اخبار كادر الاداريين 2010
احمد زكي بدر : الوزارة تدرس كادر الاداريين 2010 والمدرسين اولى
مصريات
محمد الفل
حول اخبار كادر الاداريين 2010 أكد وزير التعليم أنه لا أحد ضد مصلحة الاداريين أو الاخصائيين أو المعلمين ولكن في حدود الإمكانيات المتاحة مشددا على عدم الجمع بين كادر الاداريين وحافز ال 75% الخاص بالإدارات المحلية.
أضاف أن من يحصل على الكادر لا يسري عليه أي زيادات أخرى. وأن الوزارة تدرس حاليا كادر الاداريين مشيرا الى أن الكادر في الأساس خاص بالمدرسين لأنهم يعملون في وزارة التربية والتعليم فقط بينما الإداريون يعمل نظراؤهم من وزارات أخرى وبالطبع لابد من مساواتهم جميعا والحكومة تدرس حاليا حل هذه المعضلة..
أشار الوزير الى أن المدرسين الحاصلين على درجات علمية أعلى مثل الدكتوراة والماجستير ستتم الاستفادة منهم في إدارة المدارس بشرط اجتياز الاختبارات والحصول على الدورات التدريبية اللازمة مؤكدا أن هناك من الحاصلين على الدكتوراة والماجستير ولا يستطيعون إدارة مدارسهم وبعضهم همه الأكبر البحث العلمي وليس الإدارة.. شدد على حسن المعاملة بين المدرسين والطلاب وأن يكون للمدرس هيبته ووقاره وأعلن رفضه لكافة أشكال العنف في المدارس سواء من المدرسين والطلاب أو بين المدرسين بعضهم البعض وأنه سوف يتم اتخاذ إجراءات عقابية صارمة لمواجهة العنف في المدارس.. وصف وزير التعليم وفاة 3 طلاب منذ توليه مهام الوزارة بأن المعتدين “لم يتم تربيتهم” وهم نسبة لا تذكر من بين 17 مليون طالب وطالبة على مستوي الجمهورية وأن هذا لا يعني أننا غير مسئولين لأن علينا دورا في التربية ولابد أن يكتمل بدور الأسرة.
الا تعلموا ان للظلم نهاية وكانت نهاية احمد زكى لم يستكمل عام واحد فى الوزارة وراح فى داهية
فين ياجماعة حافز الاثابة للاخوة ادارى التعليم ومنهم امناء المعامل الذين يشاركون فى العملية التعليمية ولم يحصلوا على كادر او بدل اثابة او ال 50% مثل المحليات 0
اعطى الفلوس للظالم يوسف بطرس غالى وضيعهم بطريقته القذرة زى ماضيع فلوس التامينات والمعاشات حسبى الله ونعم الوكيل
حرام عليك يا ظالم لما تكون خدمتى 24 سنه و مرتبى بالحوافز 500 جنيه و عندى 3 اولاد فى الثانويه العامه و الجامعه حسبى الله و نعم الوكيل و هتمشى قريب ان شاء الله و هنكسر وراك زير0000000000000
حرام عليك
انت وزير مرتبك كام ولو بتبص على مرتبات الاداريين تعرف الكلام ده
اكيد انت تعلم كم مرتب الادارى لا يكفى لاسبوع
المفروض ان تترك الوزاره
لانك لا تنفع غفير
فين الكادر أنا مدرس عائد من السفر منذ عام ومفيش أى كلام عن الكادر هو خلاص سافرنا وبذلك ليس لنا حق فى الكادر عليكم من الله ماتستحقوا يا ظلمة أنا مصرى وأبويا مصرى وشربت من نيلها وكمان مرة عليكم من الله ما تستحقوا وأخيرا مفيش غير يااا رب
فيه حاجه نسيت اقولها لو سمحتم البهوات في الادارات التعليميه هم المفروض يتكلموا بدل منا وهم اليقدروا يجيبوا لنا حقنا ولكن لانهم ماتفرقش معاهم مكبرين دماغهم لانهم كل مناسبه بنصرف ليهم شهر اضافي مع المرتب في العيد الصغير والكبير والمولد النبوي وهكذا لدرجه انهم رفضوا صرف نسبه الخمسين في المائه من وفورات المدريات لانهم لو صرفوها الوفرات هتخلص وهيبطلوا صرف شهور اضافيه كله بيدور علي مصلحته بس والمطحون هو اداري وعامل المدارس مرتبه مفيش غيره ولا يعرف يجيب فلوس من اي مكان اما بتوع الاداره فليهم سكك تانيه كتير زي تصوير الورق وحاجات كتير جدا غير الشهور الاضافيه نعمل ايه بس نفسي حد يعرفني حسبي الله ونعم الوكيل في الرئيس ورئيس مجلس الوزراء ووزير الماليه ووزير التربيه والتعليم يارب انا مش طالب منك غير زلزال يهدم البلد كلها
والله العظيم حرام عليكم 12 سنه شغل ومرتب 500 جنيه بالحوافز يكفوا ايه ولا ايه ولا ايه نفسي اي زفت مسؤل في الدوله يوزعهم لي علي اب وام و3 اولاد بس ثانوي واعدادي وابتدائي ببساطه ومن غير تفكير كلهم لدروس الكبير في الثانوي وسلم لي علي الوزير اقسم بالله العظيم من بعد قرار الكادر للمدرسين وانا فقدت الانتماء للبلد ولو اعرف اسافر اسرائيل كنت سافرت منتهي العذاب انك تحس بالظلم مرتبي قبل الكادر كان اكبر من مدرسين كتير دلوقتي كلهم عدوا الالف جنيه نفسي السيد المسؤل يقولي ينفع اداري ميعملش شغله اليومي او الشهري طبعا لا لان الشغل مرتبط ببعضه من شؤن طلاب لشؤون عاملين لصادر ووارد لمخازن لاستماره مرتبات لصرف مرتبات وتوزيعها واعمال كتيره غيرها اما السيد المحترم المدرس لو دخل الفصل و نام او جلس وطبعا دول كتير جدا هل ستتوقف العمليه التعليميه فالله عليكم حد يجواب واخيرا حسبي الله ونعم الوكيل
حسبا الله ونعم الوكيل فى الكان السبب 50% اتحرمنا منها والاسابة كمان نعمل اية البقاء لله فى المواطن المصرى المعدوم الدخل المذكور فى المحافل الدولية دائما.
لكم الله يا عمال التربية والتعليم نظافة وحراسة وعهدة 286 جنيها فقط لاغير شهريا سكن ومشرب وكساء حسب الله ونعم الوكيل هى دى الحياة الجديدة للمحدودى الدخل الله يصبرنا.
ياخساره عليكي يابلد الوزاره مش عارفه تقرر مصير الاداريين من 3سنوات وحرماهم من حقهم في ال50% امال لو قامت حرب مين حيدافع عنك يابلد والله مفيش غير المحروميين هم اللي حيشيلو الطين
يااااااااااااااااااااااااااااااااااااا رب
يا اخت ياسمين انا فنى وبلاحظ وبصحح وبادخل الفصل وبدرس ومعايه 30 حصه وماسك التطوير والوسائل التعليمية والنظافة المدرسيه والصيانه وشغال بقالى 11 سنه وباخد 330 جنيه وبصرف على 10 افراد والله العظيم حتى انى مقرب اشحت وتقليلى مدرسين واداريين ***
حسبنا الله ونعم الوكيل
ردا على الاخت ياسمين انت اكيد فهمه الموضوع خطأ ممكن اعرف انتى مدرسة ايه بالضبط عشان اعرف انتى مطحونه فى ايه بالضبط انتى اكيد طبعا مش مطحونه فى المدرسة انتى مطحونه س خ يعنى مفيش طالب بيخرج من الحصة اللى وهو فاهم الدرس اتحداكى مكنش يبقى فى الدورس الخصوصية اللى اكل فلوس الغلاب واجبر الطلبة على الدورس انتى بتكلمى على زيادة الاداريين ان مش حقهم وزعلان على انهم بياخذوا مكافاة الامتحانات اخوتى المدرسين ملوك الدورس الخصوصية ياريت نعرف او احنا عارفين فلوس الدورس اكتر ام الكادر؟حب لاخيك ما تحب لنفسك عشان تتدخلى الجنهsorryانتى فاكر ان المدرس مطحونه احنا عارفين كويس جدا المدرس مطحونه فى ايه احنا منظومة تعليم واحدة وعارفين المدرس تعبان فى ايه وحسبى الله ونعم الوكيل فى كل ظالم
اناخلف جمعة علي محمد اعمل مشرف وسائل تعليمية بمدرسة عربان الشيخ مسعود الابتدائية ادارة العدوة التعليمية محافظة المنيا ومنذ التعيين في 30/6/1989 وانا اقوم بتدريس مادة الدراسات الاجتماعية وقد اجتزت عدة دورات تدريبية في كيفية تدريس المادة وقد نلت اعجاب رؤسائي وموجهي المادة في طريق تدريس المادة وقد تقدمت لاختبار الكادر في اغسطس 2008 واجتزت الاختبار بتفوق وكنت اصرف50% بدل اعتماد وتم وقف الصرف من شهر
يونيو 2009 والي جانب ذلك اقوم بعمل اخصائي تكنولوجيا من عام 1999 فهل يعقل بعد 21 سنة عمل في الوزارة يكون المرتب 460 جنية +71 حوافز يعني المرتب 531 جنية
الرجاء من السادة المسئولين النظر بعين العطف لمشرفي الانشطة حتي يستعيد المشرف نشاطه مرة اخري ولسيادتكم جزيل الشكر وعظيم الاحترام
السيد وزير التربيه والتعليم لما انت زرت بعض المدارس ولقيتها زى الهباب ونقلت المدير واخرين تعالى ياوزير التعليم وادخل الامتحانات الشهادة الاعداديه تلاقى الغش بقى حاجه طبيعيه وان النتيجه لما تطلع منخفضه بيحولوا المدرسيين ولما تطاع النتيجه مرتفعه مديلر الادارة بيفرح علشان تلك الجان قامت بدولرها فى الغش للطلاب واقولك على حاجه اذهب الى طلاب الثانويه الصناعيه والتجاريه وغيرها واسال اى طالب وامليه املاء اوقوله اقرا او اكتب تلاقيه لاحول له ولا قوله لايغرف يقرا ولا يكتب انا ياسيبادة الوزير اعمل بالتربيه والتعليم وماسك اللجنه القانونيه لمراقبه المشاكل والله العظيم وكان معى مدير عام الادارة التعليميه واستاذ طالع من اللجنه بيصور اجابات علشان الطلاب يعرفوا يكتبوة وانا بنفسى اشوف كل حاجه واقول تعال ياوزير التربيه والتعليم شوف وانا من الاداريين المحوميين من حافز الاثابه ال75%ياراجل نفسى وزير يطاع يقول الحقيقه ويكون عندة ضمير ويراقب الله ياسيادة الوزير ان كانت عندى مناسبه وعزمت مدير الادارة والوكيل وبعض الزملاء معى فى القسم واحنا طالعين العمارة مكناشى عارفيين نطلع من الطلبه الللذين ياخذون الدرس ولا عمل حاجه مدير الادارة انت بتقول المدرسين احق بالحافز ياراجل حرام عليك يمكن انت عندك اقارب مدرسيين اصل الحكايه خربانه طالما فيه بعض الوزراء مثلك عمر مصر ماتتقدم اتقى الله فى عملك واتكلم الحقيقه لو انت عايز تشوف بنفسل هذا الكلام انا مستعد اوريك حقيقه مقلته لكم وانا مستعد لذلك ولو اتفصل من العمل فداء للحقيقه ولاجل رفعه مصر
انا حاصل علي دبلوم معلمين ازهري 2000 وبعمل اداري ولي حاصل علي دبلوم زراعه بيشتغل مدرس( ومن هنا يبدا الحديث وتذكروا قول رسول الله ص )اذا اسندا الامر لغير اهله فاتظروا الساعه _يعني بالعربي كده القيامه قربت تقوم لطالم ان الي حاصل الان ياساده اني مفيش حد في مكانه للمدير ينفع مدير ولا الوزير يستحق غفير وبالنسبه للمدرسين الحاقدين دولا نقول ايه اخر زمن وهو لو فيه تدريس كان بقي دا حالنا المدرس يتعب فيا لمراقبه ياعيني في الامتحنات وفي النهايه يدخل الكنترول بقلم ازرق علي شان مينكشفش امر ويداري علي خبت الكبيره لاني لو متعملشي كده الكل حيعيد السنه من جديد
حسبى الله ونعم الوكيل على الظلمة
حب اوجه كلمه للسيد معالي وزير التربيه والتعليمك ووزير الماليه بان الشغل داخل المدرسه مقسم علي الاداري والعامل والمدرس وكل وظيفه وليها دورها في خدمة التعليم وكل موظف سواء كان اداري ولا عامل او مدرس الكلي سواء بيقوم بدوره علي اكمل وجه نحو خدمة التعليم وليس من المعقول التفرقه بين اداري او عامل او مدرس لان الغلاء المستمر يعم علي الكلي سواء بسواء انا اداري ومرتبي + الحوافز 362.40 واب لاسره مكونه من زوجه وام وثلاث ابناء فهل من المعقول ان هذا الراتب يكفي متطلبات الحياه في اقل الحدود يراجل دا مش بيكفو اكل عيش حاف بدون غموس يعني ربنا الوحيد ال يعلم اني عايش الزي انا واللاف من الموظفين ال زي كدا وخصوصا اني معوق ولم استطيع ان اعمل في اي شئ اخر غير الوظيفه نسأل الله عز وجل بان لا يتحكم فينا من لا يعلم بحالنا واتقو الله في اعمالكم وقراراتكم التي اصبحت في حكم الاعدام لينا لانه باختصار من يوم ماصدرتم قرار بالكادر للمعلم والغلاء ارتفع بطريقه لم يحتملها بشر يمكن لو مكنش قرار زي دا حصل كان فضل الحال علي ماهو عليه وكانت الاسعار لم ترتفع بهذه الصوره وانا عن نفسي باقترح انكم تلغو المرتبات نهائيا وتصرفو انتو علي البيت يعني تجيبو الاكل والشرب والملبس ويريت متنسوش فاتوره الكهربه والميه واوعو تنسو العلاج كدا هيكون افضل هو الواحد عايز ايه غير انه ياكل وياكل الاسره ومش شرط لحمه طبيعي انا واسرتي نسناها ومش فاكرين غير ان فيه حاجه اسمها لحوم وكفايه انكو تجيبوها مره في الشهر كدا رضا اوي اوي وسلامي يا معالي الوزير
نحن الادارين وامناء المعامل عاملين زى حمار العنب شايل ومحروم وحسبنا الله ونعم الوكيل
لابد انصاف الاداريين يسيادة الوزير حتى يعملوا وهناك نفس راضية ولايكون هناك تفرقة كل على قدر مسئوليته يحصل على المقابل الخاص به والمدرس بدون الادارى لايعمل فهى عملية تكملية لكل منهما واحنا اصحاب بيوت ياسيادة الوزير
سياده الوزير ياريت تحارب الدوس الخصوصيه فى المداس بدلا من محاربه الادارين فى 50%
اسمحو ينلى الوزير الى ميعرفش قيمة العامل مش الادارى فى الوزارة يبقى علية العوضومحدش ينتظر منة خير وشكراا
رد علي الاخت ياسمين ال بتقول ان الاداريين بالمدارس ملهمش حق وبياخدو مكافات الامتحانات طيب ياخت ياسمين هو المدرس مش بياخد مكافات الامتحانات وكمان بخصوص الملاحظه في الامتحانات والتصحيح مهو بياخد عليها اجر برده وبياخد مكافات الامتحانات زي الاداري مع ان لو نظرنا لشغل الاداري فهو اكثر من المدرس في الامتحانات هو ال شايل شغلها بالكامل وكل شغل الامتحانات فوق عاتق الاداري مش الملاحظ الاداري هو ال بينسق الطلاب وكشوف مناداه وارقام جلوس وترتيب اللجان واللف علي طلبات اللجان سواء كان للطلاب او للملاحظ تعالي بقه قليلي انتي بتعملي ايه في اللجنه غير انك قاعده علي اول تخته جلوس تملي الطلاب ال بياخدو دروس عندك او عند حد من اصحابك الامتحان واخر المدرس في اللجنه انه يقعد يشرب شاي وبالنسبه لليوم الدراسي قاعد في الفصل نايم طول الحصه من التعب في البيت والدروس الخصوصية عندك حق هتلاحق علي شغل الدروس ولا الحصه في الفصل طبعا الاولي الدروس الخصوصية لانه بيعود عليه بالخير الكتير واخير احب اوجه كلمه للسيد معالي وزير التربيه والتعليمك ووزير الماليه بان الشغل داخل المدرسه مقسم علي الاداري والعامل والمدرس وكل وظيفه وليها دورها في خدمة التعليم وكل موظف سواء كان اداري ولا عامل او مدرس الكلي سواء بيقوم بدوره علي اكمل وجه نحو خدمة التعليم وليس من المعقول التفرقه بين اداري او عامل او مدرس لان الغلاء المستمر يعم علي الكلي سواء بسواء انا اداري ومرتبي + الحوافز 362.40 واب لاسره مكونه من زوجه وام وثلاث ابناء فهل من المعقول ان هذا الراتب يكفي متطلبات الحياه في اقل الحدود يراجل دا مش بيكفو اكل عيش حاف بدون غموس يعني ربنا الوحيد ال يعلم اني عايش الزي انا واللاف من الموظفين ال زي كدا وخصوصا اني معوق ولم استطيع ان اعمل في اي شئ اخر غير الوظيفه نسأل الله عز وجل بان لا يتحكم فينا من لا يعلم بحالنا واتقو الله في اعمالكم وقراراتكم التي اصبحت في حكم الاعدام لينا لانه باختصار من يوم ماصدرتم قرار بالكادر للمعلم والغلاء ارتفع بطريقه لم يحتملها بشر يمكن لو مكنش قرار زي دا حصل كان فضل الحال علي ماهو عليه وكانت الاسعار لم ترتفع بهذه الصوره وانا عن نفسي باقترح انكم تلغو المرتبات نهائيا وتصرفو انتو علي البيت يعني تجيبو الاكل والشرب والملبس ويريت متنسوش فاتوره الكهربه والميه واوعو تنسو العلاج كدا هيكون افضل هو الواحد عايز ايه غير انه ياكل وياكل الاسره ومش شرط لحمه طبيعي انا واسرتي نسناها ومش فاكرين غير ان فيه حاجه اسمها لحوم وكفايه انكو تجيبوها مره في الشهر كدا رضا اوي اوي وسلامي يا معالي الوزير
نحنو امناء معامل العلوم و كمبيوتر وزراعه قد حرمنا من كادر المعلمين وقالوا اننا اداريون ونحنو فنيون ومشتركين في نقابة المعلمين واعطوا الكادر لجميع العاملين في التربيه والتعليم معادا امناء المعامل ارجوا ان ترفعوا الظلم عنا
أريد أميل شخصى للسيد الوزير أطمئن الى أنه سيقرأبنفسه ما يرسل اليه
أريد مراقبة كافية لما يحدث فى التوجيه بالمديريات من ظلم للمدرس
هل يحق للموجهات بالمديريات والإدارات التعليمية أخذ الكادر مثل المدرس الشقيان فى المدرسة
الاخت اللى حاقدة على الاداريين انهم بياخدوا المكافاة المدرس بياخد كادر وبدل اعتماد غير الدروس الخصوصية اشبعوا وياريت ربنا يبارك لكم فى فلوسكم كل ولى امر بيديكم قرش بيدعى عليكم بيهاويارتها قرش دة من الجشع بقيتكم بتعملوا شهر الامتحان بشهرين ياريت تسيبوا الاداريين فى حالها الادارى هو اللى بيعملكم مرتباتكم ياريت الفلوس زى ما عمت عنيكم ما تعميش قلبكم كلنا عايشين فى بلد واحدة وما تحبه لنفسك حبه لغيرك
اناياوزير عامل بئبد 277ج اكلى عيالى
سيادة الوزير اما يقول أن الاداري له نظير في الوزارات الاخري طيب المشرف ليس له نظير في الوزارات الاخري وايه الفرق بين المشرف الاجتماعي الذي حصل علي الكادر ومشرف النشاط التربوي الذي حرم من الكادر بالرغم من أننا أقرب كتير في التعامل مع التلميذ في المسابقات مثل الالقاء والمسرح والمكتبات والصحافة وغيرها من الانشطة
نرجو الرحمه بنا يا وزير التربية والتعليم في ذكري وفاة المرحوم الكادر في 1/6/2010 مرور عام علي الحرمان بعد العطاء
نقول حتتعدل هم الهكسوس حكموا مصر كام سنه*موطن من شعب مصر المحتل 2010 كل كادر وانت طيبين
ياريت الريس يفرحنا يوم عيد العمال ويدينا ال50 % حافز الاداريين فى التربيه والتعليم —— والنعمه الشريفه حارجع احب الحزب الوطنى تانى —– دا انت تبقى ميه ميه ياريس زى عوايدك مع شعبك اللى بيحبك —–
ياسيادة الوزير ابنك او بنتك بتاخد مصاريف كام فى الشهر اقل تقدير فى نظرى 50جنيه يوميا اى 1500جنيه شهريا هذا مصروف جيب زى مابيقولو اتقى الله فينا ياسيادة الوزير اعمل مشرف بالوزارة منذ 23 عاما ومرتبى 528 جنيه وعندى 5اولاد منهم فى الثانوية ومنهم فى الامراحل الاخرى وتشيلو ال50% وتحرمونا من الكادر اتى الله فينا ياسيادة الوزير ؟ اتقى الله فينا ياسيادة الوزير ؟ اتقى الله فينا ياسيادة الوزير ؟انت راع ومسئول عنا وسوف تسأل يوم القيامة ؟؟؟؟؟؟؟؟؟؟؟؟؟
والله حرام لما يبقى كيلو اللحمه 60جنيه وباقي الاكل باتمان مغريه ومرتب الاداري 450طول الشهر نشتغل 20سنه عشان في الاخر تقولولنا معلش نجيب لحمه ولا نجيب ايه والله وانا بحلف ان الرغيف المدعم سخطوه والاسعار دي في بلد ارياف قولنا جاوب علينا لو انتا مكنا هتقدر بطلب تنظر لينا وعلى غلاء المجتمع مبنطلبش كتير لما الواحد شغله في بلد تانيه يجيب منين فلوس مواصلات ولا اكل ولا مصاريف عيال حاول تنظرلها ياسيادة الوزير وانا راضيه بحكمك
ارجو يا سياده الوزير اعطاء الاداريين الكادر الخاص بهم لانهم بيشتغلوا فى وزاره التربيه والتعليم وحرام
التفرقه بينهم وبين المدرسين لان الغلاء عام على الكل وانا اخذ مرتب 345 جنيها شهريا يعملوا ايه فى ظل هذا الغلاء مع ان المدرس يتقاضى 1000جنيها كل شهر فين المساواه يا سياده الوزير ارجو النظر بعين العطف للاداريين
اذا كان المدرس من حقه الكادر الخاص به ويحسب له وقوفه على قدميه فى الفصل واعمال الامتحانات فمن حق الادارى ايضا الكادر فهو ايضا يعمل بالادارة المدرسية واعمال اليوميات للطلاب وايضا يعمل باعمال الامتحانات من كنترول داخلى لللجان واعمال امتحانات حتى استخراج الشهادات اخر العام الدراسى والاستمرار فى عمله الى ساعات متاخرة من اليوم الدراسى للمناوبة على الاستمرار فى التميز حتى عمل الاستمارات لطلاب الدبلوم بعد كل ذلك هل من المفروض ان لا يكافاء على عمله بمقساس المعلم 0
اعمل مشرفة نشاط مسرحى واجتزت الكادر وتم سحب بدل معلم كما شطب اسمى من كشوف الكادر ارجو اعرف ما جرم الذى فعلة مشرف النشاط المسرحى لانة مؤهل فوق متوسط دبلوم الخدمة الاجتماعية ما مشرف الاجتماعى دبلوم خدمة الاجتماعية وبياخد الكادر بكل مراحلة ثم انا حصلت على مؤهل عالى اثناء الخدمة هو ليسانس اداب وتربية 2007 وطالبت باعادة تعينى دون جدوى او حتى تسوية مفيش اعمل منذ 14 سنة ومرتبى 432 مقدمتة اميرة احمد منصور مشرفة نشاط مسرحى بمدرسة منصور حسين بادارة شرق التعليمية بالاسكندرية
لية ياسيادة الوزير امتحنتم المشرفين ونجحوا ولم تعطوهم الكادر وكمان شلتم ال50% هذاظلم وحرام يعمل اية الموظف اللذى يعمل بهذة الوزارة منذ 23 عاما وكل اللذى ياخذة اخر الشهر 528 جنيها واسرتة من 7 افراد منهم فى الثانوية العامه وما ادراك ما الثانوية العامة والعيشة واللى عايشنها ومع ذلك عايزهم يلتزموا بالحضور والانصراف ويمشوا العملية التعليمية ولك ان تقدر ذلك ونفسيتهم ولسيدتكم جزيل الشكر
احنا عايزين نتواصل مع السيد الوزير شخصيا بالتليفون او الايميل او نقابله ان امكن وده الافضل ممكن يا سيادة الوزير
المدرسين اخذوا الكادر صحيح بس مش زى مالناس فاكره لسه فيه مدرسين مرتبهم بالكادر 545جنيها اما بالنسبه للادارين مش المفروض انهم يكونوا مثل المدرس اللى طالع عنيه طول السنه وهم عملهم اقل بكثير من المدرس وبعدين الاداريين يتقاضوا مكافأة الامتحانات وهم لايشاركوا فى اعمال الامتحانات مثل المدرس اللى بيقوم بأعمال الملاحظه والتصحيح وهم قاعدين على المكاتب وانا اقترح انهم يساعدوا المدرسين فى اعمال الامتحانات يقوموا باعمال الملاحظه بدل المدرس ويتفرغ المدرس للتصحيح فقط علشان يحللوا المكافأه اللى بيحصلوا عليها زى المطحونين