انصفوا شمال سيناء

7 comments

1. 

   م/اسامه عاطف 07/10/2011 19:29 -

   محمد… اقسم بالله كلامى مافيه اى مبالغه..ولاحظ فى كلامك انت نفسك كرهك لينا..بقولك”انتم يا ابناء الدقهلية تمثلون الاغلبية بالمحافظة وفزتم باغلب فرص العمل بها(
   وحرمتوا ابناءها من التعيين)” حاطين دايما فى دماغكم اننا اخدنا مكانكم فى الوظايف واخدنا ارضكم..مع العلم ان الارض دى اخدناها منكم بمقابل مادى يعنى اشتريناها برضاكم مش احتليناها زى مابتقولوا..واحب اوضح حاجه بالنسبه لحكاية الوظايف دى..انا مهندس اتصالات والكترونيات وبشتغل فى محطة كهرباء فى شمال سيناء وفى معايا موظفين من بدو سيناء فى الشركه وفى شركات الكهرباء الموجوده فى شمال سيناء كلها..اللى لاحظناه ان دايما العرب عايزين كل حقوقهم الماديه زى الحوافز والبدلات والمكافآت كاااااامله وفى نفس الوقت مش عايزين يشتغلوا .. ودا اللى خلى واحد زى المهندس بركات مثلا اللى هو العضو المتفرغ والمهندس فتح الله اللى هو رئيس مجلس الاداره كرهوا التعامل مع العرب وعلشان كده مبقوش يرضوا يعينوا حد من العرب بسهوله..فى حين ان المغترب اللى سايب بلده واهله ومتغرب اصلا علشان يشتغل بيبزل كل جهده علشان فالاخر يلاقى مقابل مادى مجزى يستاهل غربته وبعده عن اهله..ليه بتقولوا اننا حرمناكم من فرص العمل؟؟ ماتشتغلوا زينا وبضمير وانتوا هتبقول مرغوبين ومطلوبين… انتوا ناقصكم مبدأ واحد يا اهل سيناء وبجد احوالكم هتتغير وتتحسن كتير..المبدأ دا هو “لازم تتعب علشان تلاقى” دا ربنا نفسه قال فالقرآن ان خلقنا الانسان فى كبد” كبد يعنى مشقه وتعب..مش انكم تاخدوا الشغل والمرتب دا حق مكتسب لازم تاخدوه تحت اى ظرف من الظروف سواء اشتغلت او لا فانت من اهل البلد ودا حقك..الاكفأ هو الاحق.. دا شئ لا يختلف عليه اتنين فالعالم كله الا اهالى سيناء هم اللى اختلفوا عليه..حسبى الله ونعم الوكيل.

2. 

   محمد 02/10/2011 18:46 -

   م/ اسامة عاطف
   بداية مع احترامى لك فان كلامك مبالغ فية وغير مقبول بالمرة بدليل انتم يا ابناء الدقهلية تمثلون الاغلبية بالمحافظة وفزتم باغلب فرص العمل بها
   وحرمتوا ابناءها من التعيين واكبر دليل ابو سريع وسامى السيسى الذى كان ينزل الى المنصورة بمكبرات صوت ليعلن عن فرص العمل بها واخذ حق المواطن السيناوى وتعلمون كافة القيادات التى كانت تعمل بالمحافظة قبل الثورة وما احدثتة من فرقة بين ابناء الوادى وابناء سيناء الصامدون وعلى سبيل المثال الكيكى محمد حسن ايو سريع الخ اما بخصوص الاراضى والتعديات هذا لم يحدث مطلقا بدليل ان جميع جيرانى من جميع المحافظات ولكنك اكيد وقعت تحت طائلة نصابى الاراضى بالذات الاماكن المتطرفة من البلد لرخص الاسعار ولكن اقسم بالله ان اغلب الجيران والمعارف يمتلكون عمارات وشقق ومنازل عديدة

3. 

   م/اسامه عاطف 01/10/2011 08:22 -

   مع كل احترامى لرأيك وكلامك..انا مواطن مصرى وبالتحديد من المنصوره ومقيم فى شمال سيناء بقالى 15سنه..انتم يا اهل شمال سيناء بتتكلموا عن التعمير وانكم عايزين تستقطبوا ناس من محافظات مصر علشان سيناء تتحول لبلد حيويه ويكون فيها صناعه وزراعه…الخ….وفى نفس الوقت بتكرهوا المغتربين وحاطين بينكم وبين المغتربين مليووون سد وسد..يعنى مثلا لما يكون واحد من خارج شمال سيناء وقرر انه يعيش فى شمال سيناء واشترى ارض وبدأ يبنى ويزرع فيها..ويجوا عرب سينا يقولولك الارض دى ارض جدودنا ومش من حقك تمتلكها وطبعا الكلام فى سينا مش كلام عادى زى عندنا فى المنصوره مثلا..لا دا الكلام بالسلاح والشوم علطول..انا واحد من الناس انطردت من ارضى ومن بيتى انا وامى واخواتى تحت تهديد السلاح وانضربنا بالشوم لما كنا هنموت..وانا مش اول ولا اخر واحد يحصل معاه كده..مفيش مغترب واحد فى شمال سيناء عرفته الا ماحصل معاه نفس اللى بيحصل معايا دلوقتى..وطبعا بعد ماحصل معايا كده انا صدقت وآمنت بالمثل المعروف اللى هو من طلع من داره اتقل مقداره..وقررت ارجع المنصوره وكرهت سيناء واهل سيناء..آسف انى بقول الكلام دا..بس بجد اهل سيناء مبيتعاملوش غير بالسلاح..وبيستضعفوا اى حد مغترب لانه طبعا بيكون لوحده وملوش اهل فى سيناء وبيسلبوه كل مايملك وبالاخص الارض..انتم يا اهل سينا اللى بتجبروا الناس انها تسيب بلدكم..وبطريقتكم دى فعلا البلد عمرها ماهتتعمر..كل يوم ناس بتمشى من سيناء بسبب معاملة بدو سيناء ليهم..انا ايه اللى يجبرنى اعيش فى وسط ناس متعرفش التفاهم وطريقة التفاهم الوحيده عندهم هى السلاح والشوم والبلطجه وطبعا دا غير المخدرات اللى سيناء غرقانه فيها..آسف لتانى مره انى بقول الكلام ده..بس اقسم بالله انا عشت فى سيناء وهى دى الحقيقه..وهى دى طبيعه حياة ومعاملة بدو سيناء للمغتربين..حسبى الله ونعم الوكيل..مش هقدر اقول غير كده.

4. 

   من وجهة نظرى 30/09/2011 15:11 -

   مصر علشان تحل مشاكلها كلها لازم الزحف العمرنى نحو سيناء .

5. 

   مسعود 27/09/2011 23:27 -

   لا یمکن تنمیه سینا و حکم العسکری الساری فی مصر الحیبه هو امتداد لحکم الاسراییلی لو نظرنا ه تمعن و هذه مایتردد هنا فی الاهواز

6. 

   فارس السيف والقلم 27/09/2011 16:58 -

   لا أعلم لما هذا التجاهل المقصود لأرض سيناء ولأبناءها من البدو ..!!
   هل تعلم أنه ليس من حق السيناوي الإلتحاق بكلية الشرطه ..!!!!
   هل تعلم أن السيناوي أثناء فترة تأدية الخدمه الوطنيه ( الجيش ) لا يؤديه كغيره من أبناء وطنه ..
   حيث أنه يعتبر بالنسبه للقوات المسلحه شبه معفي من الخدمه .
   وبدو سيناء هم حراس مصر من الجهه الشرقيه الحدوديه ..
   فلما هذا التجاهل ..؟؟

   حزنت كثيرآ عندما قال لي ذات يوم عجوز بدوي..

   لقد كان حالنا أثناء الإحتلال أفضل من اليوم ..!!!!

7. 

   عبدالناصرالدوشى 26/09/2011 23:40 -

   سيناء أرض الأنبياء والديانات السماوية

   سيناء.. أرض الفيروزفهي البوابة الشرقية لمصر،ومركز إستراتيجي لمصر وفى لسان حالها يقول مازال في بطني من الكنوز الكثير وفوق سطحي من الخير الوفير
   فى أنتظار الشعب المصرى الاصيل لكى ننمى تلك البقعة الطاهرة من أرض مصر
   كفاينا التجاهل والاهمال بكنوز مصرلعل وعس بعد الثورة نعتمد على أنفسنا ونبنى
   بشبابنا مع جيل الثورة و الإنترنت 00بنحب كل بقعة فى مصر