آخر نكت مصرية 2023 مش بايخة ومفيش بعد كده ولا أحلى ولا أجمد

آخر نكت مصرية 2023

مصريات – يدعي أحد العلماء أن الضحك على نكتة جديدة مهمها كانت قصيرة يطيل عمر الإنسان لمدة ربع ساعة، وعليه يمكن القول بانك تستطيع اطالة عمرك يوميًا لساعات وساعات بمجرد قراءة او الاستماع لاحدى النكت المضحكة، فما بالك لو كانت هذه النكت مصرية، حينها يمكنك القول ان مفعول هذه النكات قد يتضاعف.

نكت مصرية 2023 - 2024

اخر نكت مصرية 2023

ولعل ذلك ما يفسر سر البقاء وروح الدعابة والمرح المتأصلة لدى الشعب المصري رغم جميع تلك الكوراث التي حلت عليه على مر الأزمان والعصور.

وحسب رأي أحد الفلاسفة القدماء ان النكت الهزلية غالبًا ما تعكس حياة الشعوب الواقعية، أو كما يقول المثل الفرنسي الشائع “في كل لحظة هزل هناك على الاقل ذرة حقيقة”.

فلو عايز تجدد نشاطك وتكسر اي روتين في حياتك اعرف احلى نكت مصرية مضحكة يعني مش اي نكتة والسلام ترفع معنوياتك لازم تكون نكت 2023 مصرية، وغير كده هاتلاقي اجدد النكت المصرية المضحكة جدا تعملك حالة من الشفافية مع نفسك.

جرب وانزل على اجمد النكت المصرية وشوف اخر نكتة مصرية جامدة هنا وبس، ولو عندك نكتة متبقاش بخيل حطها في التعليقات وخليك كول يا مان.

  • * مرة دكتور تحاليل أمه ماتت.. قال: تحاليلى يا أمه.

  • * مرة واحد عجلاتى قعد على قهوة.. طلب كاوتشينو.

  • * واحد ركب اوتوبيس شاف واحده قاعده راح بصلها فبصتله, ضحكلها ضحكتلو, غمزلها غمزتلو, راح شاورلها على المحطه, فنزلت.… راح قعد مكانها.

  • * مرة اتنين ماشيين ف الصحرا… طلع عليهم اسد… راح واحد منهم رمي عليه طوبة وطلع يجري… وبص وراه لقي صاحبه واقف ما بيجريش… قال له مش بتجري ليه؟ قال له واجري ليه؟ هو انا اللي ضربته؟؟

  • * مرة فار فشار شاف جثة اسد قعد يجر فيها لغاية ما وصلها الغابة المهم الحيوانات كلها قعدت تهتف وتقول عاش الفار ، راح الفار رفس الاسد برجله وهو بيقول انا لما اتعصب ما برحمش.

  • * واد كسلان جدا شغال في ورشة كل اما المعلم يقول له هات مفك، يقول له كمان شويه.. بكره .. مش وقته، وفى يوم لمبة الورشة اتحرقت، المعلم قاله ركب اللمبه قال له دي حاجة سهلة قوي، وشاله المعلم على كتفه واستنى دقيقة دقيتين ربع ساعه مافيش حاجة ركبت، قال له المعلم انت مركبتش اللمبه ليه؟ قال له اللمبه قلاووز وانت اللى مبتلفش يا معلم.

  • * مرة ثلاثة فشارين راحوا الجبل واحد اعمى و واحد اطرش وواحد اقرع الاعمى قال انا شايف النملة التى فوق الجبل و الاطرش قال انا سامع دبتها والاقرع قال أنا شعرى  وقف من كتر الكدب.

  • * مره اثنين بيفشورو علي بعض الاول بيقول الي الثاني تتصور ماما جابتلنا حله وسعها 10 فدان الثاني قوله ايه يعني انا ماما جابتلنا باميه طولها متر الاول قام قاله بتطبخوها فين دي قله في حله امك.

  • * مرة اتنين أغبيا عندهم حصانين .. فكانوا عايزين يعلموهم علشان ما يتلغبطوش بينهم .. الاول قطع ودن حصانه وراح قال للتاني، فالتاني قاله الله يخرب بيتك انا بردك عملت كده .. فالاول راح فقع عين حصانه ، و راح قال للتاني, فالتاني قاله الله يخرب بيتك انا بردك عملت كده .. فالاول قاله انت هتصدعنى في دماغي .. خدت انت الحصان الاسود وانا الحصان البيض.

  • * في واحد دلوع اوي, دخلوه اهله الجيش , سأله القائد: تعمل ايه لو قابلت العدو… قال : ارمي السلاح في وشه و اقولوا اكرهك اكرهك اكرهك.

  • * اتنين حشاشين قاعدين مسطولين فيهم واحد فشار قال لتانى تصدق عارف مين الكان قاعد معايه امبارح قاله مين أبو لهب و أبو جهل فقاله ياراجل دول ماتوا من  زمان قاله طيب اسئل ابنى احمد قاله يااحمد قاله نعم يا بابا قاله مين الكان قاعد معايا امبارح قله والله مش فاكر بس العربيه الكانت واقفه كان مكتوب عليها ملاكى قريش.

  • * واحد منحوس خبطته عربية ومات فروحه طلعت خبطتها طيارة.

  • * بخيل وقع فى حفرة ، فتجمع عليه الناس علشان يساعدوه… المهم انه في الآخر ما كانش راضي يطلع ، فجاهم واحد و سألهم ايه اللى بيحصل ؟ قالوله احنا قاعدين نقوله هات ايدك هات يدك وهو رافض، قال بسيطه، راح عند البخيل وقال له خذ ايدي…………….فطلع البخيل.

  • * اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟ .. قاله انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونته. ..قاله ايوه كده تعجبنى، مش التاني اللي قاعدلي في البانيو و بيقول علي نفسه من الضفاضع البشريه!

  • * مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن.. وفي يوم راح الشغل ونسي المفتاح. مراته فتحت الدولاب لقت 20 الف جنيه وبيضتين… لما رجع سالته ايه حكاية البيضتين قالها بصراحه كنت كل ماخونك أحط بيض فيالدولاب.. الست قالت عشرين سنه جواز ومرتين بس مش مهم.. وسالته طب والعشرين الف جنيه؟ قالها كنت كل ماجمع كرتونة بيض ابيعها.

  • * مره واحد فشار قوي بيقول لصاحبه انا كنت ماشى فى الصحره طلع عليا اسد نطيت في البحر،صاحبه قاله بحر ايه بس اللي فى الصحرا، قال لا انا قلت لقيت ابو الهول اتشعلقت فى رقبته، صاحبه قاله وايه اللي جاب ابو الهول في الصحرا، فقال وانا ماشي فى الصحرا طلع عليا اسد أكلنى.. ارتحت.

  • * مرة إتنين مساطيل واحد بيقول التانى هما القدماء المصرين بنوا الهرم فى اد ايه .. قاله 50 سنة قاله ياه ليه ؟ قاله اصل كل ما يرصوا حجرين الحكومة تكبس عليهم.

  • * واحد ال للدكتور والنبى انا عايز اتعالج عندك قاله خير يا ابنى قاله كل مبكلم اى حد فى اى موضوع بنسى الكلام الى انا قلته قاله هى الحالة دية بتجيلك كل اد اية قال له حالة ايه.

  • * صرصار في العنايه المركزه بيسال صرصار جمبه بيقولو بيرسول ..؟ قالو لا فردة شبشب.

  • * الراديو: والاعب بيشوط بمشط رجله ياه بتيجى في المقص صبي الحلاق: إلحق يا معلم بيلعبوا في العدة.

  • * الجزء الثاني من نكت مضحكة مصرية والبقية تأتي.

  • * واحد غبى حط إيده في جردل فيه مية نار فحس ان صباع من اصابعه ناقصة .. فحط رأسه في الجردل عشان يدور عليه.

  • * دكتور اسنان كان مصاحب شله وخلع منها.

  • * اتنين زهقوا من التأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة ليه ؟ قال له أصلهم هنا بيعبدوا البقر.

  • * واحد حانوتي ربنا فتحها عليه و فتح محل فكهاني .. كل يوم في المحل يقعد ينادي : المووووووز علينا حق !!!

  • * واحد غبى حط إيده في جردل فيه مية نار فحس ان صباع من اصابعه ناقصة .. فحط رأسه في الجردل عشان يدور عليه.

  • * واحد سباك راح للدكتور (يكشف):الدكتور ال مراته الحوض مكسور ال له مش المهم الحنفيه شغاله.

  • * واحد بيسأل الحلاق ايه الراس الوحيده الي ما حلقتش للها قاله راس السنه.

  • * مره حرامى سرق فرخه وراح يكله على شط النيل فشافه عسكري وقل له مسكتك ياحرامى الفراخ ، والريش جنبك اهو … فقال له الحرامي لا ياشاويش دي نزلت تستحمى وقالت لى خلي باللك من هدومي.

  • * مرة اتنين في كلية هندسة عايزين يبقوا مهندسين واحد راح المهندسين والتاني مدينة نصر.

  • * مساطيل قاعدين بيصيدوا جراد، عدّت من فوقيهم هليكوبتر .. واحد منهم قال جت أمهم .. استخبوا استخبوا.

  • * مرة اتنين مساطيل قاعدين بيحششوا قدام نشرة الأخبار في التليفزيون فنشرة الأخبار طولت، راح الأول قال للثاني: هيه ليه نشرة الأخبار طولت النهاردة كده؟ رد عليه الثاني و قال: معلش أصل شكلها كده النهارده آخر حلقة.

  • واحد بلديتنا راح امريكا لقى كل الشباب لابسين تشيرت مكتوب علية سفن اب كوكاكولا بيبسي …راح كتب على الجلابية عصير قصب.

  • * الزوجه لزوجها: ياريتنى جريدة عشان اكون فى ايدك كل يوم، الزوج: ياريتك نتيجة اغيرها كل سنة.

  • * مرة واحد حب… كلته الفراخ.

  • * مرة واحد تعب من المشى طلع يجرى.

  • * مرة ظابط اتجوز مدرسة خلفوا سلاح التلميذ.

  • * واحد حب يوصل بلده بسرعة ركب القطر وقعد يجرى فيه,

  • * مرة واحد بلديتنا نزل في محطة الرمل رجله غرزت.

  • * مره واحد مستعجل تجوز وحده مستعجلة.. خلفو ولد مش فاضيلهم.

اخبار ومواضيع ذات صلة:

21/05/2019 540 تعليق نكت مصرية , , , , , , ,
540 comments
  1. كيرلس رومانى 05/01/2012 13:20 -

    النكت جمدا جدى وشكرا كل النكت دى

  4. الملاك الحزين 02/01/2012 23:19 -

    النكت دى قديمه عايزين جديد لالالالا بهزر

  5. محمد اسامه 02/01/2012 14:30 -

    ربنا يخليلك نكتك ويتربو فى عزك

  7. اميرة البلاد 30/12/2011 17:57 -

    النكت حلوة اووووووووووى♥

  10. ahmed omar 29/12/2011 20:15 -

    مرة واحد غبى لقى مصباح علاء دلكه طلعله عفريت قاله اطلب أمنيه قالة والله ما معايا رقمها؟؟؟ مرة واحد رخم نزل الشارع يرخم ملقش حد يرخم عليه راح واقف قدام عمود وبيقوله عدينى

  11. واحدة حلوه 28/12/2011 16:45 -

    نكت حلوةةةةة اوي اخر حاجة

  12. الرايق 27/12/2011 21:08 -

    مره واحد بيقول لمراته انا بحب فتراك اوى قالت لهوا وانا بحب سمير قوى قال له ياوليه فتراك دى مربه قالت له وسمير ده عسل

  13. سامى رمضان ادريس 27/12/2011 01:59 -

    اتمنى المزيد من هذه النكت الجميله

  15. ابراهيم عطية 27/12/2011 00:27 -

    واحد فقير قوى ونفسه يسكن فى شقة بتاعته وهوه ماشى قابل بتاع البطيخ بينادى على بطخيه قله ممكن تدينى بطيخة شحاته قله ممكن خد بيفتح البطيخة طلع منها جنى قله شباك لبيك امرنى رد الفقير وقاله نفسى فى شقة قاله بروح امك انا لو عندى شقة ايه القعدنى فى البطيخة

  16. ايمن المهدى 25/12/2011 20:47 -

    مره جندى مارينز من القوات الامريكيه قابل جندى مصرى قاله المصرى انتى بتقبض كام فى اشهر قاله 300 دولار قاله ليه قاله بدل سفر وبدل اكل وبدل شرب فقاله انت بتقبض كام قاله 80 جنيه قاله دى بدل ايه قاله بدل ما اشحت

  17. عاشقه الوتر 24/12/2011 22:57 -

    وحدة بتدور على ابنها ذهبت الى الشرطة حكالها الشرطي اذا كان الولد ابن حلال برجع حكتلو يخرب بيتك ضاع الولد

  18. عاشقه الوتر 24/12/2011 22:57 -

    الصراحه نكت بايخه وقديمه هههههههههههههههه لالالالالالالالالا عم امزح كتير حلوة

  19. اميرة الحب 24/12/2011 02:00 -

    نكت جميلة جدا واتمنى اشوف الاحلى شكرا ليكم

  20. منة 23/12/2011 18:29 -

    ف
    ى نكت حلوة وفى نكت مش قد كة وفى نتكت مش بتتقرى

  21. نور القمر 22/12/2011 23:43 -

    تسلم الايادى بجد نكت جامده اوى ضحكت من كل قلبى

  22. احمد الكويتى 22/12/2011 15:35 -

    بيقولة مرة واحد رزل دخل السنيما لقاها كلها فاضية ومفيهاش غير واحد راح قاعد وراة وقالو دماغك كدة يا اخ

  23. سعيد عبد البارى 21/12/2011 21:29 -

    عايزين نكت على مبارك و
    حبايبنا الملاعين بطرة

  24. ابراهيم طه 20/12/2011 23:48 -

    والله النكت دى جميله جداااااااااااااااااااااااااااااااااااا

  25. حنان سند 20/12/2011 23:32 -

    انت يا او رضا تقول لمين ؟ وياريت ترد

  26. يوسف محمود 20/12/2011 20:48 -

    مره واحد احمر لابس احمر اتكلم فى التليفون الاحمر مع حبيبته الحمره اللى لابسه احمر قالتله اخويا الاحمر فى المستشفى الحمره راحو لقو الدكتوره لابسه ابيض النكته باظت

  28. AHMED MISHOO 19/12/2011 17:45 -

    مرة واحد راح لشيخ بيقولة انا كنت صايم والحاله ضنك ومراتى بنت الكلب كانت بتمسح المطبخ فوقعت وازحلقت فوقع فى فمى صبعان محشى وصبعان سجأ وحتتان لحمة ومية وعصيرفقلت انا كدة فطرت قالوا لا يبقى غدى يا روح امك

  31. ولاءحسن الدردير 19/12/2011 12:10 -

    مرة وحدة وقفت تكسى وهى لابسا ميوة السواق نازل يبص عليها كل شوية قالتلة فى حاجة قلها اموت وعرف هتطلعى الاجرة منين

  32. ولاء 19/12/2011 12:05 -

    مرة وحدة قالت لجارتها اسكتى مش جوزى راح يشترى بمية راحت دستة عرابية قالتلها وهتعملى اية دلوقتى هعمل بمية 

  33. شريف - المعادي 17/12/2011 20:54 -

    بيقولك مرة …. عوضين اخذ يجري ويصيح وهو يقول الحق بامحمدين .. الحق يامحمدين .. فظهر لو محمدين قالة في اية ؟؟! قال لة الحق ولد عمك حسانين داس علية القطر…… فقال يأسا ….. “يوووووووووووووووووووووووووة تاني “

  34. شريف - المعادي 17/12/2011 20:43 -

    طب خد دية ..بيقولك مرة واحد صعيدي حب يعلم ابن الجري فريطة بالقطار..

  35. شريف - المعادي 17/12/2011 20:41 -

    مرة واحد صعيدي فقدت محفظتة فراح يعمل محضر في القسم ..فقال لة الظابط اطمن حنجيبهالك من تحت سابع ارض … فشكرة وخرج من القسم فوجد ناس ومعدات حفر وقد قاموا بغلق الشارع تماما و عمالة تحفر …فقترب منهم وقال لهم …. شدوا حيلكم يارجالة هي سودا و يسوستة

  36. شريف - المعادي 17/12/2011 20:32 -

    مرة واحد وقع منة قرش في شارع ظلمة …فراح يدور علية في شارع فية نور

  37. نادر 17/12/2011 02:31 -

    مره واحده قالت لجوزها نفسى تقولى كلمه حلوه ..قالها بسبوسه..قالتله وكلمه تهزنى قالها مرجيحه

  38. صلاح كامل المحامي 16/12/2011 20:03 -

    البلدفي هذه الفترة تحتاج الي مخلصين

  39. صلاح كامل 16/12/2011 19:59 -

    احنا محتاجين في الفترة القادمة رجالة يدافعوا عن البلد ويبنوا البلد

  40. النكت دي جميله جدا بس عايزين نكت جديده 16/12/2011 19:17 -

    يارب
    جوزي
    يطلع
    بالسلامه
    يارب
    اسئلكم
    الدعاء

  43. mezo 16/12/2011 09:44 -

    نكت اخرر حاجة (مرة واحد بيضرب دماغه اوى فراح واحد بيقوله فىايه يا استازاحمد قاله ايوه استاز احمد

  45. حنان سند 14/12/2011 23:34 -

    مره جزار راح يخطب ابو العروسه قاله المهر 150 الف جنيه قله ليه؟هى بالكيلو؟

  46. حنان 14/12/2011 23:32 -

    مره واحد احول راح لدكتور احول لما دخل الدكتور قاله خشوا واحد واحد قاله انا مش جايلك انا جاى للدكتور اللى جنبك /هههههههههههههههههه

  47. ابو رضا 14/12/2011 22:32 -

    والله تسلمك ايدك يا حبي نكت تمام ومية مية

  49. ايثار عباس 14/12/2011 22:07 -

    مارة واحد بخيل اشترا حزاء جديد فامشي حافي فادخل في رجلة مسمار فاقال لها فداكي ياغلية

  50. لولو 14/12/2011 14:15 -

    مره واحد شحات ماشى في الشارع عده على عجلاتى قاله اعطينى مما اعطاك الله قاله خدلك لفه

أضف تعليقاً