مرشحين انتخابات مجلس الشعب 2010 دائرة بسنديلة
اخبار الانتخابات القادمة : اسماء مرشحين انتخابات دائرة بسنديلة عمال فئات
مصريات
المنافسة الانتخابية بالدقهلية برلمانية وفي دائرة بسنديلة 4 نواب حاليين في الصراع على انتخابات مجلس الشعب 2010 دائرة بسنديلة
ويدخل معهم في الصراع الانتخابي عدد من الوجوه الجديدة وتؤكد المؤشرات ان اختيارات الحزب الوطني سوف تكون لصالح النواب سواء الحاليين أو السابقين ولا مكان للوجوه الجديدة .
والمنافسة بين مرشحين مجلس الشعب 2010 بدائرة بسنديلة مفعد الفئات النائب الحالى اللواء مجدي عرفة والذي تقدم بأوراق ترشيحه للحزب الوطني حيث يعتمد على خدماته لأهالى الدائرة الواسعة جدا حيث تضم جزءاً كبيراً من مركز شربين كما ينافسه بقوة المهندس حسن الحصي النائب السابق ويعتمد بالمنمافسة في انتخابات مجلس الشعب 2010 ببسنديلة على خدماته أثناء تواجده بالمجلس وله رجاله المخلصين في شتى الدائرة. كما يتنافس على المقعد محمد المعداوي حبيب من قرية الستاموني والمحامي المعروف والذي يعتمد على أصوات الستاموني ومحامي الدائرة حيث وقف بجانب العديد من المسجونين والمحبوسين بحكم عمله وقد تقدم بأوراقه للحزب الوطني وخاض المعركة الدورة السابقة ولم يوفق. وينافسه في نفس القرية عبدالرافع وزة عضو مجلس محلي محافظة الدقهلية ومدير الشباب ببلقاس. كما تقدم بأوراق ترشيحه للحزب الوطني الدكتور محمود خليفة والذي لم يوفق الدورة السابقة ويتنافس على مقعد الفئات في انتخابات مجلس الشعب 2010 في بسنديلة بقوة الخطيب جحوش من قرية بسنديلة والذي خاض معركة انتخابات دائرة بسنديلة بالدورة السابقة وكان منافسا قويا ويعتمد الخطيب على اللباقة في الحديث حيث تدريسه بالأزهر الشريف ويعد من أقوى المرشحين في الدائرة. كما يتنافس بقوة رجل الأعمال بلال بازيد ويعتمد على تبرعاته في عمل الخير حيث تبرع بالمئات من الألوف من الجنيهات لبعض قرى الدائرة. كما يتنافس بقوة إبراهيم سعيد رجل الأعمال من قرية ترعة غنيم بشربين وهومن الوجوه الجديدة ويعتمد على رأس ماله وهناك بعض الأسماء المغمورة قد أعلنت عن ترشيحها على مقعد الفئات..
أما مقعد العمال بـ انتخابات مجلس الشعب المصري القادمة 2010 بسنديلة حيث تشتعل المنافسة الشرسة بين النائب الحالى نصحي البسنديلي والذي يعتمد على خدماته لأهالى دائرته طوال الدورتين السابقتين والذي تقدم بأوراق ترشيحه للحزب الوطني وينافسه بقوة شرسة النائب السابق إلهامي عجينة والذي يتمتع بشعبية كبيرة جدا ويكسب تعاطف أهالى الدائرة لخروجه من المجلس السابق بعد عام ونصف العام فقط بعد الطعن عليه من البسنديلي وقد تقدم عجينة بأوراق ترشيحه وأعلن عن تنازله عن الجنسية الهولندية رسميا. ويعتمد عجينة على خدماته لأهالى الدائرة وتواجد أشقائه بصورة مستمرة بين أبناء الدائرة ولكن ربنا يستر على هذين المرشحين لعدائهما الشديد منذ زمن طويل.. ويدخل محمد عنتر إمام ابن الستاموني والذي كان منافسا قويا الدورة السابقة ودخل الإعادة مع البسنديلي وكان قاب قوسين أوأدني من المقعد وتقدم بأوراق ترشيحه للحزب الوطني ولديه أمل في النجاح ويتنافس على المقعد خلال انتخابات مجلس الشعب 2010 دائرة بسنديلة أيضا عبدالحليم عوض ابن الستاموني أيضا حيث تقدم بأوراقه للحزب الوطني ويحيي العشري ابن الستاموني أيضا وتقدم بأوراق ترشيحه للحزب وأهل الدائرة يعرفون جيداً مدى عدم التماسك لأهالى الستاموني وهذه هي المصيبة لأن الستاموني لو وقفت وراءواحد فقط لكان نائباً بسهولة. كما تقدم للحزب الوطني محمد محمود من منشأة شومان والذي خاض المعركة الدورة السابقة ولم يوفق كما أعلن عبدالفتاح البدالى الوجه الجديد المثقف عن ترشيحه ولكن مستقلاً وهناك المئات من المرشحين المغمورين يريدون الإعلان عن أنفسهم مجرد الدعاية فقط. وننتظر ترشيح الحزب الوطني لمرشحيه وسنرى ما الذي يحدث في دائرة بسنديلة.
ورجعنا للانتخابات تانى بعد اقل من شهرين من نهايتها انا كتبت هنا من حوالى شهرين ونص تقريبا لو كان لينا عمر هنتقابل بعد اربع سنين ونص ولاكن القدر جمعنا تانى بعد اقل من شهرين واقدر اقول ان المرة دى المنفسة مختلفة فلو حبينا مجدى عرفة قرر ينزل مع الكلام الى انا قرائة فى مجمل كلام الاخ (الفاهم) ورجوع القضاء فتحليلاتى بتقول ان الانتخابات المرة دى صعبة جدا لان بالانتخاب فان الاستاذ خطيب ناسة فى بسنديلة هيقفو وراة وبردة حبينبنا مجدى عرفة بالانتخاب والاصوات هياكل منطقتة الوكالة لان بصراحة هوة موجود فيها اما راس المثلث والى هيقلب الموازين راس على عقب فهو هيكون الاستاذ مجدى المعصراوى لانة ببساطة هيقدر ياكل اصوات مجلس محلى ابو شربينى بالكامل ومننساش ان مجلس محلى ابو شربينى بيفصل خط شربين عن خط البحر يعنى يعتبر مجلس فاصل فى عدد اصواتة وكمان لو فعلا هينزل فهوة الوحيد القادر على ضرب اصوات خط شربين وخط البحر يعنى هياخد منطقتة ويلم من مناطق غيرة مع احترامنا الشديد للمهندس حسن الحصى الى بالطبع مش هيكون سهل المراث لاكن السئال الى عاوز الاستاذ (الفاهم )يجوبنى علية لانة سئال فى الصميم وهيحدد بالفعل شكل المنافسة مين هوة المرشح المنتظر من العمال فى قرية ترعة غنيم (والى على حسب كلامك)بتقول انة هياكل نصف اصوات بسنديلة وجتلك الثقة ان مرشح العمال دوت هياكل نصف اصوات بسنديلة منين دى معنى كلامك ان تحالف الاستاذ الهامى مع الاستاذ الخطيب اتفك وبردة عشان نحلل مين الاقرب لمقعد العمال لانى شايف ان بانتخابات فيها قضاء ففرصة الاستاذ الهامى مع الاستاذ سعد الحلوجى فى العمال هيا الاكبر ومن بعيد شوية الاستاذ نصحى فعوزين نعرف مين هيا الشخصية القوية الى هتنزل دى عشان نبدء نحلل بناء على قوتها وقربها من الناس وشكرا
بعد تاكد نزول الاستاذ مجدى المعصراوى لانتخابات البرلمانية القادمة واحتمال نزول رجل قوى فى العمال من نفس القرية ترعةغنيم والى هياخد نص اصوات بسنديلة على الاقل يبقى الانتخابات الجاية لا عزاء فيها للوجووووووووووة القديمة مثل استاذنا الخطيب والاستاذ الهامى هههههه
تعالوا نشترك كلنا برأينا فى هذه الانتخابات القادمه دون الاساءة لاحد
بسم الله الرحمن الرحيم محدش يعرف لسه الدنيا راحه فين وبلاش نسبق الاحداث مجدى عرفه مين وخطيب مين البلد مولعة وانتو بتقولوا انتخابات طيب نعرف مين اللى شعبيته اكتر بس مع العلم عايزين نعرف هيه هتبقى قايمة ولا فردى نقول الفئات بالنسبة للشعبية بلال بازيد بعده الخطيب جحوش بعده حسن الحصى بعده مجدى عرفه وهناك مفاجأة لو نزل مجدى المعصراوىسوف يقلب الدائرة راسا على عقب الخ بالنسبة للعمال الهامى عجينه بعده نصحى البسنديلى بعده بكتيير محمد عنتر ولو الحاج سعد الحلوجى اترشح يبقى الترتيب كالاتى الهامى عجينه بعده سعد الحلوجى بعده نصحى البسنديلى الخ هذه الدائرمعروفة وشكرا
مفاجئة كبيرة بعد ما الجيش حل مجلس الشعب والشورى وبعد ما سى جحوش مبقاش نايب ولا حتى نايم وبعد مخلاص راحت الحصانة فيه مفجئة كبيرة جدا جدا جدا هتكون فى انتظار المرشحين لعضوية مجلس الشعب وبالتحديد المفجئة فى قرية ترعة غنيم وهيا الاعلان عن ترشيح اتنين لو بالفعل دخلو الانتخابات هيقلبو التربيزة راسا على عقب واحد فيهم هيخش فئات وقب كدة كان قاب قوسين او ادنى من الكرسى والتانى عمال ودى بردة كان عضو مجلس محلى محافظة من فترة ولية ناسة وللعلم الاتنين اصحاب شعبية كبيرة جدا جدا خاصة انهم زمايل واعضاء فى حزب العمل الموقوف ومن مؤسسى حزب الكرامة وكمان ناصريين خلال الايام الى جاية هيتحدد بالفعل هينزلو ولا لا وسلمولى على جحوش سلمولى سلمولى على عجسنة سلمولى كفاية عليهم شهرين
هههههههههههههههههههههههههههه هههههههههههههههههههه بالهنا والشفتشى يا خطيب
تحيا مصر بسم الله الرحمن الرحيم “ان الله لايضيع اجر من احسن عمل ” صدق الله العظيم
الدورة د ى مكتوبالك يا حاج بلال مش لحد تانى خلاص لا فى تقفيل ولا تزوير ولا رشاوى يعنى اللى الناس بتحبه وعيزاه هو اللى هينجح وهو طبعا مافيش غيره الحاج بلال بازيد وشباب ابوزاهر اكيد برضه ودائما معاك
يا فرحة متمت يا جحوش خدها الشعب فى مظاهراتة وراح
عاوز اعرف هتنجح ازاى لو المجلس اتحل ورجع القضاء ومعتش تقفيل يا استاز خطيب ههههههههههههههه
مبروك يا استاذ خطيب
نجحت وبدئت تصفية حسباتك مع ولاد بلدك ههههههههههههههه حقا انك لمحترم
عـــرفـــه الاصــــل و البــاقـــى فى الفـــصـــل 🙂
انا هجبلكم من الاخر هم كلمتين ومفيش بعدهم كلام يـــاريـــت نــــحـــب بعــــــض اكـــتر
يا يعمى الف شكر على كلامك الى بينقط عسل اما من نحية الادب فالحمد الله لا مش مستنين نائب ولا وزير عشان يعلمهلنا لاننا والحمد الله اتعلمنا الادب على ايد اهلينا مرة تنية بشكرك
بوجة كلامى لدكتور نشات الكلام الى بيقولة الواد بتاع الحقيقة لمروجى الاشاعات دة صح حبيبنا الاستاذ الخطيب نجح بفرق 4596 صوتك ولا 21الف صوت زى محنا عرفين انا عارف ادهولة دى تبقة مصيبة لو الرقم الى هوة بيقولة دى صح وعاوز اقلة خليها تكلك انتا والحرامى بتاع النسوان بتاعك الخطيب ادهولة مغرى عندنا نائب هيعلمكو الادب
دكتور نشات اخر رد لية (الحاج بلال _الحاج ابراهيم سعيد)))دفعو اكثر من 3 مليون جنية فى الانتخابات عشان يعرفو يجيبو الاصوات دى اللواء معدش داخل انتخابات ودى حقيقة ميعرفهاش غير القريبين جدا منة اما بلال وابو سعيد استحالة هيكونو حتى فى الاعادة
الحدوتة انتهت يا جماعة لو لينا عمر هنكتب هنا تانى بعد( اربع سنين ونصف بازن الله)) ويارب يوفق اعضاء مجلسنا الى ما فية الخير
استاذ الخطيب الف مبروك لنا كلنا على نجاحك الغالى
إلى من يكتب باسم ( الحقيقة لمروجى الاشاعات ) أشكرك على ردك على أستفساراتى ال4 واليك ردى على تقريرك الوافى( أولا ):بالنسبة للجولة الاولى فانا اوافقك ان اقوى المرشحين لجولة الاعادة ( المربع الذهبى ) هم الاستاذ الهامى والكابتن نصحى والاستاذ الخطيب واللواء مجدى ولكن لاأوافقك على ان الاستاذ بلال والحاج ابراهيم سعيد كانوا كومبارس ويكفى ان الاستاذ بلال حصل على 11000 صوت والحاج ابراهيم سعيد على 6787 صوت فى الجولة الاولى حسب قولك لكى نعرف ان لهما شعبية كبيرة جدا وخصوصا انها المرة الاولى التى يترشحان فيها وأتوقع ان كل منهما + المهندس حسن الحصى سوف يشكلون عقبة كبيرة جدا للواء مجدى فى اى انتخابات قادمة لانهم من منطقة واحدة تقريبا. (ثانيا) بالنسبة لجولة الاعادة فقد ذكرت ان سبب فوز الاستاذ الخطيب هو تقفيل بسنديلة والشركة والزهراء والسبخاويةللاستاذ الخطيب وهذا سبب حصوله على 46317 صوت ومدى علمى ان الشركة لم تقفل وذكرت ان سبب خسارة اللواء مجدى هو رفض كل من الاستاذ بلال والحاج ابراهيم سعيد والدكتور اسماعيل التقفيل للواء مجدى بجانب ال14 صندوق الى متفرزوش فى ابو جلال ومع ذلك فقد حصل اللواء مجدى 41721 صوت بدون تقفيل حقا انها مفاجأة كبرى تحتاج لتفسير منك ولا حبيبك يقرقشلك الزلط كما ارجو منك معرفة لمن ذهبت اصوات الستامونى والخلالة وزيان وقلابشو . (ثالثا) بالنسبة للامن فانا اوافقك ان عدم تدخل الامن ادى الى اكتشاف التزوير فى ال14 صندوق بتوع ابو جلال وبالتالى عدم فرزهم . ( رابعا ) بالنسبة الى انسحاب الاخوان والوفد من جولة الاعادة فانا اوافقك ان ذلك ادى الى ان يقف الحزب الوطنى موقف المحايد وان يترك للناس من بسنديلة حتى زيان ان ينتخبوا المرشح المفضل لديهم مع العلم ان الحزب الوطنى كان يمكنه اعلان فوز مرشحه ولكن بالطريقة التى ذكرتها انت بالنسبة لصناديق ابو جلال والحمد لله ان ذلك لم يحصل وفاز المرشحان اللذان حصلا على اعلى الاصوات من الناخبين من بسنديلة حتى زيان ولك خالص تحياتى وللقائمين على الموقع لهم منى اطيب التحيات.
عائلة ابو موسى تهنىء اللاستاذ الخطيب جحوش بنجاحه فى الانتخابات وانشاء الله دايما فيها يارب المرسل الحاج محمد احمد موسى واولاده
عائله ابو موسي تهنىء الخطيب جحوش بنجاحه عن دائره بسنديله وكلنا بنحبك و(المنوفيه )بتمسي على بسنديله وبتقولكم الف مبروك عليكم الخطيب وهوه يستاهل المكان ده والحب ده منكم
الى من يكتب باسم (الحقيه لمروضى الاشاعات) ياحبيب قلبى انا اولا قبل كل شىء انا مبكرهش حد وبحب الناس كلهاومش بقول ان مجدى نجح الدوره الفاتت بالتزوير علشان افترى عليه بس للاسف هى دى الحقيقه لان فى ناس فى مصر زمتها مش كويسه وليس عندهم ضمير وانت بتقولى اسال النائب بتعكم انا بقا البقولق اسأل الاستاذ المحترم مجدى ولو كان عنده جرئه يقولق الحقيقه وعلى كل حال الاستاذ الخطيب جحوش راجل محترم واكيد مش هينسا حد تبع ديرته حتى لو كانت البلاد المنتخبتهوش اكيد هينزلهم ويلبلهم طلباتهم وانا هقولق حاجه وحده بس اخيره احنا كلنا فى الاول والاخر اخوات والحاجه الاهم ان احنا فى دائره واحده بحب كل الناس وبحب حتى مجدى علشان عبد من عباد الله ومسلم واسف علشان طولت عليك
(((د/نشأت ))))طلبت 3 نقاط مهمة جدا الا وهى _1_اسباب الى فازو فى الجولة الاولى اولا انا بعتبر ان المربع الزهبى الى دخل اعادة دول هما ابطال المسلسل من بدايتة والباقى كانو كمبرسات للاسف طبيعى جدا ان الاستاذ الخطيب يدخل اعادة لانة الفارس الى كان قاب قوسين من الفوز فى الدورة الى فاتت والى وراة ((11))الف صوت مستعدين يعملو اى شىء علشانة ودول طبعا بسنديلة غير خط البحر الى بيعتبر ان الاستاذ الخطيب انة ابن لة اما بالنسبة للواء فهو بردة اقوى من كانو فى هزة الجولة مننساش انة راجل لة ناسة من سنة 95 ايام انتخبات الحج حمدى وراجل عضو مجلس شعب عن الدورة المنقضية ومرشح الحزب اما باقى المرشحين فكانو يدوب خيال مئاتة عوزين بس يتعرفو لانهم لقو نفسهم معاهم فلوس ومحدش يعرفه (((امثال +بلال بزيد الى بيدعى انة كان داخل اعادة رغم ان مرشح الستمونى انا اعرف انة من عيلة ابو وزة جايب اكتر منة المهم والحج ابراهيم سعيد الى مفكر ان فى خمس شهور هيرش فلوس وهيكسب من اول جولة مش يدخل اعادة ويعنى دفع 30 الف فى ابوجلال خاد 6 اصوات ومن بسنديلة 4اصوات رغم ان اولاد خالتة من بسنديلة وبلال بازيد وابراهيم سعيد بيقولو اتسرقنا اتحداهم ان كانو جابو اكترمن 11الف صوت لبلال و6787 لابو سعيد المهم مجدى لة ناسة من 1995 وبيبو له خط البحر لزالك كان طبيعى جدا دخولهم الاعادة اما العمال انا مشفتش اسم تالت شدنى غير اسامى اولاد الخالة اظن فهمنى يعنى المربع محسوم من الاول السبب رقم ((((2)))سبب الى فاز وسبب الخسارة لوتفتكر كلامى قبل الانتخابات لما قلتلك الحج حمدى هيقفل الشركة والزهراء ودى حصل وبسنديلة هتتقفل وبردة حصل او بمعنى اصح خط البحر بالكامل اتقفل وبردة قلتلك بلال بازيد وابو سعيد والدكتور اسماعيل هيقفو للتقفيل للواء لانهم شيفين انة عقبة ليهم فى خط شربين لو انزاح يبقى ادمهم الامانى كبيرة فى الدورات الى جاية دى غير ان المهندس حسن الحصى قفل ((6))الاف صوت ودى طبعا مكنش متوقع انه يقفلهم لبيبو عشان وجود الدكتور فؤاد لاكن اتقفلو دى نهيك عن طبعا زى منتا وانا والكل عارف ان الصنديق ال14 الى اتكسرو فى ابو جلال كل دى كانت مؤشرات تدل على سقوط مجدى باشا وبفارق شاسع لزالك كلنا توقعنا الهزيمة الساحقة ولاكن جات المفجئة الكبرى وهيا مش السقوط لانة كان متوقع ولاكن الفارق زى منتا عارف ان الاستاذ خطيب جاب (((((46317)))))الف صوت اما المفجئة ان مجدى جاب(((((41721)))يعنى فرق (((4596)))صوت بس يعنى فرق ضئيل وكل ضرب المرشحين فية مطلعتش نتيجة ساحقة وبحمد ربنا ان صنديق ابو جلال متفرزتش لان لو اتفرزت كنتو سقطو وكان اتقال علينا بلطجية رغم ان اللواء لما سقط طلع قلنا يا جماعة انا نجحت روحو انتو اسبقونى عشان ميحصلش مشاكل وسلم على بيبو وهناه السئال التالت هجوبك علية ((((علاقة الامن ))))الامن مدخلش لا من بعيد ولا من قريب واوعى تكون مفكر ان احمد السيد متولى هوة الى حمى بسنديلة لان لو الامن جالة اوامر انة يدخل كان مش بعيد بالامر تلاقى احمد سيد متولى بيضرب بالامر فى ولاد بلدة وانتا عارف الاوامر الميرى لاكن احمد سيد كسب جولة كبيرة فى ترشيحة الدورة الى جاية بعد ما كان من اسبوعين بس خاين الوقتى بقى بطل وهيكون لية ناسة فى بسنديلة الدورة الى جاية الحاجة رقم ((((4)))انسحاب الاخوان والوفد وتاسيرة بكل شجاعة وصراحة لولا انسحبهم مكنتوش انتو نجحتو لان لما انسحبو قالوسيبو المستقلين معرضة عشان الشكل العام لو منسحبوش كان ال14 صندوق الى اتلغو جية مكنهم تانى واتعملهم محضر انهم خلاص تمت الانتخابات فى ابو جلال وكان مجدى ونصحى نجحو لاكن انسحاب الاخوان خلى الحكومة تقول يلى بناقص اال 14 صندوق دول والى ينجح ينجح وفى الاخر انا سمحت لنفسى ان اقول للاستاذ الخطيب بيبو لانكم بتقولولة كدة وانا بحترم الراجل دة جدا رغم انى منتخبتوش لانة راجل بجد لما اعت معاه مرة حسيت ان الكلام الى بيطلع من لسانة كلام مش بيطنطق غير بعد تفكير عميق ورد علمى ومنطقى سلس (((دى ميمنعش ان طول ما اللواء عايش انى مش هنتخب غيرة لانى بحب الراجل دة ))))دى لو فكر انة يدخل انتخابات تانى وانا بشك فى كدى يريت تدينى تقرير عن التقرير بتاعى وفى الاخر بردة ربنا يوفق من تولى امرنا وان لا يسئل عنا يوم الحساب
تحياتى لك ياخطيب
إلى من يكتب تحت اسم ( الحقيقة لمروجى الاشاعات ) تحياتى لك ورجائى منك ان تكتب تحليلا موضوعيا عما حدث فى الانتخابات يشمل النقاط التالية 1- اسباب فوز من فازوا فى الجولة الاولى ودخلوا مرحلة الاعادة 2- اسباب فوز من فازوا فى جولة الاعادة واسباب خسارة من خسروا 3- علاقة الامن بالانتخابات فى دائرة بسنديلة4 – علاقة الحزب الوطنى بالنتيجة 5- تأثير انسحاب الوفد والاخوان على نتيجة الانتخابات ولك منى كل تقدير وحب
ياأستاذ الخطيب أنا فرحت جدا جدا بالمسيرة امس وكان نفسى كل أهالى الدائرة تكون موجودة عشان تشوف حب الناس لك فى شركة بسنديلة وربنا يقدرك على خدمة أهل الدائرة جميعا وتكون محبوب فى كل الدائرة زى ماأنت محبوب فى الشركة وربنا لما يحب أحد يحبب الناس فيه وسلامى إلى كل أهل بيتك وأبناءك.
انتم شاغلين نفسكم برتبة سيادته ليه قولنا انه كان عميد ولما سوى معاشه ارتفع رتبه يبقى ايه يا اصحاب العقول طبعا لواء ريحوا نفسكم شويه وبلاش تخافوا من صور سيادته هو صحيح شخصيه قويه ومهابه بس خلوا عندكم شوية جراءه وبصوا للصوره وبلاش الخوف والجبن المتوارث ده من ايام ما كان اجدادكم رعيان وفى النهايه اقول لكم ان مجدى عرفه هو مجدى عرفه الرجل زو الصوت العالى والراى الجرئ داخل المجلس وخارجه
يابنى انت واللواء بتاعك بتستهبلوا ازاى ماكنش عايزة وهو كان هيموت علية وبالنسبة للصناديق اللى اتكسرت مع احترامى للنائب الهامى عجينة دة كانت اللعبة الدورة اللى فاتت ولما طبعا الهامى ماتحلفش مع (اللواء*) كركركركرك اللواء حب يلعب لوحدة بس الهامى كشفهالة وتعالى لعبة كنا بنلعبها انا اللى معلمك اصولها ازاى تلعبها علية دة انت عينك جمدة وبعدين ضحك المعلم دة حلاوة روح مش اكتر وبعدين مش هنعرف قيمة مين ومن امتى وهو يزكر اساسا دةيابنى الظافر اللى ينترة المقص للخطيب ب 100000000000 زى حالتة الاول انت بتعرف تعد ولا اقولك ابقى خلى المعلم يعدلك وهوبيهزر واهو كلة هزار وكفاية عليك كدا النهاردة عشلن المعلم بتاعك مايستهلش انى اضيع وقتى فى كتابة رد عليك مع احترامى
بكل الحب نهني لدئرة بسنديلة علي كل التئيد المحاسب عادل صقر واهالي كفرشريف
اكيد مع الحكومه المصريه عجائب الدنيا هيكملوا دسته
الف مبروك ل الهامى عجينة والخطيب جحوش الوكالة بلد الرجالة احنا ننجح واحنا نصقض احنا الاصل مع تحياتى/الغرعون العاشق
ولما سوا المعاش بقى عميد
مجدى مش لواء مجدى عقيد
ملحوظة بسيطة (((د/نشأت)))العميد مجدى عرفة لما نجح فى 2005 وقبل ميسوى معاشه اترقى للواء وسوى معاشة على رتبة لواء وحاليا هوة اللواء مجدى عرفة وليس العميد وشكراااا
دكتور نشئات (انتا انسان محترم )وعلى فكرة انا اساسا من ترعة غنيم وعلتى اصلها بسنديلة وتعتبر من اكبر عائلات بسنديلة وكلهم كانو مع الاستاذ الخطيب لاكن احنا كنا مع اللواء لاننا بعيد عن الاشعات بنشوف فية انا اكتر انسان محترم مع احترمنا طبعا للاخرين ويا دكتور معرفة الناس كنوز اما بالنسبة للانتخبات فالواقع بيقول ان فية الاستاذ الخطيب نائب والاستاذ الهامى مع احترامى للى بيقولو مهندس لانة زى ما الفهمين عرفين انة لو مهندس بالفعل فكان هيخش فئات مش عمال حتى لو مشترك فى نقابة عمالية المهم عندنا اتنين نواب لمدة خمس سنين والخمس سنين دول كتار وقدرين على كل شىء مثلا بالنسبة للاستاذ الخطيب والاستاذ الهامى ييكسبو الناس ويفضلو علطول يئما هيخسرو احبائهم (((طولت عليك لاكن بجد يشرفنى انى اتعرف عليك )))
ياأستاذ الخطيب احنا فى شركة بسنديلة منتظرين مسيرة النجاح. احنا عاوزين مسيرة زى الى كانت يوم الترشيح لان الناس فى الشركة كلهم بيحبوك حتى الاطفال كانوا يوم الانتخابات متجمعين وبيهتفوا ( بيبو بيبو ) وسط دهشة انصار المرشحي الاخرين وكان منظرهم يفرح وحسيت ساعتها انك ناجح باذن الله . من نوووو نه
إلى من يكتب باسم ( الحقيقة لمروجى الاشاعات ) أولا : أحييك على روحك العالية وتهنئتك للاستاذ الخطيب جحوش وياريت كل انصار العميد مجدى عرفه يعملوا زيك ويباركوا للاستاذ الخطيب ثانيا : أشكركك على قولك ان الاستاذ الخطيب أصبح نائب الدائرة كلها وليس نائب من انتخبوه فقط وياريت كل اهالى الدائرة بدون استثناء تفتح صفحة جديدة مع الاستاذ الخطيب ثالثا : كلامك يدل على انك صاحب عقل كبير وتحليلاتك كانت سليمة الى حد كبير وانا اتمنى معرفتك فلعل الله ان يوفقنا ونتقابل مع خالص احترامى وتحياتى
كان نفسى الحاج بلال ينجح لانه كان ناجح ولكن تزوير مجدى والحزب يالا مش مشكلة والف مبروك للخطيب والهامى كلنا دعينا لهم
الف مبروك للمرشحين الجدد وأخص بالذكر النائب الحالى الخطيب جحوش واحب اعير انتباهه أن الدأئره منتظره منه التجديد والوفاء بالوعود التى التزم بها امام الله اولا وامام الناس ثانيا واخص بالتهنئه اهالى شركة بسنديله بفوز مرشحهم الحافظ لكتاب الله واريد انا اقول لسيادت النائب الستاذ الخطيب جحوش (اتق الله فى اهالى هذه الدائره) هؤلاء الناس منحوك ثقتهم فلا تخيب ظنهم فيك. وأبعث ايضا ببرقية تهنئه معطره بأطيب العطور وأسمى الكلمات والمعانى الى النائب الهندس الهامى عجينه على فوزه بجداره واستحقاق واريد منه بل اتمنى ان يخيب ظن هذه القله القليله من الذين يدعون انه مثله مثل غير رجل يريد السلطه بجانب المال ولن يخدم اهالى دأئرته مع علمى انا شخصيا انه الرجل المناسب فى المكان المناسب .
يا خطيب يالي بتعلم العيال في المدرسة بردة علمت مجدي عرفة الادب
يابتاع ايطاليا مجدى لما نجح منجحش بالتزوير زى ما الخطيب لما نجح منجحش بالتزوير لما مجدى نجح نجح بالاصوات ولما حصل الى حصل لبسنديلة فدى لانهم قلو ادبهم فنتهزوها وقالو تزوير وبلطجة واسئل النائب بتعكو
الف مبروووووووووك يا حبيب قلبى والله منمت يوم الانتخابات بس يهون كل ده قصد نجاحك الساحق ده والله بحبك لله فى لله ياخطيب ويارب تكون عند حسن ظن الناس وانا متأكد من ده انت راجل محترم والناس كلها بتحبك ومبروك للاخ العزيز الهامى عجينه
انا كنت عاوز ارد بس على الاخ بتاع خط البحر طبعا أحمد السيد متولى انسان محترم وابن راجل محترم بس كان ليه تعليق الاخ الحترم قال انشاء الله يكون احمد السيد النائب للدائره الدوره القادمه انا بقول لا وده مش رأي انا ده رأى الدائره كلها وبالاحص بسنديله الخطيب انشاء الله دائم للابد وياريت طلب من احمد السيد متولى الناس كانت بتحب ولدك ياريت تعرف تكسب محبت الناس وده رجاء من اهل بسنديله وليس امر ياريت متدخلش الانتخابات تانى ضد الخطيب علشان تفضل الناس تحبكم
يا جماعه انا بس مش عاوز الناس ال تبع مجدى عرفه توهم نفسها ان مجدى كان ممكن ينجح ولا كنتم عوزينه ينجح زى الدوره الفاتت بالتزوير وياريت متوهموش نفسكم تانى ان مجدى يترشح وينجح تبقو بتحلمو بل بالعكس الحلم ممكن يتحقق انما نجاح مجدى عرفه تانى عمره ما هيتحقق وانت فى القلب ياخطيب غصب عن عين الحاقدين
عبد العاطى فهيم ( كفر ابو سيد أحمد ) يبارك نجاح المهندس الهامى عجينة عضو مجلس الشعب ويتقدم بخالص التحية للصديق العزيز ماجد الاتربى
علية الطلاق يا مجدى انت اتخضيت يا صحبى مفيش امل احنا عملنا الامل مبروك للخطيب بااااااااااااااااشا
لا تسرقنا ولا حاجة الحقيقة وما فيها للى عوزين يعرفوها ان الصنديق الى اتكسرت متخصش سيادة اللواء فى شى دى لو اتفرزت كانت هتكون من نصيب الكابتن نصحى البسنديلى وكان علية العوض فى الاستاذ الهامى اما من نحية الاستاذ الخطيب النائب للدائرة كلها مش لخط البحر بس لانة لو بقى نائب لخط البحر فبتهيئلى انة مش هينجح تانى المهم الاستاذ الخطيب جاب (((46317)))صوت وحبيبنا الواء مجدى عرفة جاب (((41721)))صوت يعنى فية فرق حوالى (((((4596))))صوت كانت كفيلة بفوز الاستاذ الخطيب لزالك قام الواء بتهنئة الاستاذ الخطيب وسحب احبائة بكل احترام ومن غير شغب وروح واسئلو الاستاذ الخطيب مبروك للنائب الخطيب جحوش وهرد لك لينا يجماعة الموضوع خلص ياريت معدناش نشتم ونجرح فى بعض تانى ياريت
الف مبروك نجاح الاستاذ الخطيب جحوش صاحب حب الجماهير له والف مبروك علينا الخطيب جحوش يا دائرة بسنديلة وندعوا الله ان يكون عند حسن ظن اهالى دائرة بسنديلة والى مرحلة مستقبلية افضل مع النائب الخطيب جحوش والنائب الهامى عجينة
الف الف مبروك نجاح النائب / الهامى عجينة نائب دائرة بسنديلة
الهامى عجينه الاقوى بأعلى الاصوات وحب الناس وزى ما انتوا شفتوا اللى الهامى ياخدوا معاه ينجحه الهامى البطل شوفتوا عمل ايه فى صناديق ابو جلال
كنت عاوز العميد مجدى عرفه يعمل ايه يابنى مهو لازم يقول كده ثانيا فعلا الدايره بقالهه سنين مجاش فيها مرشح نسى الناس زى مجدى اشتغل فى شركة بترول وقعد بره الدايره لقبل الانتخابات بشهر واخر واحد عامل دعايه فى الدايره وكان بيواجه مواقف مخجله نتاج تجاهله الدائره فى دوره كامله ومن المواقف التى تعرض لها واقعه الضرب اللى اتعرض لها فى بسنديله يوم اعلان الحزب وزفه فى ابوالسيد احمد كانوا بيقولو الصحافه فين الحرامى اهه واحبسه فى مائتم بالستامونى وخروجه على جرار زراعى وغير انه عند حضوره فى مكان كان يلقى استنفار الناس وزكر فى الكثير من لقائته للناس انه كده كده هينجح ومش محتاج الناس كان محسس الناس انه واصل جدا دلوقتى انت عاوز تقنعنى انها اتزورت ضده ازاى وهوه واصل قوى نههيك عن انه كان بيلاقى كره غير عادى فى الدايره وبعدين 14 صندوق اللى بتكسروا مكانوش حقكم لأن مجدى بيه بتاعك كان قفل ال14 صندوق يعنى مش حقكم ولا ايه هوه القانون اللى يلحق يقفل يبقى هوه صاحب الشعبيه ولا ايه
نشكر كل اهالى دائرة بسنديلة جميعا ونحن دائما معا الى الافضل والف مبروك للدائرة كلها ومبرولك للاستاذ الخطيب جحوش اخوكم الهامى عجينه