مؤشرات نتيجة تنسيق الثانوية الازهرية لكل كليات الجامعة بنين بنات

3�446 comments

1. 

   منال 23/01/2011 22:52 -

   سلامى لهند وهدير اللى اختفوا

2. 

   منال 23/01/2011 22:49 -

   الف مبروك يا سوسو على الخطوبه وربنا يتمم لك على خير

3. 

   منال 23/01/2011 22:47 -

   ازيكم ياحلى جروب وحشتونى قوى عاملتوا ايه فى الامتحانات

4. 

   كوكي 23/01/2011 19:59 -

   وحشتوني مووووووووت بس ورايا امتحانات ادعولي علشان صيدله صعبه جدا والله باااااااااي

5. 

   ahmad hamdy 18/01/2011 16:55 -

   انا امبارح امتحنت فيزياء ومعملتش حاجة خاالص يمكن الدرجة اللى هاخدها هخدها على النضافة بس انشاء الله انا عامل حصيلة فى اعمال السنة كويسة وسلامى للجميع ( وفين الجدول اية البنات اختفو يعنى بالله عيليكم انا هاموت على الجدول )

6. 

   Anas Elnhas 17/01/2011 23:21 -

   حبيب هارتي يادوك وعلي فكره مش عزومه مراكبيه ولا حاجه عدي علينا في كايرو وانت مروح وانت تعرف اني بتكلم بجد…………….وياسحراوي ارحم جومانه مش قالتلك معندهاش فطار ولا انت مصمم تفطر بالعافيه ههههههههههههه……وأنا الحمد لله يادوك امتحنت english وظبطه الحمد لله وان شاء الله اللي جاي mathematics ادعيلنا معاك……..وانت معندكش ترم ولا ايه؟؟؟؟؟؟..وعامل ايه يابرنس سحراوي في الامتحانات طمني يامعلم؟؟؟؟؟؟؟؟ وياريت الكل يطمنا وربنا معاكوا كلكوا وصحيح فين سوسو وجومانه وكوكي وحمدي وشحاته واسر والكل مختفي عالعموم سلامي ليهم كلهم……

7. 

   محمد عصام 17/01/2011 14:14 -

   ايه يا أنوس دا انا فاضي جدي
   دا انا الوحيد اللي ماعنديش امتحانات ترم امتحاناتنا اخر السنة
   والكلية ماعدش فيها محاضرات ولا حتى سكاشن
   وانا يوم 17الاربع اللي فات وصلت الدفعة كلها ف محطة القطار وانا قعدت عشان اذاكر عشان لما انزل انزل ومش معايا كتاب
   اما بالنسبة للعزومة فانا اكيد مش جاي عشان انا متأكد إنها عزومة مراكبية مش صح يا سحراوي؟؟؟
   سيبك انت من الكلام ده اهم حاجة امتحاناتك ايه أخبارك قفلت ف كام مادة انت يا أنوس ويا سحراوي.
   بالنسبة للبت الجميلةهيستولوجي فأحب أطمنك يا سحراوي أنهاطلعت أجمل مما أتصور وظبت الأداء لدرجة الامتياز
   اه صح فين احمد حمدي وجومانا وأسر و ومنال وشحاتة وكوكي

8. 

   أحمد السحراوي 16/01/2011 20:58 -

   إزيكم يا جماعة عاملين إيه ؟إيه أخبار الامتحانات معاكم وإنتا يا أنوس ربنا معاك في امتحاناتك شكلك كده واد نزيه نخلي العزومة ده لجومانة المرة والمرة الجاية تبقي في أي حتة غالية (جومانة الوقتي بتاكل في نفسها عشان لبست العزومة) هاتفطرينا إيه يا جومانة؟ وإنتي يا سوسو ربنا يهنيكي بعريسك ويخليكي أسعد واحدة في الدنيا . صحيح عايزينك تعرفينا عليه إسمه؟ سنه بيشتغل إيه . عايزين نعمل له محضر (عشان خطف السندريلا مننا ) ههههه باهزر معاكي يا سوسو أما بالنسبة للفطار فإحنا معزمناكيش عشان تيجي هههههههه طبعا تنوري هوا الفول هايكون ليه طعم من غيرك هانحس انه ناقص ملح هههههههه باهزر ده انتا عسل الجروب وإنتا يا دك إيه أخبار المزة الجديدة عملت معاها إيه كانت سهلة ولا صعبة وإنتا يا حمدي ليه الفال الوحش ده إنشاء الله هاتعدي بمادتيين ههههههه بعد الشر عليك يا حمد إنشاء الله هاتجيب تقدير أما بالنسبة لجدول الامتحانات ماتقلقش الدك هايظبطك فيه أصل علاقاته كتير هناك صح ولا إيه يادكترة وسلامي للجميع

9. 

   Anas Elnhas 16/01/2011 00:10 -

   عادي يادوك لو انت مش فاضي عشان الامتحانات نخليها أول الترم الجاي باذن الله ها قلت ايه يادكتور محمد………..وياريت الكل يرد

10. 

    محمد عصام 15/01/2011 15:22 -

    مش فاضي والله يا أنوس

11. 

    Anas Elnhas 15/01/2011 02:12 -

    نسيت اسلم عليكم ……….ازيكم يأحلي جروب في الدنيا………..ياجماعه محدش رد علي علي موضوع العزومه علي الفطار ايه جايين ولا ايه؟؟؟؟؟؟؟؟؟؟؟؟؟؟؟؟؟ياريت الكل يرد

12. 

    Anas Elnhas 15/01/2011 02:10 -

    and I

13. 

    محمد عصام 13/01/2011 20:24 -

    hahahaha
    me 2

14. 

    ماجى 13/01/2011 14:36 -

    ههههههههههههههههههههه انا اول مره اعمل كومنت بس بجد انااتخنقت من الازهر

15. 

    ahmad hamdy 12/01/2011 09:46 -

    انا لية طلب عندكو والنبى علشانى انا عاوز جدول كلية شريعة وقانون سنةة اولى بنات بالله ليكم انا عوزة بسرعة بالمواعيد وانا عرفت انا امينة دخلت كلية الشريعة والقانون جامعة الا زهر بالقاهرة هى كانت فى معهد فتيات المعادى لو وحدة فيكو تعرف توصلها وتقولها بالله عليكو اللى هيعمل فيا الجميل دة والله عمرى ما هنسهولو وسلامى للجميع شباب وبنات بااااااااااااااااااى

16. 

    ahmad hamdy 12/01/2011 09:42 -

    السلام عليكم ورحمة الله وبركاتة هااااااااااااى انا رجعت وانا يا سحلراوى مش بنساكو والله العظيو بس انا الدنيا ماغبطة معايا شوية عموما انا هاخلص امتحناتى الخميس 27 \1 انشاء الله وربنا يكرم وبالتتوفيق وبجد بجد انتو وحشتونى جدا جدا ركزوا فى المذاكرة علشان ربنا يكرمنا كلنا انشاء الله انا دفعتى 190 طالب 40 جداد و150 مدبلرين ادعولى ربنا يسترها معايا وسلامى للجميع ( السحراوى وانس والولد الشقى وسلااااام كبير قوى لمحمد عصام ومحمد شحاتة ) والبنات( جومانةطبعا وسوسو وكوكى ومنال ) وخلاص يا محمد يا عصام حوار وخلص وكل واحد راح لحالة وننسى اللى فات ونبص للى جاى ويا سوسو ارجعى لاصحابك وبلاش الحركات دية زخلاص بئة

17. 

    محمد عصام 09/01/2011 14:51 -

    اللي ماتعرفهوش اني عارف واحدة من زمان اسمهاhistologyجميلة جدا
    انا رايح اقابلها بعد بكره
    ادعولي اعرف اتفاهم معاها
    انا عارف إن انا قدها وقدود بس لازم تدعولي بس مش كلكم
    سلام

18. 

    soso 05/01/2011 09:49 -

    مشتكرين يارجالة علي المباركة الحلوة دي وعقبل مااشوف كل واحد فيكو في بيت عدلة مع وحدة تطلع عينة ان شاء الله انا بضحك معاكو كركركركركر…..انا مسافرة بكرة ان شاءالله وامتحاناتي هتبـدأ يوم السبت ادعولي ياجماعة الله يخليكو هه ياجومانة انسي ازعل دلوقتي خاااااص وانا هصلحك بمعرفتي وعلي رأي تمورة بكلمة نتصالح وبكلمتين نرجع لو حتى اية يمنع مالناش غير بعضنا ..انا كل سبت واربع وانت كمان مش كدة ماتنسيش تدعيلي يابت هه امال فين بنات الجروب يابت ودتيهم فين هه انطقي وربنا يوفقنا كلنا يارب ومانطلعش مدبلرين يارب 
    وسلامي ليكو كلكو اما بالنسبة للفطار فانا نازلة افطر مع عبدالرحمن دلوقتي خليها مرة تانية 

19. 

    gomana 04/01/2011 19:31 -

    تؤ تؤ ياستاذسحراوى كده هتخليهم يفتكرونى بخيله ولا حاجه انا قلت معنديش فطار لو اسراء مرجعتيش وبما ان اسراء رجعت فى الفطار والمشاريب عليا اى خدمه عشان خاطر اسراء بس وانت ياسوسو نورتى طبعا كنا مستنينك من بدرى بس انا لو زعلنه فاانا زعلنه منك من حجات كتير وانت عارفه بلاش اسيح بقه والبش مهندس انس عزمنا على الفطار فى ككافتريا هندسه بس بقه ده انا بحقد عليكو احلى كليه فى الازهر طبعا هندسه وكل الندوات بتتعمل عندكوا ومش بترضو تدخلو البنات وكمان المناطق حلوه اوى عندكو انا مرحتش عندكو بس صحابى بيقولولى عموما انا بهزر ربنا معاكو يا جماعه وانت يا استاذ سحراوى زعلان اوى من استاذ طب قولى اقولك ايه وبعدين انا كن علمى ومبحبش الجغرافيا والله وسلامى لدكتوره كوكى والاستاذه هند ومنال والبش محاسبه بوسى والبش محاسبه اسراء وكوكى وسمسمه وسلامى للدكتور اسر والدكتور محمد والاستاذ محمد شحاته والبش مهندس احمد والبش مهندس انس والولد الشقى والاستاذ السحراوى واسراء صحيح امتحانك ايام ايه عايزه اشوفك يابش محاسبه

20. 

    Anas Elnhas 04/01/2011 04:31 -

    ازيكم يأحلي جروب في الدنيا عاملين ايه؟؟؟يابرنس سحراوي ماتقلقش حساب المشاريب والفطار عندي أنا…ولو تحب أنا عازم الجروب كله عالفطار عندنا في كافتيريا هندسه…..ابسط ياعم…………ازيك يادكتور محمد عامل ايه؟وشكلك فعلا ظابط الدنيا هناك ولا ايه ابقي طمني……وياجومانه ماتزعليش عشان معندكيش فطار انا قلت خلاص الفطار عندي….مات الكلام………………أما بقي بالنسبه لسوسو لازم أقولها ألف مبروووك ويارب مايكونش خانك التوفيق في اختيارك وتكوني فكرتي صح واختارتي صح ومش تندمي………..وزعلان منك أوي ازاي متعزميناش عالشبكه؟؟؟وسلامي للكل منال وكوكي وبوسي وشحاته وحمدي والشقي………..ويادكتور محمد ابقا طمنا عليك وعلي (الشديده)هههههههههههههه.سلام

21. 

    أحمد السحراوي 04/01/2011 04:11 -

    هاي يا جماعة إزيكم عاملين إيه ؟كده تمام كلنا متفقين إن سوسو لازم ترجع الجروب وكلنا نقولها ألف مبروك .وإنتا يا أنس باين كده حساب المشاريب عليك ههههههه .وده تيجي بردوا أكيد جومانة هي اللي هاتحاسب ولا بلاش ده بتقول ماعندهاش فطار يبقي هاتدفع المشاريب ده ممكن كمان تفتشنا هههههههههه باهزر معاكي يا جومانة وبلاش أستاز ده عشان باتخنق وباتعصب منها أووووووي وبعدين أستاذ ده بالزاء ولا الذال مادرستيش جغرافيا ؟ وإنتا يا دكتور فينك إنتا ماعلقتش علينا ليه ؟وبردوا إنتا أكبر من كده. إيه يا معلم هي ده أول ولا آخر واحدة هاتكلمها ده أنا باسمع إنك ظابط آدائك اليومين دول ومعاك واحدة شديدة أوي يالا يا عندليب إدخل وقولها ترجع .وإنتي يا سوسو كويس إنك رجعتي نورتي الجروب كله وألف مبروك علي الخطوبة بس باين العريس الجديد آكل الجو ربن يتمم عليكم بخير .وسلامي للجميع أنس وحمدي اللي معدس معبرنا و محمد عصام وجومانة وسوسو وكوكي وبوسي ومنال وهند اللي إختفت خالص

22. 

    soso 02/01/2011 19:40 -

    انا اهه يا جومانة وحشتينى خالص عارفة انك زعلانة مني عشان جاية من اسبوع وماكلمتكيش سامحيني عشان خطري  اما بخصوص زعلي من الجروب فانا مارضيتش اقرا اي حاجة عشان مازعلش نفسي وع فكرة انا وعبد الرحمن اشترينا الشبكة اول امبارح بس بصراحة انا حاسة اني في الجنة ومش عاوزة اجي بس خايفة اوي من الامتحانات ياريت تدعيلي واي حد بيحبني ياريت يدعيلي وسلامي لكل الجروب ويارب تكون سنة سعيدة عليكو كلكو 

23. 

    محمد عصام 31/12/2010 23:03 -

    زي ما اكون انا السبب
    زي ما اكون انا السبب

24. 

    محمد عصام 31/12/2010 23:02 -

    كل سنة وانتم طيبين ياجماعة
    سلامي للجميع
    مش هاكدب انتم وحشتوني وربنا شاهد

25. 

    gomana 30/12/2010 09:40 -

    سلمى لكل الجروب البنتوتات القمرات سوسو حبيبه قلبى وكوكى الجميله وهند العسوله وهدوره الاموره وفرح هانم الى الظهار كده نسيتنا ومنال قمريه الجروب وبوسى بجد وحشتينى جدا ومن الناس بجد الى حبتها من غير ما اشوفها وسمسمه وكوكى محمد الى اختفو وسلامى لشباب الدكتو محمد ومحمد شحاته والبش مهندس انس والبش مهندس احمد حمدى والاستاز السحراوى والدكتو اسر والبش مهندس الولد الشقى يارب مكنش نسيت حد خالص واسفه لاخر مره ياسوسو وبجد حرام عليكى ارجعى بقه

26. 

    gomana 30/12/2010 09:34 -

    يا استاز احمد انا معنديش فطار اصلا وانا بجد مش هفطر غير لما سوسو ترجع ارجعى بقه على فكره يا اسراء والله العطيم انا تعابنه جدا وداخله مخصوص عشان اكتبلك انك ترجعى ارجعى ياله بقه ارجعى بدل ما اجيلك واسفه بجد لو زعلتك شفته اعتزار اهو اد
    ام الناس كلها عارفه لو مسمحتنيش هفضل عيانه وبعدين انت اصلا مبتسسسئليش ومتعرفيش انا ايه الى حصلى ماشى يا اسراء لن انسى ليكى هذا الموقف وعلى فكره انا زعلنه منك اصلا وبجد قولت انى لو مت مش هتحسى بيا ياندله ماشى واهو يا جماعه انا بسلم عليكو ومش زعلنه من حد منكوا ولو زعلت حد منكو ياريت يسامحنى عشان اموت مرتاحه عشان بجد انا خلاص بيودعنى كلهم

27. 

    gomana 30/12/2010 09:27 -

    السلام عليكم اذيكو كلكو يا جماعه ايه اخباركم واخبار المزاكره يارب كلو يكون تمام وكلكو تكونو بخير وصحه وسعاده ياسسسوسسسسسسسسسسسو وحشتينى جدا وخلاص بقه ارجعى الجروب مضلم اوى من غيرك ومتزعليش لو حد فينا ضيقك بكلامه وخلاص بقه عشان خاطرى وخاطر الجروب كله وانسى بقه ومحمد انسى كمان احنا منقدرش نستغنى عنك يا برنسيسه على راى الاستاز السحراوى والجروب مش هيكون حلو من غيرك يا محمد على فكره الجروب بيبقى رخم جدا لما حد بغيب كلنا بنكمل بعض ولازم كلنا نرجع والاجازه جايه ولازم نرجع زى الاول معلش كلنا مشغولين عشان الامتحانات بس لما الجازه تيجى لازم نرجع ياسوسو لو مرجعتيش بجد كلنا هندفعك غرامه محمد قولها ترجع وقولها انك مسامحها

28. 

    Anas Elnhas 30/12/2010 00:51 -

    وسلامي للقمرايه بوسي عشان مبقاش نسيت حد

29. 

    Anas Elnhas 30/12/2010 00:50 -

    ازيكم ياأحلي جروب وحشتونييييييي موووووووت وسلامي للكل السحراوي والدكتور محمد وشحاته واسر اللي مش باين وحمدي اللي نسينا ولكل قمرات الجروب سوسو وجوجو وكوكي ومنال وفرح ……….والكل يقول يارررررررررررررررب الاهلي يكسب النهارده

30. 

    Anas Elnhas 28/12/2010 23:13 -

    ايه يابرنس سحراوي انت قلبتها كافيه ولا ايه ؟؟بس انا معاك في كل كلمه قولتها سووووووووسووووووووووو سندريلا الجروب لازم ترجع وتنور الجروب من تاني…انا عارف ياسوسو انك بتقرأي التعليقات ومش معني انك ارتبطي بحد تاني انك تسيبي الجروب… ومن غير زعل يادوك عشان انت قلت خلاص مش فارق معاك….وسلامي للكل البرنس سحراوي والدكتور محمد اللي مش يزعل مني عشان بجد بحبه من غير ماشوفه…وياريت الكل يصحصح اصل اللي مش هيصحصح مش هسيبه أنا والسحراوي

31. 

    أحمد السحراوي 28/12/2010 22:54 -

    إزيكم يا جماعة إيه المنتدي نايم ليه إصحوا يارجالة يا حمدي صحي النوم النهار طلع وماعدش فيه نوم وإنتي يا جومانة هاتي الفطار .رجع السندوتش اللي إنتا أخدته يادكتور هاتي الشاي يا كوكي ماتنسيش الكوبايات يا منال .إيه ده الشاي ده طعمه غلط ليه؟ عطسي………….. ده مش شاي ده فلفل إسود مش عارفة تفرقي بين الشاي والفلفل الاسود يا كوكي إيه يا أنس هاتفضل نايم يالا ياعم فوق ده مش وقت نوم كلنا عايزين ندخل نقول لسوسو ترجع المنتدي ومعلش يا محمد المسامح كريم يا سووووووووو سوووووووووووو وألف مبروك يالا ارجعي ياسندريلا وإنتا ياعندليب إدخل معانا خليها ترجع وياريت كل الشباب والبنات يدخلو يقولولها ترجع

32. 

    Anas Elnhas 28/12/2010 22:37 -

    ازيكم يا احلي جرووووووب وحشتوني مووووووووووووت

33. 

    محمد عصام 26/12/2010 16:30 -

    مساء الفل يا احلى جروب
    ايه ياجدعان فينكم
    وبعدين المسلسل التركي احب اطمنك يا انوس ان الحلقة الاخيرة كانت النهاردة والبطل ف النهاية مات إهئ هئ هئ ياخسارة

34. 

    Anas Elnhas 25/12/2010 22:47 -

    ازيكم يأحلي جروب…ايه يامحمد انت واحمد قلبتوها دراما ليه؟؟؟؟

35. 

    محمد عصام 20/12/2010 15:24 -

    جاءتـــه باكيــــةً تقــــــول,,,,أحـــرقت النــــار إصبعــــــي,,,فأمســــك بيــدهـــا و قبَّــــــل إصبعــــها,,,و قــــال: هيـــــا كفـكفــــي دمعــــك,,,و لا تلومــــي النــــار يا حبيبتــــي,,,فقــــد أرادت أن تتــــذوقَ طعــــم الجنـــــة

36. 

    محمد عصام 20/12/2010 14:10 -

    نفسي اصوت ف وش البرد و اقوله حرام كفايه
    لا انت نافع معاك بطانية ولا مطفشاك كبرتاية
    لا و الألم اللي احسسه ف رجلي .. بيوجعني ف قفاايااا
    …
    يابرد حرام كفايه
    …مانتش ناوي تموت مقتول .. ولو بلمونه ف كباية
    داخل جوه العضم نايم .. متغطي بلحم واكل شارب معايا
    قرفتني حلللل عن سمااياااا
    حرام عليك حرام ده انا حتا مش قاادر اقوم اشغل الدفاية
    ^______^

37. 

    محمد عصام 17/12/2010 05:43 -

    بعتينى علشانهم
    وعنيكى معصوبة
    ياهلترى خاينة
    ولا زيي مغصوبة

38. 

    محمدشحاته 16/12/2010 19:33 -

    السلام عليكم وحشتوني

39. 

    محمد عصام 16/12/2010 10:46 -

    انا والله العظيم ما باحسد
    بالله عليكوا ماحدش يفهمني غلط

40. 

    محمد عصام 16/12/2010 10:45 -

    ايه رايك يا احمد اعجبك كده
    ؟؟؟؟؟؟؟؟؟؟؟؟؟؟
    بس مش عايزين يكون المندى بتاعنا يكون للحكما عايزينه يكون زي ماكان كله بسأل على أخبار الكل
    يعني أنا مثلا مثلا واعوذ بالله من كلمة انا هاتفضل واسئل عليكوا واقول ايه اخباركم يا احلى جروب
    باهزر طبعا
    فينكم ياجدعان ؟؟؟؟؟؟؟؟؟؟؟
    اه افتكرت شغالين امواس وبتقطع رايح جاي ف الكتب ربنا معاكوا
    انا بس والله كنت عايز اطمن عالجميع
    بس شكلي انا الوحيد اللي فاشل ومش باذاكر
    اانا جاي النهاردة عشان اقولكم ان انا محبط اوي فاتني جزء كبيرف التشريح ومش عارف ابتدي من اول فين وكل ما ابتدي من حتة الاقي نفسي متأخر عن اللي حواليا
    ادعولي وياريت تنصحوني
    (((((ولهذا خلق الأصدقاء))))))))))
    سلام

41. 

    محمد عصام 16/12/2010 10:35 -

    حياه الإنســــان…ليســـت طويلــــة بمـــــا يكفــــى…لـيجـــــرب كــــل
    شــــىء…و لا قصيـــرة بمـــا يكفـــى…لـيتذكـــر كـــل شـــىء…و
    لكنهـــا جميلــــة بمـــا يكفــــى….إذا عــــرف أنهـــــا لا
    تســـــاوى شـــــىء.
    ________

42. 

    محمد عصام 16/12/2010 10:33 -

    صوت دندنات السهرانين
    أُمرا وغلابة
    وبيت مضلل ع الغريب زي
    السحابة
    القهوة عشره وجيره ومشاريب ع الحساب
    …أو فضفة من القلب بين إتنين صحاب
    ع القهوة خلق بتحكي ف ميت مليون حوار
    صوت ضحكها يكسر مرار الإنتظار
    القهوة مش يأس وطموح فاته الزمن
    ولا هي وقت بينقضي من غير تمن
    عالقهوة ناس قاعدة تدوق طعم الوطن.

43. 

    ahmad hamdy 15/12/2010 02:25 -

    ولا تبك اذا ذهبت الشمس فدموعك ستحجب عنك رؤية النجوم

44. 

    ahmad hamdy 15/12/2010 02:23 -

    اذا طعنت من الخلف فاعلم انك فى المقدمة

45. 

    ahmad hamdy 15/12/2010 02:23 -

    يا سلام عليك يا محمد انت وحكمك لو عندك من دة تانى يا ريت وانا عندى مذكرة بجمع فيها كل الحكم

46. 

    محمد عصام 14/12/2010 14:05 -

    بتسم امام من تحب…فيشعر بحبك….ابتسم امام عدوك… فيشعر بضعفه…أبتسم أمام من تركك…فيشعر بغبائه…أبتسم أمام كل أحد فالأبتسامه تقول ما لا يستطيع الكلام أن يعبر عنه

47. 

    محمد عصام 14/12/2010 14:02 -

    كل سنة وانتم طيبين ياجماعة بكرة تاسوعاوبعد عاشورا
    صيام بقى وبطلوا كسل
    سلاااااااااااااااام

48. 

    محمدشحاته 13/12/2010 22:36 -

    اسف جدا يا اصدقائي انني مقصر في حق الجميع بعدم سؤالي لانني كنت مشغول بالدراسه وسلامي لكم جميعا الشباب محمدعصام واحمدحمدي والسحراوي وانس والولدالشقي والبنات اسراء وجومانا او فاطمه وكوكي وكوكي محمد وهند ومنال وفرح وهدير وبوسي وربنا مع الجميع وانا لا نضيع اجرالمحسنين وادعولكم بالتوفيق وانتم ادعولي ايضاا سسسسسسسسسسسسلالالاممممممممممم

49. 

    محمدشحاته 13/12/2010 22:14 -

    السلام عليكم وحشتوني يا اصدقائي

50. 

    محمد عصام 10/12/2010 23:32 -

    شكرا ليكي يا فرح ويا سحراوي ع النصيحة
    وشكرا للجروب كله وسلامي( لأحمد حمدي وشحاتة والشقي وسحراوي اخويا وابن عمي انس واسر)
    وكذلك هدير وفرح ومنال وجومانا وهند وكوكي وبوسي
    وسلاااااااااااااااااااااااااااااااام