مواعيد التقديم خريجي الجامعات الى الكلية الحربية 2023-2024

تاريخ مواعيد التقديم إلى الكلية الحربية

موعد التقديم للكلية الحربية

مصريات – كتبت رنا ابراهيم: سيصدر القائد العام للكلية الحربية اعلان حول ـ مواعيد التقديم لخريجي الجامعات دفعة 2023 وما قبلها.

حيث كانت العام الماضي، قد بدأت اعتبارا من يوم 6 نوفمبر وتبدأ مواعيد تقديم الكلية العسكرية الحربية قسم الضباط المتخصصين واستمر قبول اوراق المتقدمين لمدة شهر وتحت اشراف مدير مكتب التنسيق في القوات المسلحة المصرية.

اما فيما يخص موعد التقدم وسحب ملفات القبول لهذا العام 2023 فيمكنكم تبادل المعلومات ومشاركتها من خلال نظام التعليقات ادناه.

تحديث القبول في الكلية الحربية 2023

ستم تحديد موعد سحب ملفات القبول في الكلية الحربية ويجري ذلك من خلال المكتب الرئيسي للكلية الحربية في القاهرة ويمكنكم مشاهدة المواعيد واخر اخبار عبر الروابط ادناه

اخبار ومواضيع ذات صلة:

09/05/2012 3�435 تعليق الكلية الحربية , , , , , , , , , , ,
3�435 comments
  1. Eng.osama 16/10/2011 05:28 -

    يا ريت يا جماعه اللى راحوا النهارده أو امبارح يقولولنا ايه هى الشروط
    واللى عنده معلومه مايبخلش بيها لان ما فيش حد عارف حاجه

  2. Eng.osama 16/10/2011 05:25 -

    بالنسبه للناس اللى هتقدم وهى فى الجيش
    لو قبلوا فى الكليه الحربيه هيبعتوا يجيبوهم

  3. hend 16/10/2011 05:12 -

    انا عاوزه اعرف انتوا بتسألوا فين عشان عاوزه اروح اسأل بنفسى فى الكليه الحربيه ولا مكان تانى

  4. hend 16/10/2011 05:10 -

    دلوقت كل واحد عامل يقول ميعاد ويحلف ان هو ده الصح احنا نصدق مين اللى بيحلفوا انه يوم 22 ولا اللى يوم 1 

  5. mohamed gamal 16/10/2011 03:09 -

    انا خريج تربية رياضية تخصص سباحة هل تربية رياضية مطلوبة ولا ايه؟

  6. mohamed gamal 16/10/2011 03:07 -

    يا جماعة الميعاد امتا؟؟؟ وليه كان فيه اولاد كتير النهاردا قدام الكلية هو التقديم بدأ صح يوم 15؟؟

  8. GEMOOO 16/10/2011 01:53 -

    يا جماعـــه بالنســـبه للــســن لاازم فى شهر 10 اللى إحــــنا فيه ده ســـنك مايزيدش عن 26 سنه

  9. رشاد غاتم 16/10/2011 01:30 -

    انا كنت هناك امبارح
    وقال السحب يوم 11/1
    بس محدد شروط صعبه قوي
    وربنا يوفق الجميع

  10. سامر 16/10/2011 01:20 -

    تاجيلات فى تاجيلات ومش هياخدوا الا بالوسايط ………… الا من رحم ربى ……..

  11. ساره محمد 15/10/2011 23:51 -

    طيب وانا مسافره يوم السبت اجيب معايا اوراق ايه مع العلم انى لسه اول مره اسافر ومسحبتش ملف ولا اى حاجه ….ولو سمحتو الملف ده بكام وشكرا ليكو جداااا

  12. محمد عزت 15/10/2011 23:39 -

    ياجماعه انا روحت النهارده وقالولى ان تيجى تعرف كل حاجه وتسحب الملق يوم 1/11 وكل الناس قالولهم كده

  13. hosam 15/10/2011 23:29 -

    طب انا داخل مركز تدريب فى الجيش يوم 19/10 هسحب الدوسيه ازاى بقى ارجو الرد

  14. م.محمود خطاب 15/10/2011 23:20 -

    ياريت ياجماعه اللى يقول حاجه يكون واثق منها
    وميعاد سحب الملفات ؟
    والكليات والتقديرات المطلوبه؟
    أخوكم محمود . خريج السنه دى . هندسة بنها . تخصص اتصالات

  15. رناحسين 15/10/2011 23:12 -

    هو تخصص سياحة وفنادق مطلوب للبنات ولا الولاد بس والنبى حد يرد علشان انا مش عرفة اجيب الملف ولا لأ

  17. محمود عبد الباسط 15/10/2011 22:54 -

    شباب … هو يوم سحب الملف بيكون فيه اختبارات الطول والوزن زى الشرطه ام لمجرد سحب الملف وتصويرك للكارنيه !!؟

  18. Maha.el maleh 15/10/2011 22:50 -

    السلام عليكم كلكم بجد انا استفدت جدا من مناقشاتكم والمعلومات اللي اكتر من حد فيكم قالها بس لحد دلوقت مش قادرة افهم طيب السن بيكون اخره كام سنة ؟؟؟ يعني انا 23 سنة و تخصص نسيج كان اتطلب الدفعة اللي فاتت تقريبا بس نفسي اعرف بيطلبوا ذكور بس ولا اناث كمان؟؟؟؟؟؟ الوزن والطول عندي مفيش مشكلة فيهم وانا كمان نفسي اعرف ناس بتقول يوم 22/10 وناس بتقول 1/11 انزل امتي اسأل؟؟؟؟؟ وكمان موضوع الاختبارات الرياضية بتكون واحدة بالنسبة للجنسين؟؟؟؟وموضوع الحجاب يعني انا محجبة وكانت الزميلة شيماء قالت انه بيكون في تصوير ومن غير الحجاب اتمني بجد حد يقدر يفيدني وشكرا ليكم مرة تانية وربنا يجازيكم كلكم خير

  19. Eng.osama 15/10/2011 22:39 -

    السلام عليكم
    يا جماعه انا هندسه القاهره وتقديرى امتياز مع مرتبه الشرف
    هل لازم يكون الاب والام معاهم مؤهل

    وللاخت شيماء جزاك الله عنا خيرا

  20. شيماء عبدالله 15/10/2011 22:16 -

    التقديم يوم 22 ياشباب انا جاية من الكلية من يومين

  21. شيماء عبدالله 15/10/2011 22:16 -

    قفزة الثقة اجبااارى سورى غلطت

  22. شيماء عبدالله 15/10/2011 22:15 -

    السباحة اختيارى بس قفزة الثقة اختيارى

  24. وليد حسن 15/10/2011 22:01 -

    ياجماعة انا في شهر 12الجاي هيبقي عندي 23سنة هقبل ولا لا

  25. حسام 15/10/2011 21:57 -

    ارجوكم حد يرد عليا بالنسبة لخريجي حقوق يشترط التقدير جيد
    انا سمعت انه مقبول وتفوق رياضي حد يكون بيتكلم صح ويرد عليا؟؟؟؟؟؟؟؟؟

  26. احمد محمد 15/10/2011 21:17 -

    السلام عليكم .. يا جماعة انا عاوز عن اللياقة البدنية والاختبارات اللي بتتعمل عليها وايه الحاجات المطلوبة … ياريت اللي له علاقة بحد في الحربية ويقدر يفيدنا عن الحاجات دي يقول لنا عشان نستعد لاي شئ يطلبوه مننا .. ولكم جزيل الشكر

  27. مهندس _ اسامه محمد 15/10/2011 20:43 -

    وبحب اسكر كل من شيماء و محمد و عمر و الدكتور شكرا ليكم بجد

  28. مهندس _ اسامه محمد 15/10/2011 20:42 -

    السلام عليكم ورحمه الله وبركاته لو سمحتوا يا جماعه انا فرز الجيش بتاعي ف الايام دي يا تري اقدم ف الاكاديميه واسيب الجيش ؟؟؟؟ وهما كده كده هيعرفوا ؟؟؟؟ ولا اقدم ف الاتنين ؟؟؟؟ وازاي ؟ لو فيه كمان ورق مطلوب ايه هو ؟؟؟؟ وحكايه القيد بتاع الاب والجد ان كان الجد متوفي ايه الحل ؟؟؟؟؟؟؟؟؟؟ وشكرا لكل واحد اهتم

  29. عمرو مختار 15/10/2011 19:33 -

    انا يا جماعة واحد اتعرفت علية من القاهرة و قال لى ان اخوة في الكلية الحربية و قال لى انة سالى على الموضوع دا و قالولة ان خريجي السنة دي تقديمهم يوم 15 من شهر 11و ان الاكادمية فتحت الوقتي لباقي السنين اللى فاتت و انتوا بتقوللوا كلام تانى خالص . انا بقي مش عارف اية الصح و اية الغلط ؟

  30. حقوق بنى سويف 15/10/2011 18:55 -

    سحب الملف يوم 22/10 من مكتب التنسق للكليات العسكرية الموجود بجانب قاعدة الماظة وذلك لمدة 20 يوم من تاريخه بداية سحبه –اما بالنسبة للتخصصات المطلوبة لسة منزلتش ولكن فى المعتاد كليات الطب والهندسة وكليات التجارة وكليات الحقوق بشرط التقدير فى الحاصلين لى ليسانس الحقوق السنة دى او ال فاتت لا يقل عن جيد —شدو حلكو وربنا معاكو –وشكرا

  31. شاةثي 15/10/2011 18:55 -

    الميعاد الصح يوم 1 الشهر الجاى نوفمبر 2011 انا لسة سال النهاردة

  32. محمود البحيرى 15/10/2011 18:31 -

    سلامو عليكو يا جماعه انا طبيب بيطرى وعندى 27 سنه والحمد لله قدمت 8 مرات محدش يتخض من الرقم المهم انا بواقع خبرتى فى التقديم احب اعرفكم الشروط ودى اكيده دى خبرة 8 مرات يعنى المهم السن……….. بالنسبه للاطباء جميع التخصصات لايزيد السن فى 1\1\2012 عن 28 سنه بالنسبه للبكالوريوس و32 سنه بانسبه للماجستير و34 سنه للدكتوراه اما بالنسبه للتقدير لازم يكون جيد فى جميع التخصصات اما بالنسبه لباقى التخصصات السن لايزيد عن 26 سنه فى 1\1\2012 والتقدير جيد فاعلى

  33. مى محمد 15/10/2011 17:51 -

    يا جماعة بالنسبة للتخصصات انا عرفت معلومات عن التخصصات المطلوبة للبنات عشان انا عندى قرايب فى الحربية وهتتأكدوا من المعلومات دى بنفسكو يوم 22 ان شاء الله بس عشان ماحدش يحط امل
    انا عن نفسي علوم 2011 قسم كيمياء -جيولوجيا يعنى قسم مطلوب جدا وحيوى ورغم كدة مطلوب منه ذكور فقط يعنى انا برة الحوار دة خالص
    فالتخصصات المطلوبة للبنات كلها السنة دى هما 140 بنت خريجى طب وصيدلة وتمريض واداب علم نفس
    ربنا معاكو ويوفقكو كلكو والحمدلله على كل حال

  34. Ahmed naguib 15/10/2011 17:33 -

    بنشكر حضرتك يا استاذ احمد على انك عرفتنا بدل ما كنا نروح المشوار على الفاضى وبتمنى لو اى حد عرف اى تغيير تانى ياريت يعرف الكل

  35. علاء 15/10/2011 17:03 -

    يا جماااااعة انا كنت هناك انهاردة والله وقالولى يوم 11/1 وكان اللى قاعد فى الاستعلامات شرطة عسكرية مش عساكر جيش عادى واللى راح انهاردة هيعرف انى كلامى صح … ان شاء الله يوم 11/1 نروح نشوف الشروط ولو توافقت باذن الله نشترى الملف ونتصور .

  36. Dandash 15/10/2011 16:46 -

    السلام عليكم 
    بجد بشكر كل الناس الى تعبت نفسها وقدمت معلومات عن الاكاديميه اتمنى التوفيق لى وللجميع ونكون صحبه مع بعض وبخصص شكرى لكل الى قدم معلومه والاخت شيماء عبدالله وفى انتظاركم يوم 22 وتقديم كل التفاصيل عشان لو تخصصى مطلوب انزل على طول يوم 23 بجد امالى كلها وانتظارى لاى معلومه منكم جميعا هنا 
    تحياتى للجميع

  37. dimo 15/10/2011 16:42 -

    الظباط المتخصصين 26 سنه هو الحد الاقصى للسن

  38. احمد بلال 15/10/2011 16:41 -

    بالنسبة لاي كلية واي تخصص طالبين بنات عادي

  39. علي 15/10/2011 16:41 -

    مواعيد سحب الملفات امتى والتخصصات امتي هتنزل ارجووووووو الرد ويا ريت اللي يرد يكون واثق من كلامة يا جماعة ……….

  40. aly elznaty 15/10/2011 16:33 -

    يا جماعة انا خريج كلية التربية قسم لغة عربية- عام دفعة 2011 بتقديرجيد جدا ..هل التخصص ده مطلوب ولا لا ياريت تفيدوني وشكرا .

  42. احمد بلال 15/10/2011 16:28 -

    يامي تخصص علوم كيمياء مطلوب جدا ده كمان اكتر تخصص مطلوب هو وهندسة كيمياء

  43. احمد بلال 15/10/2011 16:25 -

    بالنسبة للسن محدش يفتي
    في كليات لحد 26 سنة وفي كليات لحد 28 سنة

  44. الظابط مينور 15/10/2011 16:24 -

    اى حد عايز اى حاجة فالاختبارات

  45. مصطفى محمد 15/10/2011 14:57 -

     انا بكالريوس تجاره اداره اعمال  فى  ليا  تقديم والا  لا  وهو امتى  

  46. م ط 15/10/2011 14:51 -

    ياااااااارب يفوقنا كلنا يااااااااااااااااااارب ويكون يوم 22 بقى عشان الجيش وهسمع السلاح يوم 18\10 وربنا يستر واقدر اخرج اروح اقدم يااااااارب

  47. ahmed loma 15/10/2011 14:34 -

    لـــــــــــــــــــــــسة جاى حالا
    22|10 اللى هوااا السبت الجااااااااااااااااااااى انشائ اللة يا جماعة وفعلا كان الميعاد النهردة بس اتاجل عشان ظروف البلد يا جماعة واللة وسالتهم عن شوية حاجت وهماااا واللة لسةى مش يعرفواا حاجة وقالوالى مش تسمع لحد يوم 22 هتعرف كل حاجة بس فدونى بحاجة واحدة بس ان الكليات الخاصة مطلوبة يا جماعة وان التقديرات مقبول فيماا اعلى معادااا الحقوق لازم جيد
    وان شاء اللة خير للجمبع يا جماعة

  48. سيد جلال 15/10/2011 13:48 -

    هل تخصص تجارة قسم المحاسبة مطلوب واذاكان مطلوب ماهو التأكيد انة مطلوب حيث كيف عرفتم ان هذة التخصصات المطلوب ….اين المصدر

  49. مى محمد 15/10/2011 13:37 -

    السلما عليكم يا جماعة انا خريجة علوم قسم كيمياء – جيولوجيا والقسم دة مطلوب فى الرحبية بس معرفش ان كانوا فى بنات ولا لا
    لو حد عارف اى معلومة عن الموضوع دة ياريت يفيدنى
    وجزاكم الله خيرا

  50. محمد 15/10/2011 13:07 -

    يا جماعة انا روحت مكتب التنسيق بتاع الكلية الحربية امبارح وقالى سحب الملف يوم 1/11 والله قالى كده

أضف تعليقاً