انتخابات مجلس الشعب 2010 دشنا
مصريات
بدأ مرشحين انتخابات مجلس الشعب 2010 في دائرة دشنا الاستعداد من الان لمعركة انتخابات مجلس الشعب 2010 بدشنا محافظة قنا وتشير كافة الدلائل الى خروج النائب الحالي محمد مندور من قائمة ترشيحات الحزب الوطني الخاصة بـ انتخابات مجلس الشعب 2010 في دشنا وذلك بعد الواقعة الشهيرة التي قام خلالها بارتكاب جريمة التجمهر والاعتداء على مركز شرطة دشنا مما أدي الى رفع الحصانة عنه وإصدار حكم ضده بالحبس لمدة شهرين.
مما كان سبباً في ظهور أكثر من مرشح يسعى للفوز خلال انتخابات مجلس الشعب القادمة في دشنا كل منهم يسعي للوصول الى ترشيحات الحزب الوطني من أجل تسهيل المهمة الشاقة. غير أن الأيام القادمة تخفي أكثر مما تعلن.
يا اهالي مركز دشنا الكرام كفانا تمسك باراء عاطفية ، انني اري ان كل المرشحين اسواء من بعضهم ، ولكن لابد علينا من اثنين يمثلون الدائره ، وقد اثبتت التجربة ان مندور من اسواء من مثلوا الدائرة ، وان اصلح بديل له هو الحاج مدحت خيري ، وانا من راي انه افضل المرشحين ، فهو يتسم بالادب والجراءه في نفس الوقت ويسعي بكل ما استطاع من جهد الي خدمة الناس منذ فترة كبيرة ليس فقط ايام الانتخابات كما يفعل الاخرون ، ولا ينظر الي الامور القبليه فهو لا يفرق بين هوارة وعرب ، ولكن هدفه هو خدمة الجميع ، واقسم بالله اني اقول راي هذا رغم انني انتمي الي قبيلة الهواره ، والحاج مدحت ينتمي الي العرب .
بكل الحب و التاييد شباب مركز الوقف نؤيد الاستاذ شعبان سالم مرشح مركز الوقف لانه رجل خدوم و خدماته للجميع و يمتاز بالبساطة و حب الجميع الذى يامل فى نجاحه ان يحقق اهداف و امال و طموح ابناء مركز الوقف و دشنا بالفكر الجديد و النطرة الى الامام حتى يتحقق التفدم
الحمد للله
كلام حضرتك صح فعلا كله بيتكلم فى السياسة و الدليل على كده وصول عدد المرشحين الى 75 مرشح
ظاطت ولاطت وكل من هب ودب بيتكلم فى السياسه وبيفتى
جرستونااااااااااا وفضحتونا على النت البلد داقت بيكم رايحين تتكلموا على النت
هل تعلم يااخي ان كمال موسي هو اكثر المتواجدين بالدائره، هل تعلم انه اول من يقف ف المنازعات والمشاكل ،هل تعلم انه اول المتواجدين مع الناس ف مركز الشرطه والمصالح الحكوميه بشهادة الجميع ،هل تعلم انه من اول المرشحين للحزب الوطني ومن المقربين لجميع القيادات الحزبيه والسياسيه والامنيه. هل تعلم انه قام بإنشاء عدد 16 مدرسه بمدينه دشنا والوقف ،وقام باتخاذ قرار انشاء كليات الطب والتربيه النوعيه بجامعه جنوب الوادي وكليه الدراسات الاسلاميه بنيت وكليه الدراسات الاسلاميه بنات والمعهد العالي للخدمه الاجتماعيه بقنا ومعهد فني تجارى وصناعي قنا ،انه اول من وقف بجوار المزارعين وطالب برفع سعر طن القصب ،انه قام برصف العديد من الطرق بمدينه دشنا مثل مدخل طريق ابو مناع بحري والشيخ علي ونجع سعيد ونجع عزوز والعطيات والغرابوات ونجع سالم والعجمي والحمامده والحامديه وفاو قبلي ،انه قام بتركيب العديد من اكشاك الكهرباء وانارة الطرق ،انه قام بصرف اعانات للمساجد بجميع الدائره ، الوقوف مع السائقين ف الدائره بالنسبه للرخص وخطوط السير ،انه قام بانشاء السجل المدني بابو مناع بحري ومطافي ابو مناع بري ،قام بعمل العديد من الدورات الرياضيه ع مستوي الدائره، وف ظل نيام الاخريين قام ف الفتره السابقه بانشاءمجلس قروي ابو مناع بحري وادارة اوقاف ابومناع بحري ومعهد قراءات ابو مناع بحري بنين وبنات ولوحة توزيع الكهرباء بابو مناع بحري ،يااخي هذا جزء قليل جدا مما قدمه والباقي يعرفه من قام بخدمتهم شخصيا ،فهل من اي شخص اخر ع مستوي الدائره فعل مافعله او نصف مافعله او جزء بسيط منه،هل من فعل كل هذا لوجه الله فقط ع مدار 30عاما لايستحق النجاح والوقوف بجانبه وانه معروف بالوقوف دائما للمصلحه العامة فقط لا غير فحقا كما قيل انه الامل الباقي لنا جميعا .
سمير عابد التقى مامور الضرائب العقاريه رجل المبادى والقيم والادب هو الر جل المناسب لانتخابات مجلس الشعب 2010 عن دائرة دشنا والوقف خالك رمضان عبدالاه
سمىرعابدالتقى رجل انتخبات 2010 فهوخىرمن ىمثل دائرةدشنا فى مجلس الشعب
اولا انا مبسوط جدا ان التواصل بينا بقى بطريقة متحضرة مش كلام على القهوة ثانيا انا نفسى اى حد يقول كلمة لازم يعقلها الاول يعنى مثلا انا عايز اى حد يتصل تلفونيا بالعقيد خالد الشاذلى ويطلب منه اى خدمة وعلى فكرة ده مش شغل انتخابات اسال اى حد والله بيخدم من زمان واسال ولا اقولك اقعد معاه الاول وشوف لو كلامه مش مقنع قوله وش كدا انت لا تصلح وجربوا الكلام ده اهى كلها محاولات للتغير ولا احنا مش عايزين نغير حاجة خالص شكرا
نعم لمحمد مندور بلال رمز الجمل ان شاء الله فهو خير من يمثلنا تحت قبة البرلمان نعم لمندور نائب لكل العصور
مع إحترامى الكامل لسيادة اللواء فهو بهذا الأسلوب يحرق نفسه سياسيا بنزوله إنتخابات الشورى و عدم توفيقه ثم نزوله بعد شهور قليله إنتخابات مجلس الشعب وفى النهاية إننى أتمنى التوفيق للجميع
اللواء احق بالكرسى هو احق راجل عسكرى ولايعرف المجاملات
اللواء محمد عبدالراضى عمار ومستشار فى كلية القاده والاركان خير من يمثلكم بجد والله هو انسان محترم ومثقف لابعد حد واو جلست معه هتعرفوه وانسان خدوم جدااااااااااا والنهايه ربنا ينجح الصالخ للشعب سواء ابو عمار او غيرهمرشحكم ابو عمار عن قرية الحامديه عاطف ابو خليل
انا من قريه الشيخ علي وانتمى الي قبيله العرب وحاصل علي لسانس حقوق وليس لي مصلحه مع احدواعمل في شؤن قانونيه بالبترول وانزل البلد كل اربعه اوخمسه اشهرفحدثت مشكله مع عائلتي مع بعضهم البعض ووصلت الامور للمركز والتفت يمينى وشمالي ولم اجد سوي رقم العقيد خالد الشاذلي فتصلت به ولم يسألنى من انت فقال لي تحت امرك وذهبت المركز وجدته امامى فاقل واجب ساقدمه له باذن الله ان اذهب الي مقره الانتخابي قبل الانتخابات انا واهل بلدي واقف معه وقفت رجل مخلص من اجل مصلحه البلدواقسم لكم لم يصلح سوي هذا الشخص واتمنى ان نقف يدا واحده معه والسلام عليكم
كل سنه وكل اهل مركز دشنا بخير..كلام كويس كتير اتكتب..بس فى حاجه مهمه ولازم نستفاد منها ..لازم مرشح قوى …واكيد الكل فاهم معنى كلامى..بالنسبه لقائمه المرشحين طبعا كلهم ناس كويسين وكل الناس بتحترمهم وبتقدرهم ..وبنتمنى فى الاخر شخص مناسب يقدر يخدم الجميع ..بالنسبه لهوارة فى حسين الوكيل وطبعا ده راجل معروف ومش اول مرة ينزل انتخابات ..بس حسين فى الفترة الاخيرة عندو مشكله مع اهل بلده الاهى الجحاريد بسبب قضيه قتل متهم فيها ولاد اخواته الاتنين وده اكيد هياثر عليه فى الانتخابات ..طبعا ازاى يكون اديهم ملوثه بدم ناس والناس تنتخبهم صعب على اى حد..واهل الجحاريد اكيد هيدو صوتهم لاى حد من المركز سواء من بيت الشاذلى او اى حد تانى ..وناس الجحاريد عوزين حد يساعدهم وياخد بيدهم مش يقتل ولادهم ..ويبهدلهم…ومعنى ده ان حسين الوكيل ضيع من بين اديه لا يقل عن 3000 صوت من الجحاريد …والتانى طارق السباعى وده اكيد الزب هيختارة ..وبلنسبه للعرب والا انا نفسى مقعدين المجلس يكونو للعرب ..واتمنى ان العرب يختارو واحد يكون محنك وذو خبرة ويقدر يفدنا جميعا..
إنتى منين فى دشنا أصلا بالظبط بصى بقى دشنا فيها تركيبات كتيرة و غريبة بمعنى دشنا المدينة نفسها مقسمة لأربع أجزاء العزازية و الصعايدة و الخولا و صفارة وفى بعد كده قرى كتير تابعه لمدينة دشنا
انا مش عارفه موضوع الانتخابات ولكن انا من قنا وخاصه من دشنا اصولى ولكن عشت عمرى ما شفته البلد دى ولكن سمعت عنها ارجو التواصل معكم لان عاوزة اعرف عنها وعن اهلى
اليوم قام كلا من الساده كمال موسى و حسين الوكيل بتقديم أوراقهم للترشيح على قائمة الحزب الوطنى
وبعدين معنى كلامك إنى طلعت أربعه من ستة اللى أنا قولتهم ما ينفعوش يبقى كده اللى هينجح حسين فايز و العقيد خالد لا طبعا إنت لو خدت بالك أنا قلت عن حسين إنه إعتماده على إسم والده هيضعفه و كمان اللى هيضعفه نسبه بعبدالرحيم الغول و أسلوبه فى الكلام بيجسسك إنه مغرور .
ومع ذلك فأنا بوجه سؤالى للأخ متعجب تفتكر مين هينجح فى مجلس الشعب ؟
بالنسبة لموضوع الحزب انا ذكرته على فكرة وقولت إنه ترشيح الحزب هيكون طارق السباعى و الفردة التانية إما مندور أو حسين فايز وقلت إنه عدم نزول حسين حزب فده هيصب فى مصلحة العقيد خالد الشاذلى . موضوع الحزب انا عارف كويس إنه بيمضى على توكيل للحزب بالتنازل عن الترشيح و ده حصل فى إنتخابات الشورى الأخيرة و بسبب الموضوع ده فعدد الناس اللى قدمت ورقها فى الحزب فى الدورة دى قليل جدا و الدليل على صحة كلامى إنه العقيد خالد الشاذلى و حسين الوكيل وكمال موسى ما قدموش فى الحزب
للاسف الاخ المحاسب لم يعلم ان ترشيحات المجمع بالحزب الوطني عند ظهورها فهناك العديد لايستطيع ان يترش مستقلا لوجود توكيل باوراق الترشيح وتعجبت من تحملك ع كمال موسي وحسين الوكيل ومناهضتك لطارق السباعي ومندور وادعاء بان كمال موسي بعيد عن الدائرة غير صحيح ومن يشهد بذلك اهالي دشنا والوقف من ناحية الزيارات العديدة وتواجده المستمر بقسم شرطة دشنا والوقف وبالنسبة لحسين الوكيل فان ناهض مرشح من مشايخ العرب فسينجح بسهولة هو ومن يناهضه وبالنسبة ل آل الشاذلي فخلاص كثرة المرشحين منهم قضت عليهم مثل مندور وطارق السباعي الذين لم يزورا احدا ولم يعزوا احدا ولم يساعدوا احدا بعد نجاحهم وهذا معروف لدي الجميع بدشنا والوقف وشكرا لتحدثكم بهذه الطريقة الهذبة وندعوا الله ان ينجح من ف صالح الدائرة ككل وليس لقبيلة او لعائلة او لاشخاص محددين .
معنى كلامى اللى فات إنه فيه أربعه من الستة اللى انا قلت عليهم هيعيد بس فيه جزئية مش عاوز كله يكون فاهمها إنه الناس اللى قدمت ورقها فى الحزب من السته اللى قولتهم 3 هما مندور وحسين فايز و طارق السباعى معنى ده إنه إحتمالات نزول طارق الحزب 99% و الفردة التانية إما مندور أو حسين فايز و ده برضه معناه إنه لو الحزب ما رشحش حسين فايز على قائمته فده بيصب فى مصلحة العقيد خالد الشاذلى لأنه ساعتها العرب هيبقى قدامهم واحد بس من عائلة الشاذلى أما فى حالة نزول حسين فايز على قائمة الحزب فده هيضر أكتر واحد العقيد خالد الشاذلى بس على فكرة موضوع الحزب مش موضوع مؤثر قوى فى الإنتخابات زى ما الناس فاكرة
4-العقيد خالد الشاذلى
مزاياه إنتمائه لعائلة الشاذلى المحبوبة من قبل العرب و من قبل ناس كتير و نزوله بصفة فلاح ده بيدعمه لأنه بكده صوته هيمشى مع أى حد و عنده زى ما بيقولوا الكاريزما اللى تخلى الناس بتحبه عنده دهاء إنتخابى إستمده من قربه من المرحوم فايز فهو جوز بنته و إبن أخته ففهم اللعبه إلى حد كبير من مزاياه إنه ضابط شرطه يعنى خدماته كتير و قوة شخصيته و إنه بيعرف يكسب الناس هياخد أصوات فى العزازية و فى نجع عزوز و فى الشيخ على و فى بعض المناطق فى الغرب و فى جزء من الخولا وصفارة و بقبول جزء كما إنه مقبول من المسيحيين أكتر من حسين فايز اللى نسبه للغول نقطة ضعف فى الجزئية دى و فى شباب كتير بتحبه طيب دى نقاط قوته أما نقاط ضعفه إنقسام عائلة الشاذلى حواليه تفتت الأصوات فى العزازية المعقل الرئيسى بالنسبة له
3-حسين الوكيل
مزاياه ناس مؤدبين الناس بتحترهم لتعاملهم الكويس مع جميع الشخصيات خبره كبيره فى الإنتخابات بيلعب فى منطقة ملكه بالكامل مفيش حد بينزل قصاده فيها و دى مش متوفرة غير فى إتنين هوه و طارق السباعى و علشان كده فى 95 واحد عاد منهم و فى 2000 الموضوع إتكرر فعلشان كده معاه أصوات كتير هيقدر يبادل بيها و الميزه طبعا المهمه إنه فلاح يعنى صوته هيمشى مع أى حد تانى طيب دى مزاياه أما بالنسبة للحاجات اللى ممكن تضعفه كالتالى إنه هوارى و زى ما قلت قبل كده إنه صعب العرب يسمحوا بكرسى تانى لهوارة فى الدايرة و الحاجة التانية خلافه مع طارق السباعى المستمر و مناصبتهم العداء لبعضهم البعض
2-حسين فايز
.مزاياه إبن الحاج فايز “الله يرحمه” ودى هو بيعتمد عليها جدا والميزه التانية إنه العرب عاوزين حد قوى ومندور زى ما قلت قبل كده ماعرفش يعمل كده
ليه رصيد خدمات معقول من خلال مجلس الشعب و شغله فيه وكمان من خلال تواجد إخواته و خصوصا كرم فى المركز بصفة مستمرة وعشان كده هيحصد أصوات كتير فى العزازية و فى العرب فى مناطق مختلفة وده وفاء للمرحوم والده
عيوبه إعتماده على والده ممكن ييجى بصورة عكسيه وبعدين نسبه لعبدالرحيم الغول نقطه ضده مش معاه على فكره و الأهم من ده طريقته و هو بيتكلم و هو ماشى فى الشارع تحسسك إنه فى قمة الغرور مع إنه طيب جدا ومشكلته الأساسية إنه مش فى ذكاء المرحوم أبوه الإنتخابى وحواليه مجموعة مش كويسه عايزه تهده بس للأسف هو مش فاهم ومن الحاجات اللى هتضعفه العقيد خالد الشاذلى اللى من عائلة الشاذلى و اللى العرب عاوزين حد منهم ينجح
1-مندور إنسان محترم
إستقباله للناس زى الفل و مؤدب حتى من قبل ما يبقى نائب هنلاقى إن من إيجابياته الأدب و الإستقبال الكويس للناس و إنه عضو مجلس الشعب الحالى “ودى ميزه” و إنه حصل نوع من التعاطف معاه شويه من الصعايده و من ناس كتير بعد موضوع المركز وهياخد كتير فى الصعايده و فى العطيات و فى الغرب مجموع الأصوات دى يرشحه للإعادة طب دى ميزاته أما عيوبه معرفش يملا فراغ الحاج فايز بالنسبة للعرب معرفش يستغل الفراغ السياسى الموجود فى الدائرة و إنه يعمل قاعدة خدمات كان ممكن تخليه نائب لمدة 30 سنة قدام و بعدين الأهم من كده معملش 1% من اللى الناس كانت متوقعاه منه و أهم مثال على كده الوظايف فهنلاقى إنه عين ولاده كلهم تقريبا فى دورة واحدة و دى كانت غلطة عمره
و دلوقتى إتشاء الله هأبدأ فى تحليل الأربعه الفلاحين الأقوى فى الدائة من وجهة نظرى المتواضعه
اللى عايز أقوله ومن خلال خبرتى المتواضع و تواجدى فى الإنتخابات من 1990 لغاية دلوقتى إنه النجاح عبارة عن توليفه متكاملة بمعنى إنه خدمات و قبليات و علاقات و خبره ه ه ه ه ه ه ه ه وبأكد على كلمة خبره دى جدا واللى بيحسم ده كله فى الآخر ذكاء المرشح وطريقة حسابه للأصوات و إمتى يرمى على فلان وبعدين يوقفه و يرجع يرمى عليه تانى و هكذا وعلشان كده ده كان ترشيحى لعدد 6 هيعيد منهم 4
العزازية يا سيدى الفاضل عبارة عن عائلات و إذا إفترضنا إنه الحاج مدحت هياخد لجنة مدرسة النيل بالكامل و ده صعب شويه بس هنفترض ده تفتكر هيعمل أيه بره العزازية العرب هيكونوا متحدين و هيكون تركيزهم منصب على عدد محدود من المرشحين هما كمال موسى و مندور و العقيد خالد الشاذلى و حسين يعنى المناطق اللى أنا أقصدها هى فاو و نجع سعيد و العطيات و الصبريات و أبومناع نظرا لنجاح أحمد مختار وخوف العرب من النزاعات اللى ممكن تحصل
السلام عليكم و رحمة الله و بركاته أنا أختلف مع الأخ محمود فى جزئية إنه المرشح بيحسبها كويس قيبل ما يورح أى مندرة لأنه السلطة ليها زهوة وده شئ طبيعى بالنسبة لأى حد والدليل على صحة كلامى إنه كل مرشح شايف نفسه ناجح واللى حواليه مصدق ده و ما بيكونش مصدق إنه هيدخل إعاده أصلا وده بييجى نتيجة لنقص الخبرة من المرشح و إنه المجموعة اللى حواليه موصله له الصورة غلط و على فكرة أنا بحب الحاج مدحت جدا بس أنا شايف إنه كده ماشى فى نفس سكة المرحوم صالح سالمان الله يرحمه و يحسن إليه وبالنسبة للحاج مدحت رجل خدوم و مهذب هو و أخوه الحاج خليل بس ما علش يعنى تقدر تقولى كمية الأصوات اللى ممكن يحصدها بره العزازية اللى فيها كذا مرشح
انا اختلف مع المحاسب فى الكلام اللى بيقوله عشان المرشح بيحسبها قبل ما يروح ديوان اى عائلة مش بيقولوا تمام يبقى تمام ولكن المرشح اللى بيروح لاى عائلة اذا كانت خدماته بتسبقة بيخرج من عندهم مرتاح ومطمن زى الحاج مدحت اللى انت بتكلم عليه دة راجل خدماته بتسبقه لاى عائلة وهذه الخدمات هى اللى بتتكلم عنه .
اتمنى ان يحسم الختام في المعركه الانتخابيه لواحد من بين ال الشاذلي لان جربنا غيرهم ومنفعش واتمنى اللعقيد خالدالشاذلي لانه الافضل بين ال الشاذلي الي كل الدايره عاوزه واحد منهم وده كلام الصغير قبل الكبير وفائا وتقديرا لهم
السلام عليكم ولرحمه الله وبركاته انا شايف ان المحاسب كلامه منطقي جدا وانا شايف بنظره الانتخابي وانا بين الشباب ان هناك اعاده بين العقيد خالدالشاذلي وحسين الوكيل( فلاحين)و
كمالموسي وطارق السباعي(فئات)وسوف تحسم بعد ذللك للعرب لانهم مش هيقبلو غير كده يعنى العقيدخالدالشاذلي(فلاح)ا/كمال موسي(فئات)والله الموفق ورايي قابل للصواب والخطا.
هكمل بعدين إنشاء الله و ياريت كله يفهم إنه رأيي خطأ يحتمل الصواب و رأى غيرى صواب يحتمل الخطأ
2-كمال موسى شخصية تتمتع بالإحترام مزاياه العرب محتاجينه خصوصا إنه مندور فشل فى إنه يملى فراغ المرحوم فايز و كمال موسى بالنسبة للعرب فالعرب محتاجينه جدا إنسان مهذب و ليه كلمه مسموعه فى أوساط العرب خصوصا بعد وفاة المرحوم فايز وهو المنافس الأشرس على كرسى الفئات بس ياريت ما حدش ينسى إنه ما ينفعش ينجح 2 فئات بعكس العمال و الفلاحين ممكن الإتنين ينجحوا ودى من العيوب بالنسبة لكمال موسى العيب التانى إنه ما قدرش يتخطى صدمته فى الإنتخابات اللى فاتت بسرعه بعكس فايز الله يرحمه لأنه كان محنك عن كمال فده خلى كمال بعيد شوية عن الدايرة و العيب الأساسى إنه مقر سكنه الأساسى قنا وولاده مش متواجدين و ساندينه زى طارق السباعى فكل دى حاجات ممكن تضعفه
1-طارق السباعى معملش التغيير اللى الناس كانت منتظراه منه و ده لأنه مش هو وحش بس ده الوضع اللى موجود فى الدولة و لكن مزاياه نظافة اليد و الدب الجم و عدم مناصبة العداء لقبائل العرب و ديه ميزه مهمه فى طارق السباعى بعكس أحمد مختار مثلا بمعنى إنه طارق السباعى الهوارى الذى لا يرفضه العرب كل اللى قلته ده إيجابياته أما السلبيات فهى مش فى شخصيته على الإطلاق فهو إنسان مهذب إلى أقصى الحدود السلبيات هتتمثل فى التالى إنه فئات و إنه العرب ممكن ما يسمحوش بتولى الهوارة لكرسيين و الأهم من كده مناصبة العداء من آل الوكيل و مرشحهم حسين الوكيل الذى فى خصومة دائمة مع طارق السباعى
معنى كلامى إنه محدش هينجح من أول مرة و تحليلى ده معناه برضه إنه أربعه من الستة اللى أنا قولتهم هيعيد . طيب طبعا كله هيقول كلامك ده على أى أساس هرد فى السطور التالية إشاء الله
فى السطور اللى جايه هحلل الإنتخابات بدون أى تحيز :- أولا مقعد الفئات المنافسة محسومة بين 2 هما طارق السباعى و كمال موسى . مقعد الفلاحين المنافسة بين مندور ما تستغربوش مندور برضه ليه وزنه بغض النظر عن أى أحداث حصلتله فى الفترة الأخيرة و حسين فايز أبوالوفا و العقيد خالد الشاذلى و حسين الوكيل و لكن ممكن يضعفه إلى حد ما الأحداث الأخيرة اللى حصلت فى عيلته
عارف إنه فيه ناس هتقول ده تبع حد بس المشكلة إنه كله باصص للصورة من بره ماحاولش إنه يدخل جوه الصورة هتقولوا إزاى زى ما كل واحد فينا مثلا فاكر إنه شغلانة التانى سهله فالواحد يقول يا فلان هو ده اللى إنت بتعمله صعب بس أول ما بيتحط فيه بيصرخ وما بيبقاش فاكر إنه الموضوع بالصعوبة دى و للأسف إنه كل اللى داخل فاكر نفسه هينجح من أول مرة لأنه الناس اللى بتلف على المنادر لما بتروح فطبعا اللى بيستقبلهم فى المندرة بيقولهم إحنا معاكم فبيطلع بيمسك ورقة و قلم و بيفضل يحسب و ده أكبر مثل عليه اللى حصل مع المرحوم صالح سالمان اللى فضل يدخل إنتخابات و يسقط و تاريخه إتمسح بسبب الناس اللى وراه للأسف مع إنه إنسان محترم و للأسف الحاج مدحت بيكرر نفس الخطأ
بعدين لما نيجى نبص على دايرة زى دايرة دشنا و الوقف هنلاقى إنه الكرسى فيها عامل زى الدورى المصرى يا إما أهلى أو زمالك بمعنى إنها بتبقى محسومه فى عدد محدود من العائلات مش بيزيد عن 6 أو 7 عائلات كحد أقصى طبعا ممكن يكون فيه ناس هتستغرب كلامى ده بس تعالوا نستعرض الإنتخابات .
إنتخابات 1990 فايز و عبدالمنعم . إنتخابات 1995 فايز و مختار . إنتخابات 2000 فايز و كمال موسى إنتخابات 2005 طارق السباعى و مندور مع ملاحظة إنه سيناريو 1990 كالتالى فايز نجح من أول مرة مع إعادة بين مختار و عبدالمنعم إنتخابات 1995 إعادة بين فايز و مختار و عبدالمنعم و حسين الوكيل إنتخابات 2000 إعادة بين فايز و كمال موسى وحسين الوكيل و طارق السباعى إنتخابات 2005 إعادة بين فايز و كمال موسى وطارق السباعى و مندور حد لاحظ حاجه كمية التكرار بلاش هتلاحظوا إنه قبل 1990 كان فايز و عبدالمنعم و طارق السباعى و فؤاد أبوزيد هى دى دايرة دشنا
يا جماعه لازم نحلل الإنتخابات تحليل موضوعى و أنا واحد ليا خبره فى الإنتخابات أكتر من 20 سنة لأنى قريب عضو مجلس شعب أنا صعبان عليا الحاج مدحت جدا لأنى شايف إنه هو صالح سالمان التانى لأنه فى شله حواليه عاوزة تقضى عليه زى ما قضت على صالح سالمان وعشان كده ياريت يرجع لعقله و يسيبه من حكاية الإنتخابات دى والله الكلام ده مش كرها فيه أو خوفا منه لكن حبا فيه .
خير من يمثلنا فى تلك الفترة بنجاح هو الشباب وخير الشباب المرشحين هو الحاج مدحت خيري عبد المجيد لانه من بين شبعان وليس فى حاجة الى شبع وهذا اهم امر يفضل للمرشح . غير ذلك ان الشباب يسعون الى قضاء خدمات أكثر لانهم ينظروا الى المستقبل وليس تحت ارجلهم .
لابد ان نختار من يمثلنا ان يكون من الشباب وخير الشباب ولخير للشباب
والله انا شايف انه الغرب ضحى كتير انه يبقى من غير نائب وانا شايف انه لابد ان نتكاتف لنرى نائب يمثله مثل الدكتور محمود جوده الذى مثل قنا اكثر من مره فى الخارج وهو خير من يمثل فى الاوقات الصعبة وهو راعى مصالح الشباب فى الوقف وخارج الوقف وشكرا
يا ناس يا هو هي الحكايه شبه محسومه مين افضل من العقيد خالد الشاذلي في خدماته ووقفاته مع الجميع فهو انسان يعرفه الجميع وعرف بالخدوم قبل كونه ضابط كبير
العقيد خالد الشاذلي هو الافضل وهذا بانه ابن للجميع وخدماته يعرفها الجميع ونجاحه اللباهر في عمله كضابط شرطه ووصوله لمفتش مباحث محافظه قنا خير دليل وانه يعرفه الجميع وانه عرف بانه يخدم بدون ان يعرف يخدم مين فهذه ميذه كبيره وهو ابن واب واخ للجميع
النائب مندور ليس فى حاجه لترشيح الوطنى له وليس فى حاجه
لعضوية هذا الحزب ، فالوطنى هو الذى قبل يد النائب مندور الذى فاز
عن جدارة ب أكثر من 22 الف صوت لينضم إليه بعد الهزيمة الساحقة
التى منى بها فى الجولة الاولى فى الانتخابات السابقة ، فالوطنى فى
حاجة لنائب حقق إكتساح فى الدورة السابقة وليس العكس ،
نفس الخطأ الغبى إرتكبه الحزب الوطنى مع النائب أحمد أبو حجى
عندما رشح غيره فى الانتخابات قبل الاخيره ففاز ابو حجى فى سوهاج
رغم انف الوطن الذى سعى لضمه ثانية ..
فهل يكرر الوطنى اخطاؤه ؟
فالنائب مندور هو أفضل نائب لدشنا ..
ماهر صابر فارس السمان قائد الانتخابات القادمة فهو اصلح من يمثلنا فى مجلس الشعب وزلك صدق والله المستعان
ان الحاج مدحت خيري يقوم بخدمة اهالى دشنا منذ اكثر من عشرة اعوام وانه لايخدم لدخوله المجلس ولكن العكس فهو يريد ان يدخل المجلس ليخدم أكثر من ذلك . فاننى أنصح اهالى الدائرة الكرام ان يقفوا بجانب هذا الرجل لما نراة من خدمات له لاهالى دشنا عامة . واقسم بالله انه ليس قريب لى
اننى ارى ان من أفضل مرشحين مركز دشنا ويستحقها بجدارة الحاج/مدحت خيري عبد المجيد حيث ان اعماله التى تقول ذلك وليس انا . فمعظم يومه لقضاء حوائج اهالى دشنا وذلك حتى الصباح ويريت الحزب الوطنى يكسب واحد زى ده لانه اضافة للحزب