الان اخر اخبار احداث ميدان التحرير مباشر اليوم

ميدان التحرير مباشر

ميدان التحرير الان

اخر اخبار احداث ميدان التحرير اليوم

مصريات

نتابع معكم نقل اخبار احداث ميدان التحرير مباشر الان وقبل الـ مظاهرات التي سوف تتم اليوم الجمعة 4 فبراير 2011 ..

و احداث ميدان التحرير مباشر في الجمعة التي لم يتفق المحتجين على تسميتها فنقلت وسائل الاعلام عنها انها جمعة الرحيل واخرى جمعة الشهداء وخاصة بعد احداث ميدان التحرير امس الاربعاء واشتباك افراد موالين لنظام مبارك تم دفعهم من رجال اعمال لمنع المحتجين من الاستمرار في الاعتصام.

وبكل الاحوال فقد اقيمت حواجز من الاسلاك الشائكة حول ميدان التحرير بعد اطلاق الرصاص الحي والقاء قنابل المولوتوف على المتظاهرين السلميين في ميدان التحرير.

ولكن الجيش متواجد  ميدان التحرير مع اختفاء الامن المركزي او الشرطة ..

ومن ناحية  اخرى هناك حالة هدوء مؤقتة يشهدها ميدان التحرير الان وقد وجه البعض اتهامات الى جماعة الاخوان المسلمين بالتسبب في الفوضى واقتحام مراكز الشرطة في القاهرة وبعض المحافظات المصرية لصالح اجندة خاص  وبتعاون مع حزب الله وحماس، كما وجه الثوار انتقاداً لموافقة جماعة الاخوان المسلمين على الحوار مع عمر سليمان نائب الرئيس مبارك في الحين الذي عارضت به باقي القوى الثورية هذا الحوار مطالبة باسقاط نظام مبارك وليس الحوار معه.

تابعوا معنا وانتظروا كل جديد من ميدان التحرير مباشر و اخر الاخبار في ميدان التحرير ونقل مظاهرات ميدان التحرير مباشر الان ..

اخبار ومواضيع ذات صلة:

03/02/2011 516 تعليق اقرا الحادثة , , , , , , ,
516 comments
  2. احمد حمدى 15/02/2011 22:14 -

    اهوة اديك مشيت عملو اية ول حاجة ولسة يما هيشوفة الجيش يمشيهم 7 شهور على الجد والمظبوط ميرى يحترمو نفسهم الشيوخ والاخوان المسلمين الى ودونا كلنا فى دهية

  3. احمد حمدى 15/02/2011 22:12 -

    والله حرام الى حصل ى مصر دة يا دقون ويا اخوان انتو كلكو اخوان ودقون ولد سيس حرام عليكو عملكو اية الراجل حراااااااااااااااااااااااااام اوى لما تصدموة كدا بحبك با مبارك انا واحد من85 مليون وفية معاك بردة وراك والله فى كل مكان بحبك يا مبارك بحبك يا مبارك انتا عومرى

  4. غادة ام محمد من الاسكندرية 13/02/2011 15:59 -

    واللة د امانى عندها حق وانا كنت بقول نفس الكلام ايها الناس اللى ما لة قديم مالة جديد اذا كان الريس فعلا فى اخر سنواتة ترك المتظاهرين بتوع الشركات والمتظاهرين بتوع التعلييم بس بنقول انة رجل حكمة كل ابن ادم خطاء  واحنا مش هنلاقى ذى سيدنا عمرو ابن الخطاب 40 رقعة فى ملابسة  وبعدين المتظاهرين لسة قاعدين لية اعطوا فرصة للاصلاح وثقوا فى انفسكم وقدر احنا مش عايزين عواد اللى باع ارضة احنا عايزين ذوا عدل منكم ويا رب عمرو موسى اللى يبقى رئيس وبردة مش هنلاقى المدينة الفاضلة

  5. عزت 13/02/2011 15:19 -

    الى د_ايمان.حسبى الله ونعم الوكيل فى من خان ثورة الوطن امثالك

  6. عزت 13/02/2011 15:15 -

    الله اكبر سقط الطاغية سقط الظالم سقط من اطبق على صدور جيل كامل سقط من اذلنا لسنين طويلة اخوانى من اليوم نحن احرار من اليوم نحن بحق ابناء مصر من اليوم هذه البلد اصبحت بلدنا وبايدينا سوف نصنع المستقبل الذى طالما حلمنا به مااجمل الحريه والكرامة اللهم لك الحمد

  7. مواطنة مصرية 12/02/2011 21:55 -

    والاستاذ عيد من ضمن اللى عاوزة تاكل اكل مسرطن

  8. مواطنة مصرية 12/02/2011 21:53 -

    الناس اللى فى التركة لسة عايشين وخلعوة وان شاء الله هيشيلو اى حد ينهب تانى

  9. مواطنة مصرية 12/02/2011 21:51 -

    انا معاكى يا بوسينة ولكن الهيئة السياسية بتقول حقك علينا يا ريس اولا هومش ريس هو المخلوع وشعب سوهاج لم يكنكلة يحب ويؤيد المخلوع بل كانوا قلة قليلة جدا وياريت اى حد بقول انة بيحب المخلوع يستخبة بدلا من ان يخلع من الدنيا وليس من التركة التى كان ناموقال ان الناس اللى عايشة فيها هتنها ساكتة على الذل والاكل المسرطن اذا كانت عاوز تاكل اكل مسرطن كلة لوحدك انت يا هيئة

  10. فاطمه سعيد 12/02/2011 13:16 -

    اللهم ولى علينا خيرنا وابعد عنا شررنا اللهم اااااااامين

  12. احمد حسن 12/02/2011 10:03 -

    يارب تكون مصر بخير مادام فى تغير تم اهم شى ان افراد الشعب يكون عندهم تغير فى كل سلوك غلط علشان نكون دولة ديمقراطية يارب شباب مصر تفهم وتحس انهم عليهم واجب اتجاة البلد علشان بلدنا اجمل بلد فى العالم يارب نغير سلوكنا الشخصية والشباب العاطل ينزل يدور على عمل مش يقعد والشغل هيجى لحد عندة وياريت مصر تكون النهاردة اجمل من 17 يوم مضو ولله الموفق

  13. كريم 12/02/2011 05:40 -

    حرام عليكو كدة الرئيس مكنش يستاهل كدة حسب اللة ونعمة الوكيل فيكو

  14. سما 12/02/2011 04:49 -

    انا مصريه وبحب مصر وخايفه عليها قوي يارب احميها من كل اعدائها مصريين كتيير اتظلمو واتهانو من اخواتهم المصريين الجرم مش من فرد واحد بس من نظام كامل ومن اخلاقيات ناس
    مش سليمه ياريت نصلح من نفوسنا ومن اخلاقياتنا وسلوكياتنا مع بعض ياريت مع بدايه تغيير النظام يكون بدايه لتغيير سلوكياتنا واخلاقيتنا وحياتنا كلها

  15. محمدعادل السعيدعبدالصمد 12/02/2011 00:41 -

    الحمدلله علي النصرالعظيم والعالم كله يتحدث عنكم ايها الابطال ابداو الان الان حتي نقدر ان ننسي الماضي شكرا شكرا شكرا ايها الابطال مصر مصر مصر تحيامصر يارب مصر

  16. حنان 11/02/2011 23:00 -

    حسبى الله ونعم الوكيل فى كل ظالم ربنا المنتقم ويارب اكرمنا باحسن منه وانصرنا على من عدانا يارب ملناش غيرك

  17. الوطنيه 11/02/2011 20:36 -

    الحمد لله مصر هتبقى وهتبقى طول العمر ياجماعه دى مصر ام الدنيا بحبك يا مصر

  18. محمد احمد عبدالله (الجيزه) 11/02/2011 20:31 -

    الجيش المصرى هو الا ماسك عصرى   ربنا يخليلنا الجيش المصرى

    واحلى تعظيم سلام للجيش المصرى

  19. محمد احمد عبدالله (الجيزه) 11/02/2011 20:25 -

    رد على ايمان محمد 
    على فكره كلامك مظبوط بس  هقلك مثل صغير الا بيعملو ميدان التحرير 
    انت لما تيجى تطلبى حقق من حد وعرفه انك لو قلتى هات اى شىْ بتاعك  ونت متاْكده انك لو قلتى كده هيوصلك الربع تعملى اه  عرفتى بتوع التحرير بيعملو كدا ليه  عايزين يطمعو على شان يوصلو لل عيزينو  انا ولدى واحد من الناس شغال فى التاْ مين الصحى من 18 سنه ولحد دلواقتى متعاقد مش معين  لما عمل مظهرات  خد جزء من حقو 
     وانا اشكرك على الخطاب الجميل الا انت كتباه 

  20. احمد عبد الله محمد 11/02/2011 20:15 -

    الله مولى من يصلح على البلد  وكما قل الرسول صلىا الله عليه وسلم  عليه افضل الصلاه والسلام 

    اللهم من  ولى من امر المسلمين شىًْ فشق عليهم فشقق عليه 
    صدق رسو ل الله عليه وسلم 

  21. اسلام يوسف 11/02/2011 18:22 -

    تحية الىشعب مصر العظيم انا لاننى لم اشارك معكم فى هذه الثورة العظيمة التى كانت فى ميدان التحرير سامحونى والله يرحم كل شهداءكم واشكركم ياشباب مصر على كل شئ فعلتموه من اجلنا وتحية الى كل مصرى ومصرية وتحية على كل نجاح

  22. د/ ايمان محمد 11/02/2011 17:02 -

    اساذه مصرية حتى النخاع اضم صوتى ليكى وابدأ معاكى الحمله …احب اسمع النقط المحدده علشان نعمل ده

  23. مدبن 11/02/2011 17:01 -

    ياب احنة كلنا بين ايدك فلا تجعل لنا من يتحكم ويظلم فى اهل مصر وانتى يارب قلت ادخلو مصر امنين الله ام احفظ مصر واهلها

  24. ميدو 11/02/2011 17:00 -

    الله ام احفظ مصر من كل مكروه وسوء الله ام رض الى مصر نعمة الامن والامان

  25. ميدو 11/02/2011 16:58 -

    حسبنى الله وتعمة الوكيل فى كل من لهو يد فى تدمير مصر يارب انصر مصر وشعبها

  26. د/ ايمان محمد 11/02/2011 16:54 -

    ممكن اسمع تعليق على كلامى وهسمع بصدر رحب

  27. د/ ايمان محمد 11/02/2011 16:53 -

    من فضلكم اسمعونى…..مش بنقول حريه يبقى لازم اقول رأي زي ماسمعت ارأكم ومن حقى فى الحريه انكم تسمعونى وتعترضو بمظهر حضاري 
    أولا انا مش مع أى حزب ولااديت صوتى ولا عقلى لأي شاب من شباب التحرير يمثلنى ولا احب أعمل ده ولو هعملو لازم اتوجه لكيان منظم وله أهداف دقيقه محددة, انا من اللى اتوجدو فى المظاهرات بس بعد خطاب السيد الرئيس رجعت ونزلت فى جبهه تأيد الخطاب وليس تأيد النظام من فضلكم فكرو كويس ممكن حد يرد عليا احنا ليه شايفين دايما الاخطاء بس فين الايجابيات , نشوف حاولينا ميدان التحرير اللى اتخرب كان اجمل ميادين القاهرة شوفو بقى ازاى … ماعلينا كلو من فلوسنا والمحلات اللى اتسرقت والمولات اللى اتحرت والأقسام اللى اتخربت برضو من فلوسنا وبرضو ماعلينا اتسرقنا واتنهبنا واتخرب بيوتنا ….لاء وايه بقينا عرضه للتدخل الاجنبى أمريكا واسرائيل وبعض دول اوربا ولبنقول برضو ماعلينا …بنقول لكل ثورة ضحايا ….بس احنا كده هنعمل مصر كلها ضحيه للثورة ليه مش فهمين كلام الريس …ليه علشان قافلين عقلنا وفرحانين بالناس اللى في ميدان التحرير كل واحد عاوز الريس يمشى علشان له طلب شخصي او مالوش مطلب وبيساند الناس واتقلب التحرير من مركز لتحقيق المطالب لمركز لضم فئات الشعب ….ودلوقتى بيقولى هو فين كنتاكى اللى بناكلو والفلوس اللى بناخدها
    انا شاهد عيان على الاستاذ كنتاكى والفلوس لكن ده كان لحد خطاب سادة الريس التانى وتانى يوم نزلت مظاهرات تأيد انسحب الاستاذ كنتاكى فورا بعد ما ولعها ومشى وحقيقي اللى موجودين دلوقتى مالحأوش كنتاكي
    واللذيذ ان سادته أول ما عين عمر سليمان واحمد شفيق قلنا برافو وسقفنا وقولنا يمشى بقى وهما اللى يديرو الأمور وامبارح بنقول كلهم يمشو بقو وحشين ….ده كلام حد يقولى فهم ايه من خطاب الريس؟
    انا فهمت والحمد لله انى لسه بفهم او بحاول افهم
    أولا سياده انسحب من الحكم وفوض السيد عمر سليمان…وطبعا انا فهمه انه في سلطات له الدستور بيمنع النائب من التصرف فيها بس مجمل القرار انه صائب
    ثانيا سادته قال انه هيلغى قانون الطوارىء بعد استقرار الامن وغير ست مواد دستوريه بدل 3
    حد يقولى انا فهمت صح ولا غلط
    يعنى سياده الرئيس عمل الاتى من بدايه جمعه الغضب
    1- اقال الحكومه     2- فرض حظر التجول      3-قرر عدم الترشيح لفتر قادمه وابنه كذلك
    4-قرر عدم ترك البلاد فوضى    5-عدم الانصات لمطالب اجنبية بالرحيل    6-انشاء لجنه دستوريه وتغير بعض مواد الدستور      7-الشروع فى الغاء قانون الطوارىء بعد الاستقرار
    8-فوض نائبه  (يعنى تنحى بصورة لائقة لقائد عسكري)    9-تقديم وزراء ورجال اعمال للمحاكمه
    10-تقديم النتسببين في الانفلات المنى للمحاكمه وأولهم حبيب العدلى
    احب اول اننا بنطمع ومالناش سقف لمطالبنا يبقى عليه العوض في بلدى وبلدكم
    ارجوكم ارحمونا وارحمو نفسكم من الهلاك …فكرو …اعقلو الامر…….قواتنا على الحدود مكشوفه …الجيس دلوقتى مقيد بوضع داخلى ….افهمو اسرائيل على الحدود وايران نفسها ترد على قرار أبو غزاله ايام العراق وايران لو فاكرين ده أمريما هتدخل مش هتتفرج كتير
    انتم بتطلبو منه ينجى الشعب من المهالك ويرحل ….انتم كمان نجونا وأنفسكم من المهالك واهدو وفكرو شويه من غير ماصوتكم يعلا …ارجوكم التزمو الادب فى الحوار هو حتى ان رحل او انتهت مدته حكمه هيظل اسمه
    السيد الرئيس  محمد حسنى مبارك رئيس مصر سابقاً….ماينفعش نقولو على الملأ ياعم ولا هو ولا….. لكل مقام مقال ….أسفة لإطالتى وارجو ان يكون هناك حريه … حقيقيه فى الرأى الاخر

  28. محمود ابراهيم 11/02/2011 16:27 -

    انا اب لاربع اولادارمل
    من مصر بحبها جدا مثل ملايين المصرين بس خايف علي ولادي مش مهم مين في الحكم المهم اعيش عشان اربي ولادي بس بصراحه ده مش عيشه ولا ولادي رضين عن عشتهم علي فكره انا36س قولو لي اعمل اه معيش فلوس وعيالي جوعي اسرق انتو عايزين مصر كده تبقي كلها حراميه يارب انتي قادر علي كل شيء تفتكرو الي له رب يعمل اه يقول يا رب

  29. هيئة سياسية 11/02/2011 16:22 -

                                     حقك علينا يا ريس                                                                                         اشرف اشرف بصوص سوهاجى واحد من ملايين بيحبوك                                                                   يا مبارك  يا مبارك  شعب سوهاج مش ناسى افضالك                                                         هات محمد  بجوار   حنا        +)   مصر بكرة تبقى جنة +)

  30. هيئة سياسية 11/02/2011 16:18 -

                                                حقك علينا يا ريس

  31. عيد 11/02/2011 16:13 -

    بلاش عناد ربى لم يقل هذا طلبتم طلبات مشروعة اتركوهم ينفذوا طلباتكم بلاش يرحل

  32. عيد 11/02/2011 16:10 -

    كفايه لحد هذا سيبوا الناس اللى جت الوزارة الجديدة حتعمل ايه وميدان التحرار مش حيلغوه
    وان لم تتم الطلبات يكون لكم ماتعملوه ويكون لكم حق

  33. شرينكو 11/02/2011 14:56 -

    يلا نلحق مصر قبل ما يفوت الاوان
    .

  34. مصرية حتى النختع 11/02/2011 14:54 -

    ارجوكم تعالو نعمل حملة لوقف الاعتصام مش بتوع ميدان التحرير الاقلية بيقولو لو صوت المعارضين ليهم اعلى من صوتهم هيروحو ويوقفو الاعتصام طيب يالا نوريهم ان مش هو دة حب مصر

  35. مصرية حتى النختع 11/02/2011 14:51 -

    الشعب يريد وقف الاعتصام كام مليون فى ميدان التحرير نقول 5 مليون ال80 مليون يريدون وقف الاعتصام ارحمو مصر
    مصر العالم العربى كلة بيدعى فى خطبة الجمعة لرجوع الشباب لبيوتهم وينتظرو النتائج ارجوكم فوقو بدل ما كنتم ابطال الثورة والناس بتدعلكم حتدخلونا فى حرب والكل هيدعو عليكم فقو

  36. مصرية حتى النختع 11/02/2011 14:47 -

    الشعب يريد وقف الاعتصام

  37. مصرية حتى النختع 11/02/2011 14:46 -

    شوفو البلد راحة فين دلوقت خلو وائل غنيم عميل ياشعب ارحمو البلدحرام عليكم امريكا اتحركت خلاص العالم كلة عينة على مصر الشعوب العربية بتبكى سرة العالم بتنهار سيبكو من الشعارات الى متنفعش امريكا متقدرش تخش الجيش الثانى والثالث جوة البلد الحدود فاضية وهى دى الخطة تعالو نعمل حملة لا للاعتصام ارجوكم ياشباب بعد كدة مش هنعرف حتى نقول كلمة لاء

  38. وائل السوهاجى 11/02/2011 13:27 -

    ياجماعه اقسم بالله فى حاملة طياران حربيه امريكايه كانت متجها الى الخليج —صدر ليه قرار بتوجيهها الى قنات السويس لله حرام حرام عليكم فوقو وبصو لمصر يا بشر لله ونبى علشان خاطر ربنا

  39. وائل السوهاجى 11/02/2011 13:23 -

    مش كل ولد بلبانه وسلسله هيخرب فى مصر ومين ده وائل غنيم علشان يتكلم باسم الشباب اانا من واحد من ضمن الشباب وائل غنيم ده مش بيمثلنى فى اى حاجه كل مصرى يمثل نفسه ويحمى مصر رجااااااااااااااااااااااااااااااااااااء من كل مصرى يحافظ على مصر

  40. وائل السوهاجى 11/02/2011 13:15 -

    انا تحت امر اى حد عايز يحمى مصر من اى حاجه دى ارقامى مصر

  41. وائل السوهاجى 11/02/2011 13:13 -

    اقسم بالله حرام حسبي الله ونعم الوكيل دى مصر يا رجاله

  42. مصرى 11/02/2011 10:50 -

    اللهم ما انصر مصر على اعدائها فى الداخل والخارج

  43. مصرى 11/02/2011 10:49 -

    لواحد- الاحد – الصمد –القادر –المالك –الرحمن – الرحيم الله لا يعجز ابدا ارسلها الى9 اشخاص واسمع خبر سعيد غدا لو تجاهلتها يصيبك حظ سي 9 سنوات وقد ثبت انه حقيقة لا تخاطر أنها أسماء الله لا اله الا الله ” ارسلها إلى عشرون و انظر ماذا سيوقع بعد خمس دقائ…

  44. رامي 11/02/2011 10:25 -

    اما انا بقي فلا حأيدولا اعارض لكن اطالب بتغيير النشيد الوطني وبداية كلماته بتقول

    كفاية كفاية كفااااااااااية كل ظاااااالم له نهاااااااية واسيب باقي النشيد للترزجية بتوع قص ولصق الدستور اللي استعان بيهم الريس السابق مبارك مع انه مش مبارك يكملوا بقي هما كلمات النشيد علي حسب استراتيجيات الدولة . كان معكم علي الهواء مباشرة من ارض المعارك بالاسكندرية اللي قفلت ببانها في ست ساعات وده رقم قياسي محسوب للاسكندرانية اجدع ناس كان معكم .الشهير برامي

  45. محمد المصرى 11/02/2011 09:56 -

    أنا مش حزب وطنة ولا غنى وتعبت جداً جداً جدً فى حياتى عشان محدش يقول أنى أيدى فى المياه البردة أحب أقول (حسبنا الله ونعم الوكيل فى كل أنسان فى ميدان التحرير يبحث عن مصلحة شخصية أو متظاهر لمجرد التظاهر ) أدعو شعب مصر كله أنه يقول حسبنا الله ونعم الوكيل فى المخربين طبعاً فى كتير فكرين أن ده للصاح العام نقول لهم ربنا يهديكو

  46. وطني 67 11/02/2011 07:57 -

    بتقولوه بطل حرب أكتوبر كام من أبطال وشهداء لحرب أكتوبر لا أحد يعرف عنهم شيئا

  47. حمادة المصرى 11/02/2011 05:37 -

    بحبك يا مصر …. لا للتخريب …. مصر فوق الجميع …. تحيا مصر… بحبك يا مصر

  48. حمادة المصرى 11/02/2011 05:35 -

    دعاء … بجد انا بشكرك جدا على كلامك الصح والمضبوط اوى ده وبجد والله انا مبسوط جدا لانى حسيت انى مش لوحدى بس اللى بقول كده وعلى فكرة والله لو البرادعى حكم مصر قولى على مصر يا رحمن يا رحيم هو كان فى البرادعى ده فى حرب اكتوبر ؟ كان فين حتى من 5 سنين ؟ عمل ايه لبلده ؟ ده من ساعة ما رجع مصر ومصر حلها انقلب وكمان مش عوزين ننسى حاجة مهمة جدا للبرادعى انه كان السبب الرئيسى فى حرب العراق اقصد خراب العراق
    والله انا فى رايىء البرادعى ده لالالالا يصلح ان يكون رئيس مجلس مدينة . المهم ربنا يعديها على خير الناس اللى فى التحرير الحكومة قالت خلاص هتنفذ كل ما طلبهم عوزين ايه تانى مش عرفين يا جماعة عيب الابن يطرد ابوه من بيته اتقوا الله والله اللى مقصود وش سقوط النظام فى دول كتير بتسخ بتواع المظاهرات مش عشان اسقاط النظام لالالالا عشان اسقاط مصر . بس ان شاء الله مصر قوية وهتفضل قوية وربنا يحميها يارب

  49. حمادة المصرى 11/02/2011 05:25 -

    يارب احمى مصر بلدا وشعبا وارضا

  50. حمادة المصرى 11/02/2011 05:23 -

    اقسم بالله انا حزين جدا على دم الشهداء اللى ماتوا عشان مصر وبصرحة حزين كمان على الموقف اللى وصل له الرئيس حسنى مبارك كنت اتمنى له خروجه من الحكم بشكل يليق بيه بس ربنا يسترها بقى اسمحولى يا شباب انا بجد بحب الرجل ده وبجد كنت اتمنى يخرج ويسيب الحكم بعد انتهاء فترة رئاسته بجد هو عمل لمصر كتير وكمان كلمة حق هو اتسبب فى حاجات كتير مش كويسة وممكن يكون هو مش عنده علم بيها بس ده الرئيس يعنى المفروض يعرف الصغيرة والكبيرة … المهم ربنا يعدى اليومين دوال على خير ويارب ارحم شهدئنا واموتنا المسلمين ويارب احمى مصرنا الغالية واحمى اهلها وارضها وعدين من المحنة دى على خير اللهم امين يارب العالمين

أضف تعليقاً