نتيجة تعيين المعلمين المساعدين
مصريات
توقع احد المسئولين في وزراة التربية والتعليم ان نتائج اختبارات الكادر لتعيين المعلمين المساعدين التي اقيمت في نوفمبر وتقدم اليها 72 الف و 600 معلم سوف تظهر في يناير.
واوضح ان السبب الرئيسي في تأخير اعلان نتيجة كادر المعلمين هو ان تصحيح اوراق الامتحانات سوف يتعطل خلال عيد الاضحى.
وان التصحيح يحتاج الى وقت طويل، واما عن طريقة تصحيح امتحانات كادر المعلمين فتتم من خلال ماسح ضوئي ودون تدخل بشري لضمان صحة رصد الدرجات.
من ناحية اخرى فإن نسبة الاقبال على امتحانات كادر المعلمين كانت كبيرة حيث ان غالبية الشباب تقبل على اختبارات الكادر للتعيين .
واعلن د.محمود عابدين، مدير الأكاديمية المهنية للمعلمين، أن أعمال تصحيح أوراق اجابات لامتحانات الكادر سوف ستبدأ خلال الأسبوع الجارى، بمجرد الانتهاء من فرز الإقرارات التى وقَّعها معلمون اكتشفوا وجود أخطاء فى تخصصاتهم بعد دخول لجان الاختبار أمس، موضحاً أن اكاديمية المعلم ألزمتهم بتوقيع إقرارات على أنفسهم حتى يتمكنوا من خوض الاختبار فى تخصصاتهم الفعلية.
ويعتبر عابدين أن وجود أخطاء فى تخصصات المعلمين وأرقامهم السرية ليس دليلاً على سوء تنظيم الاختبار من جانب الأكاديمية المهنية للمعلمين، مشيراً إلى أن نسبة الأخطاء قليلة جداً ولم تؤثر على الغالبية العظمى من المعلمين الذين خاضوا اختبار كادر المعلمين أمس داخل 29 جامعة.
ياجماعة لو سمحتوا عاوز اعرف نتيجة الكادر الموقع مش راضى يفتح عندى ادونى لوالموقع بعد اذنكم اللى شغال
طب الجايب تقدير جيدجدا مع مرتبه شرف فليساتس التربيه لغه عربيه2009 وقدم كذا مره ولا حياه لمن تنادي
انانفسى المسؤولين يزورو المدارس ويشوفوا المدرسين مطحونين ازاى ناصحين بس يحولوا المدرس لتحقيق لانه متهم بجريمة الدروس الخصوصية
طب اخصائين التغذية فى الازهر يعملوا ايه ولا كادر ولا علاوة ال240 جنيه يعملوا ايه هم بيعملوا فينا كده ليه لم مش عايزنا بيتعاقدوا معانا ليه احنا مش عارفين احنا تبع ايه ادارين والا اخصائين
كنا بنمتحن ليه فى كلية التربية لما هتمتحنونا تانى فى الاكاديمية وعلى كل
احنا نجحنا خلاص هتعملوا فينا ايه؟ جامعة وخلصنا
امتحان الرخصة ونجحنا
نستاهل بقى انكو تعينونا وتدونا حقوقنا
الله المنتقم منكم لله على البهدلة دى حسبنا الله ونعم الوكيل
حرام عليكم كادر ايه اللى طلعته عينه عشانه دى حكومه فارغه وقتها فاضى
ان شاء الله النجاح للجميع
السلام عليكم يا جماعة انا عندى مشكلة انا مدرس واشتغلت فى المدرسة بالعقد 175 جنيه وجالى الجيش ولما رحت الجيش جه امر بحفظ الوظيفة لنا ولما رجعت من الجيش رحت واستلمت الشغل فى مدرسة بعيدة جداا عن بيتى وقولت مش مهم وبعد كل دا الاكاديمية المهنية بتعقبنى عشان رحت الجيش ومنعه نتيجيتى تظهر كل دا بعد لما دخلت وامتحنت وكل دا بسبب الجيش يعنى هو انا رحت الجيش بمزاجى طيب اما من الاول كدا مش قولتولى ليه يعن بد كل المصاريف اللى دفعناها والتعب اللى تعبناه يعملوا معايا كدا بيعقبونى عشان الجيش حد يقولى اعمل ايه ارجوكم انا فى منحة كبرى لو سمحتوا وياريت لو حد يعرف مسؤؤل يقولى ارجوكوووووووووووووووا
النا س عندها امل تتعين دة فى المشمش او يزيد المرتب اصل الوزارة عارفة ومتاكدة ان ال 300 جنية بتاعة العقد بتكفى وبتفيض انتوا عارفين المدرس بالحصة بياخد 100 جنية على فكرة دة كتير قوى ياريت الواحد ما كان اتعلم
المدرس فى مصر بلا قيمة لا من الناحية العلمية ولاالمادية المدرس المصرى مطلوب فى كل الدول العربية لكن فى مصر متها وكل شوية وزير يجرب فينا بس الغلط علينا علشان بنرضى ومش بنطالب بحقوقنا ولسة هنشوف
ياريت الوزارة تبحبح ايدها شوية وتزود مرتب المدرس _شوفوا المدرس برة بياخد كام_حتى عشان تقدروا تحاسبوا المدرس_وهو ده سر فوضة التعليم فى مصر المتخلفة
بكره تتعينوا وتنسوا الكلام ده كله وساعتها تقولوا فين فلوس الكادر والترقيه والعلاوه والمنحه والبدلات و و و و و والمعاش و منحة الوفاه
المفروض الوزير اللى يتعين يتعمل له امتحان ويتعين لو نجح ويذلوا اهله قبل ما يظهروا نتيجته ويخلوه ياخد شهادة (الزفت ال) ويجيب اصول شهاداته والاخر ميتعينش اكيد احنا بنتبهدل لاننا معدناش على مصر
بصراحه طول ما الغش في المدارس من اولى ابتدائي الطالب هيطلع ملوش لزمه والبلد حالها هيبقى من سيئ لاسوا علشان كده بنلاقي خريجين جامعه بيكتبوا املائيا خطا يبقى هو ده الجيل الفاسد المنتظر وربنا يستر في النتايج بتاع الكادر
البلد اللى بتهين المدرس زى مصر وبتديله ادنى مرتب فى العالم زى مصر عمرها ما هاتتقدم هاتفضل طول عمرها ورا والبركه فى يسرى اتلجمل وشيخ الازهر وابن زكى بدر بتاع المخدرات
يارب تظهر النتيجة وتخلصونا بقى.
ارحمونا دنا عندى 35 سنه ولسه مش عارف اتجوز ولا القى شقه جبت الحديد
ومش لاقى ابنى منك لله يا …….سيف
انا عايزهم يفصلونا احسن عشان نرتاح من الدوشه وحرق الاعصاب
والله انا لسة والدة ونفسى اخذ رعاية طفل لبنتى ومستخسرة اسيب الوظيفة وانا مستوفية كل الشروط
والله انا نفسى وزير التربية يحس بينا ويساوينا بالمدرسين اللى متعينين بدبلوم المعلمين
يا ريت الحكومه تقولي طالما ان المتعاقد بياخد نفس الدرجه الماليه للمدرس الاساسي لازمتها ايه المرمطه دي في الشباب ولا هو استغلال لحاجه الناس وخلاص ولا هدفها تفضل زاله المدرس لو عاجبك كمل مش عاجبك في غيرك كتير حسبنا الله ونعم الوكيل
طيب ليه كل المدرسين المتعاقدين علي مستوي الجمهوريه ما يعملوش مظاهره ضد اللي بيحصل فيهم ده لو شايفيفن انه حقكم اعملو حاجه
الامتحانات اللي احنا دخلناها ليس لها علاقه بالتخصص الذي دراسته يعني فلوس بضيع وخالص لما الواحد فكر ياخد الشهاده ويواصل الحلقه التعليميه فهو لنفسه مش علشان يذلونا بالماليم والله بالفغل شىء مؤسف وفي الاخر شكلها مفيش نتيجه
اللهم انتقم من المسبب لهذه التفاهات لان كل اللي بيحصل ده ضحك علي بعض المدرس مش محتاج تقييم ولا تعليم المحتاج ده وزير التربيه والتعليم كل عشا ن الزياده في الفلوس والا عشان التعين للمنحوس ياخسارة حطيط اتعين قصاد الفلوس
ربنا يوفق الجميع بس انا محتاجه اتثبت اكتر لأننا متهانين فى المدارس تعاقد ياى نصف مواطنه
والله حرام عليك يا معالى وزير الغبرة انت عمال تبهدل فى المدرسين وتمرمط فى كرامتهم ياراجل حرام عليك عقد اية وزفت اية بلا عقود بلا هم واخرة دة كلة اية فى تعين ولا مافيش فى تثبيت ولا مافيش حد يقولنا احنا فى بلدا لظلم والفساد والرشوة تشغل المعلمين بالتعاقد وتقولى اصلاح التعليم انت هتهرج ولا بتضحك على نفسك
متى ستضهر النتيجة حرام عليكم اعصابنا باظت
يارب مراتى تنجح
يجماعة اي الي خلاكم تدخلوا كليات التدريس من أصلة
والله دى بلد اصلا مش محترمة والبلد كل شوية بتتسرق وبتتنهب ومين السبب فى كدا احنا مظلومين فى كل حاجة فى التعليم والصحة والمرتب يعنى هو دا مرتب كويس اصلا يفتح بيت حسبنا الله ونعم الوكيل وبعدين كادر ايو وزفت ايه حيزودنى كام الكادر دا يعنى كلام تافه دا السباك ولا الميكانيكى ولا النجار بيكسب احسن من المدرسين والله حرام بلد والحكومة وسخة
******
يارب يا سيادة معالي الوزير تحس بينا شويه
امتى ستظهر النتيجة وهل هناك تعيين انا حاسة انهم بيضحكوا علينا والله اعلم
هى ان شاء الله نتيجة امتحان الكادر ممكن تكون اليوم الجمعة ؟ اتمنى النجاح للجميع واتمنى بعد النجاح يتم التعيين لكى يشعر كل مدرس من بالاستقرار وربنا معانا.
أتمني النجاح للجميع وهل سيكون هناك تثبيت؟
الاخ صابر انا اتفق معك فى كل كلمة انت قلتها بس طب مين السبب فى اللحنا فية دلوقتى واية الحل تقبل مرورى تحياتى
والله مافى فايدة كله دة ضحك على عقولنا.لو فى علم كان طلع منا مخترعين وعباقرة لكن للاسف تعليم صفر مناهج صفر مدارس صفر،مدرسين مظلومين لانهم تربواعلى الاصفار، فين الإصلاح من 30سنة،ارحمونا ورجعوا الكتاتيب افضل من كليات و شهادات حبر على ورق ومادة علمية صفر×صفر،شوفوا العلم فى اليابان والصين واندونسيا،الصين مليار ونصف نسمة ولم تشتكى من التعداد السكان مصر بس اللى بتشكى. حسبنا الله ونعم الوكيل
اتمنى التوفيق للجميع قولوا يارب
والله حاسس ان الموضوع فيه خازوق كبير
وشكلها لا فيه تثبيت ولا حاجه عشان كل المسئوليين بيقولوا اما تسكين على درجة معلم او تعيين بوظيفه معلم كاننا هنتعين من اول وجديد طيب ليه مش بيقوقوا اختبارات تثبيت كمان سمعت انه فيه كلام عن عقد جديد طيب وايه اخرة الدوامة ديه غير الدعاء على التربية والتعليم لمزيد من الخراب والضياع
يا رب يوفق كل الناس