مصريات – بنات كتير جدا بيعانوا من مشاكل الشعر من تساقط الشعر او تقصف الشعر او خشونة الشعر و جفافه وغيره مشاكل كتير ممكن تكون في اي بنت وبنحاول دايما نعالج مشاكل الشعر من خلال الشامبوهات المعالجة او الوصفات الطبيعية او كريمات الشعر وغيره كتير.
لكن ازاي البنات تحافظ على جمال الشعر ونعومته وفي نفس الوقت تتخلص من كل مشاكل الشعر بابسط طريقة ومن غير ما تحتاجي تروحي لمتخصصين او مراكز تجميل او تستخدم ادوات او مواد طبيعية و وصفات طبيعية او حتى كيماوية.
عالجي نفسك من مشاكل الشعر
ندخل في المفيد اسهل طريقة وارخص طريقة للحفاظ على صحة الشعر هي التسريح الصح ايوه التمشيط يعني انك تسرحي شعرك بطريقة صحية بيعملك حاجتين اولا بيغذي شعرك كويس جدا وبيخليه يستفيد من كل الزيوت الطبيعية اللي ربنا خلقها لينا وموجودة في فروة الراس وتاني حاجة التسريح بينضف الشعر وبيشيل كل الشوائب والاشياء الضارة اللي ممكن تمنع الشعر انه يستفاد من الهواء والمواد اللي بيحتاجها – يعني لو سرحتي شعرك بطريقة سليمة ده احسن من انك تستخدمي اي شامبو اللي الهدف منه الرئيسي هو تنضيف الشعر لكن مش معنى كده اننا ممكن نستغنى عن استخدام الشامبو- ، نرجع لموضوعنا كمان ازاي الشعر لازمله حاجتين عشان يكون صحي وجميل اولها:
الاكسجين بيحتاجه الشعر عشان يتنفس فاكيد لما بتسرحي شعرك صح بتقدري تدي كمية الاوكسجين اللازمة لكل شعراية وبكده تمنعيها انها تتكسر او تتقصف.
تاني حاجة بيحتاجها الشعر هي الزيوت الموجودة في فروة الراس وهي زيوت طبيعية مخلوقة ربنا يعني موجودة في بني ءادم سواء شباب او بنات والتي بتعتبر تغذية كمان للشعر وبتعمل على انه يكون ناعم ومش جاف.
المهم ازاي البنات تسرح شعرها بطريقة صح:
اول حاجة لازم تختاري الفرشاة والمشط الصحي والسليم وطبعا ابعدي عن كل انواع الامشاط والفرش البلاستيك اي نوع منها الغالي والرخيص كله بيضر الشعر وبيعمل شحنات مع الشعر بيخليه يتقصف و يتساقط بسهولة.
طيب ايه هي الفرشاة والمشط الكويس هتعرفي من الصور:
Boar Brush علاج لكل مشاكل الشعر
دي اسمها بور برش او boar brush بتكون مصنوعة من الياف طبيعية او من الشعر وده بيساعد جدا على تجديد الدورة الدموية للشعر بشكل صحي وسليم هتلاقيها في الصيدليات او محلات ادوات التجميل.
فرشاة دائرية للشعر مع نصائح للبنات
ده نوع تاني من بور برش boar brush ولو كنتي رايحة تعملي سيشوار عند الكوافير يفضل تاخديها معاكي وتطلبي منه يعمل بادواتك.
فرشاة صحية للشعر boar brush
دي اشكال مختلفة لنفس الفرشاة واللي بتمنع تساقط الشعر و تقصف الشعر و كمان انه يتقطع
فرشاة صحية للشعر و نصائح للبنات
اما الامشاط او المشط الصحي هو اكيد الخشب وتأكدي كمان من ان الفرشاة اللي جايباها او المشط يكون خشب بجد مش مجرد مهون بشكل يوهمك انه خشب.
مشط خشب و فرشاة صحية للشعر
والمشط الخشب الكويس والصحي هو الللي بتكون اسنان المشط بتاعته متساوية زي اللي في الصورة
ده مشط خشب واسع بينفع جدا ومريح في تسليك الشعر لو ملعبك في بعضه او بيهيش بسرعة
فرش خشبية و بلاستيكية للشعر
دي مجموعة فرش الصحية منها هي الفرشاة الخشبية واللي بيكون الاسنان بتاعت الفرشاة كمان خشب لكن لو كانت بلاستيك ابعدي عنها واتأدي انها خشب بجد قبل ما تشتريها
فرشاة خشبية وصحية للشعر
زي الفرشاة دي مثلا اسنان الفرشاة خشب ولازم تكون كمان متساوية
الطريقة السليمة لتسريح الشعر
اما طريقة التسريح الصحيحة والسليمة اللي تخل عندك شعر صحي حتى لو بتستعملي مستحضرات الشعر زي الجيل و الكريمات و الزيوت الطبيعية او حتى الموس و مثبتات الشعر الاتي :
* اول حاجة بتجيبي المشط الخشب الواسع وبتقسمي الشعر لكزا جزي وليكون مثلا قسمين قسم يمين وقسم شمال وبتبدأي تسرحي الشعر بالتدريج يعني مثلا بتمسكي الجزء الشمال و بتبدأي التسريح من شوية بشوية وانتي طالعة فوق لحد ما توصلي لفروة الرأس ولازم ما تشديش الشعر ولا تكوني سريعة خلي على مهلك اهم حاجة وبعدين بتعملي نفس الشيء للشعر كله.
تاني حاجة بترجعي شعرك كله لورا وبترجعي تسرحيه تاني بيكون متسلك وتمام.
اخر حاجة استعملي الفرشاة الخشب او الفرشاة التانية البور برش ولمي شعرك كويس او اعملي التسريحة اللي تعجبك.
نصيحة اولا خلي التسريح اكتر من مرة في اليوم يعني يفضل او ما تصحي من النوم وفي نص اليوم مثلا على المغرب وقبل ما تنامي كمان.
تاني حاجة لو شعرك دهني فحاولي تخلي مدة تسريح الشعر دقيقة واحدة او دقيقتين اما لو شعرك جاف فطولي المدة اكتر من 4 الى 5 دقايق لانه ده بيزود كمية الزيوت في شعرك وبيخلي الدورة الدموية للشعر تاخد حقها.
واخيرا اوعي تسرحي شعرك وهو مبلول ويفضل لو ها تغسلي شعرك انك تسرحيه قبل ما تغسليه وتسيبيه ينشف بعد ما يتغسل بعدين تسرحيه عشان لا يتقصف ولا يتساقط.
وفي الاخر جربي تسرحي شعرك بطريقة صحية وهتلاحظي الفرق خلال شهر.
انا شعر بتساقط اعمل اية انا استعملت المشط الخشبى بس معملش حاجة
الف شكر
شكرا على النصائح
موقع رائع جدا
كرا جزيلا على هذه الملومات و ادعولي ان يكون شعري كثيف لاني احب كثيرا الشعر الكثيف THANK YOU
انا شعرى بيصعب التسريح وبتعب جدا عندما اسلكوا
الله يحميكم شكرا جدااا
واو شكرا
شكرا على الناصيح بس انا شعر جاف مره واذتروشت ينفش مدري ليش ممكن مساعده
ميرسى على النصائح الجميلة دى ياجميل
ادعولى شعرى يطول
مشكور
ارجوكم حد يفدنى
شكرا على نصايحك
بس انا شعرى بيتساقط بطريقة فظيعة وحكايت الفرش للشعر بتتلعبك معايا فى شعرى انا بستخدم مشط اسنانو وسعة بس بلاستك اللى هو جامد اسنانه جمدة يعنى مش بلاستك العادى
طيب الكلام دا ينفع للرجاله ولا للبنات بس شكرا
شكرا لمصريات واهتمامها بالمواضيع النسائيه
اصبري ولا تسمعي كلام كتب( جهاد )
اريد ان اقول لكل فتاه اصبري فالصبر خير نصيب (انشرها علي متقدر) جهاد
جميل جدا جدا جدا جدا
والله يا جماعه معلومه ممتازة اكثر من ممتازة بس ليا تعليق
بسيط من فين اجيب المشط الخشب انا احترت جدا جبت مشط بس ضيق مش موجود الواسع يا ريت تفيدوني
* ملحوظة هامة
boar brush وتسمى أيضًا boar Bristle brush
تعني فرشاة مصنوعة من شعر الخنزير والذي يقال أنه يعطي الشعر لمعان.. لكنها غير صالحة لاستخدام المسلمين، ويمكنكم البحث في مواقع فتاوى تثقوا بها للتأكد من حرمتها.
يجب الحذر وعدم استخدامها أو السماح لمصففة الشعر باستخدامها على شعرنا فأغلب الناس يجهل هذه الحقيقة وكثير من المصففين يستخدمها للأسف.
ثانكس
مرسي اوي اوي وتسلمي
thankyou
الله يعطيكى العافيه وجزاكى الله خيرا
ميرسى اوى على الوصفة الجميلة دى
ميرسى جدا نصايح جامة وهحاول اعمل بيها وادعولى فى الثانوية العامة
ميرسي اوي عنصايح دي وشكرن كتير
انا بئيت أرعه من يوم مادخلت مصريات خخخخخخخ
عنجد شكرا كتير
شكرا على معتوماتك القيمة
ميرسى اوى على النصائح
شكرا لمصريات واهتمامها بالمواضيع النسائيه