حادثة مدرس احمد زويل الاعدادية حلوان
مصريات
محمد الطوخي:
أصيب مدرس بأزمة قلبية أثناء مشادة كلامية مع ولية أمر طالب.. حضرت لنقله لمدرسة أخرى اعتراضا على نقص المدرسين.. وجهت إليه عبارات سب.. أصيب على أثرها بارتفاع ضغط الدم وسقط جثة هامدة.. تحرر محضر بالواقعة وتولي محمد الهواري مدير نيابة حلوان التحقيقات.
قررت النيابة باشراف عاصم نعيم رئيس النيابة استدعاء والدة الطالب بالمرحلة الإعدادية بمدرسة أحمد زويل بحلوان لسؤالها وطلب تحريات المباحث حول الواقعة وتوقيع الكشف الطبي على المجني عليه بعد ان كشف المحضر المحرر انه أثناء تقابل والدة الطالب مع المدرس عبدالعظيم محمد عبدالعظيم حدثت بينهما مشادة كلامية تعدت خلالها والدة الطالب على المدرس بالسب فتدخل أحد زملائه لفض المشادة في الوقت الذي سقط المدرس جثة هامدة.
ربنا يستر
طول عمر النساء بتجيب الجلطات في هذا متوقع
انا طالبة عند استاذ (عبدالعظيم)الله يرحموا اولا يجب ان يفصلوا الطالب صاحب المشكلة وياتى احد من وزارة التربية والتعليم ليروا المدرسة لان المدرسة متدمرة ولو سكتوا دي مش هتكون اخر حادثة وحرام دم مستر عبدالعظيم يروح هدر دنتو لو شوفتو حالة مراتة واولادة تعدموا الولد و امة وشكرا
الست وليه الامر دى الله يسامحها بقى لان استاذ عبد العظيم الله يرحمه راجل طيب جدا جدا وكان بيعطى دروس بالمجان للتلاميذ ولله فقط
وطيب جدا جدا لدرجه لا يتخيلها عقل ولا يتخيلها اى انسان
حتى زملائه المدرسين واصدقائه واقاربه يشهدون له بالطيبه ونبل الاخلاق وهو اب لطفلين الله يرحمه ويفسح له فى قبرة ويجافى الارض عن جنبيه
ومنها لله وليه الامر ومنه لله لليسىء اليه واكيد اللى يسىء اليه يبقى ما يعرفوش ولا حتى يسمع عنه منها لله الست وليه الامر دى ذنبه وذنب ولاده الاطفال الايتام فى رقبتها
دى وليه مفتريه ولو كان ليها راجل صح كان هو اللى جه مش باعت مرة او واحده ست وتتطاول على راجل محترم
منها لله
والله يا جماعه لكل شيء سبب المتوفي في صلة قرابه بينا ولو حضرتم العزاء وشوفتم قد ايه الحزن الذي عم في بيت الاستاز عبد العظيم. مش هنفضل نقول ماكلنا عندنا مشاكل وكلنا عندنا ضغوط . نقول لا حول ولا قوة الا بالله . البقاء لله والدوام لله والمرحوم توفى شهيد لانه توفى في عمله وبسبب عمله .ندعي له بالرحمه والمغفره وانا لله وانا اليه راجعون
بصراحة الأم دى بريئة والراجل كان ميت ميت وبلاش كدب بقى
– قولوا اّ مين )؟!!!
– طب ما مصر كلها بتشتم بعضها ، وماشوفناش حد مات فى موقع الشتيمة بقالنا ييجى اسبوعين ؟!!
– المرحوم بس تلاقيه هو اللى كان حساس شويتين ، مش زينا جلدنا نّحس وبقه سميك ، غصب عننا ذى ما انتوا عارفين !! ما أحنا كلنا فى الهوا سوا !!
– وبعدين هو يعنى بيوتنا مافيهاش من ده وألعن ( أقصد الشتيمة والزعيق ) وخليكوا صادقين واحدة وبعدين نرجع كلنا نقرع على بعض !!!
– عالعموم تعالوا كلنا نخلى الطابق مش مستور المرة دى ، وبعد كده نبقى نستره الله يسترنا جميعا !!
– لآن اللى يوصل ( ولية أمر ) انها تنقل ابنها من مدرسة بسبب سوء معاملة بعض المدرسين له ، ده مش يبقى ( أبو الضغط كله ) بزمتكم ؟!!
– مش عارفة اولياء الامور يودوا عيالهم يتعلموا فين بس ؟!! ، فى المدارس ولا فى الاصلاحيات ولا فى يرموهم فى البحر ، وينضغطوا بس بطريقة تانية ؟!!،
– وطبعا المدرسين ايضا معزورين لآنهم يا حرام مش مؤهلين ومش مقدرين من حيث حقوقهم ، يعنى جناة وضحايا فى نفس الوقت ؟!!
– أما بخصوص التحقيق الجنائي فى سبب وفاة المدرس الله يرحمة ويصبر أهله ،، فأكيد ( ولية الامر ) لن تتهم بقتله لا بخطأ ولا بتعمد ، لانه أكيد جاى المدرسة مضغوط جاهز ، ده بكفاية ركوب الاتوبيس عالصبح ، وغيره وغيره ، ذى حالنا أجمعين ، ربنا يفك ضغطنا جميعا ان شالله قبل انفجار المخ بلحظة واحده ،، ( قولوا أمين ) !!!
هذه الام هى السبب فى موت المدرس يعنى قتلته على الاقل 15 سنة سجن و كمان 3 سنوات لقلة ادبها وتطاولها و 3 كمان عشان مفيش راجل يشكمها و كمان 3 تأديب هكذا يكون الحكم العادل
حرام عليكم هو التعليم تدهور من شوية احد الاسباب السيد المحترم ولي الامر الفاشل