مصريات – كتبت سمر معروف: قال الدكتور طارق شوقي وزير التربية والتعليم والتعليم الفني، أن موعد تقديم طلبات التظلم سيكون اعتبارًا من يوم الاحد المقبل، وأشار إلى أن التقديم للتظلمات سيجري الكترونيًا عبر رابط سيتم اتاحته في الموعد المذكور اعلاه في بوابة الثانوية العامة على الانترنت للتقدم بتظلم على نتيجة مواد الامتحانات، ولكنه ذكر بان طالب التظلم لن يكون باستطاعته الاطلاع على البابل شيت بالشكل الورقي.
واشاد وزير التربية والتعليم بنظام التصحيح والتقييم الجديد الذي تم العمل به كاملًا لاول مرة هذا العام وقال ان الهدف الاساسي منها هو القدرة على تحديد مستويات الطلاب لأفضل اختيار في مقاعد الجامعات والكليات وبشكل عادل ونزيه.
وأضاف وزير التعليم، اثناء وقائع المؤتمر الصحفي الذي جرى اليوم بهدف اعلان نتيجة الثانوية العامة وكذا المؤشرات الأولية لتنسيق الجامعات والمعاهد، أن النظام الجديد للتصحيح الإلكتروني المعتمد الآن، وفر الكثير من الجهد والعمل وقلل بشكل هائل من عدد العاملين يدويًا، وذكر على سبيل المثال بان التصحيح هذه السنة تطلب فقط عمل 400 فردًا من منظومة التعليم، في الحين الذي كان يحتاج نظام الكنترولات القديم إلى حوالي 100 ألف فردًا.
كما نوه الدكتور طارق شوقي إلى انه : “تمت معاقبة وحرمان جميع الطلاب الذين تم ضبطهم في اي من أعمال “الغش والتسريب” وتم تحويل 582 طالبًا وطالبة للنيابة العامة”.
وفي نفس السياق، ستقوم لجان ادارة الامتحانات التابعة لوزارة التربية والتعليم ببدء فحص ومراجعة التظلمات لطلاب المرحلة الثانوية العامة الاولى والثانية، والمعترضين على نتائج الامتحانات في بعض المواد هذا العام وقاموا بالتقديم من اجل اعادة تصحيح اوراقهم مرة اخرى.
تظلمات الثانوية العامة
أما في السابق، وبعد تقديم طلبات التظلم، كانت المديريات والادارات التعليمية تستدعي الطلاب من اجل مشاهدة اوراق الاجابة الخاصة بهم (اعتبارًا من هذا العام تم الغاء العمل بالشكل الورقي للامتحانات)، وكانت تحدد مواعيد في كل محافظة مختلفة عن الاخرى بشرط ان تكون قبل نهاية المهلة المحددة وفي الموعد اعلاه وسوف يتم الاتصال بكل طالب من اجل مطالبته بالحضور ومراجعة اوراق اجابته ويكون بصحبة ولي الامر.
هذا، وسوف تراجع جميع طلبات تظلمات الثانوية اثناء المهلة والمواعيد المحددة، وغالبًا خلال اقل من اسبوع سوف تظهر النتيجة وذلك مع بدء تنسيق المرحلة الثانية، اي بعد صدور نتيجة تنسيق المرحلة الاولى مباشرة.
لمعرفة المزيد من شروط وطريقة ومواعيد تقديم تظلم على الثانوية العامة وكيفية الحصول على نتائج التظلمات بعد اعادة تصحيح اوراق الامتحانات راجع الروابط ادناه.
انا عملت تظلم فى الكيماء وطبعا دا بعد ان قمت بمراجع نموذج الاجابة على النت وايضا راجعت مع المدرس قالى انت تجيبى من 47 الى 45 وبعد ان رايت الصورة الضوئية لكراسة الاجابات فوجئت بيهم منقصين درجاتى على اسئلة صحيحة المفروض انى احصل فيها على الدرجة النهائية يعنى فيه 3 اسئلة المفرض احصل فيهم على 30 فوجئت بنقص فى درجات هذه الاسئلةلواعرف السبب لان الاسئلة صحيحة وايضا التعليل لقيتهم شاطبين عليه بالرغم من صحة الاجابة ولم اعرف السبب والى الان لم يرد علي احد يا جماع حرام دا مستقبلنا وراعوا ظروفنا المادية ودروس طول العام والله اعرف واحد ابوه جاتلو جلطه بسبب الثانوية ونتيجتها وحسبنا الله ونعم الوكيل
واللة طلاب كتير انظلموا بس لزم يكون لنا واقفة ضدد كل واحد فاسد فى التربية والتعليم ولزم يعيدو تصحيح الورف وبي الاخص الشرقية
انا سمعت ان واحد فى الثانوى الازهرى عمل تظلم وخد 3% .واخويا له 4 درجات فى الرياضه بس مش عارفين هيخدهم ولا لا
انا عامل تظلم فى الكيميا النتيجه امته
ادعولى يارب يدونى درجات
هاى انسوا ان اى حد ليه درجات هيخدها ربنا يخدهم والحق عند صاحب الحق سلموها لله ومحدش بياخد اكتر من نصيبه
انا عندى صحبتى كانت والله العظيم بتاخد حقن وحبوب عشان تسهر وتزاكر وانا كنت متوقعلها تجيب 98من غير المستوى بس للاسف جابت 95بالمسوى عشان اللى كانوا بيصححولين مدرسين ابتداءي وبياعين خضار
انا ازهريه واناكنت فى تالته ثانوى بس اجلت وصحابي راحو عملوا تظلمات ومنهم لاقوا درجات كتيرة وفى وحده فيهم لاقت ليها سبعة فى الميه واناعارفه انهم مش هيخدواحاجه واناعرفت انهم لموا من طلبة الثانوية العامه والازهر مليون جنيه في اول يوم تظلم وانا حاسه انهم هيوزعوا الفلوس دي عل بعضهم
يا جماعه لو سمحتوا هو باب التظلمات اتقفل ولا لسه مفتووح ؟
و هيتقفل امتي ؟؟
نتيجة اللى ملهمش درجات متعلقة فى الثانوية العسكرية بالمنصورة
انا هاعمل تظلم بكره فى العربى ويارب اخذ حقى
انا جايب 91 ومظلوم فى 3درجات فى العربى والله حرام
اريد اعادة تصحيح الثانوية العامة فى محافظة الدقهلية مركز شربين بسبب ضياع الدرجات علشان فى ظلم فى التصحيح
انا هقول الحمد اللة ع كل حاجة بس حسبى اللة وتعمل وكيل ف المصححين اللى معندهمش ضمير وبيصححوا ع مزاجهم وانا عامل تظلم ف تلت مواد ومحتاج 7 درجات علشان احقق حلمى مع انى راجعتهم واستحق اكتر منهم واللة بس نعمل اية بقى غاب الضمير وساد الظلم وربنا يسها باذن اللة وربنا يكرمنى بيهم ويكرمنى بالهندسة
التنسيق بجد زبالة اوى السنة دى وانا وصحابى اتظلمنا بجد بسبب المصححين اللى ربنا مش هيسبهم حتى سامح زميلى جايب 99.4 وانا عارفه ان نفسه يدخل هندسة بترول بس مش هيدخل للاسف علشان 1. وربنا ياخد وزير التعليم اللي عامل نفسه عالى وياخد وزير التربيه والتعليم
حرام بجد علشان اللى بيحصل ده مايرضيش ربنا (انا رحت عملت تظلم فى علم النفس والفيزياء ولقيت بجد 4درجات منهم درجة ضاعت فى الفيزياء علشان تقريب ناتج وده علشان مصححى الشرقيه اللى معندهمش ضمير وانا بحاجه لنصف درجة علشان الحق طب والتصحيح زبااااالة فى المنصورة لدرجة ان واحدة عملت تظلم فى علم النفس ولقت على الورقة من برة اسمها وباقى الورقة مش بتاعتها حراااام
بجد ياجماعة مفيش كلام اقدر اعبر بيه عن اللى بيحصلنا ده لدرجة ان انا بقيت احس ان كلمة (حسبى الله ونعم الوكيل ) مش كفاية .بجد اللى اتعمل فيا السنة اللى فاتت والسنة دى مايرضيش ربنا ابدا .ابا اتظلمت فى السنتين وعملت تظلمات السنة اللى فاتت وطبعا ماجبتش نتيجة انا جايبة 97و8 وجالى بيطرى .عمر ما خطر على بالى انى ممكن ادخل الكلية دى لانها ماكنتش حلمى ولا الهدف اللى كنت بتعب علشانه .انا حاسة بخيبة امل وضياع تعب بس اللى مصبرنى ان ربنا لا يضيع اجر المحسنين ومش عارفة لو عملت تظلمات تانى ممكن تجيب نتيجة ولا لا. انا فعلا اتبهدلت وتعبت وكان نفسى افرح من قلبى ولكن هذا قدرى ويارب ييجى اليوم اللى تفرح فيه كل مظلوم .نحن لا نطلب الا العدل الذى امر بيه الله ولكن يبدو ان العدل اصبح فى زمننا هذا امرا مستحيلا .احنا محتاجين معجزة عشان نقدر نشوف العدل ده بعنينا ونلمسه فى حياتنا .ومن غير العدل عمرنا ما هنقف على رجلينا .انابطلب من ربنا دلوقتى انه يساعدنى اثبت نفسى فى المكان اللى انا ريحاله وانه يعوضنا جميعا عن كل لحظة صعبة عشناها واحب اقول لاى انسان مظلوم وحاسس ان حلمه ضاع ماتنساش ان ربنا موجود واوعى فى لحظة غضب او ضعف تستسلم .خلى نفسك طويل وحسبى الله ونعم الوكيل.
على فكرة كل واحد بياخد نصيبه فى كل حاجة يعنى محدش يزعل وربنا بيدى كل واحد نصيبه وان شاء الله ربنا هيعوض المظلومين خير اصبروا انما يوفى الصابرون اجرهم بغير حساب وربنا يصلح حالنا اجمعين
حسبى الله ونعم الوكيل فى المصححين اللى معندهمش ضمير وبيضيعوا مستقبلنا
الثانوية العامة عاوزة ثورة ده مستقبل لازم نحط ايدينا مع بعضنا ونطلب أن الثانوية السنادي تحتسب نقل والسنة الجاية تكون ثانوية عامة ، وده أقل حاجة نعملها لمواجهة استهتار المصححين والمهازل اللي حصلت وحسبنا الله ونعم الوكيل
على فكرة ياجماعة الثانوية العامة قسمة ونصيب انا عملت تظلم 3 مواد السنة اللى فاتت وكان لى درجات ومختش حاجة اما السنة دى كنت خارج مقفل 3 مواد ولما النتيجة بانت اتصدمت وبسبب اللى حصل دة انا ناوى مكملش ربنا ينتقم منهم ضيعوا مستقبلنا وفلوس اهالينا اللى اتصرفت علينا غير حرقة الدم والاعصاب لينا وليهم علشان كدة لازم ناخد حقنا لو هنوصلها لرئيس الجمهورية لازم الفساد ينتهى بقى انا كان نفسى ابقى حاجة علشان اخدم وطنى و اساعد المظلوم واغير نظام التعليم الفاشل حان الوقت لتغيير مستقبل مصر لازم نعمل حاجة لبلدنا وكل واحد نفسه فى كلية يدخلها الناس مش مقدرة لوفضل كل واحد يدخل مجال مبيحبوش ومش هيخدم فيه ساعتها البلد هيبقى مصيرها ايه فكروا كويس
نظرة إلى نظام التنسيق الحالي يتم توزيع الطلاب على الكليات حسب المجموع والحصول على المجموع يتم عن طريق الحفظ والتلقين ولي رأي عملت بالمملكة العربية السعودية القبول بكلياتها تضع كل كلية شروطها ويتقدم الطالب لها ويتم عمل له اختبار بالطريقة الأمريكية باختيار الاجابه الأصح ويتم عمل المقابله الشخصية والاختبار المعد يكون مناسب لطبيعة الكلية التي يتقدمها بمعني اختبار طب غير هندسه حيث يبين من خلال قدرات واستعداد وميول الطالب وليس قدرة الطالب على الحفظ
مشكووووووووا
والله البلد دي ما فبها فرص تكافؤ ابدا
انا بقة محدش يعرف انا كنت بذاكر ازاى ولا عملت اية ف نفسى انا وصلت انى اخدت المادة عند اتنين مدرسين وساعت ايام الامتحانات حسيت انى ان شاء الله خرجة مقفلة كل المواد المنهج يعتبر شربتة وبعد الامتحانات قولت لاهلى انى هجيب 94 لو اتظلمت تخيلوة جبت كام 76 ونصف حد يصدق انا الناس كلها اتصدمت وعملت تظلمات ف 3 مواد بس والله وطلعلى 20 درجة وعاوزة اعمل فى المواد الباقية بس خايفة تكون كل دة ملوش اى لازمة انا نفسى نحط ادينا فى ايد بعض ونطلب ان السنادى تحسب لينا كلنا نقل والسنة الجاية تبقة هى بس اللى شهادة زى النظام الجديد وانا ع استعداد اطلع ولدى فى التليفاز ويقول الكلام دة بنفسة بس القى ردود منكم ع الموافقة
يا جماعه انا سلمى من ينى سويف وكنت عايزة اقدم تظلم بس انا عارفه ان محدش بياخد حاجه منهم وكتير خايفه وبابا اقدم لى التظلم والمفروض هروح يوم 2-8 ومش عارفه ايه النظام وكده
انا لي واحد عمل تظلم في مادتين ولم يأخذ حاجة
الثانوية العامة تعب ا عصاب وفى النهاية احناوحظنا
والله العظيم ده ظلم ليه الوراق الى اتصحح فى اسكندريه كلهما جابو مجاميع عاليه وكل ده بيكون على دماعنا احنا فى الاخر والتنسيق يرفع والله حرام والى اتعلم فى المنصوره اتظلموا جداجداجداجدا
يا جماعه والله انا مظلومه في درجات ونفسي ادخل صيدله بس والله سيباها ع الله وبقول يارب انت كبير وحقي عندك وحسبي الله ونعم الوكيل
انا جايبة 93.66 % انا مظلومة فى الكمياء والعربى والفرنساوى وعملت تظلم المفروض يتطلعلى 5درجات وخايفة مش اخذهم
السنة دى التصحيح كان زفت المصححين معظمهم معندهمش ضمير انا راجعت ورقة الاجابة فى التظلمات مع نموذج الاجابة وكانت الاجابة مطابقة ومع ذلك واخد 34.5 فى الكمياء ومستنى النتيجة وحسبيى الله ونعم الوكيل
انا مش عرفي اعمل اي انامجموعى 97 الاتلاتة من عشرة مش هادخل الكلية النفسي فيها وبابا بيقول اني رقصت علي السلم مع العلم اني شوفت العزاب وعملت عملية في عيني وفضلت اسبوع من غير مزاكر كلمة دةغيرفرح اختي وشبكة التانية
انامجموعي97الاتلاتة من عشرة وشكلي مش هادخل صيدله مش حرام وغير يدخل علشان معة فلوس وهو اصلا فاشل
انا جايبة 83ز5 والمفروض اجيب فى التاريخ و الفلسفة و علم النفس الدرجات النهاءية و الماستر قلى المفروض اقفل بجد حسبى لله و نعم الوكيل
والله منهم لله الي بيصحح منغير ضمير ياريت يفتكر ان عنده عيال او اخوات ممكن يحصل معهاهم اكتر من كده
انا شفت الظلم بعينى واحده جايبه فى الكيمياء السؤال بنفس الأجابه متصحح لوحده واخذه الدرجه كامله واخرى اخذه نصف الدرجه والأجابه الخطأ اخذه درجه والصحيحه لم تأخذوده انا شفته فى الكنترول وانا براجع الورقه
ياريت بس تقولوا ايه اللي حصل معاكوا عشان لو الموضوع دة بيجيب نتيجة نروح ان شاء الله
يا جماعة اللي يعمل اي تظلم يبقى يقول حصل معاه ايه ، عشان المستر بتاعي قالي روحي اعملي تظلم ف العربي و انا اللي مرضتش
.. انا جايبة 27.5 بس المفروض اقفل
والله والله والله العظيم انا بنفسى شوفت بنت بتراجع مع مدرس الكيمياء وقال لها انتى هتجيبى من 35 درجه الى 37 درجه ولما النتيجه ظهرت البنت لما شافت درجتها فى الكيمياء اتجننت جابت 49 ونصف وكمان واحد تانى جاب فى التفاضل 25 درجه والجبر 10 والكيمياء 20 والفرنساوى 50 حديصدق النتيجه دى الله يخربتكم يابتوع الكنترول
أنا عرفت إن فى إتنين من مدرسه واحده فى ميت غمر إتظلموا فى مادة الكيمياء واللغه العربيه وهناك واحد منهم إكتشف إن ورقة الكيمياء مكتوب له فيها 49 درجه ونصف علما بأن درجته فى النت والمدرسه 30 درجه والتانى واخد فى العربى 28 درجه علما بان درجته فى النت والمدرسه 18 وبكدا إتأكدنا إن رصدالنتيجه كان غلط الخايب أخد نتيجه الشاطر عموما فى ناس إشتكوا الوزير وأعضاء الكنترول وطالبين إعادة رصد النتيجه على مستوى الدقهليه
انا سمعت ان ف التظلمات بيقارنو الدرجات اللى ع المرايا بالدرجات المكتوبة فقط داخل ورقة الاجابة ولايراعى وجود اجوبة مش متصححة اصلا ومستشار المادة مش بيعيد التصحيح وكتير قبل كدة طلبة اتظلمو من الموضوع دة ومحدش رد عليهم انا اتظلمت ولقيت اكتر من اربع درجات على اجوبة موجودة ومش عليها درجة ومن المتوقع انى مأخدهاش اعمل ايه وانا محتاج لنصف درجة.
انا جبت 94.48 ممكن الحق هندسه اقاليم انا سمعت ان اقل هندسه من 94.5 يعنى مش هلحق عشان .25 درجه انا ممكن يجرالى حاجه
انا مظلوم ونفسي اعرف هاخد حقي ولا لا
نفسى اعرف مين اللى بيصحح ورقه الاجابه بتاع الطلبه ويخلى عنده ضمير ويراعى ربنا فيهم لان اهالى الطلبه غلابه
بعد اذن حضراتكوا انا عندي سوال مهم للي راحوا وعملو تظلم هل بناخد الدرجات دي ولا مش بنخدها ويضيع مجهودنا علي الفاضي ارجو المساعده
ارجوكم
اى حد لو ليه اى درجات يوكل محامى ويلاحقهم قانونياً ومايسبش حقه حتى لو جالوا متأخر ممكن يستفاد بيه وديه وجهه نظرى
انا سمعت ان ف التظلمات بيقارنو الدرجات اللى ع المرايا بالدرجات المكتوبة فقط داخل ورقة الاجابة ولايراعى وجود اجوبة مش متصححة اصلا ومستشار المادة مش بيعيد التصحيح وكتير قبل كدة طلبة اتظلمو من الموضوع دة ومحدش رد عليهم انا اتظلمت ولقيت اربع درجات على اجوبة موجودة ومش عليها درجة ومن المتوقع انى مأخدهاش اعمل ايه
اريد ان اعرف النتيجة من على النت
3ayz a3raf nategt eltazalom elly 2damto
ana gayb 84% w mosh 3arf ad5l eyh
متى تظهر نتيجة تظلمات الثانوية العامة وحياتك قولوا بسرعة انا قاعد على اعصابي