مصريات – كتبت ريم المصري: سيقوم المجلس الاعلى للجامعات الخاصة التابع لوزارة التعليم العالي، بتحديد واعلان الحد الادنى للقبول في الكليات التابعة له، حسب نتيجة تنسيق الجامعات الخاصة 2023 – 2024 لطلبة الثانوية العامة والازهرية والدبلومات الفنية وكذلك الدبلومة الامريكية.
تنسيق الجامعات الخاصة
هذا ويشتكي بعض طلاب الشهادة الثانوية العامة وكذلك الدبلومات الفنية للعام 2023 اضافة الى حملة الشهادة الثانوية الازهرية 2023 من ارتفاع تنسيق القبول في الجامعات والمعاهد الحكومية المجانية، وقال البعض منهم بان هذا يأتي في مصلحة الجامعات الخاصة، وخصوصاً بان الغالبية العظمى من اهالي الطلبة غير قادرين على تحمل مصاريف الجامعات الخاصة الباهظة.
فيما ابدى البعض الاخر عن امله بتطوير بسياسة الحكومة الجديدة سواء وزارة التربية والتعليم او وزارة التعليم العالي وذلك لأن الكثيرين استبشروا خيراً بالتغييرات التي تقوم بها الوزارات المعنية، وبان هذا الامر سوف ينعكس ايجاباً على السياسة التعليمية بمصر لتكون اقرب لعامة الشعب وتلبي طموحات الطلاب من ذوي الدخل المحدود والطبقات المتوسطة والفقيرة.
وذهب البعض الاخر من طلبة الثانوية العامة الذين صدموا بارتفاع الحد الادنى للقبول في نتيجة تنسيق الجامعات لطلبة الثانوية العامة بمرحلته الاولى قياساً الى المجاميع بان السبب قد يكون لدعم الجامعات المصرية الخاصة.
تنسيق قبول الجامعات الخاصة في مصر
وفيما يلي دليل تنسيق الجامعات 2024 الخاصة في مصر مع الحد الادنى للقبول وكذلك تكاليف الدراسة سنوياً.
ويلاحظ زيادة نسبة تنسيق كليات الجامعات الخاصة في مصر في العام الماضي حيث تم تحديد متوسط نتيجة تنسيق الفبول بالجامعات الخاصة حسب الاعوام الماضية كالآتي:
تقبل كلية الطب البشري من 88 % بينما طب الاسنان من 78%
الحد الادنى للقبول في العلاج الطبيعي 75%
اما الهندسة / 70%.
وحددت نسبة 47% للقبول في التكنولوجيا الحيوية و 65 % للحاسبات.
وتساوى معدل الحد الادنى للقبول بتنسيق الجامعات الخاصة لكليات الاعلام ، الاقتصاد والادارة ، الفنون التطبيقية و الاقتصاد والعلوم السياسية ، اللغات ونم 60% لطلبة الثانوية العامة.
وتقبل كذلك تخصصات العلوم الطبية التطبيقية والمساعدة ، الحقوق ، التربية ، والتمريض وايضا السياحة و العلوم الاجتماعية من نسبة 60%.
اما تنسيق الجامعات الخاصة للطلبة الاجانب والعرب الغير مصريين فهو: كليات الطب البشري ، الصيدلة ، العلاج الطبيعي ، طب الاسنان ، الهندسة: 65%. الحاسبات من 62%. واخيرا التكنولوجيا الحيوية 65%.
ويمكن التعرف على اشهر الجامعات الخاصة في مصر وهي:
جامعة مصر للعلوم والتكنولوجيا في مدينة 6 اكتوبر وبها تخصصات كلية الطب وتبلغ مصاريفها 33 الف بالعام، الصيدلة و طب الاسنان 20 الف ، الهندسة 16 الف ، الاعلام 12 الف ، العلاج الطبيعي10 الاف ، الادارة والاقتصاد 10 الاف.
ولمعرفة معلومات اخرى عنها: https://www.must.edu.eg
جامعة مصر الدولية: كلية الالسن 22 الف ، طب الاسنان 33 الف الهندسة 29 الف ، التجارة الخارجية 25 الف ، و الحاسب الآلي 22,000،
للتعرف عليها اكثر من هنا: http://www.miuegypt.edu.eg
جامعة 6 اكتوبر و التخصصات فيها و مصروفات الكليات: كلية الطب : 46 الف و50 جنيها سنويا ، الفننون التطبقية 10 الاف ، السياحة والفنادق 11 الف ، كلية التربية 69 الاف ، طب الاسنان 34 الف تقريبا ، الصيدلة 32 الفا ، نظم المعلومات 20الف ، الهندسة 25 الف ، كلية الاعلام 15 الف جمنيه ، كلية العلوم الاجتماعية 5500 الف جنيه.
وموقع الجامعة على الرابط التالي لمزيد من المعلومات: http://www.o6u.edu.eg
اما مصاريف الجامعة الامريكية السنوية فهي 90 الف جنيه سنوياً لكل طالب وتضم عدةة تخصصات في الهندسة و الاعلام و الدراسات الانسانية و الاقتصاد والعلوم السياسية ، ادارة الاعمال.
كما ان الجامعة الامريكية تمنح شهادة تؤهل طالب الطب لاستكمال دراسته في امريكا.
وهناك منحة مقدمة من وزارة التربية والتعليم لـ 25 طالب من المتفوقين للدراسة بها ويحصل بموجبها على تخفيض على مصاريف الجامعة الامريكية بنسبة 85%.
للمزيد للمعلومات عن الحد الادنى وشروط القبول وتكاليف الدراسة في كليات الجامعة الامريكية في مصر على صفحات موقعها الرسمي على هذا الرابط: https://www.aucegypt.edu
ملحوطة حول التكاليف: غالبية المصاريف والاسعار المذكورة اعلاه قد تغيرت وبشكل كبير، وعامةً اصبحت مرتفعة عما كانت عليه، لذلك يرجى التأكد من المصاريف بالاستعلام من كل جامعة على حدى.
ارجوك انا عاوز اعرف هندسة السلاب هتاخد من كام السنة دى
سبحان الله بلد غريبه الامتحانات السنه اللى فاتت سهله جدا والهندسه من94 الرياضه السنه دى نار وبرضو الهندسه من 94 طب انا جايب 90 اكمل عليها واجيب كوتشى مثلاا طب مش معايا اروح خاص اعمل ايه شكرا يا مووووورسى
والله حرام اللى بيحصل فينا دا انا نفسى ادخل تجاره والتنسيق صعب اوى حسبى الله ونعم الوكيل
والله الناس دي كلها حرامية بتاعت الكليات الخاصه دول انا كنت عاملة حادثة في 2ث ورجليا الاتنين اتكسرو وايدي الشمال قبل الامتحانات بشهر انا رايح درس الماني ومع ذلك روحت روحت الامتحانات وجبت 88% وبعد ما دخلت 3ث كان عتدي احباط شديد بس قولت لازم اعمل الي عليا بس قولت هدخل كلية اية يعني المهم ذاكرت وكنت بدخل دروس ب500 جنيه اواكتر في الشهر وبعد كدة جات الرياضة والفيزيا في مستوي الطالب مش عارف اقولكم الطالب دا نوعه اية عشان اصلا مش موجود في مصر وبيقولو هيكون في مصلحة الطالب الي هو التصحيح بعد كدة اتفاجئت اني جايب في الرياضة 29 من 50 مع اني في كل المواد يا اما ناقص درجة اواتنين الرياضة والغيزيا هما اللي نزلوني ياريت الرئيس يخلي الجامعات باختبارات للقدرات عشان انا بحب الهندسة بالذات الكومبيوتر ومش هعرف اعمل اي حاجة في اي كلية تانية ولو الرئيس عايز مصر تبقي احسن يبقي يحط كل واحد في المجال الي بيحبو عشان يعرف يقدم كل مافي وسعه ويطلع احسن ماعندة وعلي فكرة انا عملت اختبار ذكاء وجبت درجة 120 دي حدود ذكاء عالي جدا مقترب من حدود العبقرية لان العبقرية من 130 وبجد انا بحب الهندسة
والله الرئيس ده مش عارف يعمل ايه ولا ايه(في وجهة نظره) ياجماعه ده من ساعه ما جاء وهو عمال يرفع في مرتبات اساتذه الجامعات وسايب باقي الشعب شحات عمال يقول هات وهات وكملها بتنسيق الجامعات اللي هيضيع الطلاب والطالبات — مبروك يامرسي الكرسي هاهاهاهاهاهاها – (النهضه) – (مرسي) من اجل مصر للوراء هاهاهاهاهاهاه
انا جايب 69 وعاوز ادخل صيدله خاصه اعمل ايه وهي بتاخد من 78 ارجوكم خفضوا التنسيق شويه حسبي الله ونعم الوكيل فيكم
ربنا ينتقم منك يامرسى ياللى هاتخرب البلد عملنا ثورة عشان يبقى فيها عدل دلوقتى بقى فيها كوسة لما ابن الرئيس يجيب u ويدخل هندسة ربنا ينتقم منكم بجد يااااااارب اخسف الارض بكل من دمر احلام شياينا وعقولهم وانا يامرسى هادعى ربنا فى شهره الاعظم ينتقم منك ومن اللى قبلك لانكم سبب فى تدمير امة
اخواني الاعزاء انا اخوكم من العراق خريج كلية الصيدلة جامعة بغداد سنة 2000 وكان طموحي ان ادخل الطب البشري حينها ولكن مجموعي اهلني للصيدلة …صحيح ان الصيدلة كليه مرموقة وانا اكملتها بتفوق وكنت من العشرة الاوائل وتعينت معيد …ولكن حلمي لازال قائما بان ادخل الطب فارجو منكم ان تفيدوني هل استطيع ان اقبل في جامعة خاصة في مصر لدراسة الطب علما ان حالتي المادية جيده
اللى اقدر اقولة حسبى الله ونعم واكيل انا جايب بفضل الله 97 بس صعبان عليا اللى يجيب 65-96-93 وميلحقوش كليات قمة وناس تانية جايبة 80-70 وبتقول هتدخل خاصة وتتوظف وهم مابيفهموا حاجة والله حرااااام
يا شعب مصر يااولياء امر الطلبة الغلابة مستقبل اولادكم ضاع وضاعت معاهم احلامهم والنحس على قدوم الواردين دا الامتحانات فى العهد السابق كانت ارحم من كدة والتنسيق كان اقل من كدةوالبلطجة جابت نتيجة خلت اولاد جابت مجاميع عالية والمحترمين ضاعوارغم حصولهم فى العام الماضى على اعلى المجاميع ورغم تكبد اولاياء امورهم مصاريف دروس باهظة مش كدة حرام مش عاوزين جمال العربى فى الوزارة الجديدة حرصا على باقى الطلاب ومنة للة هوا وكل المنة السبب انا كنت فاكر ان البلد هينصلح حالها ولكن تاتى الرياح بمالاتشتهى السفن وعمار يامصر ابن الريس ييدخل كلية خاصة يااما يدخل شرطة واحنا معانا ربنا هيخلص لنا حقنا وان غدا لناظرة لقريب
كنت فاكر ان البلد هتنضف لكن واللة بعد الحصل فى الامتحانات الثانوية العامة هذا العام من ان دكاترة الجامعات يحطوا الامتحانات لاولدنا الطلاب بهذة الصعوبة دى ومدارس تغش ومدارس يشدوا عليها وفى النهاية طلبة مبيفهموش يحصلوا على اعلى الدرجات واخرين لم يوفقوا فى الحصول على اعلى الدرجات والتنسيق يلعب بهم بتوع المنصورة يشددوا على معظم مدارس الشرقية وبتوع الشرقية يغششوا اولادهم تحت تهديد السلاح وفى الاخر ترتفع نسبة المجاميع ويرفع التنسيق واولادنا تحطم امالهم تحت مسمى انتم شباب الثورة وعايزين تغشوا اما شبابنا بتوع الثورة يبقى شبابهم فلول الغشوا بالاكراة ولا كل دة علشان اصحاب الجامعات والمعاهد الخاصة حسبنا اللة ونعم الوكيل ياظلمة وانتى فين يامعالى الريس كلها 4 سنوات والرياسة تنتهى علشان احلام ومستقبل اولادنا الضاع
حرام عليكوا اتقوا ربنا فينا بجد عاوزين نحقق حلمنا ياريت تعيدوا قراركم فى التنسيق تانى
حرام بجد الى بعملوه فينا دا انا بجد كان نفسى ادخل حقوق عشان كدة مذاكرتش كتير بس انا الوقتى حلمى ضاع لما رفعوا التنسيق وكل دا عشان خاطر رجال الاعمال الى بستثمروا فلوسهم فى الجامعات الخاصه طيب انا ممكن ادفع فلوس واخش جامعه خاصة طيب فى ناس متقدرش تدفع فلوس حلمهم يضيع وانا بجد نفسى ادخل جامعه حكوميه مش جامعه خاصة بجد حرام عليكوا ياريت تعيدوا قراركم دا فى التنسيق من اجل مستقبل جديد لمصر
على فكره انا كنت علمى فى سنه تانيه واتظلمت وعلشان انا من اسره متوسطه لم استطع ان امل اعادة تصحيح لان الماده ب100 جنيه والسنه دى كمان العدل فين ياريس ؟ حسبى الله ونعم الوكيل
حقى عند الله
ياجماعه انا عاوزه ادخل تجارة انجليزى بس مش عارفه السنه دى هتقبل من كام ولا حتى المتوسط اللى بتقبل بيه كل سنه ياريت حد يساعدنى انا متوتره
متى يتم تنسيق المرحلة الثانية ومجموعها
والله انتوا شويه ظلما عشان كل حاجه تجيبوها فى رئيس شغال صح عشان مصر مشكلتكم انكم من كثره ماظلمتم من النظام اللى فات جعلكم غير قادرين على التفريق بين الكويس والوحش
ربنا يكرم الجميع ويمكن انت تكون عايز لنفسك مجال معين وربنا يريد لك مجال افضل منه فقل الحمد لله ولا تسبق الاحداث ولكن اجتهد فى كل مكان تذهب اليه
والله الناس دي كلها حرامية بتاعت الكليات الخاصه دول انا كنت عاملة حادثة في 2ث ورجليا الاتنين اتكسرو وايدي الشمال قبل الامتحانات بشهر انا رايح درس الماني ومع ذلك روحت روحت الامتحانات وجبت 88% وبعد ما دخلت 3ث كان عتدي احباط شديد بس قولت لازم اعمل الي عليا بس قولت هدخل كلية اية يعني المهم ذاكرت وكنت بدخل دروس ب500 جنيه اواكتر في الشهر وبعد كدة جات الرياضة والفيزيا في مستوي الطالب مش عارف اقولكم الطالب دا نوعه اية عشان اصلا مش موجود في مصر وبيقولو هيكون في مصلحة الطالب الي هو التصحيح بعد كدة اتفاجئت اني جايب في الرياضة 29 من 50 مع اني في كل المواد يا اما ناقص درجة اواتنين الرياضة والغيزيا هما اللي نزلوني ياريت الرئيس يخلي الجامعات باختبارات للقدرات عشان انا بحب الهندسة بالذات الكومبيوتر ومش هعرف اعمل اي حاجة في اي كلية تانية ولو الرئيس عايز مصر تبقي احسن يبقي يحط كل واحد في المجال الي بيحبو عشان يعرف يقدم كل مافي وسعه ويطلع احسن ماعندة وعلي فكرة انا عملت اختبار ذكاء وجبت درجة 120 دي حدود ذكاء عالي جدا مقترب من حدود العبقرية لان العبقرية من 130 وبجد انا بحب الهندسة
حسبنا الله و نعم الوكيل ف الجامعات الخاصه ايللى اكبر دلبل ع التفرقه بين الغنى و الفقير و ايلى تقتل حلم طالب جايب 96 القمه علشان بسيط و تهتم ب 80 علشان غنى لسه يا مصر ما جلكيش واحد امين عليكى و يظهر انك مش تتسعى الا للاغنياء و الممثلين و الراقصين
انا مش هطلب حاجة من مخلوق بس هقول يارب انا مليش غيرك وتعبت بجد ومش عارفة اعمل ايه انا عمرى ماكنت اتخيل ان يكون هى دى نهايتى مع الثانوية العامة انى اجيب 96.1 وادخل مرحلة تانية ومالاقيش كلية تقبلنى بعد ما كان احلامى طب وصيدلة ملاقيش غير طب بيطرى وعلوم ده لو قبلونى بعد كل اللى شفتوا فى الثانوية العامة بجد انا مش عايزة اتعلم تانى
انا جايبه 74.1% وعملت تظلم وكان من حقي اخد درجات كتير لكن للاسف مخدش حاجه وجبت المجموع ده فممكن ادخل اداب او تجاره سوهاج او اسيوط او قنا ارجو الرد وياترري هاكون مرحله تانيه ولا تالته بجد حرام في بنات كتير غشت وجابت مجاميع عاليه وانا ذاكرت وتعبت وسهرت واروح اخد حصه في الشمس وبعد كده يحصل الظلم ده بجد حرام يا خساره تعبي والفلوس الف خساره انا بجد ندمت اني دخلت ثانويه عامه للاسف بجد
ياريس اننا نتكلم من كثرة المعاناه والالم لما حدث لنا بعد زلك التنسيق امي واسرتي وانا نبكي في زله وانكسار وندعو من الله ان يرحمنا وان ريسنا ينصر الانسان البسيط الزي لايملك مال للجماعات الخاصه وكان املي فيك ياريس بعدالله سبحانه وتعالي ان التنسيق ينزل وتقبل كل الطلبه الحاصلين علي 95 في كليات القمهعشان ياريس بازن الله سوف تنهض مصر بتلك الاجيال وانني كنت ازاكر واسهر الليالي واصلي الفجر واجتهد مع انني مريض في رجلي الشمال ومن الحزن يشتد التعب والالم
حد يعرف الحد الادنى للمرحله الثانيه
بجد كل دى فلوس حرام جدا وحتا افتكرنا ان احنا اخترنا الرئيس هيعمل حاجه لينا بس لاسف
أنا بحلم أدخل الجامعة البريطانية بس أهلي على كدهم وممعهمش حتى ربع المصاريف وأناشد أي انسان في شهرنا هذا شهر رمضان الكريم الذي لم يكن كريما عليا أن يدخلني الجامعة التي طالما حلمت بها على حسابه ويحسبها صدقة في رمضان وما أعظم هذه الصدقة أن تيسر لأحد طريقا للعلم ولن أنسى هذا الجميل
بجد بجد حراااااااااام وحسبى الله ونعم الوكيل انا جبت الحمد لله السنة اللى فاتت 93.5 ولله الحمد برده السنة دى نزلت 86.5 ده مش حرام وكدا فين الكليات اللى هتقبل مجموعى وقالوا تصحيح الرياضة هيبقى فى مصلحة الطالب كان قصدهم على الطالب ربنا ينتقم من كل ظالم انا مستقبلى ..؟؟؟
ياجماعه انا جايبه 70 علمى رياضه وظروفنا على قدنا اعمل ايه والحقوق تقبلنى ولا ايه حتى انتساب
ما هي افضل الكليات ؟
جامعه مصر للعلوم والتكنولوجيا , ولا مصر الدوليه , ولا 6 اكتوبر ؟ ما الافضل في جميع النواحي…….؟
لا حول و لا قوة الا بالله العلى العظيم
,, يعنى لا ثانوية عامة نافعة و لا الكليات نافعة لان بعد التخرج الواحد بتطلع عينه عشان يشتغل , و لا حتى اللى عايز يكمل دراسته أو يدرس كلية تانى كبيرة و يجمع بين عدة علوم نافع و لا مسموح فى مصر !! و الله بجد عجبت لأمر التعليم فى مصر … و البلد التى لا تقدر العلم و لا تعطى الفرصة لطلابها للتعلم بكل الوسائل ,,, لن تنهض
,,, و بالنسبة للجامعات الخاصة طب اللى يفكر يدرس فيها عشان يتعلم فى كلية و يكمل احلامه , يجيب فلوس منين و هو اصلا مش بيشتغل و حتى اللى بيشتغل استحالة فلوسه هتساعده على مصاريف الدراسة , اللى خلى الدراسات العليا الأهل كمان بصرفوا علينا فيها , و مع ذلك مفيش تعليم محترم و لا دراسات و ابحاث كما ينبغى , حضراتكم الأزمة مش أزمة ثانوية عامة فقط و انما أزمة ستستمر لما بعد ذلك , و فى الآخر كل حاجة بتثبت ان الللى عايز يعمل حاجة أو يدرس زى الناس يطلع برة لأن ليس له مكان هنا فى بلده !!! :(((
والله يا دكتور مرسى بنتى جايبة 96% علمى ونفسها تخش طب بشرى وانا موظف ولو امكن تخش كلية الطب فى الجامعات الخاصة بمنحة من الوزارة .
على فكره انا في علمي رياضه وجايب 95.5 بس زعلان عشان ليا زمايل جيبين 95 و96 علمي علوم ومش عارفين يدخلوا ايه وبرضوا ليه زمايل في رياضه منهم واحد جايب 93.8 ومش عارف ان كان هيبقى في مرحله تانيه ولا لأ
والله الرئيس ده مش عارف يعمل ايه ولا ايه(في وجهة نظره) ياجماعه ده من ساعه ما جاء وهو عمال يرفع في مرتبات اساتذه الجامعات وسايب باقي الشعب شحات عمال يقول هات وهات وكملها بتنسيق الجامعات اللي هيضيع الطلاب والطالبات — مبروك يامرسي الكرسي هاهاهاهاهاهاها – (النهضه) – (مرسي) من اجل مصر للوراء هاهاهاهاهاهاه
انا موظف فى اكثر القطاعات تأثرا بالثورة وقمت بحمدالله وفضله بتربية 3 ابناء بنت فى 3 اداب جغرافيا وولد نجح 80% علمى وبنت 2 ثانوى 85% ومش عارف احقق حلم ابنى فى دخول كلية هندسة لاان مش معاى 25 الف جنيه مصاريف سنويه فى جامعة 6 اكتوبر حسبى الله ونعم الوكيل ( بالمناسبة قطاع السياحة )
والله حرام حرام حرام اةة منك يابلد واةةة منك ياوزارة يعني لما ناس تكون جايبة مجاميع وحشة وبعدين عشان معاهم فلوس يدخلو كليات قمة وناس تانية تعبوا وربنا يعلم باهليهم ومش عارفين يدخلوا كلية والتنسيق وحش لية لية والله ظلم الظلم حرام الظلم ظلمات يوم القيامة اتقوا يوما ترجعون فية الي الله لما انا اتظلم واجيب 74.5 لية لية وناس تانية تدفع فلوس وتدخل الاعلام كفاية بقي ظلم وجبروت بقي
انا ادبى وكان نفسى ادخل كلية فنون جميلة وكان نفسى اكون فى المرحلة الاولى
وانا معاكوا حسبى الله ونعم الوكيل فيهم كلهم انا جايبة 81.34 ومش عارفة انا حدخل كلية ايه
اللى جابو المجاميع العالية جدا فوق ال100% دى جابوها غش لان كان فى غش جامد السنة دى والمفروض الكلياتالسنة دى تبقى باختبار قدرات مش بالمجموع لان معظم اللى جابو المجاميع دى ميستهلوش يدخلو كليات القمة
حسبى الله ونعم الوكيل فى وزير التعليم العالى وفى الرئيس محمد مرسى لاننا فكرنا انه هيصلح البلد طلع ملهوش اىلازمة
عاوزة حد يفهمنى ايه هى الكليات الخاصة المعتمدة والمصاريف
والله الناس مش عارفة تعمل ايه انا عندى ابن اختى حاصل على 95.5% ومش عرف يدخل كلية كويسه
يا جماعه انا شايف ان في ناس عندها مشكله في المصاريف
انا طالب جامعه خاصه وعارف اسعار الجامعات التانيه وفي جامعات سعرها معقول يمكن تقول اقل في المستوي شويه بس احسن من انه يضيع خالص الي حابب من اولياء الامور يستفسر عن حاجه
وان شاء الله كل واحد وليه كليه طلما فكرتم في الخاص في حاجات كتير معتمده بس مش مشهوره وفي نفس الوقت شهادتها محترمه
دول قالوا مش عايزين سلطة ورشحوا ثلالثة للسلطة وبرضه الشعب الطيب جري وانتخبهم فاكر تحت القبة شيخ وطلع عفريت شيطان لابس عباية الدين
خلصنا من صاحب التكية مبارك والحسب الوطني طلعلنا حسب الجماعة يمصوا دمنا ويعوضوا رشاوي الانتخابات بتوع الزيت والسكر وعلي راسهم مرسي اه يابلد دايما ئعبك مظلوم وهو اللي شايل الطين لو فيه عدوا الشعب هو اللي بيحيميه وتكية لجماعة الاخوان المتاسلمين دول ناس تبيع ابوهم عشان مصالحهم ياشعب ياطيب فوق انتخبت الدين ودول ماعندهمش ملة ولا دين
حسبي الله ونعم الوكيل فيك يا نشار وفيك ياجمال ياعربى وفى كل فاسد جالس على كرسي ولا عالبالوا الناس دى اللى بتتظللم وبتدمر وهما من أحسن العقول فى مصر وهيا دى مصر الفاسد فيها بياخد وضعه والإنسان المحترم يتظلم ويداس عليه بكل برود
حرام عليكم لما اكون موظف ومرتبي 600 جنيه اعمل ايه عشان ادخل ولادي جامعات خاصة بالمصاريف دي نسرق يعني ولا طبقتوا الحد الادنى للمرتبات ولا خففتوا الاحمال على الطلاب ورفعتوا الحد الادنى للكليات كمان ولو خيرت الشاطر ولا الاخوان اشتروا جامعات خاصة احنا نقعد ولادنا في البيت وما يكملوش تعليمهم احسن انتوا جايين تعدلوا وتعملوا نهضة وتريحوا الناس ولا جايين تقلبوا الشعب وتشفطوا دمنا بنتي دلوقتي عندها اكتئاب لانها مش هاتدخل الكلية الي تعبت عشانها وعندي ابن كان في تانية ثانوي بأي عين دلوقتي ها اقوله ذاكر وهو شايف اخته طلع عينها وبرضه هاتدخل اي كلية والسلام روح يا دكتور مرسي خليك داير من هنا لهنا وناسي الشعب ومش انت مكانش معاك فلوس تدخل ابنك كلية خاصة وقلت كده ساعة الانتخابات لما بقيت رئيس مصر خلاص وبتاخد مرتب كبير من الضرايب الي بندفعها هاتدخله الكلية الخاصة ربنا ينتقم منكم يا كفرة
حسبنا الله ونعم الوكيل فيك يا دكتور مرسى لانك سمحت للفلول يستمروا فى الوزراره وعلى راسهم وزير التعليم العالى وهو نجح خالص فى انه خلى شريحه كبيره خالص من شهبك تكرهك لانك وهو وكل الفلول ضيعت مستقبل ابنائنا بيشجعوا التعليم الخاص وانت ولا دارى بحاجه ومش فاضى من المؤتمرات والخطب وتخريج دفع حربيه وشرطه ولسه هيخلوا كل الشعب يكرهك وده هدفهم ولسه باقى عليهم والله العظيم كنت بدعمك بقوه ووقفت فى انتخاباتك وعملت المستحيل علشان تنجح وسجدت شكر لما نجحت فى الانتخابات لكن من يومين كرهتك خالص ومش عاوزك رئيس لانك مش هتنفع لانه بينضحك عليك من حكومة الجنزورى بتصدرلك ازمات وخليك نايم خلوا مجموع الثانويه عالى فى الحد الادنى للمرحله الاولى والقبول فى كليات القمه فى التعليم العام وخلوا التعليم الخاص بمجموع زباله بس بيدفعوا فلوس والله اعلم مين مستفيد من مين بس احنا الى دفعنا التمن لما ابنى يجيب 95% ما يدخلش كليه كويسه وطالب فاشل جايب 70% يدخل اعلى كليه بفلوس يبقى فين الثوره وفين رئيس الثوره شكلها ثوره صوريه ملهاش حس ولا رئيس له حس ولا خبر يا ثوره ما تمت خدها الغراب وطار حسبنا الله ونعم الوكيل فى كل وزير وفى كل مسئول وفى الرئيس المسئول عن كل هذا الهرج والمرج ولا هو حاسس بحاجه غير دخل القصر وقفل على نفسه ونسى الناس اوعى تقولى هاشوف الحكايه دى ما خلاص بع
د ايه بعد ما ابنى يروح كليه عاديه وطالب فاشل يدخل كليه عاليه بفلوس هو دا العدل ولا هى شعارات وكلام مجانى مش بفلوس وابقى قابلنى لو استمريت يا دكتور كرهوا فيك الناس ولسه مش هتلاقى حد يدافع عنك لاننا كنا بندافع بقلوبنا وخلاص انا وكتير من الناس كرهتك ومش عاوزينك خالص ومش هتنفع تحكم مصر حسبنا الله ونعم الوكيل فيك وفى كل مستشارينك ومساعديك ومن حولك من بطانة سوء
يا خساره يا دكتور مرسى كان املنا فى الله ثم فيك فى طرد كل فلول النظام السابق من الوزراء اللذين يضعون امامك عثرات وصعوبات واخر الصعوبات انهم جعلوا حوالى خمسه مليون مواطن مصريى يكرهوك فى ظرف يوم واحد وانا اولهم رغم انى كنت بدعمك بقوه سواء ايام انتاخابك او بعد نجاحك لكن املنا خالب لما لقينا وزير التعليم العالى يستبد ويصر على ان يرفع مجموع الحد الادتى للتنسيق للمرحله الاولى الى 96% بالمقارنه بالاعوام السابقه رغم اعراض السيد مدير عام التنسيق على قرار وزير التعليم العالى الفل الكبير الذى اراد واستطاع ان يجعل خمسة ملايين مصرى وهم اسر الطلبه اللذين اضيروا من التنسيق والهدف من قرار السيد الوزير هو تشجيع التعليم الخاص والله اعلم بيه ليه هو يخلى الى جايب 88% علمى يدخل بشرى وابنى جايب 95% ما يدخلش والفرق بيننا وبين الى بيدخل بمجموع 88 % انه معاه خمسين الف جنيه كل سنه يعنى تشجيع لاصحاب الجامعات الخاصه ومن حولهم من مستفيدين فى حكومة الجنزورى ولسه يا دكتور مرسى على بال كام شهر كل الشعب هيكرهك وكله هيطالب بازاحتك وهما عاوزين كدا حتى محبينك بقوا يكرهوك لانك ما غيرتش وزراء خلوا كل الناس تكرهك وانا اولهم انا بكرهك خالص يا دكتور ضيعت مستقبل ابنائنا لانك لم تضرب بيد من حديد على الوزراء الفلول وباقى عليهم ومش عارفين ليه حسبنا الله ونعم الوكيل فيك وفى كل وزير يشجع التعليم الخاص ويحب اصحاب رؤوس الاموال لانهم يغدقوا عليه من اموالهم التى لا تدوم ولا يدوم لك ايضا ما انت فيه اخر كلامى ربنا ينتقم منكم جميعا ايها الظلمه
ده حرام ده ولا حلال تبقى المصاريف بالشكل ده
ياريت التنسيق ينزل شوية علشان الناس اللى تحت 95 تحقق حلمها
انا دلوقتي علمي علوم وجايبة في المرحلة الاولى 98% وفي التانية 92 يرضي ربنا دة ولا اية وحياة ربنا الرئيس محمد مرسي ده فقري والنحس بتاع البلد دي بقى دكر على خلقتة والمحروس ابنك يدخل جامعة خاصة وانا ادخل علوم ولا تجارة بمناسبة اية عايز حقى
يا ريت المسئولين يتقوا الله في عيالنا ابني انعمى طول السنتين من المذاكرة وطفحنا الكوتة عشان ياخد دروس خصوصية وجايب مجموع عالي وبسبب البهوات اصحاب الجامعات الخاصة تنسيق الثانوية يرتفع ووالدنا ما يلحقوش كليات القمة حسبي الله ونعم الوكيل فيكم ما كل العالم الكبيرة وولاد الاخوان في كليات خاصة وجامعة امريكية على جامعة المانية ومعرفش ايه من ام الشيء الفلاني واحنا يفترض نعمل ايه نبيع هدومنا عشان عيالنا تتعلم تعليم كويس ربنا ينتقم منكم بحق رمضان يارب