مصريات – كتبت منى رستم: قررت وزارة التعليم العالي الاسراع في موعد اصدار واعتماد نتائج تنسيق الشهادات المعادلة خاصة بعد ما شهدته في العام السابق من احتجاجات اعتراضا واستنكارا على تأخير نتائج التنسيق الخاصة بهم.
موعد نتيجة تنسيق الشهادات المعادلة 2021
وكان قد تسبب تأجيل اعلان نتيجة تنسيق الشهادات المعادلة، حالة استياء عامة خاصة مع موعد اقتراب بداية العام الدراسي، وعدم اتاحة فرصة للطلبة للتحويل من كليات الى اخرى، او التسجيل بالمدن الجامعية اسوة بزملائهم في الثانوية العامة والدبلومات الفنية.
ويبلغ عدد الطلبة الذين تقدموا لمكتب التنسيق وتظهر نتيجة تنسيق الجامعات للشهادات المعادلة 2021 – 2022 الخاصة بهم اليوم حوالي 9 الاف طالب وطالبة، من بينهم 6 الاف اصحاب الشهادات العربية واغلبيتهم من دولة السعودية و الكويت ، الامارات، قطر، و سلطنة عمان و السودان، الاردن، و3 الاف من حملة الشهادات الاجنبية وسوف تعلن نتائج توزيعهم على الكليات المختلفة بعد مراجعة اوراقهم التي تقدموا بها بالتنسيق الالكتروني.
للاستعلام عن نتائج تنسيق الشهادات المعادلة لمختلف الدول العربية ، وكذلك الاجنبية من موقع وزارة التعليم العالي على صفحات موقع مكتب التنسيق الرئيسى او بوابة الحكومة الالكترونية المصرية بالاسم او برقم الطلب اضغط هنا: https://tansik.egypt.gov.eg/application/Certificates/Mo3adla/DefaultFtansik.aspx
انا مواطن مصري وللاسف الشديد مصر بتحاسبنا علي الغربه لابد تنظر الينا الحكومه علي اننا مصريين فما المانع من ان يدخل اولادنا الجامعات مثل التنسيق الحكومي للثانويه المصريه واذا كان الطالب لا يستحق من الناحيه العلميه فانة سيفشل في الجامعه مع العلم ان الثانويه الاماراتيه اصعب من الثانويه المصريه وان الوزارة المصريه قائمه علي تطبيق النموذج الاماراتي
ابنتى فى هذا العام سوف تنتهى من اختبار الثانوية العامة القسم الأمريكى نحن نعيش فى السعودية من اكتر من عشرة سنوات وتعودنا على السفر من مصر إلى السعودية كل عام ولكن هذا العام نفكر فى العودة والاستقرار فى مصر ولكننا متخوفين من التنسيق ومشاكل القبول بالجامعات الحكومية خصوصا وأن نسبة التنسيق للمدارس الخاصة 5 فى المائة فقط السؤال الآن هل النسبة هذه كافية لكل أعداد ابناءنا فى خارج مصر ولو هذا القانون قديم لماذا لم يتم تغييره وتعديله حتى لا يكون هناك ظلم على أبناءنا فى الخارج
هي دي مصر دايما إحنا سافرنا كعلماء للبلد تقدرنا الدول الأخرى ونفتخر بنا نرفع اسم مصر في المؤتمرات والأماكن العلميه ونضع اسم جامعتها على ابحاثنا نحارب كل من يحاول أن يقلل من قيمتها ومكانتها العلميه نجتهد لنثبت أن مصر أنجبت علماء وفي النهايه نعود لنستقر مع أولادنا في الجامعه حتي لا نتركهم بمفردهم اختارنا أن نضحي بفرصة العمل والحياه الكريمه لنجد الظلم في تنسيق الجامعات بالرغم من تفوق أولادي لأننا بذلنا أقصى وسعنا لتعليمهم أفضل تعليم ومستعدين للمقارنه مع أوائل الثانويه المصريه أي اننا لم نسهل على أنفسنا بأن نحصل على شهاده عربيه الأن انظر لأولادي واحس أنني شاركت في ظلمهم عندما قررت تعليمهم بالخارج لتعود نسمي مغتربين فقط نقول حسبنا الله ونعم الوكيل
إلى Charlos أنت غير حيادى وواضح من كلامك وأنت تصف المغتربين بالفشله …لغة وضيعه للأسف المغترب ليس مسافراً لأخذ الثانوية من الخارج ولكن ظروف أهله والبحث على مستوى أفضل هى من تحتم عليه ذلك …وأنا أدعوك لو عندك شجاعة وثقة فى النفس لمناظرة مع أى مغترب ممن أعرفهم وعلى الهواء وأى تحكيم تختار …عندما ننتقد نننتفد نظام التعليم مش البلد …البلد بلدنا وبنحبها وبنحب رئيسها السيسى اللى سافرنا مئات الكيلو مترات عشان ننتخبه فى السفاره وممكن تكون سعادتك اللجنه جنب بيتك فى بلدك ولم تذهب لإختياره …المغترب عارف قيمة بلده كويس جداً مش زى سيادتك ممكن تكون قاعد على القهوه ولك مطالب فقط ولكن لاتعى لواجباتك تجاه بلدك …إرحمونا مش ناقصه تخلف لو فيه أزمه نجرى على المغتربين ولو فيه انتخاب أول ناس بتنتخب المغتربين …المغترب كنز للبلد وليس عاله عليها زى بعض من يعيشون فيها وهم كثر ؟؟! تحيا مصر وجيش مصر ورئيس مصر …ولعنة الله على الفاشلين الحاقدين فى كل مكان
أنا شايف ان فيه حقد على المغتربين مش عارف ليه …كلمة واحده بس ياريت أوائل الثانويه هنا يتعملهم امتحان مع أى مغترب من المتفوقين ونشوف مين اللى هيتفوق …المغترب فاهم مش حافظ زى اللى فى مصر لأنه بيحفظ فقط عشان الإمتحان لأن نظام التعليم فااااشل …. الطالب المصرى بتاع ثانوية مصر بعد شهرين تلاته بينسى كل حاجه خادها لأن كل اللى يهمه يحفظ عشان المجموع لكن بره تراكمى وفيه امتحانات مستمره وانتظام …صحيح المنهج قد يبدو بسيط ولكن لأنه ليس به حشو كما فى المصرى لكنه دسم ومفيد ويجب أن نتعلم من الآخرين وبلاش تكبر لأن العالم كله سبقنا …مع تحياتى لمصربلدنا الحبيب ولعنة الله على الكارهين والحاقدين والفاشلين من المسئولين وغيرهم …تحياتنا لجيش مصر ورئيس مصر الرئيس السيسى الذى يعمل فى وادى والمسئولين فى وادى آخر للأسف
السلام عليكم انا من مصر بدرس في الامارات
امتى التنسيق للي جاي من الامارات هاينزل وهايبقى ايه اوضاعه
يعني الدين طبعا بيتشال من المجموع ومواد النشاط بس انهي المواد الي بتتشال بالظبط عشان انا معرفش لحد دلوقتي
يكفي اننا دارسين مواد الدين كلها الحمد لله واغلبنا خاتم القرآن ..مش هنقول غير حسبنا اللهونعمالوكيلفي التنسيق والظلم اللي بتشوفه اما بننزل ..احنا اللي بيجيب مننا 97 مبلحقش غير تربيه ..انتو بتجيبو ال90 وتدخلو الطب مرتاحين مش ظلم دا ؟
ربنا كريم وقادر ع كل شئ ..ويكفينا الفخر اننا طلبة معادله ..موتو مننا كمان مرة
رسالة احب اوجهها لكل طالب ثانوية مصريه فاشل ! معليش خلينا متفقين انكم فشله ..جو انكم مطحونين وياعيني في الدروس من دا ل ده واختباراات زفت وكده دا ميجيش حاجه بالنسبه لينا ..ايوة احنا بيبقى لينا مراجعات قبل الاختبار بس مش كل المدارس ..احنا شفنا الثانوية العامه دي 3 سنين يعني مجموع ال3 سنين يعني لازم اتعب في ال3 سنين دي عشان اجيب 100 وادخل كليه محترمة ..ناهيك بقى عن اختبار القدرات اللي عايزك تحل سؤال في دقيقه والدرجات اللي بتتحجب ..وكل دا في النهايه م ادخلش غير جامعه خاصه عشان انا جايه من برا ومعايا فلوس ..موتو مننا اولعو بجاز كده من الحقد علينا
Charlos
انا عاوز اعرف هو انت ليه مضايق اه ياعم احنا بنجيب ميه في السعوديه والمنهج تاااااااااااااااااااااااافه عاوز حاجه طق راسك في الحائط بقي تمامل كدا يا حااااقد وبعدين انت وش دخل اهلك نجيب 100 نجيب99 ياخي خليك في حالك
السلام عليكم و رحمة الله و بركاته
انا كطالبه بدرس بره المفروض لما أرجع عشان أدخل جامعه في بلدي ده معناه أن أنا سبت كل مكان عشان أرجع بلدي عشان لما طلعت منها ده كان باللأجبار ياريت تنزلو التنسيق على طلاب المعادله طلبا ليس أمرا و ده حق من حقوقنا الي من حقنا نطالب بيها عشان نقدر نلتحق بالجامعات الي أحنا عايزينها مش ندخل جامعه أجبرنا عليها بسبب التنسيق شاكرين لكم تعاونكم معنا
الفاشل اللى عارف إنه فاشل وبيجرى على الدول العربية علشان ياخد شهادة لو وقف على شعره موش حيعرف ياخدها في مصر متحاولش ت ارى خيبتك يا فاشل منك ليها وتشتم في بلدك يا حيلتها علشان تداري خيبتك بس وريما نفسك لما تيجى تعادلها ومتعيطش
انا عايزة ارد على كل واحد شتم في مصر والتعليم المصري انتو بتشتكو علشان القدرات الي هي مادة واحدة بس حسوه بالبنات والشباب الي بيطلع عينهم طول السنة مش في مادة واحدة لا في كل المواد بيذاكروا وبيتعبوا وبيدخلو يلاقو امتحان مش من الكتاب اصلا اما هنا المدارس السعودية تعتبر زي قلتها بحس انهم بيعلمونا ازاي نبقى متخلفين وتقولولي منهج امريكي اشك في الموضوع ده وفي مصر الي بيجيب 97 و98 ومش بيحصل حاجة ده يبقى اسمه ايه حرام عليكم اتتو بتشتكة من مادة واحدة (القدرات ) وبتقولو ان التعليم المصري وحش التعليم المصري احسن تعليم ومصر احسن بلد
انا طالبه مصريه بس ادرس بالسعوديه ، كنت عايزه اعرف ايه نسبه قبول كليه الطب بالنسبه للقدرات والثانويه والتحصيلي ، بلييززز افدوووني محتاجه اعرف.
أستاذ محمد الجندي تعالي الإمارات وشوف التعليم والامتحانات علي مستوي الدولة مش المدرسة زي ما بتقول ومفيش تسريب للامتحانات ولا غش جماعي وكمان معظم المدرسين اللي عندك لا يصلحوا للتدريس هنا المشكله الحقيقية يا أستاذ محمد الجندي هي أن دول كثيرة سبقتكم وأنتم مازلتم تعتقدون أنكم الأفضل
وياريت الاساتذة اللي ميعرفوش يعني ايه امتحان قدرات اوبيتكلموا علي مجاميع دول الخليج وانها مجانا تتوزع في بندة يرحمونا بقي وكفاية ريتك تجرب حرب الاعصاب اللي احنا فيه وتعب الليالي اللي شفناه وتجرب حضرتك تنتقل من منطقة غير اللي عايش فيها علشان تروح تمتحن علي بعد 4 او 5 ساعات وتجر اولادك معاك كبار وصغار علي امتحان بدون كتب او مناهج وعليك تذاكر كل ما يتعلق بالمادة وتفاجئي بانظمة جديدة خالص غير اللي حضرتك متعود عليها في مذاكرتك وتدفع وتاخد دروس وبعدين اما ربنا يكرمك بمجموع كويس عليك بقي تنتظر كابوس التنسيق اللي بيفرق بين اولاد البلد وبين اي جنسية تانية يعني غربتين في الخارج وفي بلدنا وجايين كمان تتكلموا علينا حرام حرام هربنا من البلد من الظلم والرشوة والكوسة كمان عيالنا المفروض اما ياخدو الثانوية نقتلهم بقي افضل ما يموتوا من الظلم والقهر اصحوا بقي اصحوا في ربنا المطلع علي كل شي هو المنتقم الجبار
خلاص اعصابنا باظت وفقدنا طعم العيشة ما هنقول اغيثونا بل اغثنا يا رب اغثنا يارب من ظلم البشر وارحم اولادنا وعوض صبرنا خير
أي طالب حاصل على 100% في دول الخليج لو امتحن ثانوية عامة في مصر فلن يزيد عن 70% لأن إمتحانات الثانوية في مصر على مستوى الجمهورية ولها قيمة أما الإمتحانات في الخليج على مستوى المدرسة , بصراحة صدعتونا بشتائمكم وسبكم في مصر وحكومة مصر , عيب مش كده
لو سمحتم عاوزه اعرف التنسيق ايظهر امته
كتير طلاب مغتربين لما ينزلوا مصر يكملوا دراستهم بالجامعه بينحرفوا تعرفوا ليه ؟ لان اهلهم مضطرين يبعتوهم يعيشوا مع اقاربهم او وحدهم . ليه ميبقاش فيه ولو كليه في كل بلد عربي للمصريين يدرسهم دكاتره مصريين ويكون معترف بيها مثل باقي الجامعات المصريه . وبكده نبعد عن مشاكل التنسيق بتاعة مصر والجامعات الخاصه في مصر . ونريح قلب الاهالي اللي مبيناموش الليل من القلق على ابنائهم المتغربين داخل وطنهم . ارحموا الامهات والطلاب من التشتت العائلي
يكفي ان ابنائنا يبعدوا عنا ليعيشوا مع اقاربهم فترة الجامعه. واغترابهم داخل بلادهم بدون اسرتهم . وتقطع قلوب الامهات على فراق ابنائهم . ارحموا ابناء المصريين المغتربين وطالبوا الدول العربيه بعمل جامعات لهم ولو بالفلوس ويدرسهم فيها دكاتره مصريين ويكون معترف بها مثل الجامعات المصريه
عمال اضحك ع بلدنا لما يجي غيرنا نسبتو ٩٠ويخش طب اي طب لا وحكومه كمان اما حنا ربنا يخدنا وزير فاشل وابن فاشل اخرنا خدمه اجتماعيه ولا معهد
عايزين تحسو اقرو كلام مشاعر ومشاعرنا
طالبه الي فرق
انا من مر
صر وكنت باسعودية مجموعى 100 % و98.3 قدرات هل الحق اى كلية من كليات القمة
ماهو التاريخ المتوقع لظهور نتيجة تنسيق المعادلة هذا العام
حسبي الله ونعم الوكيل بجد .. أنا البة ثانوية سعودية كنت عايشة ف الجنوب .. والجنوب ف السعودية يكاد يكون مقطوع عن العالم .. يعني مافيش مدرسين خصوصيين .. مافيش دروس قدرات .. مافيش مدارس خاصة أديلها فلوس عشان تقفلي درجات المدرسة .. بس برضه أنا واللي معايا ما استسلمناش … ذاكرنا لوحدنا من الكتب وجبنا ف الثمانين لحد الحمدلله ما وصلنا 99 بس والله بطلوع الروح .. انتو عمركم ماهتعرفو شعور واحد بيشوف سؤال قدامه ومش عارف يفهمه بس بيحاول لسه معىإنه مش لاقي حد يساعده .. أهالينا كانو بيسافرو أبها وغيرها مخصوص عشان يجيبو كتب نذاكر منها القدرات اللي هي أصلا مالهاش كتاب .. زفوق ده كله التدريس ف السعوديةمستواه نازل .. المدرسين ما بيعرفوش يشرحو … يعني لازم تفهم لوحدك مع العلم انه مافيش مدرس مصري تسأله حتى .. زكمان مناهجنا أمريكية يعني احنا لو فهمناها لوحدنا نبقى عباقرة .. انتو ف مصر مناهجكم من عهد الخديوي ولسه بتغشو فيها .. وكمان احنا عندنا الثانوية سنتين .. زالله أنا وكمان ناس كتير اتحطمنا نفسيا .. أنا وحدة من الناس شعري أكثر من نصه والله وقع .. زخسيت كتير من وزني .. وشكلي بقى أكبر من سني .. وأهلي والله شكلهم بقى أكبر من الهم .. حرام عليكو بقى عايزين ايه تاني .. الفلوس والصحة والعمر والحياة كل ده ضاع بسببكم .. عايزين ايه تاني .. انتو بتعاقبونا يعني عشان احنا سبنا البلد .. فكرو كويس ف اللي بتعملوه وحطو نفسكم مكاننا .. لو انتم مكاننا أصلا ماكنتوس هترجعو .. ثم إن أهالينا أصلا ما طلعوش الا بسبب ظروف البلد الووحشة .. اللي هي أصلا بسببكم .. يعني انتو الملامين ف كل حاجة .. أنا عارفة كويس ان الكلام دلوقتي متأخر .. لأن التنسيق أوشك يظهر .. بس أنا حبيت أعبر عن كل اللي جوايا .. يمكن حد يقراه ويراعي ضميره .. احنا بجد والله مهمشين .. وربنا هيحاسبكم علينا .. أنا كان كل أمنية حياتي إني أطلع حاجة تفرح بابا وماما .. عايزة أعوضهم بحاجة قدام سنين الغربة اللي عاشوها .. نفسي أحسسهم ان بلدنا لسه بخير .. والله ده كان حلمي من وأنا لسه ف أولى ابتدائي .. ارجوكم حققو حلمي وحلم بابا وماما .. والله اللي بيتظم بالتنسيق قبل الطلاب هم أهلهم .. ارحمو قلب أب وأم من الهم والحزن .. أنا عارفة أن كلامي ممكن ما يتقرأش بس أنا حبيت أوصل مشاعري .. ارحمونا واتقوا ربكم .. يمكن ترحم نفسك من كلمة حسبي الله ونعم الوكيل ومن دعوة المظلوم
لو سمحتم هو امته فتح باب سحب الملفات من المكتب الرئيسي للتنسيق للمغتربين بالقاهرة ؟.
كل اللي اقدر اقوله حسبي الله ونعم الوكيل على جشعكم والله اهالينا محصلين فلوس العيشه والاكل وغيره بالعافيه اه عايشين بره بس مش قاعدين على بئر نفط ولا الهبل اللي في دماغكم يرضي مين لما طالب سوداني يجيب 80 قدرات و98 مدرسه ويدخل طب اسنان القاهره وانا مصري عشان ادخلها محتاج ااقل ااقل ااقل حاجه 99 قدرات و100 مدرسه ويمكن ملحقش لا يمكن ايه ده اكيد :] عموماً حسبي الله ونعم الوكيل والرزق متوزع من قبل الخلق .
وانا عشان الدوخة دي كلها بتاعت تنسيق المصريين السعوديين اخذتها من اخرها ورجعت مصر على ثاني ثانوي ،هنعمل ايه؟ حسبي الله ونعم الوكيل
انا شخص ليبي عايز ادرس في جامعة مصريه وعايز اعرف ايه هيا الاوراق المطلوبه والليبين بيدفعوا فلوس ولا لا في الجامعة مع العلم عايز ادرس طب بشري عايز اعرف التنسيق من كام والتسجيل امتي ولو التسجيل قفل هيفتح تاني امتي وشكرا..
لا أحد ينكر أن ما يحدث هذا ظلما لا شك به ، نمتحن مادة بلا منهج. أي عقل يقبل هذا! وتحتل 40% أو 50% من نسبة الطالب. غير صعوبة المواد الدراسية وإحتياجها لاجتهاد عضيم لتحصيل الدرجة . أقسم بالله ان المدراس الحكومية لمن المستحيل أن يمر اسبوع من أي فترة بلا امتحانات شهرية . نطالبكم نحن أبناء مصر ليس مغتربيها أن تنظروا إلينا كابناءكم مستقبل مصر. لا تحرمونا من احلامنا ولا تثبطوا هممنا. فنحن لا نريد إلا أن نعلي بلدنا وسنفعلها بإذن الله، الطالب المصري أولى من الوافد. اناشدكم يا من تعتبرونا مغتربين لا مصريين. اناشدكم انا ابنة مصر .
اين انت يا وزير التعليم من مجزرة ذبح المغتربين وابنائهم . لما لا يتساوى المغتربين مع الثانويه المصريه بعد عمل المعادله فى درجات دخول الجامعات والا لماذا تقومون بعمل المعادله ؟ انتم تعلمون جيدا اننا قوة لا يستهان بها ونحن مصريين لنا كل الحق فى المطالبه بالمساواة بطلبة الثانويه المصريه ما دام يطبق علينا نظام المعادلة . ولتعلموا جيدا انه لو اننا قد وجدنا الحياه الكريمه فى بلادنا ما تغربنا او تركناها . فكفى علينا هم الغربه من اجل تحقيق حلمنا فى ابنائنا . ذلك الحلم الذى قضيتم عليه بقراراتكم العقيمه الغير مدروسه الظالمه والتى قضت على احلامنا واحلام اولادنا .
انا طالبة معادلة سعودية مجموعى الاعتباري 97
ولم استطع حتى انى ادخل كلبة علوم
اولا ربنا ينتقم من كل شخص سارك فى تنسيق 2015
ثانيا يعني انتوا اهم حاجة عندكم الفلوس
ثالثا اتا بالنسبالي اهانة انى ادرس فى مصر فى جامعة خاصة والوافدين نص درجاتنا يدرسوا فى جامعات حكومية
يعني انتوا بتعاقبونا واحنا مللناش ذنب فى انكم مش موفرين لاهلنا وظايف
ربنا باذن الله هينتقم منكم اشد انتقام عشان انا وصحابي اللى محدش منا حصل على ااقل من 95 وكلنا نتقبل تجارة
الله ينتقم منكم وهاخد حقي يوم القيامة
أنا بنتي حصلت علي مجموع 406.125 أي 99.06% ولم تحصل أي كلية من كليات الطب أو الصيدلة أو أسنان أو علاج طبيعي أو هندسة – دا يرضي مين حرام عليكم عيالنا تعبوا وإمتحان القدرات صعب وألغاز وبدون مراجع معينه – ليه تحطوا آمالنا وآمال ولادنا – حرام عليكم – إتقوا الله فينا – والله بنتي سهرت الليالي حتي حصلت علي ذلك المجموع وبكينا علي خيبة أملنا – ولا نملك إلا أن نشتكي إلي الله وهو حسبنا ونعم الوكيل
الطالب الذي درس في مدرسة حكوميه سعوديه درجاته من جهده اما الجماعه اصحاب المدارس الاهليه 100% وهونايم ومتفرغ للقدرات هذا محتاج اختبار قدرات في مصر مرة ثانيه
لولا المدارس الاهليه في السعوديه ماكان المصريون حصلوا حصلوا على هذه الدرجات غير انهم بيرفعوا التنسيق على خريجي المدارس الحكوميه
كلام ام طارق صحيح ابتي حاصله على99% وجاها طب بيطري دخلتها صيدله خاص وهي جايه في نصف العام لنا في الرياض وجدت زميلته في المدرسه سوريه مجموعها96% دخلت صيدلة القاهرة علما ان والدها مدير شركة يتقاضى راتب 30000الف ريال كما قلت مشكلتنا اننا مصريين
السلام عليكم ورحمة الله وبركاته من ابسط حقوق من يعمل فى بلد عربى اواجنبى لرفع اسم بلده ورغبة فى دعم اقتصادها ان يحصل على ابسط حقوقه وهو حقه فى التحاق ابنائه بالدراسة التى تتفق مع جهودهم وتقديراتهم لكن ماحث العام الماضى فى تنيسق الشهادات المعادلة عام ٢٠١٤ لايصدقه عقل فرحمة بابنائنا ومراعاة لحق من يغترب لرفع اسم بلده ورفعا لشانها ان يكون هناك عدل ورحمة فى التنسيق فما معنى ان طالب يحصل على ٩٩٪ لايدخل كلية الطب وزميله فى مصر يدخل كلية الطب ب٩٨٪ علما بان الطالب فى السعودية يدرس قدرات وانتم تعلمون ماهى القدرات // فرجاء الرحمة بالطلبة واولياء الامور ولاتعيدو ماساة تنسيق ٢٠١٤ // حفظ الله مصرنا الحبيبة وهداكم سواء السبيل
انا طالب ثانويه سعوديه و بحمد ربنا اني خادتها من السعوديه اسهل من مصر لاني تعليمي كله كان في مصر قبل تالته ثانوي و الي بيقول ان القدرات ملهاش مدرسين كداب
ممكن اعرف موعد المعادلات امتى لو سمحتوا حد يرد عليا
انا تعبت و جالى حاله نفسية من القدرات ومش طامع فى كليات عليا لو سمحت ممكن تدخلونا كلية متوسطة
انتي تعرفي يعني ايه امتحان قدرات لافي مدرس يدرسها وهي زي التي أسئلة تتحل في زمن معين
منك لله يا شيخه
السلام عليكم ورحمه الله وبركاته
اغثيونا ما معني ان يمتحن اوﻻدنا المعادله ولا يعاملون كالمصريين بثانوي بمصر رفقابغربتنا وباوﻻدنا نلتمس من المسؤلين الرحمه بنا
اختبار قدرات ايه للي بيتكلموا عليه
أي ده كل جايب في تسعين في الميه اتقي الله
المناهج عندكم اسهل
تعالوا شوفوا المناهج بتاعتنا اتحدى اي حد في عيالكم جيب فوق 80%في الميه والامتحانات بالذات امتحان الانجليزي
اتقوا الله
..بجد احنا تعبنا جدا والقدرات دي بهدلتنا وقاعدين برة عشان ناخد درجة عدلة وفي الاخر نتصدم بالتنسيق الزفت ده وتضيقو ع اهالي كتير……وربنا كرهتونا ف البلد ربنا يضيق عليكو عيشتكو…حسبي الله ونعم الوكيل
دلوقتي حرام اللي بيحصل ده بجد لما نكون تاعبين اعصابنا سنتين كاملين ده غير القدرات وفي الاخر تنسيقنا غير كل البشر يعني ايه مافيش رحمه بتضيعوا احلامنا وفاكرين اننا بنلعب يا ساده انتوا ف مصر عندكوا الغش على ودنوا واحنا هنا تاعبين نفسنا عشان ندخل كليه كويسه ف بلدنا بعد سنين الغربه تقوموا تقضوا على حلمنا !!! اتقوا ربنا هتتسألوا عننا يوم القيامه .. احلام الناس دي ف رقبتكواَ!!!
والله العظيم التعليم في المدارس الحكوميه السعوديه ارقى وافضل من تعليم المدارس اللي في مصر ..المدرس المصري باع ضميره بالجنيه…..المدرس المصري اصبح افشل مدرس …تعالوا شوفوه في السعوديه والله العظيم بيضربوه وبيشتموه وبالاخير يروح البيت عند الطالب السعودي عشان يحدد لهم اللي جاي واللي مش جاي في الامتحان ..يعني مدرس مرتشي معدوم الضمير …