الخضيري و انتخابات مجلس الشعب 2010
محمود الخضيري : على الحكومة رفع أيديها عن انتخابات مجلس الشعب 2010
مصريات
محمد الباز
طالب المستشار محمود الخضيري نائب رئيس محكمة النقض السابق الحكومة برفع أيديها عن انتخابات مجلس الشعب 2010 حتى تسير بشفافية كاملة تعكس وجه مصر المشرف وأضاف أن هذه هي الضمانة الوحيدة حتى تكون الانتخابات مجلس الشعب 2010 وانتخابات الرئاسة نزيهة.
وقال إن الاشراف القضائي لم يمنع الحكومة من تزوير الانتخابات مجلس الشعب الماضية رغم أن القضاة لعبوا دوراً كبيراً في تأمين سير العملية الانتخابية ومع هذا كله تمكنت الحكومة بما لها من سطوة بالتلاعب بالنتائج وتزوير إرادة الناخبين.
وأشار الى ان جميع اشكال الاشراف سواء الحقوقي أو القضائي يجب أن تكون موجودة وقائمة في انتخابات مجلس الشعب 2010 فهذا بالطبع يوفر ضمانات كبيرة لسير العملية الانتخابية بصورة طبيعية ولكن نجاحها الكامل الا يمكن أن يتم إلا إذا قامت الحكومة بجميع أجهزتها برفع يديها بصورة كاملة عن العملية الانتخابية وترك الامور لجهة مستقلة لتتولى الإدارة واعلان نتائج انتخابات مجلس الشعب 2010 حتى لاتكون متحيزة لجهة على حساب أخرى وهو الدور الذي لا يستطيع الجهاز التنفيذي للدولة القيام به نظراً لتبعيته وولائه الكامل للحكومة وهو ماينفي عن الانتخابات أي صورة من صور النزاهة والشفافية.
وقال إنه لايخاف من الإشراف القضائي على انتخابات مجلس الشعب 2010 الى شخص يسعى الى الحصول على أشياء ليس جديراً بها وذلك من خلال تزوير إرادة الناس.
ووصف الكلام الحكومي عن نزاهة الانتخابات بغير الكافي على الإطلاق في ظل سيناريو تزوير الانتخابات المتكرر الذي شهدته مصر طوال السنوات الماضية حتى في ظل الـإشراف القضائي على الانتخابات والذي تسبب في عزوف الغالبية العظمي من المصريين عن المشاركة في العملية السياسية تصويتاً وانتخاباً.
وقال إن الجبهة قررت خلال الفترة المقبلة النزول للشارع من أجل القيام بعدد كبير من التحركات التي تهدف الى التصدي لأي تحركات حكومية لتزوير الانتخابات مجلس الشعب 2010 والانتخابات الرئاسية القادمة خصاة أن مستقبل مصر في هذه الفترة الحرجة لا يتحمل عن الإطلاق أي شكل من أشكال التلاعب بأصوات الناس.
ورفض الخضيري الانتقادات الموجهة لحركته قائلاً: لم تتكون الجبهة إلا منذ ثلاثة شهور وقمت بالفعل بعدد من الخطوات ومازال هناك عدد من الأمور التي نخطط للقيام بها ولم نغب عن الساحة كما يزعم البعض كما أن هذه الفترة القصيرة ليست كافية للحكم على أي حركة أو جهة سياسية
عزيزي استاذ خيري – احييك على كل حاجة بتعملها في هذا البرنامج وعلى اخلاصك لوطننا مصر واحييك تحية خاصة على الحلقة التي سجلتها مع الفنان تامر حسني – كانت رائعة وحقيقي ده فعلاً فنان يستحق التقدير والناس كلها تهاجمه وهو لا يعتدي ولا يشتم \احد واليوم سوف تستضيف أبطال الفيلم 678 وأعتقد إتهم استخدمو ا أغني أحلى مافيك والتي أعتذر عنها الفنان تامر حسني في الحلقة التي سجلتها معه – ديه حاجه حبيت أشير إليها وأنا حقيقي أنا وأبني وأمي بنحب تامر جدا و يصعب علينا ما يفعله الحاقدون وأستطيع أن أقول لك أن إبني بيحبوه أكتر من أخوه وعلى فكره تامر عنده أعنية قديمه في شريطه الديني إسمها دينى ودينـك جميله جداً ومناسبة جداً للظروف الحالية بالإضافة للأغنية الجديدة التي نوهت عنها اليوم في البرنامج – كل التقدير والاحترام لك ياستاذ خيري ( على فكره أنا جده وعندي أحفاد )
والله حطوا القضاة شالوا القضاة شفافية مافيش شفافيفة فيه اكتر من ان حزب الاغلبيه يتحدى الاراده الشعبيه لدائرة بشبيش بالكامل بترشيحه النائب المحترم كشخص وليس كعضو تحت القبه صاحب فضيحة المياة الشهيره التى تناقلتها الفضائيات وفضيحة الصرف الصحى والدنيا تغلى وسلملى على حكومة الاغلبيه
ربنا يوفق الحكومه ويقويها علي التزوير وتحيا الديموقراطيه ………………….
علي صوتك بلكلام
يا عم محمود هو كل ال بيطلع من الخدمه صوته بيكون عالي ليه طيب من كان هو في الخدمه محدش سامع ليه صوت ماشي مع المثل خليني ماشي تحت الحيط طيب سيتك الحيطه خدوها هتمشي تحت ايه ؟ اقولك علي صوتك خلي الشعب يسمعك ولا الحكومه انت عايز مين يسمعك اصلي محدش بعد المعاش بيدخل الخدمه غير مستشار لوزير تاخد كام مليون علي كام لجنه ويوصل راتبك 00000000000 وتشتري مزرعه وحساب في سويسرا وبعدين تسافر انجلتر ابقي اقولك علي قهوة حلوة هناك كل ال بيسافر لندن بيقعد عليها
احمد / الاقصر
مستشار محمود الخضيري
حقا انت احد القامات
اتفرج يا سلام
طيب هو ايه الجديد الانتخابات ولا التزوير اكيد سيدتك تقصد الموضوع ده في بلد تاني غير مصر
يا نرمين الدولة مفلسة ويحكمها عصابات مافيا .ضيعوا البلد وخربوا الأقتصاد المصرى بقينا لا نحن بلد زراعى ولا صناعى و90% من المنتجات الصناعية والزراعية بنستوردها من الخارج .يعنى مستقبلنا مظلم وحالك السواد بفضل اخوانا البعدا . طب الدولة تمشى أمورها أزاى وتدى مرتبات الموظفين والعمال منين .أقولك منين ” ضرائب بجميع أنواعها ” مخالفات مرور أونطة وظلم رسوم على كل شىء غلاء لكل السلع والمنتجات تضييق الخناق على المصريين لدفعهم على الأنتحار .وحزب المنتفعين مسأله الأنتخابات دى حياة أو موت بالنسبة ليهم .علشان لو غاروا فى ستين داهيه حينكشف المستور ويبان فضايحهم . وتوحشوا وبقوا حيتان يبلعوا المحيط .ربنا يخرب بيوتهم أجمعين .ونشوف فيهم يوم أسود ولاد الك……لب .
كان فيه واحد فتح محل دوكو لدهان السياراتفي منطقة سكنية مزدحمة بالسكان و كان بجواره فتاة مريضة بصدرها تختنق من رائحة التنر بدأ الجيران بالشكوى وقف في وسط الشارع و قال اللي هايقطع عيشي راح اقطع رقبته كان يدافع عن اكل عيشه حتى لو بالقتل
السيد الرئيس الفاضل البطل حسني مبارك احد ابطال اكتوبر صاحب الضربة الاولى بالطيران مجد من رئيس الجمهورية و اختاره النائب الاول له ولن ننسى فضل هذا الرجل في اعماله في شبابه و كبره وللرجل ايضا قاعدة عريضة من الوزراء الذين يحافظون على اكل عيشهم بحفاظهم على مكانة الرئيس صاحب القاعدة العريضة و بتغيير الرئيس ستتغير القاعدة كاملة وده طبعا قطع عيش وهم على استعداد لقطع رقبه كل من يجول بخاطره او يحاول قطع عيشهم مثلهم مثل بتاع الدوكو .اماعن انتخابات مجلس الشعب فهي ايضا احدى قواعد هذه الفئة الحاكمة و التي يجب الحفاظ عليها بولائهم لهم فكيف نأتي بآخرين قد يصعب تروضهم للولاء.
الف الف مبروك على البرنامج الجديد واتمنى لكم النجاح واتمنى ان تستمروا بهذه الصراحه والنجاح يارب
بس انا كانت عايزه اقولكم على موضوع الحضانات اللى بتحصل فى محافظه الاسكندريه وكل يوم بياخدوا عربيات كتير بدون سبب صدقنى بدون سبب وبدون اى مخالفه ويكتبوا بنود غير صحيحه وبياخدوا فلوس كتير وممكن بعد كام يوم تتاخد العربيه مره اخرى ويدفع مره اخرى وبعدين موضوع الحضانات ده مش موجود غير فى محافظه الاسكندريه وصدقنى مش بيحل المشكله بل بالعكس صاحب العربيه هو اللى بيضر وهو بيكسب كام فى الشهر علشان كل شويه تتاخد فى الحضانه ويدفعلها فلوس نفسى تتكلموا مع المحافظ صاحب العربيه هايدفع الضرائب ولا الموسسه ولا المخلفات ولا الكارته ولا كمان الحضانت بجد حرام وممكن حضرتكم تنزلوا تشوفوا عربيات اد ايه بتتاخد واسالوا الناس اذا كان بسبب ولا من غير سبب يعنى مثلا احنا عندنا عربيه واحده وبجد مش بنلحق نكسب حاجه ياتخده العربيه فى التصليح يا فى الترخيص يافى المخلفات بجد بندفع حاجات كتير كل دا من العربيه هى بتكسب كام يعنى لدا كله وبعدين انا اخويا خريج تجاره وطبعا مش بيشتغل بشهادته لان طبعا حال البلد ما يسمحش وهى العربيه اللى بيديرها ولا عارف حتى يعمل لنفسه مستقبل ولاعارف يشترى شقه بجد حرام ارجوكم اوجوكم تتكلموا فى موضوع الحضانات
لا دا مصر ام الدنيا
حتى فى تزوير الانتخابات
و اى دولة فى العالم عايزة دروس فى كيفية التزوير لارادة الشعوب و لى ذراع الحقيقة يتفضل يجى مصر الايام دى بالذات
من أولها خوف ورعب ..ربك يعدلها وقادر على كل شىء أيه الجديد فى الخبر ..كل انتخاب نفس الحكاية ونفس الأعضاء ونفس السيناريو ..مفيش فايدة اعضائنا الموقرين مع سيد قراره أصابتهم التخمة ومش قادرين يغادروا المجلس خلاص كل واحد بقاله كرش واتفجع مين حيأكله لو ساب الهللم والبللم ..هنيئا لكم بمجلس الشعب كله ومن بابه وأفعلوا ما شئتم البلد بلدكم واحنا عبيدكم وخدامينكم وحنغير دمنا علشان تمصوه بالشاليموه وتمززوا …مزو ….يا …ولاد الكل… ب …..
كدا علشان نبقى على نور وعرفين اللى لينا واللى علينا ومنقلش الانتخابات بتتذوز الحكومة بتعمل اللى عليها والباقى على الله وحسبيى الله ونعم الوكيل
الحكومة قالت هللوا وأعترضوا وأعتصموا وأشتموا وأعملوا الى أنتوا عايزينه………………وأحنا برده هنعمل الى عايزينه………………………(وعشان كدة احنا اخترناه)………ههههههه
طب لو الحكومة رفعت ايديها عن الانتخابات ولم تتدخل فى تزوير نتائجها يبقى حرامية الحزب البطنى هيوصلوا إزاى … والميغة والهلمة اللى تبرطع فيها هولاء الفاسدين يشوفوها تانى إزاى من غير تزوير ؟؟؟ .. وعندى سؤال محيرنى .. فيه برلمان فى الدنيا بيسمح للوزير العامل بترشيح نفسه ؟؟؟ .. مصر البلد الوحيدة التى فى مجلسها المزور كل الوزراء أعضاء مجلس الـ 85% فاسد فكيف يتم محاسبتهم كوزراء ؟؟؟ عرفتم ليه الحكومة لن ترفع ايديها عت الانتخابات .. وبالنسبة لانتخابات الرئاسة .. فيه دولة فى العالم سلطتها التشريعية والتنفيذية ولائها وإنتمائها للحاكم وليس للبلد كما فى مصر .. نريد ثورة شاملة فى المفاهيم السياسية للبهوات الذى يتم اختيارهم وزراء لخدمة الشعب والبلد لا لخدمة الحاكم ومصالحهم الشخصية .. لا والحاجة اللى تنقط وتعل إن مصر الدولة الوحيدة فى العالم اللى عندها وزراء محنطين وأفنى عليهم الدهر بل أحتفلوا بيوبلهم الفضى لبقائهم وزراء .. ليس عن كفاءة أو إقتدار أو لأنهم وحيدى عصرهم .. بل لإعتبارات أخرى .. وإسلوا وزير المالية كم وزارة توليتها وخربتها .. أين أموال التأمينات .. ولماذا أفتى سيادته برفع سن المعاش لـ 65 سنة فى بلد بها تضخم وبطالة .. عارفين ليه .. عشان محدش يستفاد من المعاش بعد موته حيث سيكون البنات تزوجت والأولاد تجاوزا سن الـ 20 سنة .. هذا من جهة .. ومن جهة أخرى مفيش فلوس لدفع معاشهم … برضه عارفين ليه .. لإنه دخل الوزراء وكان رصيد أموال التأمينات 165 مليار حنيه (165*1000000000) وبقدرة قادر صارت 63 مليار فقط أى عجز 102 مليار .. وربنا يخلى وزير الخراب ….. حكومة زى دى … وحزب زى ده … ورئيس شايف وعارف وساكت .. بالذمة هيسيبوا الانتخابات فى حالها ؟؟؟؟؟؟؟؟؟؟؟