مصريات – كتبت ريم المصري: سيقوم المجلس الاعلى للجامعات الخاصة التابع لوزارة التعليم العالي، بتحديد واعلان الحد الادنى للقبول في الكليات التابعة له، حسب نتيجة تنسيق الجامعات الخاصة 2023 – 2024 لطلبة الثانوية العامة والازهرية والدبلومات الفنية وكذلك الدبلومة الامريكية.
تنسيق الجامعات الخاصة
هذا ويشتكي بعض طلاب الشهادة الثانوية العامة وكذلك الدبلومات الفنية للعام 2023 اضافة الى حملة الشهادة الثانوية الازهرية 2023 من ارتفاع تنسيق القبول في الجامعات والمعاهد الحكومية المجانية، وقال البعض منهم بان هذا يأتي في مصلحة الجامعات الخاصة، وخصوصاً بان الغالبية العظمى من اهالي الطلبة غير قادرين على تحمل مصاريف الجامعات الخاصة الباهظة.
فيما ابدى البعض الاخر عن امله بتطوير بسياسة الحكومة الجديدة سواء وزارة التربية والتعليم او وزارة التعليم العالي وذلك لأن الكثيرين استبشروا خيراً بالتغييرات التي تقوم بها الوزارات المعنية، وبان هذا الامر سوف ينعكس ايجاباً على السياسة التعليمية بمصر لتكون اقرب لعامة الشعب وتلبي طموحات الطلاب من ذوي الدخل المحدود والطبقات المتوسطة والفقيرة.
وذهب البعض الاخر من طلبة الثانوية العامة الذين صدموا بارتفاع الحد الادنى للقبول في نتيجة تنسيق الجامعات لطلبة الثانوية العامة بمرحلته الاولى قياساً الى المجاميع بان السبب قد يكون لدعم الجامعات المصرية الخاصة.
تنسيق قبول الجامعات الخاصة في مصر
وفيما يلي دليل تنسيق الجامعات 2024 الخاصة في مصر مع الحد الادنى للقبول وكذلك تكاليف الدراسة سنوياً.
ويلاحظ زيادة نسبة تنسيق كليات الجامعات الخاصة في مصر في العام الماضي حيث تم تحديد متوسط نتيجة تنسيق الفبول بالجامعات الخاصة حسب الاعوام الماضية كالآتي:
تقبل كلية الطب البشري من 88 % بينما طب الاسنان من 78%
الحد الادنى للقبول في العلاج الطبيعي 75%
اما الهندسة / 70%.
وحددت نسبة 47% للقبول في التكنولوجيا الحيوية و 65 % للحاسبات.
وتساوى معدل الحد الادنى للقبول بتنسيق الجامعات الخاصة لكليات الاعلام ، الاقتصاد والادارة ، الفنون التطبيقية و الاقتصاد والعلوم السياسية ، اللغات ونم 60% لطلبة الثانوية العامة.
وتقبل كذلك تخصصات العلوم الطبية التطبيقية والمساعدة ، الحقوق ، التربية ، والتمريض وايضا السياحة و العلوم الاجتماعية من نسبة 60%.
اما تنسيق الجامعات الخاصة للطلبة الاجانب والعرب الغير مصريين فهو: كليات الطب البشري ، الصيدلة ، العلاج الطبيعي ، طب الاسنان ، الهندسة: 65%. الحاسبات من 62%. واخيرا التكنولوجيا الحيوية 65%.
ويمكن التعرف على اشهر الجامعات الخاصة في مصر وهي:
جامعة مصر للعلوم والتكنولوجيا في مدينة 6 اكتوبر وبها تخصصات كلية الطب وتبلغ مصاريفها 33 الف بالعام، الصيدلة و طب الاسنان 20 الف ، الهندسة 16 الف ، الاعلام 12 الف ، العلاج الطبيعي10 الاف ، الادارة والاقتصاد 10 الاف.
ولمعرفة معلومات اخرى عنها: https://www.must.edu.eg
جامعة مصر الدولية: كلية الالسن 22 الف ، طب الاسنان 33 الف الهندسة 29 الف ، التجارة الخارجية 25 الف ، و الحاسب الآلي 22,000،
للتعرف عليها اكثر من هنا: http://www.miuegypt.edu.eg
جامعة 6 اكتوبر و التخصصات فيها و مصروفات الكليات: كلية الطب : 46 الف و50 جنيها سنويا ، الفننون التطبقية 10 الاف ، السياحة والفنادق 11 الف ، كلية التربية 69 الاف ، طب الاسنان 34 الف تقريبا ، الصيدلة 32 الفا ، نظم المعلومات 20الف ، الهندسة 25 الف ، كلية الاعلام 15 الف جمنيه ، كلية العلوم الاجتماعية 5500 الف جنيه.
وموقع الجامعة على الرابط التالي لمزيد من المعلومات: http://www.o6u.edu.eg
اما مصاريف الجامعة الامريكية السنوية فهي 90 الف جنيه سنوياً لكل طالب وتضم عدةة تخصصات في الهندسة و الاعلام و الدراسات الانسانية و الاقتصاد والعلوم السياسية ، ادارة الاعمال.
كما ان الجامعة الامريكية تمنح شهادة تؤهل طالب الطب لاستكمال دراسته في امريكا.
وهناك منحة مقدمة من وزارة التربية والتعليم لـ 25 طالب من المتفوقين للدراسة بها ويحصل بموجبها على تخفيض على مصاريف الجامعة الامريكية بنسبة 85%.
للمزيد للمعلومات عن الحد الادنى وشروط القبول وتكاليف الدراسة في كليات الجامعة الامريكية في مصر على صفحات موقعها الرسمي على هذا الرابط: https://www.aucegypt.edu
ملحوطة حول التكاليف: غالبية المصاريف والاسعار المذكورة اعلاه قد تغيرت وبشكل كبير، وعامةً اصبحت مرتفعة عما كانت عليه، لذلك يرجى التأكد من المصاريف بالاستعلام من كل جامعة على حدى.
بعد اذنكم يا جماعه انا جايب 70 في المئه ومش عارف اخش هندسه خاصه كل ما اروح معهد او جامعه يقولوا اكتفينا او مجموع قليل فارجوا المساعده
هذا الشعب هو الذي أختار الاخوان ليحكموه وهذه هي البدايه فعليه أن يشرب لان معظم الاخوان رجال أعمال والتنسيق اترفع عشان كده
يا رب انا اتظلمت فى الثانوية العامة ومش هقول اى حاجة غير ربنا ياخدلى حقى ويوفقنى انشاء الله ادعلولى ياجماعة
على فكرة رحت اسال لقيت المصاريف متغيرة تماما والرقم الموجود للترم الواحد فقد حسبي الله ونعم الوكيل
السلاب 92% والدلتا90.85& وانا جايبه 90% علمى رياضه والخاص مرضيش بيناا
الحقونا يناس يا هووووووة مش ممكن اللى بيحصل دة انا كان نفسى ادخل كلية الهندسة لكنى جبت مجموع اقل وعلشان كدة انا هدخل كلية هندسة بس هندسة خاصة وعلشان كدة الي يعرف اى معلومات يريت يبلغنى بيها بسرعة
حلو قوي التنسيق دا
منك لله يلى حطيط التنسيق ده لان انا واصحابى ادمرنا خالص منكم لله بجد وانا صايم
انا جايب 80ومش عارف ادخل هندسه و ابن الريس جايب 75 ودخل هندسه خاصه يا ريت ينزل تنيسق الجامعات الخاصه حرررام اعمل ايه
احلي حاجة ف المصري انه مبيبطلش شكوي ويفضل نايم نايم لحد م الدنيا تخرب وبعدين يقول ثورة كل اللى كاتبين تعليقات دول ساكتين ليه ولا انتم مفكريين ان انتم ف امريكا يعني صوتكم لو فين هيتسمع لا فوقو لازم ننزل ونطالب بحقناومستقبلنا انا اخويا المفروض انه يكون ف رابعة جامعة دلوقتى لسه ف تانية ومبيخرجش ولابيتكلم مع حد وجتلو حالة نفسية وده كله من الزفت التنسيق برضه لان كان حلمه يبقي جراح وبما اني شوفت النموزج ده فانا احبط ولماجبت السنادي 85خدت قرار اني هقعدف البيت مش هدخل حاجة مش عيزاهه وافشل او اتخرج واشتغل فمجال مش عوزاه بس لا انامصرية ومن حقي اخد حقي ف بلدي محدش يحدد مصيري علي مزاجه وال ايه تنسيق لازم نتحرك عشان مستقبلنا
بلا كليات قمة بلا زفت انا كنت زعلانة بس بس بعدين اكتشفت انة لما مصر فيها نوابغ اة 99%و98%وغيرة ليه بقى احنا مش متقدمين بقى ولا احنا كلام على الفاضى احنا اللى تفكيرنا محدود ويا ريت اللى بيدخل طب ولا صيدلة ولاهندسة يكونوا بيعملوا حاجة جديدة اصلهم بقوا ذى الهم ع القلب وانا بقى زهقت لازم نغير تفكيرنا وما نبقاش ذى التابع لافكار زمنا او ابائنا وربنا يستر ع مصر من جيل الخراب مع العلم انى والله ف الثانوية العامة ومش حدخل كلية قمة بس الكلية اللى حدخلها ححاول اكون فيها قمة احنا اللى بنخلى نفسنا قمة وليس المجموع
حسبى اللة فى كل من قتل بسمة طالب متفوق واهلة سياتى يوم سنعرض فية امام اللة الزى سيقتص لنا منة لقد حصل ابنى على98 ولم يلتحق باى كلية ولا حتى صيدلة فزهبنا للجامعات الخاصة وفوجءنا بانها اكتملت من الحاجزين مسبقا والحاصلين على 78 بزلك اصبح الل جايب مجموع ضعيف افضل من الل جايب مجموع كبير تحطم املى واصبحت لا استطيع النظر فى وجة ابنى وفقدت الثقة فى التعليم وفى مصر كلهاعلما بانى مدرسة ثانوى كيف لى ان اطالب طلابى بالاجتهاد وانا اعلم انهم سيزبحون بالتنسيق وان البليد ااصبح افضل من المتفوق ان اللة حرم على نفسة الظلم استحلفك باللة يا وزير التعليم العلى ان تخفض التنسيق والا فانك ستسال امام الرحمن عن ياس كل الطلاب واظلام مستقبلهم وانتاج جيل حاقد على المجتمع ليس لة اى انتماء
لى كدا ارجو من المسؤل ان يعيد التنسيق فى كلية الاعلام
والله يا دكتورة اية الكل مظلوم مش انتي بس . بس طبعا مفيش مدرس ها يضر مدرس علشان خاطرى او خاطرك انا ليازميل من السنه الى فاتت صحح ورقه ولقا لية درجات والقضية لسه شغالة لحد الان وبيقولوه هو ده تقدير المدرس فيك انتى عايزة اكتر من كدة حاجه
والله حرام اللى بيحصل ده وعاوزه أعرف احنا ساكتين ليه نعمل أى حاجه عشان التنسيق ينزل زى السنه اللى فاتت ع الاقل أنا جايبه96ورحت رجعت الاحياء والله العظيم كتبه الاجابات زى النموذج واحسن وحذفين نص الدرجه من عدة نقاط مش عارفه ليه واللى كان بيصحح الورق مشمدرس أحياء لانه ملتزم بنموذج الاجابه بنفس النص هو لو مدرس الماده هيبقى فاهم وهيصحح الاجابه ويحط الدرجه حتى لو مكنتش زى النموذج بس نفس المضمون طيب ارحمونا ف التصحسح وراعوا ربنا فيه وابقوا ارفعوا التنسيق زى ماانتوا عايزين وانا المفروض دى الوقتى ا
خل علاج طبيعى خاص وادفع 10 الاف جنيه واقعد جنب اللى جايب 65% ده تكريم الدوله للى جايب فوق ال95%داحنا والله متنا مذاكره وسهو وفلوس وكل دى غير تعب اهلينا والزعل اللى ع وشهو بعدالتنسيق ماظهر وعرفوا انى اخرى علوم لو لحقتها حرام عليك ياد.مرسى ليه كده؟ بدل لما تقف جنبنا وتساعدنا
هو الكلام ده صحيح ان طب الأسنان الخاص بياخد من78%
ارجوكم ال يعرف حاجه يقول على طووووول
انا جبت فى الثانوية العامة 58.7 وعايزة ادخل كلية خاصة ادخل اية
كان الواحد بيدخل الكليه اللى هو عايزة وقلنا بعد الثورة كل واحد بيحلم بحاجه هتتحقق بس فعلا لازم بلطجه وثورات عشان الواحد ياخد حقه في البلد دي والوزير ابن التيت دا هو مش عارف انى كان في حكومه انتقاليه تسديد خانات يعنى لو كان يخالي التنسيق زي السنه اللى فااتت كان هيبقي كويس وكل واحد كان هيدخل الحاجه اللى هو عايزة ويافرحتى لما قال انا لاغية التعليم المفتوح ورجعت الانتساب ولا فيه اى حد حتى هيدخل اى جامعه انتساب من المجاميع الواطيه عشان نهار لما ينزل الانتساب هينزل اد ايه 3% بالكتيييييييير كل اللى الواحد يقدر يقوله حسبي الله ونعم الوكيل
والله حرام التنسيق يجي بالنظام دا مع انى انا اتظلمت في التصيحيح ومجبتش مجموع حلو حتى يدخلنى اى جامعه حكوميه اى جامعه بس زعلان ع الناس اللى جابت مجاميع وعشان فرق بسيط يضيع حلمه حراام والله حرام فين ايامك يا مبارك
حسبى الله ونعم الوكيل عشان حلم عمرى ابقى دكتور وتفرق معايا طب ع واحد من عشره
هو اللى ها يدخل خاص ها يبقى مستريح نفسيا ولا اية
انا جايب 85.5%وعايز ادخل هندسه خاصه كفر الشيخ ممكن ولا لا عايز حد يفيدنى بسرعه مع العلم انا ازهرى
المجاميع دى لو دلت على حاجه فتدل على حاجتين ان الامتحانات كانت سهله جدااااااااااا او كاان فى غش كبيرررررر
كلنا انتخبناك يا رئيس منظر لما تسيب الوزارء تحت إيدك يلعبوا بمصائر الشعب والناس حتى لو كانت المجاميع السنةدي عالية لظروف الثورة كان يجب السنة دي كمان تعدي كده وتبدأ تضبط اللي في ثالثة السنة دي ،،،، المفروض تحافظ على أدنى حدود الفرح لشعبك بأن ولادهم يدخلوا الكليات التي يريدونها وخاصة المتفوقين منهم … ربنا ينتقم من الظالم ويكسر بخاطره مش أنتوا اللي سيبتوا البلاك بيرى يغشوا بيه
والله بجد حرآآآم اناا جايب 80 صحيح ممكن تقولواا بتقوول حراام على ايه وانت جايب 80 بس والله اناا جبت اخر حاجه عندي وكان نفسي ف هندسه..صحيح انهااا قليله بس اناا نفسي ف هندسه بجد حتى الكليات الخاصه اللي زي السلاب دي مش هقبل فيهاا والله حرااام بجد اناا مش عارف العيب فياا ولا ف الزماان والظروووف
حسبي الله ونعم الوكيل في كل واحد حط احلامنا وداس عليها بالجزم بقي احلام ومجهود الناس دلوقتي بالفلوس والله حررررام انا اعمل ف الدنيا انا واحده جايبه %9.97 ومش لحقه صيدله حتي انا فعلا مش عارفه اقول ايه اعمل ايه اكتر من اللي عملته انا مجهود سنتيين راح كده ع الفاضي انا السنه اللي فاتت كنت جايبيه 99% لكن ظروف تعبي ف الامتحانات هي اللي رخلتني انقص ومع ذلك مظلومه ف الدرجات انا المدرسين كانوا بيقولولي انا هطلع الاولي ع الثانويه العامه لكن شاءت الظروف كده انا بس نفسي اوجه رساله للرئيس حرام عليك ياشيخ بقي مصاير الناس واحلامهم بقت ع الورق كده وخلاص انا كنت بحب البلد دي اوي لكن والله من النهارده نفسي اشيل كلمت مصريه منها وكنت كل ماذاكر ربنا اللي عالم كان عشانها والله وعشان تقدمها تقوم هي بنفسها اللي تهدمنا وتحطمنا كده ليييه كل ذنبي ان ابويا موظف عادي كان حلمه انه يشوفني دكتوره واد ايه كل قرش كان بيصرفوا كان واثق انه ف مكانه لانوا واثق ف قدراتي كل ذنبه انه مش قادر يشتري حلم بنته بالفلوس عشان يشوف الفرحه ف عنيها لكن هقول ايه ف النهايه قدر الله ماشاء فعل وتشتهي الانفس بما تريد والله يفعل ما يريد
والله حرام اللي بيحصل فينا دة انا جايبة 95.98 ومش عارفة ادخل حتى علاج طبيعي او بطري كدة حرااااام حسبي اللة ونعم الوكيل
والله والله حرام عليكو واعلم يالى وضعت التنسيق ان ربنا هيوريك الى انت عملته فى اهالى شعب كامل انت لو تشوف الطلاب وهى بتبكى هيصعبوا عليك
الطلاب تتفوق نقول مفيش اماكن ولو فشلوا نقول مصر بلد الامية
حرام حرام نصيحة يامن وضعت التنسيق عيد نظرك فى التنسيق وخليه على الاقل مثل السنة الى فاتت واية المشكلة يعنى لما السنة دى تاخد طلاب زيادة
يالههههوي هجيلي سكته قلبيه وهموت يخربيت الثانويه العامه ازفت حاجه في الدنيا ولا بلدنا هي الي بلد فاشلد وزباله ومبتمشيش غير بالكوسه
واللة انا جايب75في المئة وعاوز ادخت كلية الهندسة خاصة اسوان بس مش عارف ايه النظام السنة دي
على فكرة يا ريت تراجع التنسيق ده علشان كده حرام وذنب العيل دول فى رقبتك هما واهليهم اللى حرموا نفسهم من كل حاجه علشان يفرحوا بولادهم وياريت جه بنتيجة غير ان هما شافوا بتعزبوا من غير فايده حسبى الله ونعمة الوكل
انا السنه الي فاتت كنت جايبه 94 % والسنادي نزلت جدا وجبت
حسبى الله ونعمة الوكيل فى الوزير اللى ضيع تعبنا وشقنا ومستقبل ولادنا 96 ويتدخل علوم وكانت بتروح الامتحان والكنلة فى اديها فين انتا يا ريس يا من استبشرنا بك الخير
البيت بالكامل عندنا اتقلب خزن وبكاء لما ظهرت نتيجة التنسيق بلأمس بنتى جايبة 401 وكانت عايزة صيدلة وما قبلتش ومش عارفين نعمل ايه بجد حيرة جامدة والبنت اتحطمت ومستقبلها ضاع على درجة عادية .. معقولة يارب اللى بيحصل دا انا ها اتشل . والكليات الخاصة كثيرة جدا ومش عارفين ايه فيها اللى كويس وايه اللى مش كويس واحنا فى الصعيد وانا اخاف بنتى تسافر مصر وحديها ارجوكم شوروا عليا واعطونى مشورتكم افدكم الله
بدأية حسبى الله ونعم الوكيل فى كل مسئول يشجع على التعليم الخاص فى مصر وفى كل صاحب جامعة خاصة ………..انامظلوةمن الثانوية العامة بس مش من السنه دى انا من دفعة 2011 فى السنه دى انا كنت هاموت والله يا جماعة وبدون اى مبالغة انا كنت بقعد ابص لشريين ايدى صعبان علياحالى وده طبعا قبل مقدم فى مكتب التنسيق يعني بعد ظهور النتيجة لانى كنت مظلومة فى التصحيح و شفت ده بنفسى اناكنت جايبة 95.6% يعنى يدوب الحق بطرى ولكنى مرضيتش عليها لظروف عائلية و لانى من ارياف اهلى شافونى وانا بنهار لانهم عارفين انى ذاكرت بجد فحاولوا يدخلونى خاص ولكن منفعش لانها غالية جدا علينا وكمان مالايناش مكان فى الجامعات الخاصة تتخيلو ا دخلت ايه؟؟ ادخلت علوم الفيوم يعنى الحد الدنى فيها 91% تخيلوا انالحد دلواقتى بابكى تلقاءى لما اسمع سيرة التنسيق ……………..الله يكون فى عونكم ويصبركم ويصبرنا على جهد سنتين وضاع
اقسم بالله ان البلد دي خسارة فيها اي تعب يعني ايه الولاد يتعبوا و يشقوا و يجيبوا مجاميع بطلووووع الروح و يجي شوية فرافير جايبين 60% يدخلوا طب و اولادنا بيدعوا يطولوا تجارة !!! انا يأست من دي بلد خلاص كان املي الوحيد في ان لما يجي الريس هاتتظبط لكن خابت اكتر خلاص انا ان كان عليا هاطلع بشهادتي و اشوف شغل في بلاد برا حتى لو كانت اسرائيل انا دايس بجد بلد خسارة فيها النعمة
انا مش هقول غير حسبى الله ونعم الوكيل ف الفشل اللى احنا شايفينوا ف مصر و اللى بقى اكتر من يوم ما مرسى باشا مسك البلد واقسم بالله انا داخلة امتحان الميكانيكا وبقول لما نشوف وشه هيبقى علينا ازاى عشان كان لسة ماسك والحمد لله كان امتحان زى الزفت انا جايبة 96 السنة اللى فاتت والسنة دى جبت 93.3 وحمدت ربنا وقولت ان شاء الله هيراعونا ف التنسيق والحق هندسة و باءت كل احلامى بالفشل ومش بعمل اى حاجة ف حياتى غير انى بعيط طول اليوم انا بجد مخنوقة قوى وحاسة انى هيجرالى حاجة يا رب اقف جنبنا عشان بجد انا واحدة من الناس اللى طلع عنيهم ف الثانوية الزفت دى ووكلتك يا رب انت اكتر واحد حاسس بيا وحسبى الله ونعم الوكيل ف كل واحد ادا صوته لواحد زى ده اهو ضيعنا واحنا لسة طالعين للدنيا وبنقول يا هادى منه لله
لو سمحتوا اللى جايب 51 ف المية و عاوز يدخل جامعة خاصة يعمل ايه و التنسيقات عالية اوى كدة و لا لسة فيه تنسيقات منزلتش
طيب و اللى جايب 51 ف المية يعمل ايه و تنسيقات الجامعات الخاصة مرتفعة اوى كدة و لا دى مش كلها
ياجماعة انالو دخلت دور ثانى ممكن الكليات الخاصة تقبلنى ياريت اللى يعرف حاجة يجاوبنى ضرورى شكرررا
انا ام تعبت طول حياتهاعشان تشوف بنتها بكلية الصيدلة جابت البنت اقل4, البنت طول عمرها متفوقة والمدرسين تحلف باخلاقها التنسيق والوزير الظالم الظالمم مشجع الجامعات الخاصة على حساب مين ياسيادة الظالم ضيياع شقى وحلم عمر بنتى حاصلة بالمرحلة الاولى على 99.3%والمرحلة الثانية 96.2% نعمل اية ياسيادة الوزير رفعت التنسيق كدة لية انقلبت حياتنا جحيم ودموع واهاتتتتت فهل عندكم حل لمصيبتى حد يرد علية هاتعمى من كتر البكاء معقول بنتى يضيع مصيرها
ههههههه كل اللى جايب 99% ينتحر احسن اصل الحد الادنى للطب من99.1% والله حرام اللى الحكومة بتعملة
والله حرام اللي بيحصل فينا دة انا جايبة 95.6 ومش عارفة ادخل حتى علاج طبيعي او بطري كدة حرااااام حسبي اللة ونعم الوكيل
انا اختي جايبه 97 وللاسف ملحقتش واللي اي طب
حرام على اى حد يدخل خاص
ليه كده أظن اللى بيدفع كل الفلوس دى فلوسه عليه حرام من الاخر والله أعلم
انا عاوزه اعرف كليه 15 مايو بتقبل من كام السنه ده هندسه
حرام الطلاب الى جايبة 60%تدخل كليات القمة ذى ما بيحصل فى التعليم الخاص حرررام والتعليم العام الطلاب جايبة فوق 90% مش محصلين كلية من كليات القمة فى التعليم الجامعى العام
ياجماعه حرام كده الدكتور محمد مرسى راجل محترم ومضطهد من المجلس العسكرى ومقيد وبيحاول يحل الأزمات بالأولويه أولا رغيف العيش والعشوائيات ده فيه ناس كتير مشاكلها أكبر من كده بكتير ربنا يعينه وطبعا هو مش معاه عصا سحريه هتخلص كل ده فى ثوانى محتاجين شوية صبر ماحنا كنا مطحونين وأجيال ضاعت قبل كده مع المخلوع يبقى ليه بقى مانحترمش المحترم ونحترم اللى كان السبب فعلا فى ضياع الأجيال هو مرسى لسه عمل حاجه ربنا معاه ويوفقه حامل كتاب الله
صحيح الاخوان مسكوا وزارة التربية والتعليم ربنا ينتقم
بسم الله الرحمن الر حيم
انا عايز اقول كلمتين وعايز حد بيفهم وربنا انعم عليه بنعمه العقل يفهمنى يعنى ايه كليه قمه ؟؟ هو الطب على شان بيوظف بقا قمه ولا على شان بيا خد من99%؟ ولا الهندسه على شان اسمه مهندس؟؟؟؟؟؟؟؟ يا جماعه الدنيا اتغيرت شوف انتا قدراتك وطموحاتك ايه وادخل المجال اللى انتا عيزه مش المجتمع اللى بيفرضوا عليك يعنى على سبيل المثال الكليه الا ولى فى امريكا هى الحقوق وفى المانيا التجاره (المحاسيه والاداره) مع ان فى تخصصات فى كليات العلوم والهندسه الزراعيه حساسه جدا وكويسه جدا وكليات التجاره فيها تخصصات ممتازه جدا جدا جدا يعنى تعرفوا يعنى دا طبعا للناس اللى بتبص للعامل المادى مرتب المدير المالى كااام (كليه تجاره) يفوق 10000 ده فى مصر شوفوا انتوا بقا برده يبقا كام؟؟؟