مشاكل مصر الاقتصادية بعد الثورة
كتب حسن على حسن جمعة:
اذا اردنا النجاح والتقدم لمصر يجب ان نستلهم روح التجارب الناجحة من التاريخ ونتذكر هنا تجربة طلعت حرب فى بناء اقتصاد مصرى حرحينما اطلق حملة اسمها حملة القرش صاغ بان يدفع كل مواطن قرش صاغ واحد استطاع به تكوين بنك مصر اول بنك مصرى فى ظل الاحتلال الانجليزى …. لماذا لانفعل ذلك الان بان نجمع جنيه من كل مواطن كل شهر لمدة سنة واحدة .لو حصل كده نقدر نجمع 85 ملين جنيه شهريا يعنى اكثر من مليار فى سنة واحدة…طيب هانعمل ايه بال85 مليون كل شهر.. اولا تقوم هيئة محترمة من رجال امناء برعاية المشروع وادارته وتقام مسابقة للبارعين فى المهن المختلفة فى كل نواحى الحياة ونختار منهم ابرع 1000 شاب وهؤلاء اللذين حصلوا على الترتيب الاول ليكونوا اصحاب مشاريع انتاجية صغرى ومعهم ال1000 الحاصلين على المركز الثانى ليكونوا متدربين لمدة سنة باجر كامل وتقوم الهيئة القائمة على المشروع بتمويل الالف مشروع بمبلغ 85000 جنيه فى صورة قرض حسن بدون فائدة ولا يكون نقدى ولكن فى صورة معدات وخامات ورصيد نقدى تحت حساب الاجور ومصاريف المشروع النثرية وتقوم الهيئة المسؤلة بتسويق الانتاج ويوضع الربح فى رصيد المشروع النقدى وباقى ثمن المنتج يرد للمشروع فى صرة خامات جديدة للتصنيع مرة اخرى كل هذا لمدة سنة واحدة يتم بعدها تحصيل قسط شهرى متناسب مع قدرات المشروع على ان تقوم الهيئة بصرف 50% من الرصيد النقدى للمشروع حتى يشعر صاحب المشرع بثمرة انتاجه ..وهنا ياتى دور ال1000 المتدربين يخيروا ما بين ان يحصلوا على نفس القرض او يستمروا فى نفس المشروع لو كان دخلهم يرضيهم..بهذا نكون قد اقمنا 12000 مشروع فى سنة واحدة لو قلنا كل مشرو ع محتاج 5 افراد للعمل يعنى شغلنا 60000 شاب فى السنة الاولى ويستمر المشروع بدون اى دفع من احد لان الاقساط الشهرية بعد نهاية السنة الاولى كفيلة بتمويل مشاريع جديدة على نفس الطريقة……..لازم نعرف اننا لوعملنا ده اكيد فايدته هاتوصلنا وتوصل لاولادنا ايضا وتصبح مصر قوة اقتصادية لها وزنها فى العالم كله