حلقة احمد شوبير ومرتضى منصور مصر النهاردة
مشاهدة فشل الصلح بين مرتضى منصور واحمد شوبير مع خالد الجندي ، محمود سعد بـ برنامج مصر النهاردة
مصريات
عادل حسين
في محاولة لاخماد نار الفتنة بين كلا من احمد شوبير و مرتضى منصور تستضيف حلقة الاربعاء من برنامج مصر النهاردة المستشار مرتضى منصور و احمد شوبير مع الشيخ خالد الجندي والاعلامي محمود سعد وسوف يتم عرض وجهات النظر المختلفة بين احمد شوبير و مرتضى منصور في برنامج مصر النهاردة ، ويحاول الشيخ خالد الجندي الصلح بين مرتضى منصور واحمد شوبير حتى لا تأخذ القضية بينهما ابعادا اخرى .
مشاهدة حلقة مصر النهاردة مع احمد شوبير و مرتضى منصور
مشاهدة حلقة مصر النهاردة مع احمد شوبير و مرتضى منصور 2
مشاهدة حلقة مصر النهاردة مع احمد شوبير و مرتضى منصور 3
مشاهدة حلقة مصر النهاردة مع مرتضى منصور و احمد شوبير 4
http://www.youtube.com/watch?v=vx6dc_lRmi4
مشاهدة حلقة مصر النهاردة مع مرتضى منصور و احمد شوبير 5
http://www.youtube.com/watch?v=xJJlLYe8E-U
مشاهدة حلقة مصر النهاردة مع مرتضى منصور و احمد شوبير-6
مشاهدة حلقة مصر النهاردة مع احمد شوبير و مرتضى منصور7
مشاهدة حلقة مصر النهاردة مع احمد شوبير و مرتضى منصور8
(نحن امه تعشق الهزل )جميع مشاكلنااتحلت -حميع علمائنا خدوحقهم الاعلامى بمايكفى-جميع الابطال الرياضين الحقيقين حدو حقهم -داكله طبعا بعد كل الشعب ماهوواخد حقه تالت ومتلت لم يجد الاعلام الاالقضيه دى ووجد ان هزا الصلح لازم لانه لن تتقدم البلد فى اى مجال فى ظل هزا الخصام بين هزين القائدين العظيمين لهزه الامه وسبب تقدمها (مرتضى -شوبير)
احب اعرفهم ان مافيش اى حد يهمه الصلح بينهم كل الناس عايزه تاكل عيش على افاهم حتى الشيوخ هههههههههههههههه ماقولتلك (نحن امه تعشق الهزل)
ياجماعة الناس الناس بتموت من الجوع
عمركو شفتو فى اى بلد متحضر برنامج محترم زى ده يجيب اتنين متخصامين او مختلفين او متولع فيهم يصالحوهم على بعض بصراحه دى حاجه غريبه وده مش نجاح للبرنامج بالعكس شوفوا الناس اللى تعبانه وزهقانه فى حاجات كتير ممكن تتكلموا فيها يولع ده على ده والله المستعان .
اولاًُ: السلام عليكم
.
صيلوا على النبى. وزيدوا النبى صلى.
ثانيا : مرتضى غلطان لانة فضح رجل امام الناس.بألفاظ بزيئة و المفروض انة اللى بيحلف بالقرأن يكون عارف اللى مكتوب فية لأن ربنا قال استر على المسلم و مش تفضحة لان ربنا اسمة الستار و الحليم .و هو مالة ومال البت اللى جاتلة لانها فضحت نفسها قبل ما تفضح شوبير. دى امور شخصية مالهاش دعوة بالقضية
ولا احنا لينا ذنب اننا نتقرف بيها
ثالثاً: شوبير غلطان لأنة وافق على الحلقة دى بالطريقةدى.
و لأنة ظل صامت بدون الدفاع عن نفسة ولو بالكذب و هو فى الأصل يستاهل.
رابعا: محمود سعد غلطان لأنة استضاف اتنين اسوء من بعض و ظل ساكتاً على الالفاظ السيئة و العبارات من مرتضى اللى لسانة يارب يولع .خمساً: الشيخ الصامت خالد الجندى الذى فضل السكوت عن الكلام كما لو انة لا يعلم لسان مرتضى القذر و ظل صامتاً امام اتهامات مرتضى مهزوم لشوبير رغم عدم علمة بصحة تلك الاتهامات و تركة يحلف على كتاب اللة اكثر من مرة . وكان لابد من هذة الحلقة ان تكون غير مباشرة رحمة بنا. حرام كدة عليكواا. و بعدين انا عاوزة اسأل سؤال هل كان مرتضى منصور و هو يحلف على كتاب ربنا كان متوضى ولا لا و شكرا
انا مع السيد المستشار مرتضى منصور فى كل ماقاله لان احمد شوبير وصولى وكذاب انا استمعت للاسطوانة الخاصة بلماء هوه سوط شوبير ويجى ويقول مش صوتى انسان غريب متكبر
السلام عليكم ورحمة الله وبركاتة
اولا يا جماعة الاستاذ مرتضي طلع مع الشيخ خالد علي قناة ازهري ووعده انه لو اعتذر علي الهواء خلص الموضوع اتكلم الكابتن واعتذر وقاكل اللي المفروض يتقال وبعد كده قالك لا لازم يطلع في مؤتمر صحفي ومش راضي يقبل العفو عن شوبير هو عاوز اية عايز شوبير يروح يموت نفسه ارحم ده لو كان اسرائيلي كنت قلت السلام انت ماوركش غير الكلام الفاضي ده ما في ناس كتير مشهورين وبيخلطوا فيهم متبقي رئيس جمهورية احسن
يااستاذ محمود ايه ذنب ملايين المصريين الى بيشاهدوا البرنامج انك تفرض عليهم الناس ديه احنا مالنا بمشاكلهم مع بعض مايكلوا بعض اه فيدة ده لينا ايه الى حصلك ياستاذ محمود انا لاالوم حد غيرك المدة الى استضافت فيها الناس دى تساوى ملايين كيف تسمح لنفسك ان تضيع كل هذا الوقت على الناس ديه ومين الى سمح بضيع كل الوقت ده وهو ياستاذ محمود فلوس التليفزيون ملهاش صاحب وياتره هتاخذ انت والشيخ خالد اجر على الحلقة ديه
على فكرة انت كنت تصنيفك بالنسبة لى افضل المذيعيين ارجو ان تعتذر بشده على هذه الحلقة حتى تبقى الافضل ولا تغامر مرة اخرى مثل هذه المغامره الغير محسوبه وعود للاهتمام بالناس الفقراء الذين يحتاجون هذا الوقت والذى انت موجود فى مكانك بسببهم وليس امثال من استضافتهم ما جعل الناس تحبك ارجوك اهتم اكثر بهموم الناس حتى يرتفع شانك اكثر فاكثر اتمنى لك التوفيق
واضح ان الكابتن شوبير مكنش قادر يرد على الاتهامات كما ينبغي واكتفى فقط بالتريقة والاستفزاز للاسف انتهى شوبير جماهيريا واعلاميا وسياسياً.
خسر حب الجماهير وخسر نفوذة وخسر شهرتة
اما بالنسبة للسيد مرتضى منصور فانا لا استطيع ان اوصفه بالملاك ولكن الى حد ما ارى انه على صواب كما اري انه على حق ومحق في كثير من الاتهامات الموجهه لشوبير.
اتمنى من الله الا اكون قد ظلمت احداً
انا اكتر حاجة زعلت عليها في الحلقة (المصحف وكلام ربنا)اللي ميصحش يكون في ايد واحد زى مرتضي فاكر انه ممكن يضحك علي الناس لما يحلف علي المصحفز وبعدين كان جاي وناوي يفضح شوبير و ابنه شكله مش متربي وبلطجي زى ابوه و ان كان شوبير سئ قيراط فمرتضى سئ 24 قيراط
صلح الاربعاء 7/4/2010الاستاذ / محمود سعد حزنت كثبرا لما آل اليه حال البرامج التليفزبونبة هل الصلح ( اذا حسنت النوايا ) مكانه على شاشات التليفزيون هل الشخصيات التى صالت وجالت وعابت واطلقت البذاءات على شاشات التليفزيون دون حياء او خجل تستحق كل هذا الاهتمام يا ميت خساره
يا جماعه يا قراء الموقع فكرووا جيدا …الاستاذ محمود سعد ليس متهمأ لكنه حاول بكل الطرق ان يصلح بين هذا وذاك ولكن كل مصرى يعرف جيدا من هو احمد شوبير ..وصولى للدرجه الاولى وكاذب وافاق وتجنى على المستشار مرتضى منصور على اساس انه معه حصانه ومقرب من العائله المالكه….اما مرتضى منصور فهو صوت الحق وهذا واضح جدا فى كلامه …
للكبار فقط ……………استاذ محمود سعد هذه الحلقه تعتبر اول مسمار فى نعش البرنامج اللى كنا بنتمنى ان يهتم بموضوع عام يهم كل المصرين اما ان تعرض مشكله خاصة بين اتنين لا يهم المصرين ان يعرفوا عنهم حاجه اصلا انا اتفق مع الاخ السورى المحترم الذى قال انك تضيع وقت المصرين فى حاجه لا تهمنا وجرجرت وراك الشيخ خالد الجندى اللى المفروض ان يتكلم فى الدين ومشاكلنا فى الدين وليس مشكله خاصة بين شخصين اصلا لا يهمونا فى شيىء من قريب او بعيد اختلفوا او اتصالحوا لا تضيع البرنامج فى هذا التهريج ولعب العيال وسوء النيه التى اعتبر انك ورطت نفسك فيها وورط الشيخ خالد وورطت المشاهدين وكلامات خارجه تدخل بيوت المحترمين من خلال التلفزيون المصرى الذى يشاهده العالم يجب ان تكن حلقاتك بعد كدا مسجله حتى يستطيع القائمين بعملية فلتره على الاللفاظ الخارجه او يكون البرنامج للكبار فقط …… اهنئك باستاذ محمود على دفن البرنامج مبكرا . الله يرحم البرنامج بكره يحصل البيت بيتك وريحينا من هذا الهراء …….. دكتور اسماعيل
كل واحد صاحب حق لازم ياخذة المشكلة ان الحصانة بتعمل بلاوى بس ربنا كبير
السلام عليكم ورحمه الله وبركاته
على فكره الاستاذ مرتضى مكنش فى نيته الصلح ولكن التشهير بالكابتن شوبير يا استاذ محمود والكلام اللى حصل فى الحلقه كان تصفيه حساب من الاستاذ مرتضى منصور وليس صلح والكابتن شوبير لم يفعل ما يثير انفعال الاستاذ مرتضى مما ادى لانسحابه علاوه على الالفاظ البذيئه اللى شرحها مرتضى منصور والذى دار فى الحلقه عيب عيب عيب من مرتضى منصور
جميل اوى
جميل
ياعنى هو راجل الحق والاخلاق وجتلو البت اللى بيقول عليها دى وماشها من المكتب ههههههه
والله حلقه فى منتهى القرف ومحمود سعد كان فاشل والشيخ خالد شكله وحش اوى
مرتضى كالعاده عمل شو هايل ولك فى كل الزباله بس ارجع واقول ربنا بيسلط ابدان على ابدان
بصراحه يا جماعه بطل الحلقه دي كان الشيخ خالد الجندي اللي كان ماشي بمقولة اذا كان الكلام من فضه يبقه السكوت من ذهب .. فما بالكم لو الكلام من فضايح ……
الله أم أهلك الظالمين بالظالمين واخرجنا منهم سالمين
السلام عليكم ورحمة اللة وبركاتة
الاخوة والاخوات احب ان اقول لكم انى لا احب الكورة لانى باقول شوية شباب بتلعب وبتاخد فلوس على الرغم ان الناس بتتشاجر فيما بينها واللعيبة ولا يهمهم حاجة لان كل شئ الان اصبح ملكهم والان اصبح زمن اللعيبة الام فى الماضى كانت تربى الابن على الخلق وتقول لة ذاكر ومفيش لعب غير لما تخلص الواجب الان الم حريصة على اخذة للتدريب وليست حريصة على صلات الابن فى الجامع او البيت الاب يجى يتكلم ترد تقول سيبة يريح اصلة جاى من التدريب تعبان نيجى على حلقة الامس البعض يقول ان مرتضى مخطأ لانة تكلم ولكن من راى لكى اتصالح لابد كل واحد من المختصمبن يقول الى عندة وخصوصا ان الاثنين كانا فى مواجهة حقيقية وبعد كل واحد مايقول الى عندة تبدا المصالحة فنجد بالامس مرتضى قال كل ماعندة بدون غلط فى احد ولا استهذاء باحد اما الطرف الاخر لم يستطع ان يخرج اى شئ عندة لان كل ماقالة مرتضى صحيح وشوبير ولو كان عندة حاجة يقولها كان قدر يقولها بهدوء لكنة كل الى عملة استهذء بالموجدين وبدأ يعلى الصوت وكان يتمنى ان الذى امامة ينفعل ويخرج عن ارادتة وبهذة الطريقة يكون قد انتصر وهذا غير صحيح واقول لشوبير عيب عندما جاءت سية الاسطوانة التى بها الحديث عن الهروين والامرة التى وصفت جسدة كان رد الفعل باسهذاء وقال مراتى هى الى جوزتهالى ودا كلام عيب وبذلك احترمت مرتضى وابنة عندما وجدا الاستهذاء من شوبير فقام وانصرف وهذا طبع الرجال المحترمين ذو التربية والاخلاق العالية وفعلا رئيس محكمة وابن ناس ويجماعة التعليم لة دور فى الحوار ماتقولوش ان شوبير كان جاى يتصالح وماجابشى حاجة معاة لا دى حجة لو كان عايز يتصالح فعلا كان عندما مر تضى قام كان هو قام وقالة ياسيادة المستشار انا مابستهزئشى وانا فعلا جاى اعتزر وعفا اللة عما سلف ولكن نجد ان نظراتة كانت غير مريحة ومبسوط ان مرتضى قام فاكر انة حياخدها علية وكمان ابن مرتضى وهو ماشى الكمرة تسلطت علية معا انة قال احنا جايين للصلح ولكن الذى وراء الكميرا اللة اعلم بنيتة اود ان يعلق احد على كلامى وياريت مزيع الحلقة يعلق كذلك
واضح اوى من اللى حصل ان الاستاذ احمد شوبير غلط كتيييير فى حق الاستاذ مرتضى منصور والدليل على كده لانو ماقدر يحلف والدليل الثانى مش لاقى رد خالص يرد بيه على الاستاذ مرتضى منصور وانا بشكر الاستاذ مرتضى منصور على اخلاقه الكريمه وعلى تحفظه فى الرد مع الاستاذ احمد شوبير لان لو شخص غير مرتضى منصور كان شتمه ودا اقل حاجه يقدر يعمله فيه امام كل الدليل الحقيقى اما احمد شوبير
والله حاجه تقرف وتموع النفس وقله ادب وخوض فى اعراض الناس ليه كده هى دى شطاره
الاتنين عندى زى بعض ومابحبش حد فيهم بس اللى اتقال دا مايصحش عيب احنا فى تلفزيون مش بيتكلم فى تليفونه الخاص
امال طالع فى كل حته يقول التسامح اللى زى دا مايعرفهوش
ياجماعة صلوا على النبى عليه الصلاة والسلام اولا محمود سعد نيته سليمة جدا جدا وعاوز يعمل خير ثانيا مرتضى منصور صدقونى انسان حقانى جدا وزى مابيقولوا صاحب الحق ارعن وفى الغالب انفعال صاحب الحق بتظهره وكانه جانى ومفترى لكن الواقع بيكون غير كده صدقونى ثالثا وده الاهم ان شوبير هو اللى كان مفروض ومن فترة انه يخلص الموضوع ده وبسلاسه كده ويعلن اعتذاره لمرتضى منصور عما بدر منه من شتائم وبذاءات لانه هو فعلا غلط فى حقه جامد وبطريقة غير محترمة على الاطلاق لكن شوبير انسان مش ذكى ابدا وكمان هو بيتميز بكثير من الكبر اللى بيضيع صاحبه وبيوديه فى ستين داهيه لانه لو كان اعتذر فهو اولا كان هيحرج مرتضى منصور ويسكته نهائى وثانياكان هيكبر قوى قوى فى عيون الناس كلها لان ده تصرف الكبار فقط ولان الاعتذار عن الخطا لا يعيب صاحبه ابدا بالعكس كان الموضوع انتهى وكان كمل حياته عادى فبصراحة انا اعتقد ان مفتاح الحل كان فى يد شوبير فقط وهو ضيعه مرة بسبب كبره ومرة بسبب غبائه ولكن الوقت فات خلاص اتا اعتقد كده وربنا بستر والموضوع ده ينتهى على خير
أخر تعليق ليا لو كان شوبير علي حق كان حلف علي المصحف أو أنكر انما هو كان زي الطفل بيداري غلطه خايف من اللي جاي معتمد علي استفاذ منصور اللي كان أهدي منه وأقنع أي واحد عاقل بيتفرج علي الحلقة أنه صح ولما قام يمشي مكنش عايز شوبير يستفذه أكتر من كدة فتتحول الحلقة الي سب علني بين الأطراف
الأخ (مهندس/منير محمد اسماعيل) يعني اللي جايب مستندات يثبت كلامه في حالة انكار الطرف الأخر حرام وسوء نية وشتيمة شوبير ليه ووصفه بأنه شاذ جنسيا وانه عبيط ومجنون ونارجسي حلال وحسن نية ياريت تكون محايد
مرتضي عارف أنه علي حق فابلتالي مستني من شوبير يعتذر لكن خوف شوبير أنه يخسر مصدقيته عند الناس عمره محيعتذر وألا يبقي كداب وملبس الناس عمم و بنصح أي حد يفنط الحلقة وهو من نفسه حيعرف مين صادق ومين كداب شوبير ماكنش قادر علي حاجة غير التريئه والتهكم
يا جماعة شوية عقل انتا واحد بتتشتم ليل نهار في برامج السيد شوبير لو أي بني أدم عنده كرامة حيرد ومرتضي لأنه محامي كان رده في المحكمة والكلام اللي بتعرضه عليه ده أصلا كلام شوبير واللي أثبتته المحكمة وأقرته من خلال الحكم علي شوبير بمنع ظهور برنامجه في قناة الحياة وده حق مرتضي و خدة تاني حاجة شوبير مأنكرش أي كلمة قالها مرتضي الحاجة الأخيرة ركزو علي ملامح وش شوبير حتعرفو الحقيقة (مرتضي حلف علي المصحف 5 مرات شوبير يظهر ماكنش متوضي فمحلفش أن الكلام بتاع مرتضي كدب )
…….الاخ العزيز محمود سعد……..بعد التحيه اتمنى من سيادتكم قراة هذه الرساله هذا الحوار الذى ادرته بين شوبير ومرتضى ما هو الا فرقعه اعلاميه فأنك لم تريد الصلح بل اردة فرقعه اعلاميه لانك لو كنت تريد الصلح فسوف يوفقك الله طبقا للأيه الكريمه وعلى سبيل المثال عندما بعث امير المؤمنين عمر ابن الخطاب اثنين من الصحابه لكى يصلحوا بين زوج وزوجه ولم يوفقا نهرهم عمر وقال لهم انكم لم تريدوا اصلاحا لانكم ان كنتم تريدوه كان الله سيوفقكم وقرأ عليهم تلك الايه وبعد تنقية ما فى انفسهم من الأهوآ الشخصيه وفقهم الله على الصلح .اما من ناحية ادارة الحوار فكيف تتوقع ان تصلح بين اثنين كلاهما يسب الاخر ويتهم الاخر باقذر التهم والسباب امام الملايين هذا الصلح كان من المستحيل ان يحدث الاخ محمود اذ كنت ابن بلد كنت تقدر تفرق بين قاعدة الصلح وبين قاعدة الحق على الرغم من ان هذه الجلسه لم تكن زاك او تلك لان لكلا منهما لها قوانين واهداف وطرق من الواضح انك لاتدرى شيئا عنهم اذأ كنت تريد ان تعرف عن تلك الطرق فحاول ان تراسلنى لكى يعنك الله على اصلاح ذات البين واخيرا كيف تتهم شوبير بالتهكم وانت اول من بدأ التهكم وارجع للشريط عندما قلت لمرتضى
(هو انته عندك مشكله فى الحمام …الخ)ارجوك حاول ان تنقى ما فى قلبك لكى يعنك الله على الصلح.
لو ثبتت براءة شوبير من قذف مرنضى منصور علية ان يرفع علية قضية ويطالب بحق عقاب القذف وهى ثمانون جلدة بالذات فى موضوع سين سين
اللى اسمة مستشار ياخذ فى هذة المناظرة 2 من 10 وشوبير ياخذ 8 من 10 ومحمود سعد 1 من 10 والشيخ الجندى ياخذ صفر من مائة لانة ترك حثالة تتعرض لكتاب اللة وياخذونة لعبا ووقف صامتا رغم انى من عشاق هذا الشيخ الجليل
ده تهريج الاى حصل ده
المفروض كان يحصل ان الكبير هو اللى يكلم ويكون هو ما بينهم ومش علنى كده ده تهريج من سيادتك يا أ. محمود
والشيخ خالد الجندى هو دوره فين
بصراحة انا مش مبسوطة من الاى حصل ده
لو كان المستشار مرتضي منصور يعرف قيمة ما وصفة به العالم القدير مصطفي محود رحمة الله لكان اهتم بأشياء اخري غير الجري وراء المشاكل مع الكابتن احمد شوبير .
واهتم بقضايا الفقراء كما يقول
السلام عليكم ورحمه الله وبركاته
لا يليق برنامج كبير يذاع على نطاق واسع ويبث عبر العالم بأكمله ان يسمح لمرتضى منصور ان يتفوه بمثل هذه الالفاظ البذيئة على مرأى ومسمع من مشاهدى على مستوى العالم كله ، وهو يزعم ان سبب انسحابه من البرنامج ان شوبير كان يسئ القول فما الذى يصف به الكلام الذى تفوه به.
مع الشكر والسلام عليكم ورحمه الله وبركاته.
اعتقد انه كان من الافضل الا تكون هذة الحلقة مباشرة,ولا يجب ان يلام الاعلامى الكبير محمود سعد على هذة الحلقة ……. وسؤالى هو هل كان ينوى الكابتن احمد شوبير او المستشار مرتضى منصور على الاعتزار فى حالة معرفة خطاهم؟وهل كان هدفهم حقا الصلح ام سرد الاخطاء ؟على كل حال يجب ان نشكر الاعلامى المخلص محمود سعد على هذة الحلقة وكذلك الشيخ الفاضل خالد الجندى على جهودهما لجمع الطرفين ومحاولة الصلح.
السلام عليكم ورحمه الله و بركاته
تحية طيبة للاستاذ محمود سعد وبعد ………
لى عتاب على برنامج مصر النهارده لان البرنامج كده بدون قصد اعطى فرصة كيبرة وغالية لمرتضى منصور فى التشهير والغلط والتشهير فى حق شوبير بزيادة، وهو كان واخد البرنامج لحسابه وهو سامح لنفسه وشايف انه من حقه انه يقول اى حاجة ويغلط ويستهزئ بالشكل اللى هو عايزه واى حد تانى يتكلم يبقى غلطان او يتكلم بنفس الطريقة يعنى هو يعمل اللى هو عايزه انما اى حد تانى لا
وانا شايفة ان الحلقة دى كانت غلط فى حق كابتن شوبير وهو كان ييستحق من المقيمين على البرنامج انهم ياخدوا له حقه فى الاهانات اللى وجهت له من مرتضى منصور خلال الحلقة ومحدش غلطه ولا وقفه عند حده .
ارجو الرد مع الشكر والسلام عليكم ورحمه الله وبركاته.
محمودسعد فشل في ادارة الحلقة فشلاً ذريعاً . كان يجب أن يقول لمرتضي منصور أن الكلام الذي قاله , ذكره من قبل في كل الفضائيات وان يسأله عما اذا كان رغم كل شىء سيقبل اعتذار شوبير إن اعتذر أم لا و يكون هذا هو موضوع الحلقة وليس ما صدر من هذا أو ذاك . فتح القديم هو الذي أدي لفشل الحلقة
ياريت ياجماعه تتكلمو فى حاجه تفيد الناس الغلابه وكفايه بقى الموضوع ده اخد اكتر من حقه
لانى الشيخ خالد لو كان قال حديث كان اخد عليه حسنات وكمان المشاهدين كمان كانو استفادو
حاجه تنفعهم لاكن هنعمل ايه قدرنا كده ياحج محمود
اين التعليق وفين حرية الراى وفين الرد
الصلح بيكون فى اماكن مغلقة وكبير الجلسة هو اللى بيقدر يتحكم فيها واللى حصل امبارح زاد من التشهير والخصومةوالكلام اللى قيل مينفعش يتقال فهذا عتاب منى الى الاستاذ محمود والشيخ خالدالجندى والله يعلم انكم سيعيتم فى الخير ونيتكم كانت خالصة بس ياريت نقفل الباب علينا واحنا بنتصالح . ارجو الرد يا استاذ محمود
ابنك محمد
اولا احب اقول انها كانت حلقة جميلة بس مرتضي منصور زودها اوي ازاي يفضح واحد بالشكل ده كان عامل كأنو مراءدلو و مجهز كل حاجة و بصراحةمكنش جاي بنية صافية زي ما بيءول و شوبير صعب عليه جدا لانه كان جاي بنية صافيةو كنش حتي جايب ورقة ……بس كانتحلقة ممتعة
هو فية حاجة ياناس الله يمهل ولايهمل
استاذ محمود من خلال قراتى للتعليقات اوضح لى ان فى ناس كتير هجمتك بسبب استضافتق للاستاذ مرتضى والكابتن شوبير بس على فكره الى حضرتك عملته صح جدا بس دى مش هتقلل من قيمتك لا دى جعلتك فى نظرنا عظيم جدا وفى النهايه اقول جزاك الله خيرا يا احسن اعلامى فى الوطن العربى كله
يا استاذ محمود الحلقه دى بينت كل حاجه وعلى فكر من الواضح ان الاستاذ مرتضى مش هسقت ومش هعدى الموضوع دا على خير وفى حاجه تانى مهمه جدا ان الاستاذ مرتضى اضايق من الاستاذ شوبير ومشى عشان استهزاء منه بس كمان الاستاذ مرتضى استهزاء منه والكابتن شوبير مكلمش والحلقه فعلا بينت ان الاستاذ مرتضى جاء للبرنامج عشان يكسب الناس فى صفه بس مش عشان يتصالح
بصراحه عاتبه عليك يا استاذ محمود انت كنت راضى عن الكلام اللى مرتضى قاله وعايزين الشيخ خالد يشهد على شوبير اثناء حلف اليمين انه يعرف واحده او ميعرفش وفى علامه فى ضهره ولا مفيش ايه قلة القيمه دى دا كلام محترم يتقال فى حضرة شيخ جليل ومحترم ومحبوب مثل الشيخ خالدوفين مبدا اتاحة الفرص دا امبارح كان البرنامج متأجر لمرتضى وابنه ومع انى مش كنت بحب شوبير خالص تعاطفت معاه لانى مش مع اذلال البشر وفضحهم على الهوا بجد كنت بحبك يا مرتضى والله لكن الافترا وحش
السلام عليكم ورحمة الله وبركاته
انا الحقيقة مش عايزة اعلق على حلقة الصلح لان وجهة نظرى ان كان ممكن تكون الجلسة فى السر وبعدين الاستاذ محمود يعلن الصلح فى خمس دقائق . الشىء المهم جدا هو انى ملاحظة ان لقاء الشيخ خالد الجندى كل مرة لا يأخذ حقه. انا ارجوو الاستاذ محمود تكون الفقرة كاملة علشان نستفيد من علمه والا ايه فائدة الاستضافة ؟
واشكر الاستاذ محمود مقدما لانى اعرف انه اعلامى محترم ومنصف … ولكم جزيل الشكر
من الواضح كده ان مرتضى منصور واخد شوبير كبش فدا عشان يثبت للناس نفوذه و مدى جبروته و كبار الناس فى الدولة تعمل له الف حساب بس بصراحه حتى لو شبير غلط بس مرتضى ده مثال صريح للطاغيه الظالم
الاخ محمود سعد1- لا اتفق مع الذين يكتبون ان هذة الحلقة حلقة سوداء لسبب واضح وهو ان الناس تعرف مين اللى صادق ومين الذى يكذب 2-الناس الى بتقول ان دة مش ينفع على التليفزيون وانة كان لازم الاول غلافة مغلقة للاتفاق لكنى لا اتفق معاهم لسبب بسيط هو انة كان لازم من مواجهة الكابت شوبير الذى لا اقدرة ولا احترمة على الاطلاق بصرف النظر عن خصمة مرتضى منصور وذلك لاسباب كثيرة جدااا منذ ان ظهر كاعلامى ثم مرورا بمجلس الشعب والاسباب لا اريد ان اسردها لان الناس كلها عارفين الاسباب3-عايز اقول للناس كلمة هو انتوا بتحبوا تسمعوا كلام كتير وخلاص من دة مرة فى برنامج ومن دة فى برنامج اخر ومحدش يعرف الحقيقة فين وكل واحد مع اللى يحبوة 4-عايز اقول للناس بدل ما تهاجم محمود سعد تقول كلمة حق الاول فى المواجهة مين الصادق ومين الكاذب ولا انتوا بتحبوا انكوا تشوفوا اللى بيسرق وتسكتوا او تشوفوا الظالم وتسكتوا كالشياطين
بجد الاستاذ محمود سعد غلطان انه يسمح لي الناس دي تبقه معاه في حلقه البرنامج بجد كنت لزم تحسم الموضوع اكتر من كده وتتوقع اي شي والشيخ القاضل خالد الجندي برضو عليك لوم كنت لزم توقف المهزله دي بي الكلام الديني والمفروض لو كانو نوين علي الصلخ مكنوش فتحو في الماضي وانسحاب مرتضه اكيد بياكد انه انسان مش تمام
شوبير ماخدش فرصه للكلام خالص
يا جماعه ده اسمه كلام بردو دي حركات ميعملهاش العيال الصغيره .. وبعدي يا استاذ محمود سعر يا راجل يا كبير يا فاهم يا اعلامي يا مخضرم المفروض القعده دي كانت تبقه بينهم وبين بعض في الاول وتشوفو هترسى على ايه وعلى اساسها كنتو تشوفو اذا كنتو هتقعدوهم ع الهوا ولا لأ .. لكن مينفعش خالص انهم يقعدوا ع الهوا كده على طول لأن ده كان متوقع .. دي مكنتش قعدة صلح دي كانت متابعه وتكملة لرصيد الاهانات اللي بينهم وبين بعض .. واحنا مكناش عاوزين نسمع الكلام ده لاننا خلاص شربناه وحفظناه .. احنا كنا عاوزين نسمع كلام تاني خالص اللي هو المفروض كلام الصلح اللي انتو بتقولوا انكم بتسعوا ليه وكمان جايبين الشيخ خالد الجندي اللي بصراحه كلامه كان افضل شئ في الحلقه وهو السكوت وانا اعتقد انه متكلمش من باب انه الناس دي متستاهلش انه يصغر نفسه و يدخل معاهم في حوار ..
انا مصرى مقيم فى السعودية ومتابع جيد لبرنامج مصر النهاردة وخصوصا الاعلامى الكبير محمود سعد ولكن كانت صدمتى كبيرة عندما شاهدت الحلقة وضيوف الحلقة باستثناء شيخنا الجليل خالد الجندى ماحدث مهزلة فى الفضائية المصرية لان هوءلاء الضيوف صورة غير مشرفة لمصر امام العالم والعيب ليس فى البرنامج ولافى محمود سعد العيب فى من حضر وخرج وكانة يجلس فى قهوة بلدى ولم يعطى للمكان احترامة فليزهبوا الى الجحيم ونواصل برنامجنا القريب لقلب كل مصرى وبحبك يامصر