برنامج مصر النهاردة : مصر النهاردة بنحلم لبكرة

4�112 comments

1. 

   محمد طيارة 11/04/2010 00:54 -

   بصراحة الاستاذ محمود سعد راجل وانا بعتبرة صعيدى اصيل مش زى ابو عنق تامر مش عارف مين الى كان بيجى معاه فى البيت بيتك    ارجو من القائمين على البرنامج معرفة هل جائزة الاسئلة الى بتعرضوها صح ولا غلط

2. 

   دعاء 11/04/2010 00:39 -

   السلام عليكم ورحمه الله وبركاته

   اولا احب اهنيكم على البرنامج الجميل ده تانى حاجه انا عندى شكوى بخصوص النور يعنى حضرتك تخيل ان النور يقطع الساعه عشره صباحا ويجى تانى يوم الساعه تسعه مثلا بجد حراااااااااااااااام انا عندى امتحانات ومش عارفه اذاكر ياريت يا استاذ محمود تلاقى حل للموضوع ده احنا قريه الحزانيه مركز شبين القناطر القليوبيه وفى النهايه بتمنى للبرنامج مزيد من التقدم والنجاح

3. 

   شخص مصرى 11/04/2010 00:39 -

   سمعت ان الاستاذ محمود سعد راح قريه برج مغيزل و صور هناك يا ترى ده صح ولا لا

4. 

   محمد فتحى 11/04/2010 00:22 -

   الاستاذ الفاضل محمود سعد تحيه اعزاز لك ولزملاءك فى مصر النهارده اعلم انه قد لامك الكثير من الناس لانك استضفت اثنين انا اعلم الناس باخلاقهما وما دار بينهما من تبادل السباب والالفاظ الجارحه وان كانت من شوبير اكثر جرما وبذاءه ورغم ذلك اقدمت على المجازفه وانت تعلم انها لا تضيف لرصيدك شىء من النجوميه فانت من انت يا استاذولو انك سجلت الحلقه معهما قبل ان تخرج على الهواء وان فشل الحوار كما كان متوقع نقول يا دار ما دخلك شر ولكن لانك اعلنت عن الحلقه مسبقا فكان لزاما عليك تقديمها وتحمل عواقبها وهذا ما حدث وانا اعلم مدى الاحراج الذى تعرضت له انت والشيخ الجليل خالد الجندى وان كان فى الحلقه شىء جميل يذكر فهو طريقه انهاء الحلقه منك انت ورفض تكمله الحلقه مع الشخص الذى تسبب لك فى هذا الاحراج مع محبينك ومحبين مصر النهارده وهذا ليس بجديد على استاذ مثلك محترف ويعلم كيف يدير حوار مع كل الامنيات لك ولاسره برنامج مصر النهارده بدوام النجاح

5. 

   مدام نور 11/04/2010 00:17 -

   فعلا حلقة هند رستم كانت اكتر من رائعة و اهنيك علي هذة الحلقة يا استاذ محمود لانها كانت رائعة فعلا و الذي كان اروع الفنانة القديرة هند رستم و انا شخصيا سعدت كثيرا بظهورها بعد هذة المدة الطويلة

   و اتمني لك مزيد من التفوق في عملك و النجاح و ارجو منك ان في الحلقة القادمة للفنانين تكون الفنانة شادية الانها بالفعل افتقدها جمهورها كثيرا و لك جزيل الشكر تحياتي

6. 

   د جمعة 11/04/2010 00:13 -

   أري أن مرتضي منصور كانت لديه نية للصلح ، لكن أحمد شوبير أفسدها ، كما أن موقف الشيخ خالد شابته السلبية ، وانتهت الحلقة بالفشل .

7. 

   نيفين 11/04/2010 00:11 -

   إلى الأستاذ / محمود سعد

   البرنامج رائع جدا وحلقة الفنانة هند رستم الفنانة الجميلة حلقة أكثر من رائعة بس أنا أتمنى إن يكون فى حلقة مع الفنانة فاتن حمامة ايضا

8. 

   lمنى العطار 11/04/2010 00:01 -

   حلقة هند رستم امتعتنا والله يا استاذ محمود وابعد نفسك عن موضوع الصلح عندك هموم كتير وامال معلقة عليك اكتر ربنا معاك

9. 

   بكرة احسن 10/04/2010 23:53 -

   الاستاذ/محمود سعد اقلوها زمان مينوب المخلص الا تحويل البرنامج الى0000000000

10. 

    محمد 10/04/2010 23:44 -

    العدل فين

11. 

    محمد 10/04/2010 23:43 -

    انا طاب في كلية تجارة جامعة عين شمس ارسل اليكم من اجل البحث والحث عن كل ظالم قام ببيع النتيجة للتليفونتصدقوا اننا كل طالب قاعد علي اعصابة لحد دلوقتيمش عارف هو عمل اية والسبب الاول في بيع اغلنتيجة هو احمد زكي بدر من للة قولة حاجة اللة يكرمكو

12. 

    اسامة خليل 10/04/2010 23:32 -

     حلقة مرتضى منصور و احمد شوبير مع برنامج مصر النهاردةاستاذ محمود انت عملت الخير بين اثنين لا يعرفون الزوق والاخلاق وعلى المثل الشهير(ما ينوب المخلص الا تحقيق من وزير الاعلام)ونحن جميع المصريين الشرفاء نقدر فعلك هذا ونحترمك جدااااااااوعلى العموم نحن نعرف عنك القوة والاستحمال وسوف تعدى هذة المحنة بسهولة ونحن كلنا وراك ان شاء اللة ولا نخاف الا من اللة.  امضاء م/اسامة خليل

13. 

    أحمد الهمشرى 10/04/2010 23:16 -

    وعمال يقولى إنفراد إنفراد خيبكم الله روحوا منكم لله ربنا ينتقم منكم

14. 

    ايمن محمود 10/04/2010 23:10 -

    مدينة العبور شباب مبارك بدون خدمات وبدن امن لايوجد شرطي في هذا المنطقة العبور من اجمل المدن عروسة المدن الجديدة عوزين تدخول من السيد/المستشار المحافظ عدلي حسين – محافظ القليوبية – الستاذ الاعلامي الكبير /محمود سعد ——- وشكرا

15. 

    مـلـ الـرومـانـسـيـه ـك ( Mostafa cool ) 10/04/2010 23:07 -

    السلام عليكم ورحمه الله وبركاته

    ( يا جماعه حد يبص للخياله (اللى بعد عين السيره )
    والله المنظر بشع منظر الاكفان وعظام الميتين ماشيه كده على ميه المجارى مش بنحترم حرمه الميت استغفر الله العظيم يا ترى الانسان المصرى حرمته وهو حى احنا مش محترمنها طب وهو ميت غصب عننا لازم نحترمها يرضى اى حد فيكو لو والده او والدته ميتين ويكون الكفن بتاعهم & عضمهم ماشى على الميه ومنظر الطرب افظع الطوب بايش الطرب بايشه
    ليه الاستهتار اللى احنا فيه دا انا معنديش حد ميت هناك بس فى هناك اخويا واخوتى وامى وابويا قريبى فى الاسلام
    وكمان دى ميه مجارى وبتحمل 24 % من ماده مضره جدا والمفروض انها تكون 12 % الطبيعى . يا ريت يا جماعه لو زى ما انتو بتقولو ( مــــصــــــر النهارده بنحلم ببكره ) يا ريت اللى قولته دا حد يهتم بيه ويا ريت يتعرض على الهواء فى اى يوم عشان اى مسئول يتحرك انما لو اتكلمنا كده عادى ولا مسئول هيتحرك بجد ارحمو اموات المسلمين وجزاكم الله خيرا
    وربنا يسترنا دنيا واخره

16. 

    نسرين 10/04/2010 23:02 -

    الى الاستاذ/محمود سعد

    حلقة هند رستم حتى الان حامدة جدا وبالنسبة الى قضية مرتضى منصور وشوبير انا ارى ان شوبير غلطان جدا جدا على الرغم انى غير راضية على اسلوب مرتضى منصور فى تناولة الى القضاية المطروحة على الرائى العام ارجوا من الاستاذ محمود سعد ان يكون متفائل ولا يهتم وانا اشاهد مصر النهاردة من اجل محمود سعد فقط لا غير ارجو ان يصل هذا التعليق

17. 

    a k 10/04/2010 23:02 -

    يا دخل بين البصلة و قشرتها ما ينوبك الا ………………………….

18. 

    عبد الله المصرى 10/04/2010 22:56 -

    قال رسول الله صلى عليه وسلم الى عبد الله بن عباس رضى الله عنهما:
    “يا غلام إني أعلمك كلمات احفظ الله يحفظك احفظ الله تجده تجاهك إذا سألت فاسأل الله وإذا استعنت فاستعن بالله واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك ولو اجتمعوا على أن يضروك بشيء لم يضروك بشيء إلا قد كتبه الله عليك جفت الأقلام ورفعت الصحف” صدق رسول الله

19. 

    سيد محمد اسماعيل 10/04/2010 22:50 -

    نرجوا من سيادتكم الرد علينا اليوم فى الحلقه نحن احفاد محمد على باشا وتحياتنا الى الفنانه هند رستم

20. 

    سيد محمد اسماعيل 10/04/2010 22:46 -

    انا اسف ممكن اسجل رقم التليفون وذلك لامكانيه الاتصال بنا نحن ورثه محمد على باشا 0166692452

21. 

    صلاح السكري 10/04/2010 22:41 -

    السلام عليكم انا معكم علي الهواء سلامي الي الفنانه هند رستم اطال الله في عمرها من الشيخ خالد هل يمكن للدجالين حرم الانسان من الرزق والعمل علي قطع الرزق باالدجل والسحر انا انتظر الرد علي الهوي اليوم

22. 

    سيد محمد اسماعيل 10/04/2010 22:37 -

    من واقع الظلم الروتينى صوره مرئيه معزبه نحن احفاد اسره محمد على باشا نطالب بحقوقنا الشرعيه فى الميراث الشرعى لعائله قوله احد احفاد محمد على باشا ومعانا مستندات واوراق كامله تثبت صحه كلامنا ولكن وزاره الاوقاف لم تستجيب لحقوقنا وفى نفس الوقت يوجد فى وزاره الاوقاف عائد مالى كبير يصل بالملاين موجود باسم عائله ابراهيم حسيب نرجوا من سيادتكم تحديد موعد معكم لاثبات هذا الكلام بالمستندات التى معانا وتوجد معنا حفيده محمد نجيب ابن ابراهيم حسيب وسنها 84 سنه وجليسه نرجوا من سيادتكم الموافقه على المقابله …. ولسيادتكم جزيل الشكر

23. 

    خالد ابراهيم من فرنسا 10/04/2010 22:34 -

    السلام عليكم الاستاذ محمود سعد نفسي اعرف مصر سوف ينصلح حاله امته يااستاذ محمود كيلو الحمه ٨٠ اخوك خالد ابراهيم المصري فرنسي من باريس وانا معكم علي الهواء الان وسلامي الي الشبخ خالد الرجل القو ي بلايمان

24. 

    عبد الله المصرى 10/04/2010 22:33 -

    أحلم باليوم الذى ينتهى من قاموس حياتنا كلمات مثل: “هى جــت عليا أنا”، “هو يعنى أنا إلى حيصلح الكــون”، “مش فارقه فهى بايظه بايظه” ،”مفــرقتش أهــو كــلــه محصل بعضه”، ” اللى مايخلصش النهارده يخلص بكره أو عنه ماخلص” ، “ماعلش ” وإستخدام اليمين بلفظ الجلاله (والله العظيم) فى ما يليق من الأمـــــور أو (الحلـِف بالطـــلاق) ، أو (الحلِف على كتاب الله ) على كل أمور الحياة !!!، وكل ذلــــك مما ليس فى الــــدين من شىء بل يســـىء للحالـــف خاصة عندما يتبين فى النهاية عدم صدقه !!!

25. 

    سعاد رشدى 10/04/2010 22:29 -

    مش عارفه بحس ان البرنامج متناقض جدا  
    يعنى الدعايه اللى عملتوها عشان هند رستم   حسستونا  ان صحابيى او حد من الصالحين هيظهر  مش عارفه ممكن تفسروا موقفكم  عشان  بتحيروا الناس   احيانا  و شكرا على احترامكم لتعليقات الجمهور

26. 

    شخص مصرى 10/04/2010 22:29 -

    بسم الله الرحمن الرحيم
    اولا احب ابدى اعجابى الشديد بالاعلامى محمود سعد و جميل جدا اهتمامه براى الجمهور و شخصيته الجميله التى جعلته لا يجد مشكله فى الاعتذار للناس بجد شىء جميل و اسلوب متحضر اوى  اهنيك عليه و ربنا معاك و يوفقك ان شاء الله 
    لك منا كل التقدير

27. 

    سعاد رشدى 10/04/2010 22:26 -

    1. فى الوقت الذى نتحدث فيه عن معايير جوده التعليم  لنأخذ مصرنا الى عصر التقدم  تأن طالبات و أساتذه كليه الصيدله جامعه الازهر بنات حيث لا توجد مدرجات للمحاضرات و هى أبسط متطلبات التعليم فى أقل مدرسه فى منطقه نائيه و السبب أن رئيس الجامعه السابق أغلق المدرجات التى كنا يدرسن بها و الكليه الان بها مدرج واحد فقط لثلاث دفعات و باقى المدرجات لا تتسع الا لثلث الدفعه و تسعى العميده و الوكيله فى عناء شديد لتدبير مدرجات من كليه التجاره التى تسمح احيانا و احيانا لا تسمح و يلهث الاساتذه وراء الطالبات فى محاضرات تلغى و اخرى تؤجل  فأين الكلام عن الجوده  !!!!!!!!!!! 

28. 

    الغزالى 10/04/2010 22:25 -

    ارجو حل لمشكلة المشجرات التى تحدث فى القطرات والتى يكون فيها بعض الطلبة مدارس الفنية والكليات والتى تمثل مهزلة على المحطات التى تكون ريفية وارجوتفعيل حلقات للصلح بين المتخصمين على مستوى الافراد والقيادات الشعبية

29. 

    مجدي سيدهم 10/04/2010 22:22 -

    برافو ياأستاذ / محمود سعد على تعليقك اليوم على حلقة الصلح وربنا يزيدك تواضع ورفعة وعظيم برنامجكم

30. 

    محمد عونى 10/04/2010 22:18 -

    الاستاذ محمود سعد ارجوك ان تقرء رسالتى فالاعلام رسالته ارقى واسمى من ان نحاول ان نصلح بين فردين فى المجتمع وهذة محاول كماتفضلت من الممكن ان تبوء بالفشل وكان من الممكن ان يتطور الامر الى اكبر من ذالك الا ان التوفيق صحبك فى هذة الحلقى لتنتهى كما راينا وكان من الممكن ان تنتهى باكثر من ذالك ولكن ما اود ان اقولة ان الاعلام فى هذة الايام اصبح يفقد مصداقيتة يوماً بعد يوم فانا اعترف باتخصص فالمذيع الذى لدية خبر ة فى مجال الكرة لا يتكلم فى غير الكرة مثل الكابتن احمد شوبير والذى لدية حبرة بالسياسة فاليتكلم فى السياسة مثل الاستاز خيرى رمضان والذيع الذىلدية خبرةفى شؤن الفن والمجتمع فاليتحدث مثل الاستاذ محمود سعد (سيادتكم) اما ما عدا ذالك فانا اعتبرة فشل اعلامى لانهم لايكون عندهم خبرة فى المجال اومعلومة واضحة المعالم ويتحدثون اذاًفالنجعل كل منكم يتحدث فى مجال تخصصةحتى يرجع ذالك على المشاهد باكبر فائدة ومعلومه مفيدة محمد عونى الشافعى _ميت غمر دقهلية

31. 

    مياده هيكل 10/04/2010 22:13 -

    اعيش بمدينه الشروق الحى طريق مصر الاسماعليه الصحراوى ولا تصل المياه الى الحى المتميز بها انا لا اقول انها لا تصل الى المدينه بل اقول الى الكتير من المنازل فى الحى المتميز الا لبضع ساعات من العاشره مساء الا التالته صباحا ولا ندرى لمادا هى مقطوعه علما بان معظم المناطق فى الشروق تصل اليها المياه ولا تنقطع ابدااااااااااااا

32. 

    واحدة من اسكندرية 10/04/2010 22:09 -

    بإختصار عند فندق سان استفانو على البحر الشارع واسع جدا وسرعة السيارات جنونية
    وحدثت وتحدث الكثير من الحوادث فى هذا المكان امام الفندق
    ولا يوجد اى نفق للعبور فى هذا المكان ولا فى مكان قريب من الفندق
    ارجوا الأهتمام بهذا الموضوع وتوصيله للمحافظ عادل لبيب يعمل حل لهذه المشكلة
    انا والله بعدى الشارع وانا خايفة وحاسة ان اى عربية هتيجى تخبطنى
    الأعمار بيد الله

33. 

    israa mohamed 10/04/2010 22:03 -

    السلام عليكم ورحمة الله وبركاته. فى البداية انا اول مرة افكر انى اشتكى من حال بلدى لان خلاص بجد الواحد فاض بيه.يعنى مثلا النهاردة كان فى زائر مهم جدا فى مكتبة الاسكندرية والواضح انه بجد مهم. اكيد الزائر ده يشرف بس مش المفروض ان يمنعوا الناس من الدخول للمكتبة يعنى فى طلبة كتير خرجين من بيوتهم علشان يعملوا ابحاثهم او يذكروا. نلاقى معلش يا جماعة روحوا على شان المكتبة النهاردة هتفتح الساعة3 عصرا علما بان المكتبة بتفتح الساعة 11 صباحا فالمفروض …..ان ادارة المكتبة ابسط حاجة تكتب اعلان ان يوم السبت الموافق كذا المكتبة هتفتح الساعة 3 لوجود زيارة مش يسيبوا الناس واقفة فى عز الشمش مش عارفة اولها من اخيرها………….. عايزة اعرف لحد امتى هتفضلوا يا مصريين اسلوب حياتكم هوجائى بالشكل دة ؟؟؟؟؟؟؟؟؟واهم حاجة فى بلدنا وهما الى عيشين المسؤولين الكبار ارحمونااااااااااااااااااااااا….

34. 

    موظف اقر ان السرقه في البلد ديه حلال 10/04/2010 21:50 -

    انا موظف ابلغ من العمر51 عاما اعمل في احدي ابعديات احمد السيد اقصد الشركه القابضه للتعمير اصل هيه من ميراسه ورثه عن الدكتور عاطف عبيد الي بلع البلد وهو الي احل السرقه وانا كنت ماسك نفسي بس اعمل ايه الحمل كتير دروس الاولاد المواصلات اللحمه السمك الفراخ اللبن الجبنه الميه الكهرباء فقررت ان اقوم بسرقه كل مايطوله يديوادعو الله ان يغفر لي 

35. 

    فرج سلام 10/04/2010 21:29 -

    الى الاستاذ الدكتور المفكر المبجل / عبد المنعم السعيد — تحية طيبة — لقد استمعت لحواركم فى برنامج مصر النهارده يوم الخميس ولعمق تاثيرها فينا نحن الشعب الجاهل المسكين رايت ان استشيركم فى شىء هام فى حياتى الا وهو انى امتلك منزلا بنيت الدور الارضى فيه بالطوب اللبن وارغب ان اختبر متانة هذا الدور بان اقوم ببناء عشرة ادوار بالمسلح اعلاه ؟ بالطبع ستقول عليا مجنون وعندك كل الحق ولكن هذا يتشابه مع راى سيادتكم الذى يتلخص فى ان يتقدم المرشحون لراسة الجمهورية للترشيح حتى تختبر اشتراطات المواد الدستورية ذات الشان اذ كيف تختبر هذه المواد فى ظل مجالس محلية تم تعيينها وفق هواء الحزب الوطنى ومجالس شعب مهتكة وتعج بفساد اعضاءها وينتظر تزوير انتخاباتها لصالح الحزب الحاكم هل تسخر منا يا دكتور ام تطوع علمك لخدمة الشيطان هل تعلم يا دكتور ان اراءك واراء امثالك هذه هى التى نشرت الفساد بين عامة الشعب عن قناعة بمعادلة بسيطة اذ وجدت هذه العامة انها غير قادرة على مجاراتكم بالباطل فاختارت الفساد عن قناعة صدقنى هذا الكلام ليس هراء اذ كلا يخدم هذا الوطن بطريقته وعلى منوالكم مشوا وخاصة عندما تستمع لشخص يعد من الرموز يسخر منهم على هذا النحو ويقول فلنختبر هذا النظام اذا كان كلامك حقا تريد ان تختبر نظام الترشح الموجود بالدستور فنحن معك بشروط ليس من بينها تعديل الدستور وتتلخص فى الاتى اجراء انتخابات نزيه تحت مظلة القضاء بمعناه الضيق دون اشتراك للهيئات القضائية الاخرى فى عملية الرقابة وذلك للمجالس لمحلية والشعب والشورى بعدها نختبر هذه المادة بذلك يستقيم البناء والاختبار يا دكتور اما قولك بما يخالف ذلك فهو هراء واستخفاف لهذا الشعب كما انك قولت رايك فى البرادعى ( انا لست من انصاره هو او غيره ) فهل لك ان تقول لنا فى جمال مبارك ما له وما عليه ربما تبين لنا ما لم نكن نعلمه ام تخشى على كرسيك ايها الدكتور المفكر فى نظر البعض وليس فى نظرى حرام عليك ان تشترى الدنيا بالاخره فرايك يحمل معنى الشهادة والذى لا يقول الشهادة صدقا اثم قلبه انكم تدمرون شعب كامل وتدمرون مستقبله نحن نعيش فى الفساد ونعلم اسبابه وانه طم طم بسبب اراءكم واراء من يعدون انفسهم روادا لهذا الشعب استخدمت الالفاظ الاكاديمية لتتحدث عن واقع اليم يعيشه الكل فلتكن مصر ملكية لا يهم ولكن لنختار نحن من يعمل فى هذه المملكة لنكون شركاء فى محاربة الفساد هل اطلعت على المكالمة التليفونية التى تمت بين احد اعضاء مجلس الشعب واحدى الساقطات هكذا تدار مصر هكذا تدار مصر ايها الناس لا تشتروا دنياكم باخرتكم ارحمونا يرحمكم الله ارحمونا يرحمكم الله اتقى الله يا دكتور تريد ان تختبر بناء متهدم من الاساس لماذا ذلك يا دكتور والسلام على من اتبع الهدى

36. 

    أحمد الهمشرى 10/04/2010 21:21 -

    بصراحه يا جماعه البرنامج فى النازل خا صه بعد التعديل الجديد وفقرات أى كلام إشى مطربات وإشى لعيبه كوره وإشى وزرا وإشى فقرات إعلانيه بالكوم حتى الفقره الوحيده إل كانت حلوه وهى فقره الشيخ خالد عليه العوض فيها وكمان المذيعين الحلوين بتوعنا إتغيروا مش هما بتوع البيت بيتك وقال إيه ( مصر النهارده )

37. 

    احمد عبد القادر 10/04/2010 21:03 -

    انا رئيس الدولة

    هذا حلم ولكن لو كنت رئيس الدولة سوف يكون اول قرار اصدره هو

    الغاء جميع مخصصات الوظيفة العامة لموظفين الدولة من وزراء وكبار المسئولين الا وهي السيارات الفارهة التي يزيد سعر البعض منها علي المليون جنيه والسكن الاداري والبدلات الباب الخلفي للغرف من اموال الشعب حيث بند البدلات مفتوح وبدون سقف محدد عندما يحدث هذا سوف يضر المسئول للنزول من البرج العاجي والاحساس اكثر بهموم الناس رحم الله عمر بن الخطاب الذي ذهب لاستلام مفاتيح بيت المقدس وهو يلبس البالي من الملابس اين هذا من هولاء

38. 

    ناصر وجية حافظ 10/04/2010 21:02 -

    ياسيد محمود سعد . حلقة الصلح الاخيرة كانت مهزلة على اى مقياس اعلامى و انت كنت غير موفق فى السيطرة على الامور . عندك مواضيع كثيرة و مهمة يمكن انك تناقشها . تقدر تقولى حنعمل اية بالصلح دة ؟ كمان اية المقصود بالمنديل الكلينكس ؟؟؟؟؟؟؟؟. ارجو رد اعتبار المشاهدين و السادة الضيوف المتخاصمين ( مش عايزين نشوفهم تانى ابدا)

39. 

    أ محمود سعد و أ تامر امين 10/04/2010 20:43 -

    انا عايزا حد يمشى على كوبرى امبابه ويشوف اد ايه كميه القمامه اللى موجوده فى النيل ويا سلام لو راحت بالنهار وشوفت الحيوان اللى مايت ومرمى فى النيل ماشاء الله حاجه تارف

40. 

    مجدى حنفى 10/04/2010 20:27 -

    الساده مقدمى برنامج مصر النهارده أعرض عليكم مشكله العديد من الاطباء الشباب و أسرهم برجاء عرضها على شاشتكم مع نداء حار للسيد الاستاذ الدكتور / حاتم الجبلى وزير الصحه الموضوع يتلخص فى انه المتبع وفقا للقرارات الوزاريه يتم تكليف الاطباء اقليميا الا أنه تم تكليف الاطباء دفعتى 2007 و 2008 وفقا للمجموع مما تسبب فى الكثير من المشكلات الاجتماعيه و الاقتصاديه للاطباء خاصه الطبيبات و قيام العديد من الاطباء بالالتفاف حول القرار بكل الطرق المشروعه و الغير مشروعه و نجح منهم البعض و فشل الكثيرين و قد ادركت الوزاره ذلك فقام السيد الاستاذ الدكتور وزير الصحه باعاده التكليف اعتبارا من دفعه 2009 الى النظام القديم اى اقليميا و اصبح اولادنا من خريجى دفعتى 2007 و 2008 هما الوحيدين العاملين خارج اقاليمهم دونا عن باقى الدفعات فهل يتفضل السيد الدكتور وزير الصحه باعاده تكليف دفعتى 2007 و 2008 باقاليمهم بعد ما امضوا عام او اكثر خارج اقاليمهم رحمه بهم و باسرهم شاكرين لكم تفضلكم بعرض الامر آملين من السيد الاستاذ الدكتور وزير الصحه الاستجابه لندائنا

41. 

    مدام امال 10/04/2010 20:10 -

    بالنسبه لحلقه كابتن احمد شوبير ومرتضى منصور كان من المتضح ان المستشار مرتضى منصور لم ياتى لصلح نهائيا لان كل ما قاله عن كابتن احمد شوبير كان من المفترض ان لا يقوله ويشهر بكابتن شوبير لهذه الدرجه حتى ولو كانت فيه كل ما قاله عنه وكان للشيخ خالد الجندى ان يتدخل فى الحال ليوقف الالفاظ الفظيعه التى قيلت عن شوبير وفى النهايه اود ان اقول ان كان البرنامج هادفا لشى صالح تعرض حلقاته لافاده الناس اما غير ذلك فلا.

42. 

    زعلان بشدة 10/04/2010 19:19 -

    خسارة يامحمود ياسعد لقد خسرت الكثير بالحلقة مع مرتضر وشوبير الومك وحدك لان رصيدك عند الناس كان كبيرا جدا جدا اما السيد خالد فهو معروف مسبقا

43. 

    عبدالفتاح شبانه 10/04/2010 19:19 -

    احنا نجد صعوبه في الانترنت احنا عاييزين نقدم شكاوى

44. 

    حسين شبانه 10/04/2010 19:04 -

    بسم الله الرحمن الرحيم
    السلام عليكم الي جميع القائمون بالعمل في برنامج مصر النهارده اقدم لسيادتكم التحيه والتقدير علي البرنامج العظيم واتمني من الله ان اجد لمشكلتنا حلا لدي برنامجكم العظيم وفتح هذا الملف وعرضه علي الساده المساؤلين —– ويتشرف بلعرض علي سيادتكم حسين عبدالفتاح حسين شبانه —– عضو مجلس الشعبي المحلي بكفربيع منوفيه/وامين العمال بالحزب الوطني بكفربيع تلا منوفيه ت/0103814679 واعرض علي سيادتكم الاتي– هذه المشكله ليست مشكله شخصيه فقط بل انها تخص مئات العاملين بشركات توزيع الكهرباء التابعه لوزاره الكهرباء والاف العاملين بالوزرات المتعسفه ضد العاملين ونعاني منها منذ ربع قرن ولم نجد لها حلا الا برنامجكم المفضل لدينا لنحصل علي حقوقنا الضائعه وهو تنفيز القرار رقم 4 لسنه 2010 وهذا القرار هو—- اصدر الجهاز المركزي للتبظيم والاداره قرارا اداريا رقم4 لسنه 2010 بتنفيذ ما جاء بتعديل الماده 44 من القانون 153 لسنه2009 بشئن ضم مده الخدمه العسكريه مع اسقاط شرط الزميل الذي كان يعيق بعض العاملين علي ان يتم تنفيذ القرار في 24/2/2010 ولما صدر هذا القرار بدئت بعض الوزارات الملتزمه في التنفيز الا وزاره الكهرباء وعندما علمنا بالقرار قلنا كما قال ربنا في كتابه العزيز( “قل جاء الحق وزهق الباطل ان الباطل كان زهوقا”) صدق الله العظيم ولكن للاسف ان الحق لم ياتي لنا ويبدو ان الباطل لم يزهق في شركه جنوب الدلتا لتوزيع الكهرباء ومازال متربعا بها؛وتقدمنا بطلبات الي رئيس مجلس الاداره لتنفيز القرار مثل الوزارات والشركات الاخري وكان الرد غير مقنع حيث قالوا ان الشركه غير خاضعه لهذا القرار ولن يتم العمل به، اريد ان اعرف ان هذه الشركه غير خاضعه للحكومه المصريه ولا يسري عليها قانون العاملين بالدوله كيف؟؟ واقسم لكم بالله اننا ادينا الخدمه العسكريه بالقوات المسلحه المصريه وليس بالموساد الاسرائيلي، واننا نعمل في وزاره الكهرباء المصريه وليس مفاعل ديمونه الاسرائيلى واعضاء بالحزب الوطني الديمقراطي المصري ، اي اننا نخضع لقانون العمل المصرى ولبد ان يطبق علي جميع العاملين بالدوله ارجوا من سيادتكم الوقوف معنا وفتح هذا الماف علي الهوء حتي يتساوى جميع العاملين في تنفيذ القرار ونطالب سيادتكم بالاتي 1-استضافت الدكتور صفوت النحاس رائيس الجهاز المركز ي للتنظيم والاداره او الاتصال به تليفونيا ليوضح لنا من هي الوزارات التي يطبق عليها القرار وما هي الوزارات التي لم يطبق عليها القرار 2- استضافت وزيره القوة العامه والتدريب او الاتصال تليفونيا لتوضح لنا ما ذكر 3-استضافت رائيس اتحاد نقابات عمال مصر او الاتصال به ليوضح لنا ما ذكر 4-استضافت وزير الكهرباء او الاتصال به ليوضح ما ذكر 5-للاستفسار عن اي شئ الاتصال بي 0103814679 ولكم شكري واحترامي واتمني ان اشكركم علي الاهتمام بهذه المشكله ومرسل طيه شكوي وهي مثال لمئات العاملين بقطاع الكهرباء السيد وزير الكهرباء والطاقه تحيه طيبه وبعد—- نحن العاملين المتضررين بشركة جنوب الدلتا ——— نطالب سيادتكم بالاتي 1- تنفيذ ما جاء من الجهاز المركزي للتنظيم والاداره بالقرار الجديد والذي يخدم العاملين المتضررين من القانون القاديم والذي يفيد بتنفيذ القرار رقم4 لسنه 2010 بتنفيذ ما جاء بتعديل الماده 44 من القانون 153 لسنه 2009 بشئن ضم مده الخدمه العسكريه مع اسقاط شرط الزميل علي ان يتم تنفيز القرار في 24/2/2010 وحتي الان لم يتم تنفيذ القرار بشركه توزيع كهرباء جنوب الدلتا مع العلم ان الدكتور -صفوت النحاس يوكد انه ابلغ جميع الوزارات والشركات وقامت بعضها بالتنفيذ 2- عمل تسويه حسابيه دقيقه وعادله لمستحقاتنا المتاخره 3- صرف جميع مستحقاتنا الماليه المتاخره 4-الترقيه الي المستوي الاعلى ونكون شاكرين لسيادتكم عند عمل الازم لنا ونحث باننا عاملين بالفعل بقطاع الكهرباء المحترم ونجد من يخاف علي حقوقنا لنا حتي الان لم نجد ذلك ولسيادتكم جزيل الشكر—– عنهم كبير المتضررين ——
    حسين عبد الفتاح حسين شبانه
    فرع كهرباء تلا / قطاع كهرباء المنوفيه /شركه جنوب الدلتا لتوزيع الكهرباء /وزاره الكهرباء والطاقه.0

45. 

    مني 10/04/2010 17:14 -

    ياجماعه مش كده ذنب ايه محمود سعد لاتهاجموه كده الي عنده كلمه حلوه يقولها والي معندوش اعتقد يسكت خلاص بئه سكوا علي الموضوع مش كده ياجماعه انتم كده اي موضوع بيحصل بتهيصوا فيها شوفوا مصر بيحصل فيها ايه شوفو البطاله وشوفوا الغلاء الي احنا فيه بجد ياجماعه الناس مخنوقه مش ناقصين نكد كفايه الي هم فيه والبمد الي بيحصل في

46. 

    حسام كمال 10/04/2010 13:48 -

    كفاية كلام في الموضوع دة يابشر

47. 

    محمود 10/04/2010 13:06 -

    اولا ابدى اعجابى بالمديع تامر امين لثقافتة الدائمة ونبوغة وحضورة الدائم فى الحوار بس اود ان اقول لك حكومة اية ووجع دماغ اية ياتامر هل يعقل ياتام انى لى اخ متخرج من سنتين وحاصل على تقدير جيد جدا من كلية هندسة قسم هندسة النظم والحاسبات يعنى يعتبر من اوائل الدفعة ومش لقيلوا شغل وقدمتلوا فى شركات كثيرة ولكن علشان مش معاى وسطة ولامش عارف هو ال حظة قليل ولااية واللة مش عارف ياعم تامر ولا علشان الواحد بتحرج يطلب من حد حاجة واللة ياتامر لو لى عمرى مهطلب طلب بس علشان هو اخوى وبحبوا قوى وصحتة على قدة عاشان كدة بحاول اطلب من الناس والا كنت سافرتة السعودية وخلاص وروقة دماغى بس يارب وادعيلنا ياتمور وسلملى على الرئيس وقلة حمد اللة على السلامة ياريس لانة بحبوا قوى واللة مش بنافق لان دة احساسى سواء كان الرئيس صح ام مخطئ وسلامى الى الاستاد خيرى لانة من بلدنا منية النص زى ماقال

48. 

    الحاج ابو عمرو 10/04/2010 12:26 -

    السلام عليكم
    ا
    اسرة البرنامج الجميل اعزروني اتي اتأسف علي الوقت الذي اهدر في الحلقة بتاعت الصلح المزعوم وارجوكم الاتهدرو وقتكم الثمين في تفاهات وفقكم الله الخدمة الوطن والمحتاجين والي الامام من اجل رفاهية الوطن مصر

49. 

    عبد الله المصرى 10/04/2010 12:10 -

    مقطورة..سرفيس..كارو..توك توك.. وحنطور ..مع فوضى مرورية بالوقوف فى مطالع ومنازل الكبارى و الطريق الدائرى و محور 26 يوليو.. مع 70% من سائقى النقل إما مخمورين أو محششين !!!!.. إنها معجزة أن تعود سالما لأسرتك فى أخر اليوم ..
    أمنعوا النقل من 6ص الى 9ص ،ومن 2 ظهرا وحتى 7 مساء حنى يذهب ويعود الطلبة والعاملين سالمين من والى مدارسهم وجامعاتهم وأماكن عملهم..
    فقد حذرت دراسة حديثة صادرة عن مركز المعلومات ودعم اتخاذ القرار بمجلس الوزراء المصري من تزايد الخسائر الفادحة التي يتعرض لها الاقتصاد المصري سنوياً بسبب ارتفاع معدلات حوادث الطرق بمصر التي زادت خلال عام 2006 بنسبة 200% وذكرت الدراسة ان عدد القتلي سنوياً يزيد علي 5 آلاف قتيل يكبدون الاقتصاد المصري ما يزيد علي 4 مليارات جنيه سنوياً. و ربنا يحفظنا جميعا من المقطورات والسرفبسات

50. 

    samar fouad 10/04/2010 11:10 -

    لماذا لم يذكر على الاطلاق فى مصر النهارده حادثه اتوبيس كليه الفنون الجميله بجامعه الاسكندريه دم زملائنا الطلاب اين المطالب بحقه ان تعلم مصر كلها بما حدث لهم ولا حول ولا قوه الا بالله