مؤشرات نتيجة تنسيق الثانوية الازهرية لكل كليات الجامعة بنين بنات

ما هي مؤشرات تنسيق الأزهر

مصريات – كتبت ناهد ابو النجا: تعلن نتائج القبول في كليات جامعة لهذا العام، بداية شهر سبتمبر، بعد انتهاء امتحانات الدور الثاني واعلان نتيجتها.

وعادةً، ما يصل لكل طالب في بيته خطاب ورقة الترشيح التي يذهب بها للتقديم في الجامعة او يعرف قبلها من الانترنت من خلال موقع مكتب التنسييق المخصص لطلابات وطلاب الازهر الشريف وذلك حسب الرابط الموجود ادناه هنا.

هذا، ويبدأ تنسيق الثانوية الازهرية بعد ظهور نتائج الامتحانات للدور الثاني، وذلك لشعبتي العلمي – الادبي بنين او بنات وكنا قد اوردنا خبر سابق عن مؤشرات توقعات التنسيق لهذا العام، وبانها قد تشهد انخفاضًا عما كانت عليه في العام السابق نظراً لنسبة المجاميع المتدنية بعض الشيء.

نتائج تنسيق القبول في جامعة الأزهر

طالبات في جامعة الازهر

وبعد معرفة نتائج التنسيق، يجب على اي طالب يرغب في التحويل الذهاب إلى مقر الكلية لتقديم الاوراق المطلوبة، وايضًا تقديم طلب بالنقل الى العميد او العميدة بالنسبة لكليات البنات.

كذلك يتم الذهاب بعدها الى المدينة الجامعية لطلبة الاقاليم للتقديم بها قبل ان ينتهي الموعد المحدد.

* ما هو رابط مكتب التنسيق على موقع الحكومة الالكتروني:

https://tansik.egypt.gov.eg/application/Certificates/Azhar/DefaultAzhar.aspx

إقرأ آخر الأخبار وتابعها هنا من خلال التعليقات او من خلال موقع الازهر التعليمي.

* ما هي مؤشرات تنسيق الأزهر (بنين القسم العلمي)؟

  • كلية طب القاهرة :642 درجة بنسبة 98.77%

  • كلية الطب دمياط : 639.5 بنسبة 98.38%

  • طب أسنان القاهرة 639 بنسبة 98.31%

  • طب أسيوط 638 درجة بنسبة 98.15%

  • طب أسنان أسيوط 637 درجة بنسبة 98%

  • صيدلة بنين القاهرة 633  بنسبة 97.38%  

  • صيدلة أسيوط 629 بنسبة 96.77%

  • كلية الهندسة في القاهرة 620  بنسبة 95.38%

  • هندسة قنا 618.5 بنسبة 95.15%

  • اللغات و الترجمة شعبة الترجمة الفورية إنجليزى 614 درجة بنسبة 94.46%

  • كلية الإعلام بنين 93.23%.

ما هي مؤشرات تنسيق جامعة الازهر (بنات علمي)؟

  • كلية الطب بنات القاهرة 644.5  بنسبة 99.15%

  • طب أسنان القاهرة 643 درجة بنسبة 98.92%

  • طب بنات فصول دمياط 642.5 درجة بنسبة 98.85%

  • صيدلة القاهرة 639.5 درجة بنسبة 98.38%

  • صيدلة بنات فصول دمياط 637.5 درجة بنسبة 98.8%

  • هندسة بنات القاهرة 628.5 درجة بنسبة 69.96%

  • طب بنات فصول أسيوط 627 درجة بنسبة 96.46%

  • صيدلة بنات فصول أسيوط 617 درجة بنسبة 94.92%

  • علوم بنات القاهرة 616 درجة بنسبة 94.77%

  • الدراسات الإسلامية والعربية بنات القاهرة شعبة الصحافة و الإعلام 613 درجة بنسبة 94.31%.

ما هو تنسيق القبول بجامعة الازهر (بنين ادبي)؟

  • الحد الأدنى لكلية اللغات و الترجمة شعبة الترجمة الفورية 564 درجة بنسبة 89.52 %

  • اللغات و الترجمة تخصص عام 495 درجة بنسبة 78.57 %

  • التجارة بنين القاهرة تخصص عام 456 درجة بنسبة 72.83%

  • شريعة وقانون بنين القاهرة 455 درجة بنسبة 72.30%

  • الدعوة الإسلامية تخصص عام 433 درجة بنسبة 68.73%

  • التربية القاهرة تخصص عام 431 درجة بنسبة 68.41 %.

ما هو تنسيق القبول بجامعة الازهر (الأدبى بنات)؟

  • الدراسات الإنسانية بنات القاهرة شعبة اللغات الأوربية 569 درجة بنسبة 90.32%.

  • كلية البنات الأزهرية بالعاشر من رمضان شعبة الترجمة الفورية إنجليزى فقط 569 درجة بنسبة 90.32%.

  • الدراسات الإسلامية و العربية بنات القاهرة شعبة الصحافة و الإعلام 560 درجة بنسبة 88.89%.

اخبار ومواضيع ذات صلة:

26/07/2012 3�446 تعليق نتائج الازهر الشريف , , , , , , , , , , , , , , ,
3�446 comments
  1. كوكي 05/09/2010 01:28 -

    نورت الجروب يا احمد حمدي علي فكره كلامك عجبني جدا بس انا فعلا قررت خلاص احنا اخوات وبس ومش هقدر اكون غير كده ومش عندي استعداد اسيب مصر ام الدنيا واعيش معاه في المانيا وسلاااااااااام جاااااامد اوي باي

  2. كوكي 05/09/2010 01:23 -

    علي فكره يا سوسو ماينفعشي تسيبي المنتدي اجمل حاجه في الدنيا الاصحاب واحنا يا ستي مسؤلين نطلعك من وحدتك دي حقيقي لو سبتي المتدي انا هزعل جدا وهسيبه انا كمان فشيلي الفكره دي من دماغك علشان مش نزعل من بعض انا حقيقي حبتكوا جدا ولازم نفكر ازاي نشوف بعض مش ازاي نسيب بعض كده ولا ايه

  3. soso 05/09/2010 00:56 -

    وانا اكيد ان شاء الله هدخل القاهرة يابوسي وانت معايا انا مش هسيبك وجومانة ومنال اكيد معانا وانا الصراحة مش برد غير على التعليق اللي بيعجبني عشان كدة مش هرد على مسلمة وكل سنة وانتو طيبيين وبالله عليكو متنسوش تدعولي بكرة بالهداية

  4. soso 05/09/2010 00:46 -

    معلش ياجماعة اصلي كنت خارجة وفطرت في مطعم كوك دوور ولسة راجعة من شوية متزعليش مني يا بوسي بس دة اللي اناحساة وبحد انت ومنال وجومانة واحمد اقرب حد لية فكنت بفضفض معاكو انا حاسة بالوحدة مع اني عندي اصحاب كتييير ومش بيهون علية غير الصلاة .منال وحشتيني جدا بجد انا قلقانة عليكي ع الاقل طمنيني عليكى قبل ماسيب المنتدى مش بهزر انا بجد بفكر انسحب …….واحلى سلامات لاحلى بنات هدير وهند وكوكي ودود وماجيك واحمد حمدي ياااارب مكنش نسيت حد

  5. ahmadhamdy 05/09/2010 00:15 -

    ويا جماعة اشاء الله كل اللى يعرف انة دخل القاهرة يا ريت يقول يا ريت كلنا ندخل القاهرة ونتقابل ونبقى اصدقاء اشاء الله وانا نفسى اققابل كل اللى فى الجروب والله علشان انتو جروب جامد اوى اوى واشاء الهه هنتقابل فى الجامعة وهنبقى شلة جامدة اوى انشاء الله

  6. ahmadhamdy 05/09/2010 00:08 -

    وانت يا مسلمة احنا لا بنتقابل ولا بنشوف بعض ولا بنتكلم بعض يمكن لو اتنين فى الجروب اتقابلوا وجها لوجة مش هيعرفوا بعض ويمكن مش هيبصوا لبعض حتى مش كدة ولا اية يا جماعة

  7. ahmadhamdy 05/09/2010 00:06 -

    ومرسى اوى ليكى يا جومانة على كلامك الجميل دة وانت اللى رقيقة جدا والله وعلى فكرة يا جماعة انا من القاهرة من ((المعادى)) يا ريت لو فى اى حد فى الجروب قريب منى يقول يمكن نتقابل ((( ومتنسوش يا جماعة غدا ليلة ال27 من رمضان ))) وكل سنة وانتو طيبين

  8. ahmadhamdy 04/09/2010 23:54 -

    السلام عليكم يا جماعة ((( وشكر خاص جدا جدا جدا لكوكى ))) لسؤلها عليا وعلى فكرة يا كوكى بالنسبة لمشكلتك انتى حاولى مش تحطى عيوبة فقط امامك اللى بتخليكى تتخنقى منة حاولى تلا قيلة مميزات فى شخصيتة وحاولى تفكرى فيها وازاى هتبقى عايشة معاة يعنى مثلا (ذكى) (ودود) (اجتماعى ) ( بيحب المناقشة ) ( دمة خفيف ودى اهم حاجة ) ( ويكون بيحبك مش جواز تقليدى) واسال مجرب علشان اختى اتجوزت جواز تقليدى وكرها نفسه حاليا ولو معجبكيش قولدى لولدتك وحاولى تتفهمى معاها وهى اكيد لو حاولتى تفهميها بهدوء اكيد هتفهمك وهتحس بيكى وارجو الرد على راى عجبك ولا

  9. دودو 04/09/2010 23:28 -

    ولا ياهمك ياجميل وياريت تقبليني صديقه ليكي وانتي منين من كفر الشيخ بالظبط؟؟قوليلي وهنحاول نتكلم بره فاي مكان وسامحيني علي كلامي بس انا مسلمه برده.ههههههه وبعدين فين هند؟؟؟؟؟؟؟؟؟؟؟؟؟ياجماعه اختفت مره واحده من غير خبر ….ازيك ياساره(كوكي)اخبارك ايه ياجميل مش بتسالي يعني ولا شغل العيد وخدك مننا يارب تكوني كويسه ياقمر وطمنيني عليكي وانتي يافاطمه اخبارك ايه وحشني كلامك يااحلي بطه في الدنيا….وهدير فينك ياقمر وبتعملي ايه في الاجازه الممله دي .وبعدين لا شكر علي هوم ورك يابشمهندس وربنا ينولك اللي في بالك وهتلحق هندسه وبعدين اللغات والترجمه مجال جميل جدا وانا كنت ادخله لو مجموعي ملحقش هندسه او صيدله وهيبقي مجال جميل جداااااااااااااااااااا ليك ياقمر

  10. كوكي 04/09/2010 23:07 -

    يا جماعه فين احمد حمدي مش لقياه انت فين يا احمد طمنا عليك

  11. كوكي 04/09/2010 23:06 -

    اهلا ببوسي وبكل اهل ديرب نجم اجدع ناس وانا متاكده اننا هنتقابل وبالنسبه لمشكلتي هي لسه مكتوبه لبقي اقرايها لو حبيتي باي يا جميل

  12. كوكي 04/09/2010 23:03 -

    بصي يا دودو بالنسبه لمشكلتك خلي الامور تمشي عادي خالص وصدقيني اللي فيه خير ليكي هتخديه وللي شريكي اكتر اكيد هو اللي هيكون من نصيبك ومع ذلك يا جماعه كلكوا نسيين حاجه مهمه جدا (الاهل) شوفي اي فيهم اهله احسن وهيعيشوكي اريح ومش تتسرعي باااااااااااااااااي

  13. كوكي 04/09/2010 22:58 -

    يا جماعه زي ما قلت ليكم هو عاش كتير في المانيا يعني اكيد خد شويه من طباعهم مع انه دايما ياكدلي انه مصري ومسلم وانه عمره ما نسي ده بس طبعا الارواح جنود مجنده ما تعارف منها ائتلف وبماانه قاعد معاهم المده دي كلها ومش زهق يبقي ااكيد عجبه حالهم ويمكن بقي زيهم الحاجه دي مخلياني مش قادره اتصور اني اعيش معاه اساسا وزي ماقلت ليكم انا مش فيه حد في حياتي خاااالص وعمري ما اتصحبت علي ولد ولا هتصاحب

  14. بوسى 04/09/2010 22:57 -

    انا الحمد لله يا هدوره انت عامله ايه اجبارك واخبار الجروب بالكامل ماعدا الحمد السحراوى ههههه طبعا بهزرانت تبعهم يا هدير لو كنت قريت الكام تعليق اللى فاتو كنت حتعرفى متكسفنيش بقى يا هدوره انا جايبه85% بس بجد انت وحشتينى مووووووت

  15. كوكي 04/09/2010 22:50 -

    متشكره اوي يا جماعه علي اهتمامكم ده بس انا يا سوسو زي ما قال السحراوي مش فيهحد في حياتي يبقي اكيد الموضوع منتهي وانا قررت انه لو قال لي اي حاجه هقول له علي طول ان احنا اخوات واللي يحصل يحصل الا ايه رايكم

  16. هدير 04/09/2010 21:06 -

    يا بوسي متزعليش محدش بكلها بالساهل 

  18. هدير 04/09/2010 21:03 -

    ازيك يلبوسي ايه اخبارك وحشتينى

  19. هدير 04/09/2010 20:59 -

    يا سلمي انتي من فتيات الهرم طب انتي تعرفى جهاد رضا

  20. مسلمة 04/09/2010 20:48 -

    ونصيحه للكل ياريت ماتحبيش حد غير لما يبقى جوزك لان مفيش حد يستاهل وعلى فكره انا اكبر منكم

  21. مسلمة 04/09/2010 20:46 -

    شكرا يادودوعلى كلامك بس انا ماليش علاقه بالناس شويه فيمكن علشان كده مش باعرف اوصلهم اللي انا عايزاه وعلى فكره انا من كفر الشيخ

  22. بوسى 04/09/2010 20:46 -

    يا جماعه انتم فين محدش معايا ولاايه؟

  23. بوسى 04/09/2010 20:34 -

    ومتقلقيش يا دودو انت اكيد انشاء الله داخله هندسه مال انا اعمل ايه معرفش اصلا حيجيلى كلية ايه؟بس اعتقد تجاره مفيش اقل منها هى اقل كليه فى الازهر كلية الشعب

  24. هدير 04/09/2010 20:32 -

    ازيك ياسوسو اخبارك ايه انا بجد زعلانه منك

  25. بوسى 04/09/2010 20:30 -

    على فكره يا سوسو انا محجيش جامعة فى القاهره ده انا جايبه85% حيودونى فين ده المجموع ده حيودينى النار مش جامعه بس يالا كل شى نصيب مان نفسى اكون معاكى

  26. بوسى 04/09/2010 20:28 -

    سوسو انت فين يا قمر انت زعلانه منى ولاايه ؟ومش المفروض كنت تعزمى الجروب كله علشان يفطر معاكى على البحر ولا ايه يا جماعه ويا احمد السحراوى تخليها تروح من غيرنا اكيد الاكل مكنش له طعم والبحر اتمشيتى على البحر من غيرنا طيب كنت قوليلى انا بس ومش مهم الباقى انا بحب البحر قوى بس للاسف زيك مبعرفش اعوم

  27. هدير 04/09/2010 20:28 -

    جومانه  ازيك يا اجمل جومانه انا شفت كلامها ايه اخبارك وحشنى كلامك جدا واننا اتمنى اننا نتقابل فى يوم من الايام هكون سعيده جدا

  28. بوسى 04/09/2010 20:25 -

    كوكى انا مش حعرف ارد عليك لان مقرتش مشكلتك اصلا لو تعرفى تكتيبيها تانى انا جيت متاخر

  29. بوسى 04/09/2010 20:22 -

    كوكى يا عسوله انا رجعت انت رحت فين احنا عمرنا ما نسيبك لوحدك

  30. بوسى 04/09/2010 20:21 -

    انا زعلانه منك يا سوسو بقى اسيبك يومين تقولى على نفسك عبيطه وسيس ومعرفش ايه كمان انا بفولك دنيك واثقه فى نفسك وعلى فكره مفهاش حاجه بس حاولى تقولى لمامتك واحده واحده ورنا يتمم على خير يا قمر متعرفيش حاجه عن منال

  31. بوسى 04/09/2010 20:18 -

    على فكره يا احمد السحراوى انا معنتش بزعل منك انا عرفتك خلاص وعارفه ان كلامك كله هزار بس انا جيت نورت الجروب ولا ايه؟ انا بجد بحسبك فى علوم بس ممكن اكون فهمت الماسج غلط على العموم انا اسفه ولا عااااااادى ولا اسف ولا حاجه احنا بينا فى الجروب اسف بهزر سلالالام

  32. بوسى 04/09/2010 20:13 -

    ازيك يا جومانه يا عسوله انت وقمر الجروب طبعا سوسو ومنال دودو وهند وهدير معلش متعرفتش اتعرف عليكم قوى علشان انا من فتره مكنتش معاكم بس البركه فى سوسو واحمد السحراوى هما بيردو بنيابه عننا يا جماعه محدش يعرف منال فين انتم مش قالقانين عليها ولاايه ؟وسلامى للجروب كله

  33. دودو 04/09/2010 19:22 -

    ياجماااااااااااااااااعه نتيجة الدور التاني ظهر ت والنتايج هنا وحشه جدا ايه الاخبار عندكم .؟؟؟؟؟؟؟؟؟؟؟ واخبار التنسيق ايه اللي يعرف اخر الاخبار يقولي

  34. دودو 04/09/2010 19:21 -

    تعرفي ايه المشكله ياسوسو ان فعلا الحاجه الوحيده اللي ناقصاه ان جو البيت بتاعه مختلف تماما عننا مفيش اي توافق واحيانا بحس انه مش مناسب لان بيته غريب شويه وهي دي المشكله اما اللي ماما اختارته جو مناسب جدا لينا وامي مقتنعه بيه من الناحيه دي …..وانتي عندك حق يا(مسلمه) في كلامك لكن دخلتك كانت غلط وعلشان تقنعي حد برايك يبقي بالتفاهم واقنعيه بالادله علشان ميقدرش يرد عليكي رد تزعلي منه وبعدين الحكايه مش حكايه فقه لا طبعا الحكايه حكاية دين واخلاق وقبل ده كله النيه ولا مدرسناش فقه ولا ايييههههههه؟؟؟؟؟؟فهمتيني ياقمر وعلي فكره انتي عسوله اوي

  35. أحمد السحراوي 04/09/2010 18:41 -

    يا جماعة انا حاسس إن فيه حاجة إتغيرت في الجروب حاسس إن النور
    إتقطع آه صحيح انا نسيت إن بوسي جت ههههههه ماتزعلي زي كوكي أنا باهزر معاكي والله الجروب نور نايس باك يا بوسي يالهوي عليكي يا بوسي إنتي كبيرتيني 3 سنين أنا لسه مخلص تالتة ثانوي مش تالتة علوم وحمد الله علي سلامتك وتعيشي وتاخدي غيرها هههههههه بعد الشر عليكي وبالنسبة لكوكي أنا باختلف معاكي يا سوسو عشان لو كان فيه حد في حياتها عمرها ماهتعرف تطلع فيه عيوب ومش هاتلاقي وجه للمقارنة أصلا ومتهيئلي إنك تقعدي مع اللي إتقدمللك وتتعرفي عليه اكتر وبعدين تبقي تحددي بس قبل كل ده تصلي إستخارة وإنتي يا دودو(جهاد) شكرا علي كلامك وبالنسة لكلامك أنا لو من مامتك انا كنت عملت كده بس لازم تقعدي معاها وتكلميها عنه وتحاولي كذا مرة وتقنعيها وانا إسمي أحمد السحراوي من المطرية دقهلية وجايب 92,15 وأتمني إن أنا ادخل هندسة بس هي بعيدة عني بس أنا أملي في ربنا كبير وربنا يوفقك وتدخلي صيدلة وعايز أعرف رأيكم في لغات وترجمة

  36. هند 04/09/2010 17:59 -

    ايوه انا هند ياجوجو وحشاني جدا والف مبروك

  37. مسلمة 04/09/2010 17:41 -

    وانت يادودو مجرد ان الوحده تحب حد مش يربطها بيه صله شرعيه وتكلمو يبقى حرام ولا احنا مادرسناش فقه
    ؟؟؟؟؟؟!!!!!!

  38. مسلمة 04/09/2010 17:40 -

    وبعدين ياست جومانه بالراحه شويه عليا

  39. مسلمة 04/09/2010 17:38 -

    وبعدين مفيش حاجه اسمها نسلي صيامنه

  40. مسلمة 04/09/2010 17:37 -

    وبعدين يا استاذ احمد حضرتك انادخلت علشان اعرف اخبار عن التنسيق

  41. مسلمة 04/09/2010 17:36 -

    ايه انتو هاتقيمو عليا الحد انا باقول على اللي تعرف واحد وبتكلمو من غير اهلها ما يعرفو وكمان مفيش صله شرعيه بينهم

  42. soso 04/09/2010 17:19 -

    يادودو انت وكوكي مهما كانت مشاكلكو فانتو عارفين تنقشوها مع اهلك امال انا اعمل اية وع الاقل انتي اللي بيحبك يا كوكي اكبر منك فينفع يكون بينكو اي ارتباط رسمي ونفس الحكاية مع دودو بس خليكي متمسكة باللي بتحبية مادام انت شايفاة هيكون احسن اب لاولادك وهيريحك ولازم تشوفي جو العائلة عندو متوافق معاكي ولا لأ وحاولي تقنعي اهلك بية بس اوعي في يوم تفضلية على اهلك لان ساعات بتكون مراية الحب عامية اتمنى رأي يكون معقول وربنا يقدملك اللي فية الخير انت وكوكي وهدعلكو وانتو كمان تدعولي مفيش اصعب من انك تخبي حاجة جواكي ويبان عليكي

  43. الطيار 04/09/2010 17:13 -

    السلام عليكم ممكن انضم ليكم كصديق بس ممكن حد يعرفنى التنسيق هيظهر قبل 1/10 ولا بعده

  45. محمود عويس 04/09/2010 16:14 -

    التنسيق هيظهر خلال الاسبوع دة ان شاء اللة وان شاء اللة ربنا يعطي كل طالب تعب ما يريدة ويوفق الجميع

  46. دودو 04/09/2010 15:50 -

    وعلي فكره ياكوكي انا كمان سبحان الله في نفس مشكلتك هو دكتور وماما بتحبه جدا وانا جتلي فتره وحسيت انه كويس واتعلقت بيه لكن انا دلوقتي مش بفكر حتي فيه لاني عرفت اللي احسن منه مليون مره بس هو في علوم وناوي يبقي دكتور تحاليل لكن امي مش موافقه عليه نهائي علشان هيبقي اقل مني انا كمان مش عارفه اعمل ايه؟؟؟؟لما تلاقي حل ليكي قوليلي علشان انا كمان محتاجه حلللللللللل.

  47. دودو 04/09/2010 15:44 -

    ازيك يااحمد (السحراوي)تعرف ان دمك خفيف اوي وهزارك زي العسل انت منين بالظبط يااحمد وناوي علي ايه؟؟؟وبعدين انا نفسي في صيدله لكن حاسه اني مش هلحق حتي هندسه …….لكن الاهم دلوقتي تدعيلي وربنا يسمع منك ياجميل

  48. دودو 04/09/2010 15:39 -

    ازيكم يااحلي جروب قابلته ازيك ياساره اخبارك ايه قوليلي انتي مجموعك كام وناويه علي ايه بالظبط؟؟وانا اسمي جهاد من كفر الشيخ وجايبه96,3 ادعيلي علشان بجد خايفه

  49. soso 04/09/2010 14:39 -

    صباح الخير يا جماعة العيد قرب وزمانكو بتعملو الكحك بس ماتنسونيش في البتيفور انا بحبة اوي واحنا طبعا مش هنعمل عشان ماما فالعمرة بالنسبة لمشكلتك ياكوكي ياريت تقبلي رأي .ممكن تكوني انت في حد في حياتك وعشان كدة مش شايفة غيرة ومش متصورة حياتك الأ معاة لو دة صح حاولي تركني قلبك على جنب وتفكري في التاني ومدى تداينة واخلاقة وقارني بنهم بعقلك وبعدين شوفي قلبك حاسس بية ولا لأ لو مشعرك بردة من نحيتة يبقى خلاص ولو مفيش حد في حياتك يبقى الموضوع منتهي ومفهوش كلام وقبل دة كلة تصلي استخارة زي مانا عملت وياريت تكلمي مامتك عنة اكتر

  50. بوسى 04/09/2010 13:44 -

    انا حرد على التعليقات اللى فاتت بس بالليل بقى باااااااى يا بنات يا قمرات بس انا زعلانه منك يا سوسو فى حاجه بس مش حقولك دلوقتى بس بااااااااااى برضو يا قمر وانت يا منوله انت فين يا حبيبتى سمعت انا غايبه من فاتره طمنينا عليك يا قمر

أضف تعليقاً