وأن الرئيس مبارك ذكر أن الملل أصابه من كونه رئيساً ويرغب فى مغادرة مكتبه الآن، ولكنه لا يستطيع خوفاً من أن تغرق البلاد فى الفوضى.
وبسؤاله الاعمال الدامية و العنف في احداث ميدان التحرير كان رد الرئيس مبارك ”
- أنا غير سعيد عما حدث بالأمس، ولا أحب أن أرى المصريين يقاتلون بعضهم البعض .
- وذكر الرئيس فى سؤال وجه إليه عما كان يفكر فيه حينما يرى الشعب موجها الإساءة إليه وينتظر رحيله قائلا: “لا أعير اهتماماً بما يقوله الناس عنى، ولكن فى الوقت الحالى أولى اهتماماً بشأن بلدى، فإن مصر كل ما يهمنى”.
وبسؤاله حول اخبار الرئيس مبارك بعد خطابه الاخير وكيف كان شعوره قال : أنه شعر بارتياح
اما في ظل تصاعد التوتر في مصر قالت المراسلة عن اخبار الرئيس مبارك :
- انه الان يظل فى القصر الرئاسى مع عائلته وحوله حراسة مسلحة مكثفة من الدبابات والأسلاك الشائكة، وكان ابنه جمال مشاركنا أثناء الحوار الذى كان معتقداً عنه بشكل كبير بأنه سيخلفه فى الرئاسة، وصرح مبارك بأنه لم يكن لديه النية أن يخلفه ابنه فى الرئاسة.
- وتعهد الرئيس مبارك بولائه لمصر، مضيفا أنه يستحيل أن يهرب وسوف يموت فى هذه الأرض، ودافع أيضا عن إرثه فى سرد الكثير من السنوات التى أمضاها فى خدمة بلده
- وفى القوت الذى وصف فيه الرئيس أوباما بالرجل العظيم، اضطرب عندما وجهت إليه سؤالاً عن شعوره بأن الولايات المتحدة قد خانته. وفى سؤال وجه إليه عند دعوات الولايات المتحدة غير المباشرة بالتنحى عاجلاً وليس وليس آجلاً رد قائلا: “أنا قلت للرئيس أوباما أنت لا تعلم ثقافة الشعب المصرى، ولا تدرك ما الذى قد يحدث إذا تنحيت الآن”.
- وأخيرا سألته كيف كان شعوره بنفسه؟ قال: “أشعر بالقوة ولن أهرب أبداً وسأموت على أرض مصر”.
- مستطردا بقوله: “لم أنوى الترشيح مرة أخرى، ولم أنوى أن يترشح جمال للرئاسة بعدى”.
بالنسبة للى بيقترح مين يترشح للرئاسة او مين اللى نحب نرشحه انا عن نفسى اتمنى ان يرشح عمر سليمان نفسه وذلك نظرا لخبرته العسكرية التى بيها يستطيع ان يتعامل مع العالم الخارجى او عمرو موسى برده كويس وليه خبرة كويسة . اما ترشيح ايمن نور او البرادعى ربنا ينتقم ويجعل كيده فى نحره طبعا مرفوض من اغلبية الشعب المصرى هو يعرف ايه عن سياية مصر عشان يرشح نفسه للرئاسة خالص يعنى عيلت بقى
الف سلامه ليك ياريسنا
انا بحبك ياريس مش متخيله ان المصريين هيقولوا حد الريس غيرك اصل انت عملت كتير لينا بس الفساد افسداللى قمت به من اعمال لم احد ينكرها واذا نكر يبقى قليل الاصل انا عايزة اقولك انت غالى علينا يا ريس شوارع كتيرة بتبكى عليك وحزينه على ما حدث وخروجك من الرياسه بهذا الشكل وحزينه اكتر واكتر على شباب ذى الورد لو انت ياريس اخدت بالك وحاربت الفساد ذى ما حربت فى اكتوبر ما كان اللى حصل حصل واخيرا بحبك ياريس وربنا يشفيك يا اغلى طيار
الف سلامه عليك يا ريس ويارب تقوم من الوعكه ده على خير ان شاء الله
ربناااااا يشفيك يارب يارب يارئيس حسنى مبارك ويارب مصر تكون بخير واقول لى اخواتناااا الشهداء الله يرحمهم ويصبر اهلهم امين امين اميين يارب العالمين بسم الله الرحمن الرحيم ياايتها النفس المطمئنة ارجعى الى ربك راضية مرضية فادخلى فى عبادى وادخلى جنتى صدق الله العظيم ونسالكم قراءة الفاتحة والدعاء لهم بالرحمة والمغفرة وان يسكنهم الله فسيح جناته برحمته
لو كان بإيدي أديلك عمر فوق عمرك وتمسك الرياسة تاني وتصلح الي عملته كونت اديتلك بحبك ياأغالي أب وربنا يغفرلك جنبتنا حروب خارجية ودلوقتي جنبتنا حروب خارجية
بحبك ياريس
لو كان بإيدي أديلك عمر فوق عمرك وتمسك الرياسه تاني وتصلح الي عملته كونت أديتلك بحبك ياأغالي أب ومسمحاك وربنا يسمحك ويغفرلك جنبتنا حروب خارجية ودلوقتي جنبتنا حروب داخليه
بحبك ياريس
انا واحد منس بحب حسني مبارك كشخص و ليس كرئيس دوله و انا اسف جدا علي اي اهانه تلحق بشخصه و لكن لكل المسيئين لماذا لم اري اي اهانه للسيده حرمه أو نجله و هم الاسباب الرئيسية لأكثرية الأحداث التي وصلت إليها البلاد
والله ياريس تل عمير ه والاحمديه والمعوضه كلها بتحبك
بحبك يابابا
ربنا يشفيك ياررررررررررررررب ويخليك ليايابابا
سلامتك ياريسنا الف سلامه ليك
اللهم ماطمينا عليك والله العظيم احنا حزنا وزعلانا عشانك اوى وبكنا ومتزعلش من الشباب الطيش انت احسن ريس فى العالم عيشتنا فى امان وسلام واستقرار من يوم ماسبتنا واحنا مش عايشين فى امان والله مانسنا فضلك علينا حتى واحنا فى الطريق للحج شيلت همنا وبعتلنا وجبات لينا الله يشفيك ياريسنا العزيز
انابنتك بنت مصر بحبك اوى ياأبويا وابو كل المصريين ومتزعلش مننا بس كله من الفاسدين اللى كانوا بيستغلوا منصبهم أنا بدعيلك دايما يارب تكون بخيرررررررررر بحبك ياريسنا وبجد انت ابوياوقلبى بيبكى عليك ياباباحسنى يارب تقوم بالسلامه لينا ياحبيبنا
سلامتك ياريسنا الف سلامه عليك بجد انا كنت هموت ورا خبر تنحيك وتعبك سلامتك بجد الف سلامه يارب ربنا يقومك بالسلامه ياريسنا وانا هفضل اقول عمرى كله نعم لمبارك لان محدش ينفع يكون مكانك فى يوم بنحبك ياريسنا
السلام عليكم ورحمه الله وبركاته
بعد التحيه ليك
نعم نعم ليك يا صاحب الطلعه الجويه ياريس انت بنسبالنا الاب الاكبر الحنون للشعب المصرى كله فى المده التى توليت فيها مصر كانت مصر فى امن وامان وسلامه وعشت عشان تتدافع عنها وعن شعبها وشبابها وياخساره على الناس اللى مش مقدرين قمتك يا ريسنا العظيم حضرتك يوم ماقررت بتحنى كانت يوم بنسبالى اصعب يوم مره فى حياتى كان ابى فقدته بجد كان قلبى بيبكى عليك ياريسنا ويارررررررررررررب تفضل بصحه وبسلامه ويعفو عنك ويشفيك ويرجعك لينا تانى بالسلامه وهتفضل بنسبالنا الرئيس العظيم اللى مينفعش حد يكون مكانك فى يوم يارب اسمع عنك اخبار بخير واتمنى كل من قال فى حقك شىء يرجع فيه ويعرف ان دا مكنش صح من الاول ومسرهم يندموا عليك ياريسنا
انا هقول ان مصر خصرت اب مش ممكن تعوضو ابدا رجل فية كل معانى الابوة الاى مش ممكن نعوضة ابدا ابا يخاف على تراب بلدا بشعبها ررجل احترمتو العالم اجمع رجل المواقف الصعبة رجل عرف ان مصر كلها فى محنة متخلش عنهم بلا وقف جمبهم فىمحنتهم اردو ان يزيلوه من بيته ولكنة كان اب اصيلن لم يخضع لتهديدات كان ممكنان يزل هؤلاء ولا كان خاف على ابناءة مثل اى اب يخاف على ابنة انا فخور لانى اتولد فى عهدك يا ابى يا ئيس جمهورية مصر العربية حتى ان تلفز انفاسى الاخير فى الحياة من كان يعتقد الاب الاى خلف غلطان احب اقول الاب الاى ربة وعلم وكبر ياريت تفهمو معنى كلامى
انا مصرية وعندى مشاكل كتير من اللى بيعانى منها الشباب والبطالة ولكنى حزنت جدا للطريقة التى خرج بها الرئيس لانه مهما كان عنده اخطاء فعمل لنا كتير وبعدين كل البلاد فيها مشاكل مش احنا وبش وعلى فكره ماتحلموش ان فى تغيير كبير حايحصل لأن ده حال الدنيا فى كل مكان فى الغنى والفقير فى الصادق والمنافق ولكن كل ما اقوله الف سلامه عليك ياريس
ربنا يعطيك الصحه ياريس ويخليك لمصر والدنيا كلها ولن ننساك , اسعد عبد الحي
ولا جمال عبد الناصر ولا السادات حسني مبارك حتي الممات
أنا بتاسف نيابة عن كل شعب مصر الذين يحبونك انت والدنا وحبيبنا والتاريخ سوف يحكى عنك بكل حب وعزة وافتخار من مسيرات اعتدتها لنا توشكى المترو وحاجات كثيرة لا حصر لها ولزوجتها المحترمة سوزان من معارض واشياء اخرى ونشكرك على 30 عام التى عشنها فى امان مع اولادنا انت الامان ورمز مصر العريق والله سوف يعطيك على قد عملك فانت عملت لنا الكثير ربنا يتم شفاك على الخير والذنب ليست ذنبك بل ذنب الخونه الذين كانه من خلفك حسبي الله ونعم الوكيل فكل من خانك***نفسى بجد اكلملك واقول لك اوع تزعل يا ريسنا لابد الطهر *****
وستظل في قلوبنا يا ريس ونحن ابنائك وطلعنا في الدنيا ولم نعرف غير حسني مبارك رئيسا لمصر
عشت لمصر وعشت مصر لكل المصرين
وربنا يعطيك الصحة وتكون مسشارا ومرجعا لكل المصرين في الحكم في الاعوام القادمه وربنا يوفقك
الشعب استعجل علي اسقاط الحكم وسيندم علي الرئيس حسني مبارك
اتمنا من الله ان يكمل شفائك على خير وانا فعلا بحبك يا ريس بس للاسف انت غلط بس نصر73 واسترداد طابا و30 سنة عيشتنا فى سلام يشفعلك عن ربنا ان شاء الله
مش حرام عليك تحكم مصر 30 سنة من غير ما يكون لك نائب 00 ده الزعيم عبد الناصر كان له ثلاثة نواب والسادات اختارك نائب له 0 اما انت فطول عمرك جبان تخاف من شخصية اي نائب يكون معك لانك بجوراه سوف تكون صفر على الشمال والله العظيم انا اعتقد انك جندى ممتاز تنفز التعليمات بدقةولكن انت لا تنفع نهائيا ان تكون قائد او رئيس فعلى مدار الثلاثون عام لم نرى لك موقف او قرار شجاع داخليا او خارجيا 00 ففى الداخل لم نسمع سوى اجيبلكم من اين واحنا كل سنه بنزيد فى عدد السكان والموارد قليلة 00هو ده كلامك طول مدة حكمك000طب ينفع تقول لجمال وعلاء اجيبلكم من اين طبعا لا لا مصر بطولها وعرضها لك ياجمال انت وعلاء0 خارجيا تنفيد تعليمات الغرب واسرائيل بالدقة 0سيناء خالية من اى بشر اومشاريع 0توابيت الموتى تاتى من عراق صدام حسين ولا كلامه 0مؤتمر قمة فى بغداد كنت فيه انت اضحوكه بين صدام والقدافى00المصرى يهان بالخارج وانت ولا حس ولاخبر حتى فى افريقيا تراجع دور مصر فى عهدك وربنا يستر على مياه النيل 0بكل تاكيد السادات لم يحسن اخنيارك ولك الله يامصر000
انا بكيت علشان هوة ما يستهلش من الشعب المصرى كدة ضيع عمرة علاشان مصر انا اسمى كمال الدمشيتى من المحلة وبقول كلمة حق وبشتغل باليومية على دراعى
انا معاك وبجد عيب اللي حصل دا المفروض من التحضر اللي هما بيقولو عليه ان الانسان ميفقدش اخلاقه واحترام الكبير مهما حصل والانسان بطبعه بيغلط وانا واثقه ان الرئيس مبارك استحاله كان يوافق ان اي حد يقتل مصري بيطالب بحقه وحرام نتهم حد من غير دليل ورينا يسامح اللي كان سبب في اللي حصل وسلامتك يا حبيبنا واستحاله هننساك لانك حاربت علشان حرية مصر وحريتنا وربنا معاك
حبيب الملايين
أناشد بإسم الوطن وبإسم السيد الرئيس محمد حسنى مبارك : الرئيس مبارك هو سبب الإنتصارات التى حدثت فى حرب أكتوبر هو الذى حقق النصر العظيم للأمة ومن عليها فانا اقول لكل مصرى شارك فى ثورة 25 يناير هذا الكلام ان هذا الرجل أعظم رئيس جمهورية رأته عينى لأننى تربيت فى ظله وتحت رعايته انك انت الرجل العظيم حقاً ليس فرعوناً وأقدم أسفى كاملآ بصوت المصريين والأمة كلها ومن عليها نحن نقدم كامل اسفنا إليك ونقول لك احنا اسفين ياريس وانا وأشقيقاتى نحبك جدا
ً ونريد أن نراك ونحضنك من القلب حبيبنا ياريس
بنحبك يا ريس وما تزعلش من شويه العيال دول كل مصر بتحبك ومش فاهمين ان مصر دلوقتى اصبحت مطمع لكل البلاد وديه مكيده معموله للبلد حسب الله ونعم الوكيل يا حبيب الملايين انا بحبك اكتر من ابويا والله العظيم انا محمد يحيي حربى من مركز مغاغه المنيا
كل اللى بيقول نعم انا بقوله كفايه نفاق وجهل احنا بقينا فى القاع اسالوا اللى سافر الخليج كلمة مصرى واللهى بقت شتيمه يعنى المصرى هناك لما يحب الخليجى يشتمو ما بيقولوش يا ابن كذا لاءه ده بيقوله يا مصرى ايام عبد الناصر والسادات كنا كده احنا قيمتنا بتقل ده لو لسه لينا قيمة اللى بيقول نعم لمبارك بدل ما تحب مبارك حب مصر وشوف مصلحتها فين حد يقدر من الناس اللى بتقول نعم ينكر تزوير الانتخابات وفساد الشرطه وبلطجة الحزب الوطنى وان الشخص المناسب مستحيل يتحط فى المكان المناسب وان كلها ماشيه بالكوسه والواسطه حد ينكر ان علماء مصر طفشو من عدم الاهتمام بالعلم والروتين وعدم التقدير وكلنا عارفين قصة احمد زويل لما حب يرجع ويعمل قاعدة علميه ومشاريع علميه تخلى مصر بلد متقدم وزى ما يكون الحكومة والرئيس عايزين البلد دى تفضل عايشه على الماعونه والاستيراد ونفضل طول عمرنا ورى هو ده اللى انت عايزة يا اللى بتقول نعم لمبارك انا مش مع الشتيمة وقلت الادب والاهانة للرئيس حسنى مبارك بس كفاية كده حرام بقى (وحسبى الله ونعم الوكيل فى كل منافق وكل جاهل مش فاهم حاجه وعايز الرئيس يكمل تانى فى الرئاسه لحد ما يخلص علينا )
تحياتى الى الرئيس العظيم حسنى مبارك انى احبك ولكن لقد اخطأت عندما تركت الأمور فى يد شلة فاسدة لك حبى وحترامى
على فكره بقى انا مكنتش ضدد الشباب المتظاهرين فى ميدان التحرير بس بصراحه اااااريس ياجماعه ميستهلش بعد المده دى كلها وبعد كل اللى عملوا عشان مصر فى حرب 6 اكتوبر
يخرخ بالطريقه دى دا المفروض كان يخرج معزز مكرم زى اى ريس الشعب مقدره ومقدر مجهوداته لكن زى مابيقولولوا لا تبكى على اللبن المسكوب واللى حصل حصل بقى وانا بهديلو زيل الشكر
اتمنى الا يكون شعب مصر ناكر الفضل فرب الاسرة يبدر منه الذى قد يرفضه باقى افراد اسرته لكن هذا لا يعنى انهم ينكروا فضله فما بالكم من رب اسرة كبيرة(دولة)
معلش ىا جماعه اعذرونى مره تانى عاوز اقول انه فى يوم عند بتاع فراخ و الله العظيم لقيت واحده غلبانه بتاخد ارجل الفراخ عشان تعمل بيها شوربه لولادها فين ده من الناس اللى فى مارينا و بورتو مارينا و لسان الوزرا معقول يكون فيه وزير كان اصله راقاص فى فرقه فنون شعبيه و مسؤل طبال فى فرقه مزيكا ياجماعه ده مش تصفيه حسابات بس حرااام عليكم تعيشوا فى وهم احنا اسفييين ومعلعش سيبوا الناس تحدد مصيرها كفايه 30سنه و كان لسه هاييجى جمال مبارك طيب فيه فى الدنيا مجلس شعب ييجى باتنخابات مفيهاش معارضه حتى فى جمهوريه الموز و دلوقت احمد عز المنظم للعمليه دى بكل براءه يقول انه بس كان بينظم المرحشين و مالوش دعوه اااااه يا مصر لكى الله
يا جماعه خلينا منطقيين مع احترامى للرئس السابق حسنى مبارك هل هو لوحده اللى عمل انتصار اكتوبر والا مئات اللف من جنود مصر لم يكن حسنى مبارك الا واحد من هؤلاء بالضبط زى اى واحد مننا بيشتغل فى عمله يعنى ادى وظيفته كمان نهب البلد و الفساد و احمد عز و التوريث اللى كلنا عارفينه هل من المعقول ان دوله زى مصر فيها 80 مليون مفيهاش الا جمال مبارك بالله عليكو حد من الجماعه اللى عماله تشكر و تعتذر يقوللى اييييه المواصفات اللى فى الشخص اللى اسمه جمال مبارك ممكن يخليه رئس لدوله فى حجم مصر هو نفسه مكانش ممكن يصدق انه يبقى رئيس لمصر طيب لو مبارك فيه الامانه كان ممكن يخللى واحد زي جمال مبارك يكون رئيس دوله لو هو مش ابنه يااااجماعه خليكو واقعيين و بلاش العواطف احنا ايوه شعب طيب لكن مش شعب اهبل انه واحد زى اسامه سرايا بتاع الاهرام ياخد مليون جنيه شهريا لمقالات تافهه يكتبها تمجيدا لحسنى وولده جمال يعنى اللى بيقرا له بس الرئيس و ابنه انا من زمان شايف انه كان فيه ورنشه و تلميع لجمال مبارك لما ابوه جابو من لندن لما كان شغال فى البنك و عمله و فصله حدوته لجنه السياسات وااله العظيم الحق لازم محاكمه و مساءله الناس دى اللى نهبوا بلدنا و افتكروها عزبه تورث و احنا العبيد فيها كفاكم ارجوكم حته بابا و اسفين مش عارف اسفيين على ايه
الرئس الغالى والله بحبك كلنا ومتزعلش من الزى حصل دى محنة وى هتعدى وهيبان حنبا لىك يا قائدنا ياعظيم
بجد احنا اسفين وربنا يقويك والة انت ارتحت وان شاء اللة ربنا هيجزيك خير والدنيا كلها زعلانة عشانك واللة يا ريس
يا ريس نحن 80 مليون بقوله نعم للمبارك جل انصر اكتوبر انا لست تبع الى اى حزب ولله كثير من اشباب بيحبك ياريس انت الاب الكبير اتمن من الله عز وجل ان يلبسك لباس اشفا ان شاء الله نعم نعم نعم نعم نعم نعم الى رمز بلدنا رمز مصر
احنا اسفين ياسيادة الرئيس ولادك واحفادك وبنحبك ومنقدرش علي بعدك بس كان فيه ظلم جامد من كل اللي كانوا حواليك واحنا بنطلب ان كل الناس دي تتحاسب الواقتي وكمان مره احنا اسفين ياريسنا الدمايطه بيحبوك
يار ب رسلتى توصلك
بنحبك بجد
الله يكون فى عونك ويشفيك يارب انت مصر يا ريس
ربنا يشفيك يامبارك . مش قادر اصدق الكلام الكتير دة . ولكن البلد شاخت وتهالكت وكان لابد من التجديد . لكن بكل احترام وادب نقول لك مع السلامة ايها الاب والرئيس . ودعواتك لمصر بالامان والسلام والازدهار انشاء الله. وربنا يشفيك
الف سلامه عليك ياريس هم جيل الفيس بك مين فيهم دخل الجيش ولايعرف الوطنيه ولايعرف تاريخ الزعيم حسني مبارك دول مرتزقه متفادين ذي الجيوانات وانا لايشرفنا الفخر بهم وسوف تعرفهم الايام والتاريخ انهم خسروا اعظم رئيس شويت الاطفال لكن الحق علي اجهزه الاعلام التي اسنقبلتهم وعملت منهم ابطال والعيل فيهم شحات وقاعد بعظمه الخيبين وانا لوقبلت عيل من العيال دول افعصه ذي الصرصارواللذين ماتوا بيعتبروهم شهداء علي ايه هم حرروا سيناء دافعوا علي الوطن وبكره يركب رئيس جديد يحكمهم الحديد والنار علشان عرف ان الشعب معندهوش ولاء لااحد وسوف تظل ياسياده الرئيس العظيم في قلوبنا حيا رغم انف الحاقدين
ربنامعاك والله يكون فى عونك
ربنا يحفظك يا ريس من كل سوء
. من الحاقدين . من كيد الكائدين . ناس اتربت على ايديك . كانت فين ايام ماكنت تحارب وتحمى البلد دى من اعدائها . هى الى جاية دلوقت تقول انها اقوى واقوى . يا قوى يارب! حافظوا عليها بس قد ما هو حافظ عليها احموها من الشر الى متربص لها . انا منكم وزيكم عندى 30سنة . لا انتمى الى شخص او حزب او فيس بوك او تويتر لان الحاجات دى جات فى عهد مين ! 30 سنه طاب انتو كنتوا فين ؟ لما حصل دة كلة قدام عينيكوا …………. الشر من عتد انفستا نحن يا بتوع الفيس بوك . الفساد . المحسوبية . الرشوة . يا مبارك ربنا يباركلك ويعطيك الصحة ويعفى عنك ………………..احنا كنا فى امان معاك . نعم كلمة حق ايوة حق لرجل عظيم وقائد حكيم مثلك . ربنا يكرمنا ويرزقنا بس واحد مثلك
الله الله ….الله الله …نفسى بش تموت الا لما ربنا ينتقم منك فى الدنيا قبل الاخرة …….40% من الشعب تحت خط الفقر ..وانت والا هنا ………..كفاية الحصار 1.5 مليون دخل غزة بيموتوا من الجوع اقول اية والا اية …..مصائبك كثيرة ….حتورح من ربنا فين ربنا ونتقم
روح ومسمحة ادب ومصالحة صافى القلب يا كفر مصلحة
مش متكبر ولا متجبر هادى وابسط خلق الله
عشان كدا احنا اخترناه
ريسنا ريسنا ده بجد احساسنا ماانت الى قلبك علينا وديما رافع راسنا ده معاك عمرنا ما نخاف وحبناك اضعااااااااااف رئيس واب وقلب كبير ارادة صلبة وعمره ماخاف
ربنا يشفيكى يا ريس يا حبيبى فانا احبك جدااااااااااااااااااااااااااااااااااااااااااااااااااااا
اسال الله العلى العظيم ان يشفيه ويعافيه ويعفو عنه
ستظل القائد العظيم ولم ينسى احد انجازات ابدااااا فانت قدمت لمصر كتير جدااااااااااااااااااااااااااا
وتستحق كل تقدير واحترام
واتمنى ان اراك وابوسك واشكرك
مبارك السلام والامن والامان نعم اوجدلناالامن والسلام الذى افتقدناة جميعا انااحترم ثورة25ينايرواقدرهاجداجداجدالانهاجعلتنانشعركانناولدنامن جديداراحت فى نفسى الاطمانان على مستقبل اولادى الذى كنت اخاف عليهم من المجهول القادم ولكن لى عتاب شديداللهجةعلى من كانويكتبون شعارات جارحة ضدالسيدالرئس محمدحسنى مبارك هذة الشعارات افزعتنى جداجداجدا لاتهالاتخرج من شباب قام بثورة بيضاءينادى بالديمقراطية كانت هذة الشعارات الجارحة التى المت الرئيس مبارك جدا والتي شعرت بها ايضاكانها موجة الى كل مصرى فدعونالاننسى محمدحسنى مبارك الاب الحنون الزعيم واخركلامى حسبى اللة ونعم الوكيل فيك يا جمال مبارك واحمدعز وصفوت الشريف وكل انسان من المسئولين فى النظام اساؤ الى الاب الحنون محمدحسنى مبارك قائدالحرب والسلام الذى قال سوف اموت وادفن فى مصر
معلومة انالاانتمى لاى حزب انما انتمائى لمصرالحبيبة