انتخابات مجلس الشعب 2010 الدقهلية معركة ساخنة جدا بين الحزب الوطني والاخوان

1�374 comments

1. 

   ضياء غيث 16/09/2010 00:48 -

   ومتردش على حد وسيب اللى يتكلم يتكلم طالما أنك مقتنع من اللى أنت بتقوله

2. 

   ضياء غيث 16/09/2010 00:47 -

   ريح نفسك ياريحان

3. 

   ارحموا طلخا 15/09/2010 23:31 -

   ياجماعة هو كل واحد يدخل يتكلم يقول العضو فلان والعضو علان أحسن حاجه الواحد يعملها ان ينزل بنفسه يلف على المرشحين دول ويسمعهم ويشوف البرامج الانتخابية بتاعتهم وفى الأخر يقرر يرشح مين لكن كل واحد يقولك أنا مع فلان أصل عمل وسوا وانتا أصلا متعرفش حاجه عنه كل واحد فى دول بيدور على الحصانه والفلوس وبس وبعد ما يدخل المجلس ينسي الناس اللى كانوا معاه وبكره تشوفوا وانا عن نفسى نزلت شوفت المرشحين دول كلهم بصراحة أحسن ناس شوفتهم فى دائرة طلخا الأستاذ المحترم عماد المصري وبعد كده العميد جمال عبد الظاهر ده بالنسبة للفئات أما بالنسبة للعمال الحاج على رمانه و أسامه فؤاد حمد غير كده مفيش حد مخلص غير الناس دى وبعد كده نشوف مين الأنسب ونختار لكن اللى انتوا بتعملو ده عك عك عك وحرام عليكوا بقا كفايه لحد كده خلينا ننضف شوية وانا عن نفسى أختار من الناس دى كلها إن شاء الله الأستاذ عماد المصرى والحاج على رمانه لأن الناس مخلصه جدا مش بتوع فلوس ولا حصانه والله على ما أقول شهيد

4. 

   محمد ريحان 15/09/2010 21:37 -

   الاخ شريف زعلان اني قاعد 24 ساعه والله انا بقعد يجي 3 ساعات بس انت عارف بقا الغربه والوحده فيها وبعدين يا سيدي ماتزعلشي اوي كده لاني قولتها قبل كده اي واحد بقف معاه بقف معاه باخلاص وحب مش زي ناس هنا شويه وهنا شويه ولهم مصالح شخصيه وشكرا

5. 

   شريف 15/09/2010 20:50 -

   ماحدش عارف حاجة هى نتيجة الحزب هتبان امتى بالضبط انا مش هصدق الا لما النتيجة تعلن وبعدين الاخ محمد ريحان انتم مش سايبنه ياخد فرصه ليه كل واحد يعبر وبعدين هو بس عشان متواجد على النت 24 ساعة شاغلكم بس هى دى المشكلة وسيبكم من التعليقات دى اللى الدولة عايزه هو اللى هيجى

6. 

   ابراهيم حسن 15/09/2010 20:33 -

   الحاج على رمانه وبس افرحوا ياناس جاكوا واحد طيب منكم وفيكم راجل صاحب مواقف جميله

7. 

   ابو فانوس 15/09/2010 20:00 -

   جمال عبدالظاهر وبس

8. 

   محمد ريحان 15/09/2010 09:05 -

   مش عارف الناس دي بتفهم من اي حته والله شكل العقل بتاعكم اتقلب لتحت

9. 

   طلخاوى 14/09/2010 23:55 -

   عميد عائلة السايس بطلخا الحاج \عيده السايس يؤيد الحاج\ على رمانة

10. 

    طلخاوى 14/09/2010 23:52 -

    عائلات السايس نعم للحاج\ على رمانة

11. 

    ياريحان 14/09/2010 22:53 -

    ياريحان خليك مع مرشح واحد علشان يبقى عندك مبدأ وتبقى راجل فل وياسمين

12. 

    محمد ريحان 14/09/2010 21:14 -

    انفرادالعميد جمال عبد الظاهر فئات هو مرشح الحزب الوطني عن دائره طلخا

13. 

    ابن طلخا 14/09/2010 20:05 -

    الاخ اللى بيقول اتحسمت ده مش فاهم حاجة لأن الحزب النهاردة كان عامل اجتماع لكل اللى مقدمين حزب من الدقهلية مش لربيع ورمانة…والاخ اللى بيقول الحاج رمانة اخد75% من استطلاع الرأى الاخير بقولله يا أخى اتقى الله وبطل كذب…اخر استطلاع رأى اتعمل تصدره احمد الشورى عمال وجمال عبدالظاهر فئات والله…وبالمناسبة برده للاخ بتاع اتحسمت احب اقوله ان ربيع طلع الرابع والله بعد جمال عبدالظاهر والرميسى ومحمد علام….

14. 

    ابراهيم حسن 14/09/2010 19:15 -

    انا معاك فعلا الحاج على رمانه والدكتور محمد صالح الان فى الحزب الوطنى فى القاهره علشان نقول لهم مبروك مع احترامى لكل المرشحين التانيين

15. 

    محمد سعيد ابوليلة 14/09/2010 18:04 -

    مبروك مقدما للحاج / على رمانة ويارب امنية اهالى طلخا بفوزه يكون مستجاب ونرجوا من الناس معرفة مصلحتهم مع مين ويختاروة بجد (الحاج / على رمانة )رجل الخير وحبيب الكل وندعوا الله تعالى من فوزه (عائلة الحاج/سعيد ابوليلة)وعائلات ابوليلةوعائلة عباس (يؤيدون الحاج / على رمانة)

16. 

    رامى القناوى 14/09/2010 17:35 -

    اللى كتب الموضوع دة شكلة قابض من مسعد ومن الحزب الوطنى سلم عليهم الجوز وقولهم انتم الجوز شبه بعض

17. 

    محمد ريحان 14/09/2010 13:57 -

    اللي ميعفهوش اللي بيتكلمو عني اني عامل موقع للعميد وانا هنا في مكه المكرمه وكمان عمري مشتركت في منتدي الا لما بلاقي هذا المننتدي عن العميد ولكم يكن ليا اي رد في اي منتدي او موقع الا عن العميد جمال عبد الظاهر هذا للعلم والله اعلم بما اقول وحسبي الله ونعم الكويل في كل ظالم

18. 

    كلمة حق 14/09/2010 13:55 -

    كلام محمد ريحان(كلمه حق الا وهي الحاج مسعد هو فعلا رجل الانجازات في الدائره ولعل ماحدث في ميت عنتر من انجازات لدليل علي ذلك واخيرا تم ردم مصرف السماد بميت عنتر وهذا انجاز لم يستطيع اي عضو من قبل بتحقيقه لنا فاتوجه بخالص الشكر للحاج مسعد لطفي وكل عام وانتم بخير
    )مصرف السماد بميت عنتر تم ردمه بمعرفه وعلى نفقة شركة السماد ورئيس مجلس ادرة شركة السماد مكنش محتاج حد يضغط عليه علشان يردم المصرف

19. 

    محمد ريحان 14/09/2010 13:53 -

    بالنسبه للاخ اللي بيقولي مصالح لو كنت بدور علي مصالح كان زماني عايش في مصر وحضرته ميعرفشي اني في السعوديه وكمان موظف في الشباب والرياضه والحمد لله الحاله الماديه مش محتاجه مساعده من حد كل اللي بندور عليه رجل محترم يقف مع الفقراء ويقوم بعمل المالصح العامه وهذا ما نلمسه في سياده العميد ومعنتش هرد بقا علي الكدابين والمنافقين والفتانين وسلامي للاحباب ولاعزاء للاخرين

20. 

    محمد ريحان 14/09/2010 13:47 -

    اين دليل من يقول اني اقف مع كل المرشحين بالله عليك حاتلي جمله واحده اعلنت فيها تاييدي لححد ضد العميد او اعلنت فيها وقوفي مع حد مع العمال الا انني قولت كلمه حق لمسعد لطفي ولم اقل انني ارشحه هذا هو ماكان فعليكم بقا بالبرهان يا فتانين

21. 

    محمد ريحان 14/09/2010 13:46 -

    مهما قال المغرضين ومهما فعلو ليريدو اشعال الفتنه بعدما بث العميد الرعب في قلوبهم اقول لهم لن تنجحو في مخططكم لاني بالروح وبالدم وبالدم اكررها نفدي سياده العميد ومع سياده العميد والاخوه الذين يريدون الفتنه اقو لهم باذن الله يوم القيامه اخد حقي منكم وعيد سعيد علي الجميع والعميد باذن الله هنحتفل به بعد عيد الاضحي الذي سوف نضحي فيه بجميع المرشحين باذنن الله

22. 

    خلاص أتحسمت 14/09/2010 13:12 -

    خلاص ياحضرات أتحسم موضوع الحزب أمانة الحزب الوطنى بالقاهره أرسلت للحاج على رمانه والدكتور محمد صالح اليوم 14\9\2010 ليه؟ الحدق يفهم

23. 

    الاخ ريحان 14/09/2010 13:07 -

    أنا مع الاخ محمد ريحان 000 أولا هو الاخ محمد ريحان غلط فى أيه لما بيعمل دعايه لاكثر من مرشح ( هو حر) ثانيا معظم بل كل الناس بيعملوا كده بيحاولوا يكسبوا ود أكثر من مرشح علشان يضمنوا أن لو واحد نجح يقدر يخلص لهم مصالحهم يبقى ريحان غلط فى أيه ولا يهمك ياريحان بكره تبقى فل

24. 

    مع مين بالظبط ياريحان 14/09/2010 12:49 -

    أنت مع مين باظبط ياريحان علشان ننتخبه أنت فى كل منتدى بتعمل دعايه لمرشح يختلف عن باقى المرشحين هههههههههههههه

25. 

    محمد ريحان 14/09/2010 12:21 -

    طلخا واهلها بيحبوك يا عميد ولا شماته للاخرين

26. 

    محمد ريحان 14/09/2010 12:21 -

    الاخوه الاعزاء ياريت محد\ش يعمل فتنه بيني وبين اهلي واحبابي لان معروف من البدايه لمن انتمائي وانا قولت في بعض المنتديات نكن احتراما للجميع ولست مع حد غير العميد دجمال عبد الظاهر ولعلم الاخ اللي بيقول انا بزكي الشوري ومحمد ربيع للاسف كداب لاني اساسا في السعوديه وشغلي كلعه للعميد وبس ماشي يا كداب وسلاموزي

27. 

    ابراهيم حسن 14/09/2010 10:03 -

    عائلة سلطان ومشالى والحكيم وسمك والجيار وابوجلاله وسراج والسعيد كلهم مع الحاج على رمانه واهل طلخا كلهم ان شاء الله

28. 

    ابراهيم حسن 14/09/2010 09:57 -

    والله اول مره ادخل فى موضوع الانتخابات بس الى خلانى هو طيبة الحاج على رمانه الاول مكنتش بحضر ولا لى فيها خالص لان السياسه ده مش اى حد يدخل فيها كلها مصالح وبس مفيش حد بيبص على حد الى مصلحته ومصلحة اقربائه حتى اقربائه بعيد عنه انتو معى ولا لا

29. 

    ابراهيم حسن 14/09/2010 09:53 -

    الاستطلاع الى حصل فى مدينة طلخا حصل المرشح المحترم الحاج على رمانه على نسبة 75% يعنى الناس بدات تفهم من هو اجدر واطيب والى هيكون مع الفقراء والله الكلام ده انا سمعته بجد فهل حد عند معلومات وده على فكره خبر جيد

30. 

    المستفذ 14/09/2010 03:04 -

    الاخ ريحان ده بيتكلم بالنيابه عن أهل دائرة طلخا بالكامل وكأنه أخذ منهم توكيل للكلام بالنيابه عنهم يعنى مثلا فى التعليق رقم(2010.09.09 23:25) بيقول(تهنئه حاره من اهالي دائره طلخا لسياده العميد جمال عبد الظاهر بمناسبه عيد الفطر المبارك وانتظر يا سياده العميد منا احلي هديه بعد العيد وهي كرسي البرلمان
    ) تهنئه حاره من أهالى الدائره لسيادة العميد0000 هما أهالى الدائره كانوا قالوا لك أنهم بيهنوه 000 دا فيه ناس كتير وكتير جدا فى طلخا ميعرفوش العميد جمال وناس كتير ميعرفوش محمد علام وناس كتير ميعرفوش شكرى زغلول وعدد المرشحين كتير الدوره دى والكل تاه فى اللخبطه دى 000 كان من الافضل أن تقول تهنئه من سيادة العميد لاهالى دائرة طلخا حتى لايكون كلامك مستفز لمن يقرأه

31. 

    ريحان 14/09/2010 02:51 -

    فعلا يا أستاذ ريحان لابد أن يكون لكل شخص مبدأ واحد لايتجزأ لان المبادىء لا تتجزاء

32. 

    علاء الديب 14/09/2010 02:49 -

    الاخ محمد ريحان 0000 راجع التعليقات اللى أنت كاتبها كويس هتلاقى نفسك بدون شعور فعلا مطهوم لمسعد لطفى وسايب العميد جمال عبد الظاهر والادهى من ذلك أن فى منتديات أخرى وجدناك تزكى وتشيد بالدكتور محمد ربيع (فئات ) وأحمد الشورى ( عمال) أنت ماشى مع مين بالظبط أدخل على باقى المنتديات وشوف اللى أنت كاتبه

33. 

    شوية هدوء 14/09/2010 00:23 -

    الاخوة الاعزاء ارجو ان نسمو فوق حوارتنا وان لانتدخل بالتجريح لاحد ولكن هناك شىء مهم لازم نتفق علية الترشيح حق لكل فرد فى هذا البلد طالما تنتبق علية الشروط ولكن كل مايثير الازمة هو مجرد ذكر اسم النائب الحالى عن العمال (مسعد لطفى ) ودة دليل على انة غير مرغوب فية من القاعدة العامة .نحن نريد عضو فى مجلس الشعب لدية القدرة على فهم دورة الرقابى والتشريعى والخدمى نحن نريد رجل ترشح من اجل خدمة الفقراء لا من اجل تصفية حسابات او الرغبة فى الحصول على سلطة لتنمية مشروعاته..او برفان يمارس من خلفة انشطة خاصة وتنمية لثروتة ..نحن نريد لهذة الدائرة عضوا يحس بمشاكلها والام فقرائها …هذا هو العضو المطلوب ..اما عن رايى وهو راى شخصى انا اوؤيد العميد جمال عبد الظاهر لاسبابى التى سردتها من قبل ….واخيرا لكل الحق فى رأية ..اما بالنسبة للاخ اللى اسمة (حاجة غريبة ) ارجو انك تفهم وبعدين تتكلم انا لابينى وبين مسعد حاجة ولا محتاج انافق حد لانى مش محتاج حاجة من حد …مسعد نائب بالصدفة لاسباب النزاعات بين الرميسى والشورى الدورة الماضية ..ربنا اعطى لية كل حاجة لكن للاسف اسال اى واحد فى الشارع عن مسعد لطفى وانت تعرف انى كلامى صح بلاش تتهم الناس بالنفاق انا واضح جدا فى رايى ..الرصف ومشاريع البنية الاساسية هى خطة دولة بدليل وجودها فى كل دائرة ولكل الاعضاء ام افيد واستفيد دة مبداء الانتهازيين ودة اتعمل فى موضوع الموقف …ارجو ترد بس تقنعنى..

34. 

    مصطفى المدنى 13/09/2010 23:50 -

    انا بشكر الامانة العامة للحزب الوطنى بالدقهلية على النية لحسن اختيارها لاعضاء مجلس الشعب 2010 وانوه للامانة بان العضو السابق / محمد نجيب خالد نور الدين عضو نشط واطلب من الحزب بعدم التفريط فيه لانه شرف لنا جميعا وللحزب الوطنى بالدقهلية

35. 

    شريف 13/09/2010 23:47 -

    الشورى وبس خلاص خلصت ومش حد تانى نؤيد ونبايع الشورى على مقعد العمال

36. 

    محمد ريحان 13/09/2010 22:00 -

    شكرا لكل واحد دافع عني والله يعلم مافي قلبي

37. 

    محمد ريحان 13/09/2010 22:00 -

    ومين قال اني هرشح مسعد لطفي

38. 

    احمد الزيات 13/09/2010 20:15 -

    اضم صوتى للاستاذ المخلص المحترم جدا والله محمد ريحان….انا لا اعرفه والله ومستغرب جدا من الناس اللى بيقوله انه منافق ومش هننتخب مرشحينه بسببه…وبقوللك يا استاذ محمد ولا يهمك من الناس دى هما بيقولو كدة عشان مش مصدقين انك مخلص لحد وفاكرين ان الناس كلها بتشترى بالفلوس اللى احنا عارفين طبعا مين اللى بيدفعها….وانا وكل من لا يباع ولا يشترى معاك ومع العميد جمال عبدالظاهر لكنى مع احترامى ليك مش مع مسعد لطفى لانه لا يستحقها

39. 

    محمد ريحان 13/09/2010 15:37 -

    كل المرشحين هذه الدوره محترمين واولاد ناس ولهم خدمات في بلادهم لكن العيب في بعض الملتصقين بالمرشحين هم من يثيرو فتنه فالرجاء المحافظه علي شعور الناس وعدم التجريح في احد ونحن مساندي العميد جمال عبد الظاهر لم نقف او نسب احد او نشتم احد اجعلوها منافسه شريفه من يفوز الف مبروك ومن ينهزم بالتوفيق في المرات القادمه وياريت اللي ميعرفشي واحد كويس ميتكلمشي عنه وبلاش تجريح في الناس المحترمين وشكرا جزيلا واعلنها معاك للابد يا سياده العميد جمال عبد الظاهر

40. 

    ابراهيم حسن 13/09/2010 15:36 -

    الله يتقبل منك عمرة رمضان ياحاج على رمانه والحمد لله على السلامه ودعواتنا كلها للك ان شاء الله

41. 

    سير علي بركه الله 13/09/2010 13:52 -

    سير علي بركه الله يابن ريحان احنا معاك ضد اي حد يتكلم ضدك او ضد العميد وكل سنه وانت طيب وترجع لنا بالف سلامه يا غالي

42. 

    ابراهيم حسن 13/09/2010 13:14 -

    الحاج على رمانه له اقارب فى كل مكان وكفايه ان بطره معاه والدكتور محمد صالح معه

43. 

    ابراهيم حسن 13/09/2010 13:13 -

    معلش سامحوني بس انا عاوز الراجل ده ينجح رغم هو مش عرفنى بس راجل بتاع خير وفاتح بيوت كتير بالحلال وكفايه عليه هذا (الحاج على رمانه )

44. 

    ابراهيم حسن 13/09/2010 13:07 -

    صدقونى الراجل ده طيب خليكوا معه (الحاج على رمانه ان شاء الله ناجح ناجح )

45. 

    ابراهيم حسن 13/09/2010 13:00 -

    جميع عائلات سلطان يؤيدون الحاج على رمانه والحكيم ومشالى ويونس وكل طلخا

46. 

    ابراهيم حسن 13/09/2010 12:55 -

    ونيابة عن النائب على رمانه نقول كل عام وانتم بخير ياهل طلخا وجميه قري مركز طلخا

47. 

    ابراهيم حسن 13/09/2010 12:53 -

    مع كل الاحترام للمرشحين بس نقول مبروك مقدما للحاج على رمانه الرجل الطيب والمعطاء بمعني الطلمه

48. 

    محمد مختار 13/09/2010 12:51 -

    ياجماعة فى إشاعة قوية بتقول إن الحزب عمل استطلاع رأى والأغلبية لحاتم حسنى و جمال عبدالظاهر …. فيه حد عنده معلومات ..احنا متلخبطين وياترى الحاج مسعد هيسكت ولا إيه.. ربنا يستر

49. 

    حاجه غريبه 13/09/2010 11:54 -

    لما يجحي عضو مجليس شعب يعمل مصلحه عامه سواء رصف او موقف او ردم مصرف نطلع نقول خطه دوله ههههههههه ضحكتني اوي يا بتاع خطه دوله دليل علي انك فعلا منافق ومبتعرفشي اي حاجه ودليل علي حقد تحمله في قلبك

50. 

    الحقيقه بتزعل الناس 13/09/2010 09:55 -

    ليه يا شباب الكلام اللي ملوش لازمه ده ياريت منجرحشي ببعض والاخ محمد ريحان معروف بانه رجل محترم ومخلص للمرشح اللي بيقف معاه وهو ملوش في المصالح الخاصه لانه ربنا كارمه وعارفين انه مع العميد جمال عبد الظاهر اما العمال فهو بيتكلم عن ماحدث علي ارض الواقع فياريت نتحاور باسلوب افضل من هذا الاسلوب لاننا جميعا في مركب واحد وشكرا