نفي ضرب طالب الاخوان المسلمين في صيدلة الازهر
مصريات
نفى الدكتور فريد حمادة عميد كلية صيدلة بنين الازهرما نسب إليه من ضرب طالب بالكلية.
وأوضح ان ثلاثة طلاب من الجماعة المحظورة الاخوان المسلمين بالفرقة الثالثة في صيدلة الازهر تواجدوا بمدرج الفرقة الاولى بالكلية في محاولة لجذب عناصر جديدة.
وقام نفس طلاب صيدلة الازهر منذ يومين بتوزيع منشورات للطلاب حول الايجابية في الاسلام وتحريض الطلاب على عمل مشاكل.
فقام العميد بسحب الكارنيهات من الطلاب ونبه عليهم بعدم ممارسة النشاط السياسي داخل المدرجات.
وصرح العميد انه بعد نصف ساعة تواجد طلبة الاخوان المسلمين من كليات الطب والهندسة وعددهم حوالي ٠٧١ طالبا واصطفوا واخذوا يهتفون مدعين أن العميد ضرب الطالب وهذا لاساس له من الصحة.
انا بحب مصر وبحب العميد
انا كنت موجود على فكرة فى اليوم دة وان الدكتور فريد مد ايدة على الطالب بس مش بلدرجة الى الناس متوقعاة ذى ما يكون بيحسس على وشة مش مستهلة كل دة يعنى
انا من طالبات صيدلة الازهر بنات انا صحيح ماشفتش الواقعه بس أنا موتأكده إنها ماحصلتش لإن دكتور فريد ده بني ادم محترم جدا وأخلاقه عاليه فوق الوصف وبنات صيدله كلها تشهد بانه أب بمعني الكلمه رغم اني واثقه انه محصلش لوحتي كان حصل فهو أكيد حصل استفزااااااز رهيب وياجماعه لوكان حصل هو الأب مش اوقات بيضرب اولاده عشان يوجههم صح معناه انه يبقي وحش انا مش فاهمه ليه كل الثوره دي كل ده عشان دكتور فريد مبدأه واضح مانع استخدام السياسه والخوض فيها داخل الحرم الجامعي وده من حقه
حرااام بجد بلاش افتري يامسلمين
انا كنت موجود فى مدرج سنة اولى ساعة ما طلبة الاخوان دخلو واتكلموا وبصراحة فى رايى المتواضع ان حتى لو كان العميد ضرب الطالب زى ما بيقولو فده عشان خوفة عليه وعلى مصلحته زى ما هو خايف على طلبة اولى ويا ريت الاخوان ربنا يسامحهم يبطلو يعملو المشاكل دى ويسيبونا (طلبة اولى) فى حالهم احنا عاوزين ربنا يكرمنا وننجح مش طلبة اولى اللى هيحررو غزة!!!!!!!!!!!!!!!!!!!!!!!!!!!!!!!
فى البدايه …عايز اقول انا بحترم طلبه الاخوان اوى مع انى مش منهم
……وبالنسبه للواقعة فان كل حصل غلط …سواء من العميد او طلبه الاخوان ……اولا الطلبه مش من حقهم لقوا خطابات فى الحرم الجامعى (المدرج )..حتى ولو خطابات دينيه……وعلشان نكون فى الصورة الطالب اللى انضرب من العميد مكنش مع الطلبه اللى دخلو المدرج …بس دة الكلام اللى وصل الى العميد ….ويا جماعة العميد دة راجل محترم (دة الطبيعى )…فالكلام اللى انتوا قولته مصحش ابدا ………………………….ولنا عودة
يا فتى ..طالما صار التعيين مقياسا للاختيار فى كل شئ فهذا هو المتوقع من رجل يعمل فى جامعة اسلامية ولا يخشى الله بقدر ما يخشى ان يزحزح من على كرسى العمادة .. رئيس الجامعة بالتعيين .. العمدء بالتعيين .. الوكلاء بالتعيين .. اتحاد الطلاب بالتعيين .. فى زمن الديمقراطية حذف مبدأ الاختيار بالتصويت الحر ( الانتخابات ) وصار ولاء كل من يجلس على كرسى عين فيه لولى نعمته .. وأقسم بالله العظيم بأن هناك رجال تم تعينهم فى مناصب حساسة لايملكون تحمل مسئولية أنفسهم ولا يستطيعون اتخاذ اى قرار بكل كل ملكاتهم الموافقة والتصفيق والظهور فى المحافل كمؤيدين .. ما زلنا فى عهد تقارير امن الدولة لتعيين اناسا سامحهم الله ورحمنا منهم
وخالص شكري لهذا الموقع الذى اتاح لنا اظهار الحقيقه كما بينتها وذكرتها فى التعليق السابق لهذا
بعد الحمد لله والصلاة والسلام على رسول الله
بداية : انا لم اشارك فى اى شئ مما ذكر خاصة انى :
1- طالب بالفرقة الرابعة وليست الأولى او الثالثة
2- انا لم اشارك فى ما حدث فى مدرج الفرقة الاولى (مع انه ليس جرما )ويشهد بذلك طلاب الفرقة الاولى
3- الحوار بينى وبين الدكتور العميد كان بساحة الكلية وفبل بدء المحاضرات
ثانيا : حول ما دار بينى وبين الدكتور العميد :
1- كان الدكتور العميد خارجا من مدرج الفرقة الاولى غاضبا جدا وقال ” انت ياله ” فاجبت حرفيا ” أنا يا دكتور” !!! فقال “ايوه انته ” فذهبت اليه وقلت “نعم يا دكتور وانا فى غاية التعجب من حدة الطلب” فقال “كارنيهك ياله” فقلت بنفس التعجب “ليه يا دكتور ” فقال بقوه اكثر “كارنيهك ياله” فأعطيته الكارنيه ثم قلت حرفيا “حضرتك اخدت الكارنيه ممكن اعرف بس حضرتك اخدته ليه ؟” وكانت المفاجأة التى تم انكار حدوثها فى الخبر المذكور اعلاه وهى انه قام بضربى قلم ثم ولم تزل يده على وجهى وهو يقول ” انت شغالى نادورجى ياله انت موقوف عن الدراسة ” ووسط الزهول الذى كنت فيه تحرك احد الطلاب الموجودين فى الساحة الينا بجانب الطالب الذى كان يقف معى فقال له الدكتور العميد “كارنيهك انت كمان ؟” فقال الطالب متعجبا وهو فى زهول مما رأه يحدث معى ” انا لسه خارج من مدرجى يا دكتور!!!” فقال “هات كارنيهك “فاعطاه الكارنيه ثم قال “انتو موقوفين عن الدراسة” ورفض الحوار ورحل دون ان نعرف سبب كل هذا
2- وان كان هذا لم يحدث كما هو مذكور هنا , كان يكفى من الدكتور العميد ان يكذبنى امام الطلاب لان الطلاب هم من شاهدوا الواقعه وسمعوا صوت الدكتور العميد
ثالثا : اريد ان اوضح ان :
للامر عندى شقين
الاول ان يضرب احد من احد فى مقام الوالد فهذا شئ
الثانى ان يضرب وبهان طالب جامعى وفى جامعة عريقة ولها مكانتها (جامعة الازهر) وفى حرم الجامعة من استاذ الجامعة الذى هو من يربى ويعلم. او ان يكون اسلوب العقاب بالضرب (بغض النظر عما ان كان يستحق العقاب ام لا ) فهذا امر لا يقبله قانون او شرع او عرف
لذالك انا لست اطالب برد اعتبار شخصى ولكن رد اعتبار لكل طلاب هذه الجامعة بل وكل الطلاب الجامعيين (خصوصا ان الواقعة نغسها تكررت فى كليات اخرى من قبل )
واخيرا لا يسعنى الا ان اتقدم بخالص الشكر لاساتذتى الكرام على وقفتهم المشرفة (وهو ما كنا نامل ان نراه من استاذنا الدكتور فريد حماده , الامر الذى حتما كان سينهى المشكله فورا )
ولا انسى ان اتقدم بالشكر ايضا الى زملائي الاعزاء على وقفتهم المشرفة بجانب الحق ورفض الظلم . التوقيع
اسلام طاهر عبدالله