الملك محمد منير
محمد منير يستولي على 3 احجار من هرم خوفو لبناء بيته
مصريات
رد الملك محمد منير على محاولات احد رجال الاعمال المصريين باخد مساحة 12 كيلو مترا من كورنيش اسوان في البر الغربي ليقوم بتحويلها الى مارينا بتهدديده بانه سوف يقوم ببناء بيت خاص به من احجار الهرم الاكبر خوفو وسوف يحصل عليهم باي طريقة في حالة قيام الحكومة المصرية بالموافقة على بناء و تحويل هذه المنطقة الى منتجع سياحي و علق الفنان محمد منير على ذلك بان المنطقة دي تتميز بكونها محمية طبيعية و لا يجوز الاقتراب منها او تحويلها لمارينا تانية مثل مارينا الساحل الشمالي في الاسكندرية .
وبرر محمد منير ذلك انه في حالة لو فرطت الدولة في جزء من الارض بيعتبر من احسن الاماكن السياحية في العالم فاكيد وقتها مش ها يهتم باي حاجة تانية حتى لو كانت الهرم نفسه ، وشبه محمد منير تلك المحاولة بانها زي ما قام به التتار اللي دمروا ثقافات العالم بالقائهم كتب من مكتبة بغداد في النهر عبر فوقها فرسانهم
والمعروف ان محمد منير ينتمي الى محافظة اسوان ويعتز بتراث تلك المنطقة و يعتبر اي محاولة لاستغلالها و تحويلها هدم ومحو لثقافة مهمة ويظهر اهتمام محمد منير بالتراث الاسواني في غناؤه باللهجة النوبية ومحاولة نشر فنه في كل دول العالم .
منير قال انه بيحلم يغني في حفل بتضم كل مشاهير المطربين في العالم عشان يقدم صورة تانية عن الاسلام غير الصورة اللي واخدينها عننا من غير وحشية و لا دموية ولا تنظيم القاعدة و طالبان وقال انه مصر على تحقيق حلمه رغم انه انه تلقى تهديدات كثيرة وهاجمه الكثيرين لانه بيعتقد ان الغناء ليس حرام في الاسلام و دليله على ذلك ان الرسول محمد – صلى الله عليه وسلم – اختار بلال للنداء للصلاة لان صوته كان جميل و ها يوصل رسالة الاسلام باحسن طريقة لقلوب الناس .
واضاف محمد منير انه كان عنده نية يعمل رحلة نيلية بسفينة لكل قرى مصر ونجوعها عشان يستمع لموسقييين والمغنيين فيها اللي بيعتبرهم احسن بكتير من مطربين القنوات الفضائية واللي شبههم انهم زي وجبات العشاء اللي بتتقدم في الفنادق مع اطباق الاكل وانك ممكن تطلب طبق سمك وجانبيه اي مطرب
واكد منير ان صورة العرب والمسلمين في الغرب سيئة جدا وانها تحتاج لتغيير و ده هايحصل بتغيير الخطاب الديني والعلماني لان الاتنين اصابهم الجمود ولازم يكون في نقاش و حوار ولازم يتم تداول ثقافة الاختلافة و تقبل رأي الآخر ، كمان انه يجب اننا نتعامل بعقلانية مع الامور عشان نوصل للناس ويحصل تغيير حقيقي
وقال محمد منير عن السيرة الهلالية اللي بيغنيها ان السيرة الهلالية بيعشقها اهل الصعيد جدا وبيعشقها المغرب العربي والتونسيين وهو فن خاص وشكر الشاعر الكبير عبد الرحمن الابنودي على جهده وصبره في جمع السيرة الهلالية خوفا من اندثارها وذكر ان الابنودي فضل 30 سنة من عمره بيدور على السيرة الهلالية لحد ما تمكن اخيرا من جمعها
يسلام عليك يملك شوف التعبير الراقى وشوف حبة لدينه ووطنه الكبير كبير يملك تسلم يكبير
الملك هو الملك محمد منير وبس