الكلية الحربية
مصريات
قبول الدفعة الجديدة من حملة الثانوية العامة و الثانوية الازهرية والشهادات المعادلة وحملة الثانوية الصناعية وما يعادلها بالكليات والمعاهد العسكرية “الكلية الحربية الجوية البحرية الدفاع الجوي فنية عسكرية والمعهد الفني للقوات المسلحة والمعهد الفني للتمريض اناث” بدأ و مازال مستمرا حتى 6 أغسطس المقبل.
و الكلية الحربية تشترط للالتحاق بها الحصول علي شهادة الثانوية العامة والأزهرية والشهادات المعادلة بمجموع 60% فأكثر نقلا اللواء محمد فليفل مدير الكلية الحربية ومدير مكتب تنسيق الكليات والمعاهد العسكرية
و أشار ان الكلية الحربية تقبل الحاصلين علي الثانوية العامة والأزهرية بشرط أن يكون الطالب درس مادتي الرياضة “1” أو “3” والفيزياء والقسم العلمي من شهادة الثانوية الأزهرية والشهادات المعادلة وبمجموع لا يقل عن 60%.
وأضاف ان الكلية الجوية تقبل الحاصلين علي شهادة الثانوية العامة والثانوية الأزهرية والشهادات المعادلة وبمجموع 50% فأكثر.
كما تشمل شروط الالتحاق بالكلية الفنية العسكرية الحصول علي شهادة الثانوية العامة شريطة أن يكون الطالب درس الفيزياء والكيمياء ومادة الرياضة “2” والقسم العلمي للثانوية الأزهرية والشهادات المعادلة وبمجموع لا يقل عن 90%.
اما كلية الدفاع الجوي فهي تقبل الحاصلين على شهادة الثانوية العامة بشرط أن يكون الطالب درس مادة الفيزياء ومادة الرياضة “2” والقسم العلمي للثانوية الأزهرية والشهادات المعادلة بمجموع لا يقل عن 80%.
أضاف ان المعهد الفني للقوات المسلحة يقبل الحاصلين علي شهادة الثانوية العامة القسم العلمي بشرط أن يشمل المنهج احدي الرياضيتين والفيزياء والقسم العلمي للثانوية الأزهرية والشهادة المعادلة وحملة الثانوية الصناعية وما يعادلها تخصص كهرباء والميكانيكا نظام خمس سنوات وثلاث سنوات والمقيدين في دراسات أعلي من الشهادات المذكورة بشرط أن تفيد دراستهم في المعهد الفني.
يشترط للالتحاق بالمعهد الفني للقوات المسلحة الحصول علي مجموع لا يقل عن 55% للحاصلين علي الثانوية العامة و65% فأكثر للحاصلين علي الثانوية الصناعية.
يقبل المعهد الفني للتمريض إناث الحاصلات علي شهادة الثانوية العامة بشرط دراسة مواد الفيزياء أو الكيمياء مع الاحياء وبمجموع لا يقل عن 70% وبعد التخرج يتم ايفاد الخريجات في دورات تدريبية في الولايات المتحدة الأمريكية وبريطانيا وفرنسا للحصول علي أحدث ما توصل اليه العلم والعلماء.
يتضمن شرط السن للمتقدمين للالتحاق بالكليات العسكرية الا يزيد السن في أول أكتوبر القادم عن 22 سنة للطلبة الحاصلين علي الثانوية العامة والأزهرية والمعادلة والصناعية والمتقدمين للكليات الحربية البحرية الجوية الدفاع الجوي الفنية العسكرية والمعهد الفني للقوات المسلحة والمعهد الفني للتمريض.. كما يشترط الا يزيد السن عن 24 عاما للطلبة المقيدين في دراسات أعلى من الشهادات المذكورة لصالح المعهد الفني للقوات المسلحة.
و بالنسبة للطلبة الحاصلين علي شهادة الثانوية العامة من خارج الجمهورية يمكنهم التقدم بهذه الشهادة وشهادة حسن السير والسلوك وترجمتها اذا كانت بغير اللغة العربية وتوثيقها من وزارة الخارجية.
والاعلان عن تنسيق الكليات العسكرية و الكلية الحربية و الفنية العسكرية و الطلبة المقبولين في الكليات العسكرية لطلبة الدورين الأول والدور الثاني والشهادات المعادلة “الحاصلين على المؤهل من الدول العربية والأجنبية على أن يسمح لطلبة الدور الثاني والشهادات المعادلة اللذين أدوا امتحان الثانوية العامة هذا العام بالتقدم الي مكتب التنسيق واجراء جميع الأختبارات دون انتظار النتيجة في حالة تأخر ظهور النتيجة علي ان يتم عرض الطلبة الذين اجتازوا جميع الاختبارات علي مجلس الهيئة بعد اعلان النتيجة واحضار شهادة النجاح.
كما يجب ألا يكون قد مضى علي تاريخ حصول الطالب علي شهادة الثانوية أكثر من عام واحد بشرط ان يكون مقيدا خلال هذا العام بإحدي الكليات أو المعاهد الجامعية ويقدم ما يفيد ذلك.
تشمل مكاتب التنسيق ولجان الكشف الطبي المكتب الرئيسي بالكلية الحربية بالقاهرة و قد بدأ العمل به و مستمر في استقبال طلبات المتقدمين اليه الى يوم 6 اغسطس والمكتب الفرعي بالإسكندرية بالمدرسة الرياضية العسكرية بسموحة ويعمل اعتبارا من اليوم 20 يوليو والمكتب الفرعي بأسيوط بقيادة المنطقة الجنوبية العسكرية ويعمل اعتبارا اليوم 20 يوليو و المكتب الفرعي بالمنيا بالمدرسة الرياضية ويعمل اعتبارا من 20 يوليو القادم علي ان تقوم جميع المكاتب بتسليم وتسلم الأوراق للطلبة واجراء اختبار السمات ويجري الكشف الطبي لجميع الطلبة المتقدمين في مقر المجلس الطبي بالكلية الحربية وكذلك باقي الاختبارات.
و قد بدأ سحب الملفات من المكتب الرئيسي وهو مستمر حتى الخميس 6 أغسطس المقبل.
أكد اللواء فليفل علي انه لا مجال للوساطة في اختيار ضباط المستقبل وانه لا يتم النظر الي المتقدم علي أساس انه ابن فلان أو ابن مين ولكن الفيصل الوحيد في الاختبار هو انطباق الشروط وانه لا دخل لبشر في هذا الاختيار الذي يتم عن طريق الحاسب الآلي وان جميع المتقدمين سواسية ومصريون.
أضاف انه تم اتخاذ اجراءات الوقاية من انفلونزا الخنازير خلال فترات التقديم واجراء الفحوصات والكشف والاختبارات وان كل متقدم سيكون هناك فاصل بينه وبين زميله ما لايقل عن المترين.. مشيرا الي انه لن يكون هناك تكدس أو تزاحم مطلقا.
بالنسبة لمن يرغب في التقدم الى الكليات العسكرية من المحافظات المصرية الاخرى و غير مقيمين بالقاهرة فهناك استضافة مجانية و مبيت للمتقدمين الى الكلية الحربية و توفر الكلية الحربية للمتقدمين وجبات مجانية لهم لعدم وجود سكن لديهم في القاهرة منذ ثلاث سنوات علي الاستضافة المجانية والمبيت للمتقدمين للكليات العسكرية وذلك بالكلية الحربية وتوفير وجبات مجانية لهم لعدم وجود سكن لديهم في القاهرة و يتم توجيهم اثناء الاقامة ليكونوا في كامل لياقتهم البدنية و الذهنية و حتى لا يصابوا بحالات الارهاق و التعب.
وصف احد القادة العسكريين المعاهد والمراكز التي تزعم قدرتها علي اعداد وتأهيل الراغبين في التقدم لاختبارات الكلية العسكرية بأنها نوع من الخداع والنصب والتكسب وانها ليست لها أي فائدة تذكر.
شاهد ايضا
الكلية الحربية والكلية العسكرية و شروط التقدم اليهم
و شاهد ايضاً:
ممكن حد يفهمني حاجة عن الدفعة الاستثنائية دي انا قدمت وسقط هيئة
يعنى مفيش امل انهم ياخذو من الناس الى قمدت قبل كدة وهل ينفع الى قدم قبل كدا يقدم فى الدفعة ااستثنائية ؟؟
يا جماعة هما الوقتي البحرية فتحت الاسبوع ده لمده عشر ايام لسحب ملفات لقبول دفعة استثنائية والاسبوع الجاي هتفتح حربية وجوية ومعهد فني قوات مسلحة لقبول دفعة استثنائية وهتبقي فرصة جامدة ان شاء الله ادعولي بقي انا عايز ردود علي الايميل ربنا يوفقنيويوفقكم
ياجماعه اي حد عنده معلومات عن الدفعه الاستثنائيه الي هما طلبوها يقولهالي ولحد امتي وكل الكليات العسكريه ولا كليه معينه..
لو حد عارف هيبعتوا للاستثنائيه امتي يعرفني ورقمي **** ****
ياجدعان بيقولو فى التلفزيون الاعلان عن دفعه استثنائيه من الطلبه المقدمين للك الكلياتالعسكريه النهارده 12\10 الى 21\10 الكلام دا معناه ايه
بصوا يا جماعه العمليه كلها نصيب بس للأسف هما الي بيتحكموا في النصيب ده يعني لما يكون اربع الاف اجتازوا كل الاختبارات والمفروض ان كل واحد بقي عنده حلم انه يكون ضابط قوات مسلحه ويلاقي المفاجاه المزعجه انا مش هيحقق الحلم ده انا كمان كان حقي ان ادخل واجتازت كل الاختبارات بس للاسف بس انا حاولت حتي بعد النتيجه وقدرت احط نفسي في الاحتياطي وربنا يسهل (حسبي الله ونعم الوكيل)
الحمد لله
كلن يصيبنا الا ما كتب الله لنا والحمد الله ربنا عارف اللى انتم عملتوه
انا كدة ادمرت نفسيا ياراب
انا تعبااااااااااان نفسيا مش هقول اكتر من كده
لألألأ مش انت بس ال بيدخل هنا فى كتير بيدخل بس مافيش نفس يكتب حاجة لان مش لاقى حاجة يقولها اكتر من الحمدلله انا بقى مش عارف اعمل ايه ومافيش حد رد عليا هفضل قاعد 90 يوم كدة ولا ايه ولو طلبوا حد من الدفعة الاستثنائية هيطلبوهم امتى وفى الاول انا عاوز اعرف انا كدة ايه دفعة استثنائية ولا لأ
الواحد يقول الحمد للة علي كيل حاجة انا فعلن لسة مخنؤ بس الحمد للة رغم ان انا ليا اولية عن اي حد وكان معيا بدل الواسطة 3 وحاجة كبيرة وفي الاخر قالي وسائل اعلام
على فكره يا جماعه ممكنيتصلم بحد من المعلومات العامه ويجبوهم تانى فى خلال 90 يوم
يا جماعه انا برده اخويا كان مقدم زيكم وسقط ومعلومات عامه بس محدش يزعل منكم الحمد الله ربن عمل اللى علية وانتم عملتم اللى عليكم بس هما مش خايفين من ربنا احمدو انتم ربنا على اللى انتم فية وكفاية انكم وثقين فى نفسكم
اولا واخيرا الحمد لله رب العالمين بس مجرد التقديم للحربية ده اتعلمت منه حاجات كتير اوى وفى نفس الوقت ساب علامات سوده اوى فى حياتى انا لحد دلوقتى لما بشوف شريط الاخبار بتاع القناه الاولى بفتكر الحربية حتى لما بقعد نت لازم افتح الموقع ده اشوف منه الناس اللى زيى كدا عندى امل اقدم السنه الجايه كمان اولا انا اسمى عبدالحليم ابو قمر من البحيرة وانا حاليا فى اولى تجارة ازهر والله يا جماعه احلامى كلها كانت مبنيه على الحربية دى التقديم للكية ده الحاجه الوحيده اللى فاكر تفاصيلها عندى استعداد احكى لأى حد بالتفصيل الممل عنه لأنها مكنتش بتخرج من خيالى كان املى اكبر من اى حاجه ولسه لحد دلوقتى كلمة (( روح يا طالب تعالى يا طالب اجرى يا طالب )) بترن فى ودانى لحد دلوقتى )) لحد دلوقتى فاكر احساسى وانا داخل هيئة لحد دلوقتى فاكر الاحساس اللى كنت حاسه يوم الكشف الطبى ولحد دلوقتى بفتكر تعبى فى اليوم الرياضى وال4 ساعات اللى قعدتهم يوم النفسى كل اما افتكر ان كل ده راح من غير فايده اقول (( الف حمد وشكر ليك يا رب )) ولسه فاكر احساس لما كنت بستنى نتيجه كل اختبار وفاكر تعليقات زوار الموقع كلهم والتعليقات الكتيرة اوى قبل النتيجة ولكن دلوقتى المولد انفض والحكاية خلصت ومفيش غيرى انا الفاشل الوحيد اللى لسه بدخل على الموقع (((( شكلى هفضل كدا طول عمرى وحيد )))
يا جماعة قولوا الحمد لله والله انا كنت حموت ادخل الفنية انا في اولي مدني قعدت السنة اللي فاتت احلم بيها لاني سقطت السنة اللي فاتت سقطت قاع عين المهم قلت السنة دي حكون اول واحد يسحب ملف حربية وعملت كده لدرجة من كتر حلمي بيها ربنا رزقني واتعرفت على ضابط في الحرس الجمهوري كان بيساعدني في الاختبارات ووصلت للهيئة لكن سبحان الله محصلش نصيب الحمد لله على كل والله مفيش حد عمل اللي انا عملته انا لما عرفت اني وسائل اعلام كنت حتخنق بس الحمد لله
انا تعبان اوى ومش عاف اعمل اي ياجماعة من ساعت اما الضابط قالي غير لائق وانا تعبان اوي ولا بنام ولا باكول بجد تعبت اوييييي يا رااااااااااب محتجلك اوى
شباب عندى سؤال ومحتاج رد اخوكم واحد من الناس اللى راسب فى المعلومات العامة وروحت اعادة الاختبار واختبرت والنتيجة ظهرت لكن الرد غريب ونفسى افهم معنى للرد دا روحت يوم الاتنين وعلى جهاز البصمة رائد وقالى انت ” لسة نتيجتك ماظهرتش يا أحمد ولما تظهر هنتصل عليك تجيب المصاريف وتيجى تدفع ” دا معناه دفعة استثنائية ولا ايه وعلى فكرة مافيش حد اتصل عليا ادعولى يتصلوا عليا بس عاوز افهم فى الاول انا واقف فى النص ليه ومعناه ايه الكلام دا
7raaaaam wallhi ana kda hamot ana wla bakol wla bnam we 3aml ashrb fi sager we kda hammmmot we mosh 3arf 23ml ah dlwny
والهى حرام عليكى يامصر انا بجد بكتب دلوقتى وان نفسى ابكى بكاء شديد بجد اناحزين على مصر وكان والهى نفسى انجح بجد نفسى اموت شهيد ولكن النصيب امانه كل الى يقرا يدعى لامى المتوفية وبجد انا مش قادر اعيش من غيرها ولكن الحمد لله وقلو كلكو الحمد لله على نعمة الام والهى بجد انتو فى نعمة وعلى العموم الى فى نصيب هيكون معلش انا طولت على كل الى هيقرا اوعوا تنسوا تدعو لماما اجمل اسم وكل امة الاسلام والى عايز يتعرف علىا انا اميلى كتبتة وتحية مصر وحسبي الله ونعم الوكيل فى القسمة والنصيب وربنا هياخد حقنا انشاء الله لكل واحد ماتقبلش علشان والهى حرام احنا تعبنا بجد وامانة ادعولى بالهدايا وامت شهيد اناوانتو انشاء اللة يارب احسن ختام كل الشباب
ma7dsh yaz3l ano s2t aked rbna ktblk aly 27sn ana kman s2t bas 3ala fkra fi nas kateeeeer mosh btst7ml el90 yom
الحمد لله على نعمه الأسلام وكفى بها نعمه
اخى العزيز عبد الحليم يا ريت يا اخى تفوق بقى ودى مش نهاية الدنيا احنا سلاحنا فى ايدينا وهو شبابنا الذى لا يقدر بتمن واكيد ربنا فى الاول والاخر هو الى كاتب لنا هذا النصيب لازم نفتكر ده لان لو حد عاوز يضرنا مش هيقدر الا اذا كان ربنا كاتب ده يبقى ده نصيب يا اخى العزيز صحيح هى ضربه قوية بس لازم تقوينا مش تضعفنا قولى يا اخى انت فى كلية اية كمل فى كليتك وان شاء الله هتكون احسن الف مرة من الى بنتمناه فوق كده واوعى تفكر خالص فى هذا الموضوع تانى لانى عرفت حتى لو حاولت مرة تانية بتكون النتيجة هى هى فخلاص ارمى ورى ظهرك وانتبه لمستقبللك وكتير من الظباط الكبار نفسهم يقولك ولو ابنى اعطو لى فلوس عشان يدخلوه مش هدخلو وده اكيد لانه شايف انها صعبه واكيد اكيد ده الصالح لينا غير نبرتك فى الحياه ودى مش النهاية يا اخى
انا طالب ثانوى اتمنى ادخل الحربية
معلش يا احمد احنا نصيبنا كدا وخلاص تصدقوا بالله انا عيلتى كلها كانت حاطه امل كبير عليا وزى احمد برده كدا عشت الحلم وكنت بشوف الاعلان اللى بيجى على القنوات المحلية اللى بيقول خلفتكم تبقى على قد طاقتكم وفى اخر الاعلان اشوف طالب الحربيه رايح لأبوه الصياد وياخده بالحضن فكرت نفسى هبقى زيه فى يوم من الايام ولكن اتصدمت وفجأة صحيت من النوم علشان الاقى الرائد اللى قاعد على جهاز الكمبيوتر بيقولى حط البصمة ومع كل ضغطه بضغطها على الجهاز احس ان قلبى هيقف لحد ما يضربنى بسكينة فى قلبى ويقولى بعد كل التعب والمجهود والماشوير وبكل بساطة ” غير لائق ” اه يا بلدى اه يا مصر ساعتها فعلا حسيت بكلمة ابويا اللى قالهالى قبل كدا واتأكدت منها ” يابنى ابن الظابط بيطلع ظابط وابن الغلبان بيطلع زى ابوه ” حلم السنين ضاع يا عبدالحليم وضاعت معاه امانيك ….
انا بردوا كان املى اكون فرد من افراد الجيش المصرى سواء طيار بحار ظابط حربية وانا الولد الوحيد على اخواتى وتعبت كتير جدا فى التقديم من مرحلة الى مرحلة من نجاح الى نجاح ومن قلق الى قلق وحلمت وعشت الحلم وفى الاخر لاقيت مفيش حاجة خالص لية كدة يا مصر بصدمى ولادك فيكى بالرغم انهم بيكونوا جايين فردين ذراعتهم وفى الاخر بتصدميهم طيب كان من الاول ولا لازم نربى الكره فى قلوبنا شكرا يا مصر
قالولى الحربية عايزه واسطه ركبت دماغى وقلتلهم هقدم يعنى هقدم يلا الحمد لله انا سقطت ومش عارف سقطت ليه بعد كل ده انا كااان املى كبير انى ادخل الحربية مع انى بعشق شىء اسمه جيش وانا مش ليا اخوات ولاد انا كنت هتجنن لدرجة انى عايز اتطوع فى الجيش بس يلا الحمد لله وبقول لمحمود الف مبروك انا كنت عارف انك هتنجح يا محمود من زمان وانا بتابع تعليقاتك وانك بتعرف نتيجتك قبلها بأسبوع وواستطك مساعد وزير الدفاع الحمد لله واخيرا ((((((( كوسه يا حبيبتى يا مصر وبرده بحبك يا بلدى غصب عن الى حد ومهما حصلى منك هفضل اعيش واموت احبك ))))
يا جماعه انا جالي معهد فني بس مروحتش في الوقت المحدد ومدفعتش المصاريف اعمل ايه ياجماعه ضرووريييي جدا
يا جماعة الي سئط ممكن يروح وزارت الدفاع يكتب مذكرة وانشا اللة خير انا برضو ماليش نصيب وتعبت اوى ومش عارف اعمل اى
السلام عليكم انا طالب نهائى فى المعهد الفنى لو حد عايز يستفسر عن اى حاجه وربنا يوفق الجميع والى زعلان من الى جاله معهد فنى ربنابيحبه وهيعيش احسن اسامه والسلام ختام
مبروك لكل الناجحين واللى متقبلش ده نصيب من عند ربنا ربنا يوفقكم جميعا
مبرووووووووووووك لكل الي نجحو والي مئبلش معلش انا برضو قلي غير لائق بس هنعمل اى
انا اسف يا ma7moud متزعلش منى انا كنت متضايق شويه . **** اكلمك فى موضوع كده
ربنا معاكو باه
انا يا جماعه اتقبلت واستلمت مهمات كان اصعب يوم وعلى فكره كل اللى اتقبل 1200 منهم 500 حربيه
مبرووك يا رجالة وماحدش يزعل لو مالوش نصيب
انا الحمد لله دخلت حربية واستلمت مهماتى كان يوم صعب جبة
كووووووووسة يا مصر
ahmed اللة يسمحك انا الحمد للة احسن من الصورة اللى انت حاططها فى خيالك واللة
انا الحمد للة نجحت معهد فنى ورايح ادفع المصاريف النهاردة وادعو لكم بالتوفيق انا اسمى بلال
يجماعه انا نجحت حربيه بس كان نفسى فى البحريه انت شايفين ان الحربيه حلوه ولا ايه حد يرد عليا بسرعه عشان انا زعلان
واللة الحربية كوسة وانا واللة تعبت وزهئت اوى وشكلي هموت قريب يا راااااااااب ساعدني ادعولي وانبي يا جماعة
على فكره انا زهقت من الموقع ده وزهقت من اللى اسمه ma7moud عامل فيها مهم اكيد لو مش كان معاك واسطه مش كنت هتعدى انت نجحت ربنا يسهلك مش تقعد كل شويه تضايق فينا
خلاص ياجماعة اللى نجحوا دفعوا المصاريف واستلموا مهمتهم . واللى سقط مايزعلش ودة اكيد خير من عند ربنا . محدش بقى يتكلم فى الموضوع دة وربنا يسترها فى 90 يوم دوما والسلام عليكم ورحة اللة
كووووووسسسة يا مصر
ماحد ياجماعة يرد ع السؤال اللى انا سالته بخصوص الشرطة ولو حد يعرف امتى نتيجة الشرطة يقول
يا جماعه انا نفسي ادخل كليه الحربيه وهموت عليها وانا سقط في الاختبارات وانا في كليه الهندسه بس الموضوع ده ماثر فيا قوي
الحربية دى كوسة وانا خت اكبر خاااازوق وياراب صبرني والحمد للة علي كل شىء
كل تاخيرة وفيها خيرة
يارجاله انا وسائل اعلام اروح اشوف النتيجه ولا لا ياريت حد يرد معدش وقت وعلى فكره انا ممتحنتش معلومات عامه ولا حداتصل بيه اروح ولا ايه ياريت حد يرد انا من الشرقيه ودا رقمى ***